الاثنين، 20 سبتمبر، 2010

واجـــــــــــب تدويــــــــــــــــــــــــني

الواجب ده من  الاخ العزيز عمرو يسري صاحب مدونة فضفضة
وعايزة اشكره جدا لأنه فكر فيا واني  اكون عند حسن ظنه.....
انك تخليني اتكلم عن الكتب عشقي وعشقي وعشقي......
عايزة اقولكم اني زمااان مش كنت بلعب مع بنات اعمامي بسبب اني كنت بفضل ماسكة القصة لغاية ما اخلصها وهما بيلعبوا وبعدها اكتشف انهم خلاص هيروحوا وانا ملعبتش حاجة ......لغاية دلوقت بفكر اني معرفش العاب كتير من العاب الطفولة بسبب حبي للقراية .....ده برغم اني كنت مجنونة وحابة الغنا والتمثيل وماكنش في بالي اني اكون صحفية خااالص .....خالص
بلاش دوشة بقي ونحل الواجب
ما هي كتب الطفولة التي بقيت عالقة في ذاكرتك ......
يااااااة كتير طبعا ...لكن تبقي سيندريلا وسنو هوايت وعلاء الدين وقصص الف ليلة وليلة للأطفال ......يعني بمعني اصح كل الخيال وكل الاشياء الغريبة والخيالية اللي تخللي الطفل يفكر ويفضل يقول انا عايز انا كمان اقوم بالمغامرات دي ... وده كان في الابتدائية برغم اني في نهاية الابتدائية ككل مواليد سنة الثمانينات عشقوا ادهم صبري ونور الدين محمود يعني رويات مصرية للجيب بكل اصداراتها ......وكنت متعلقة بكل الابطال بشكل مستحييل وصفه ...
من أهم الكتاب الذين قرأت لهم ........؟
ياااااة كتير جدا ....الحمد لله تقريبا مش كنت بسيب كتاب في مكتبة المدرسة الا اما اقراه لدرجة اني كان امين المكتبة كان بيشك في اني مش بقرأ الكتب دي وسألني مرة بيحكي اية الكتاب ده ....لاقاني حافظة الكتاب ......من احسان عبد القدوس ليوسف السباعي للدكتور مصطفي محمو لانيس منصور .......ده في بداية الاعدادي ....وكرهت ساعتها نجيب محفوظ لسبب يمكن مش غريب علي حد ...استاذي قالي انه ملحد وكافر ....!! لما سألته هو اخد جايزة نوبل لية ...؟ بعديها حبيته لاني قرأت له ...
في الوقت ده كنت اقرأ كل شيء واي شيء يقع تحت ايدي ...قرأت كتب مترجمة كتيييييرة جدا ولكتاب عرب ومصرين وانجليز وفرنسين وروسين وقرأت مسرح برغم اني مش بحبه ...يعني تقريبا كدة مش هقول اني مسبتش حد الا وقرأت له لكن يعني تقريبا الاغلبية قرأت لها ....
من هم الكتاب الذين قررت الاتقرأ لهم ....؟
حاليا ....مفيش لاني بحب اقرا كل شيء ومش بحكم علي الكتب من اول كتاب ...لكن زمااان ....كرهت اجاثا كريستي جدا ....برغم انها روووعة جدا ...بس اتضح لي ان المشكلة في الترجمة مش في الكاتبة ....يعني كانت ترجمة القصة وحشة بشكل خلاني اكره اجاثا كريستي الرائعة ....لكني بعدها قرات لها ومازلت اعشقها ...
في صحراء قاحلة اي الكتب تحملها معك...؟
طبعا بعد القرأن الكريم , اخد اي كتب صدرت مؤخرا ولم اقرئها بعد ...واكيد حاجة لعبد الوهاب مطاوع وكمان احمد بهجت واحمد رجب واحمد خالد توفيق
ما هو الكاتب الذي لم تقرأ له من قبل وتتمني قراءة كتبه....؟
اكيد عبد الوهاب المسيري لاني مش بلاقي كتبه الا في القاهرة ....وحتي اول مرة واخر مرة اشوف كتاب له كان بالصدفة وساعتها مكانش معايا فلوس كفاية لاني كنت اشتريت كتب كتيرة ومقدرتش ارجع اي منها , وغير المسيري اكيد المخزنجي ....وناس تانية كتير من العرب اللي مش بقرأ ليهم الا في مجلات عربية زي مثلا انيسة عبود وليلي العثمان ...وغيرهم ...القائمة تطووووووووووول
ما هي قائمة كتبك المفضلة ....؟
يا خبر ......معرفش اقول ...لاني بحب كتب كتيرة جدا جدا جدا , انا دودة كتب ولو معايا ملايين الجنيهات اخلصها بثواني في شرا الكتب والكتب والكتب
اللي بعت الدعوة....
العزيز ...عمرو يــــــــــــــــسري صاحب مدونة فضفضة
ارسل الدعوة لآخرون ....
اكيـــــــــــــــد للعزيزة تيرز صاحبة مدونة دموع قد تكون حزن أو فرح
لحبيبة قلبي .....غادة محسن صاحبة مدونة بستان افكاري ...
للغالية عليا ...فاتيما ..صاحبة مدونة روح قلب ماما .....

ملحــــــــــــــــــــــــــــــــوظـــــــــــــــــــة
بجد كنت اتمني اني اقرأ كتب دينية اكتر لكني للأسف بلاقيها عايزة شرح او اي حد يفسرلي الكلام ....الله يرحمك يا شعراوي ...

استمتعت اوووي لاني بحب الكلام عن الكتب ...وعايزة اقولكم ان ماما متخانقة معايا اليوم بسبب انها مش لاقية مكان في غرفتي تحط فيه رجلها بسبب اتلال الكتب والمجلات ...
دمتم بود وخير وحب وسعادة ....
حـــــــــــــوبــــــــة

الجمعة، 17 سبتمبر، 2010

أصحابي وأنا ....نجحنا

دايما يقولوا الاصحاب انواع
وده حقيقي
ومش هتقابله في حياتك مرة واحدة لاء كتير
ومش دايما الصداقة بطول سنين العمر والمعرفة اللي بتعرفها لصديقك
لانه حتي معرفتك الشخصية بالصديق ده بطول السنين مش بتكون مقياس لانك عرفته بجد
عانيت جدا الفترة اللي فاتت من بعض من كنت اظنهم اصدقائي اللي اعرفهم من سنين
وللأسف اتضح العكس تماما وللأسف كان بوقت امتحاناتي واللي هي فترة صعبه علي اي شخص خصوصا انا لاني كنت تعبانه ومضطرة اعمل عملية واجلتها بسبب الامتحانات ....
من كنت اظنهم اصدقائي منذ سنين تعملوا معي بشكل غبي جدا ...وبلا خوض في اي تفاصيل كان ابسطها وهو ليس بأبسطا لي هو الخوض في حياتي الشخصية مع ناس انا لا اعرفهم وعلي الملاء....
ساءت حالتي النفسية وتأثرت ولم استطع ساعتها ان اركز بالامتحانات ...
يقولولي اصحابي افصلي بين الامتحانات وما يحدث ...لكن كيف ...وانا اراهم امامي بالامتحانات وهم يخوضون بحياتي ...
علي النقيض تماما اصدقاء بعيدين ولم اعرفهم الا منذ وقت قليل ....احبوني بدون مقابل ...عطوفين ....لا يسألوني شيء ...ولا يرغموني لمعرفه شيء ....وكانوا يسألون عني كل يوم لانهم يعرفون بتعبي ...لم نكن نمتحن في مكان واحد لكن قبل وبعد الامتحانت لازم يكون في مكالمة من الموبايل لينا كلنا...
الحمد لله عدت الفترة علي خير .....نجحنا انا واصحابي اللي بجد...
غادة ....صاحبة مدونة بستان افكاري
رضا ....صاحبة مدونة شرفتي
احمد ...صاحب مدونة الدنيا فيها اية
رانيا اخت غادة
حمادة زميلنا  العزيز
الحمد لله
كل ما افتكر بجد اني لي الاصدقء من النوع اللي مش بيعرفك بس عشان مصلحته متمثل في غادة ورضا ورانيا واحمد وحمادة ...اقول الحمد لله....بجد بحمد ربنا بيهم وربنا يخلينا لبعض ويزيدنا صداقة ومحبة ...
قولولنا مبروووووووك
نجحنا وبتقديرات عالية كمااااااان ....مبرووووك لينا ولكل اللي تعب في امتحاناته
حــــــــــــــــــوبة

الأربعاء، 15 سبتمبر، 2010

عملية جراحية ....بسيطة

برغم اني كان المفروض اعمل العملية دي من ثلاث شهور فاتوا لكن خوفي من الدكاترة بشكل عام خلاني اتأخر اووي لغاية ما تعبت اوووي , هي عملية جراحية بسيطة يمكن مأخدتش نص ساعة بس بجد تعبت اوووي كفاية اني مش عارفة انام وراسي ملفونفة في شاش وكدة يعني ومش بعرف اصلي ولا بعرف البس طرحة .....اهيء اهيءاهيء
يوم العملية اللي هو كان امبارح كان يوم غريب وعجيب بس يمكن اللي طمني ان حصل شيء مش متوقع وكانت مفاجأة حلوة لي قبل ما اعمل العملية ...
جائني طرد بريدي به هدية .....من صديقة عزيزة علي جدا من العريش ....مديحة البياضي ...التي اعتز بصداقتها منذ اكثر من خمسة عشر عاما برغم ان صداقتنا بدأت بالمراسلة عن طريق الخطابات وعن طريق روايات مصرية للجيب
هدية غير متوقعة ف وقت غير متوقع تماما ....حتي الهدية في حد ذاتها شيء اعجبت بيه وكنت ناوية اشتريه بعد العيد ....وكأن مديحة كانت شايفاني عبر القمر الصناعي لتشتري لي نفس ما اعجبت به .....
حبيبتي مديحة ربنا يخليك ويكرمك ويخليلك حبيبة وزياد يا احلي وارق واكرم من عرفت في شمال سيناء .....
روحت انا واخويا بس لاني مش كنت حابة اي حد يعرف غير بيتنا حتي اخواتي المتجوزين والله ما عرفوا الا بالصدفة وزعلوا اووي  لاني بجد مش بحب اتعب اي حد .....
المشكلة بجد اني مش بعرف انام ولا اصلي الا بصعوبة ...لكن الحمد لله علي كل شيء
الاهم من ده كله اني مش كنت برد علي موبايلي خااااالص وده خللي القلق ينهش ف اصحابي وعلي الفيس بوك بدأو يسألوا فين حوبة ورسايل ومكالمات في البيت للي يعرفوا رقم البيت وكدة يعني ....عملت انا مشكلة ....
بجد بحب اني متعبش حد لكن بحب احساس الحب وان حد مهم واني محبوبة ....
بحبكم كلكم ...وحتي للي مسألش علي لانه ميعرفش ....
ويارب كلكم معافين من المرض ...وتكونوا باحسن حال دوما
ادعولي .....
حوبة