السبت، 31 ديسمبر، 2011

2012............؟

لا وداعا 2011
ولا اهلا 2012
ولا كشف حساب
ولا مع السلامة
ولا اي حاجة من دي
2012...............؟

مش عارفة  هتكوني عاملة ازاي ولا هتكون بدايتك اية ....؟
يا تري هتكوني ذاخرة بالاحداث والمفاجأت زي 2011....؟
والا هتكوني عكس التوقعات   وتكوني هادية وتمري مرور الكرام علينا بدون مشكلات....؟
مش عارفة
في ناس كتير حبت 2011
وناس كتير كرهت 2011
وفي ناس حبت بداية 2011 وكرهت نهايتها
بس اللي اعرفه ان مفيش حاجة حلوة خالص او وحشة خالص
لازم يبقي في منها كدة وكدة
انا شايفة ان 2011 كانت سنة فارقة في حياتنا كلها  واللي يقول عكس كدة يبقي محتاج نظارة او لينسز  عشان يشوف الاحداث كلها كويس
2011 سنة اتكتبت ف التاريخ وهنفضل نحكي في احداثها دلوقت وف المستقبل ان شاء الله لاولادنا واحفادنا
ومش بعيد كتاب التاريخ يتغير ويتكلم عن الثورة واحداثها والانقلاب ده من النصف الدراسي القادم بإذن الله " جامدة دي شوية صح ^-^ "
2011 سنة فارقة في حياتنا  ولا يمكن اي شخص فينا كان يتوقع اللي حصل فيها ابدا  وبرغم كل الالم اللي شفناه  فيها الا انها هتفضل اهم واحل سنة في حياتنا  لاننا قدرنا نغير اللي عمره ما تغير من ثلاثين سنة
كفاية اننا حسينا اننا لاول مرة مصريين وان البلد دي بلدنا  وحسينا معني الانتماء والحب
الحب بكل صوره واسمي صوره

في نهاية 2011 وصلني خبر من صديقة عزيزة  تمت خطبتها  وانا هنا بقولها مبرووووك يا سحورة  وعلي فكرة سحر اصلا مدونة  اينعم هي بعدت عن التدوين شوية بس مدونة  اينعم هي قفلت مدونتها بس هي مدونة اينعم انا ضغطت عليها انها تعمل مدونة جديدة  عشان الخطوبة والحياة الجديدة وكدة يعني .....علي فكرة لمن ليس عنده خبر سحر هي صاحبة مدونة " تخاريف مترجمة " واعتقد ان فيكم كتير يعرفوها او دخلوا مدونتها قبل كدة  "وعقبال عندكم يلا بقي نسمع زغروطة "
******
2011 عرفت ناس حبيتهم  اوووي ....
وزادت معرفتي بانس حبتهم اكتر مما حبتهم
ف 2011 اصحابي  حبوني اووي وحبتهم اووي قربنا من بعض اكتر  هزرنا مع بعض اكتر وكانت قفشاتنا اكتر  وده دليل ان الحب بينا بيزيد اكتر " غادة* حمادة * رانيا * رضا * شيماء * سحر * احمد* نرمين * مها " بحبكم اووووي اوووي اووووي

******
هنا ف عالم التدوين عرفت ناس  احترمتهم  وحبتهم ف الله اووي وكل يوم بيزيد حبي
ليهم واحترامي وقربي منهم ...وبدون ذكر اسماء  جزاهم الله خيرا  وانا احبكم ف الله

******
ف حياتي  انا  جاتني اوقات حسيت اني فيها فقدت الاحساس اووي 
واني بقيت باردة ورد فعلي مش طبيعي بسبب الاحداث
بس مع مرور الوقت لقتني برجع لطبيعتي تاني وان مش انا لوحدي اللي كنت بمر بنفس الاحساس
*****
" هنا نفسي اقول اني اكتشفت اتنين من صديقاتي  مكنتش اعرف اني بحبهم اووي كدة او اني هبكي عشانهم للدرجة دي  وبدون ذكر اسمائهم  بقولهم اني بدعيلكم دايما ومفيش صلاة اصليها الا واني  ادعيلكم ربنا يفرج كربكم وهمكم .....اللهم آمييين
وده الشيء الاصعب عليا ف 2011 اني حاولت اني اساعدكم مقدرتش غير اني اساعدكم بدعائي فقط ...."

@@@

2012 مش وحشة .....بالعكس  اكيد حلوة
مش عايزة اقول علي كشف حسابي لـــ2011
بس اللي عايزة اقوله اني ف 2011 أثرت في ناس كتير وانجزت حاجات كتير
وعلي اد من ضحكت علي اد ما بكيت
وعلي اد ما فرحت علي اد ما حزنت
وعلي اد ما انا حبيت ناس علي اد ما انا اتصدمت ف ناس تانين
يعني  زي ما انتم شايفين  نص حلو ونص مر
وهي دي الحياة
وهي دي الدنيا الي خلقها ربنا فيها الحلو والمر
واحنا بإدينا نحلي مرارتها
وف البداية بقول 2012 يا هلا  بيك ....زي 2011
وكل سنة وكل يوم وكل وقت وانتم بخير وسعادة وصحة وطيابة وتألق وابداع وصداقة واخوة ومصريييييييين
 كانت معكم رحاب صالح 2011
  وانتظروا رحاب صالح 2012
SoOoOoOon


الأربعاء، 21 ديسمبر، 2011

أنا زي ما انا والا اتقسمت اتنين....؟



( 0 )

أنا زي ما انا والا اتقسمت اتنين....؟
بقولها كتير .....
لما الاقيني محتارة في اللي بيحصل
ومحتارة يا تري أكون مع مين...؟

( 1 )

أنا زي ما انا والا اتقسمت اتنين....؟
لما أكون معاك ونفسي أعمل حاجة
والاقيني بعمل عكسها عشان بخاف
أو يمكن عشان مبقاش زي اي حد وخلاص
 (2 )

أنا زي ما انا والا اتقسمت اتنين....؟
لما أغمض عيني وأحلم.........
وحتي ف الحلم أخاف من رصاصة طايشة تقتلني....
عشان عايزة أحارب ومش ف إيدي سلاح

( 3 )

أنا زي ما انا والا اتقسمت اتنين....؟
لما الاقيني أقدر اعمل اللي عايزاه............
بس معملوش عشان شوية تعقيدات................

(4 )

أنا زي ما انا والا اتقسمت اتنين....؟
مضطرة إني أقبل الشغل ده
صحيح مش  هو ده طموحي........
لكن إية اللي يمنع إني أجرب ...؟
وأكيد من التجربة هخرج بفوايد كتير........

( 5 )

أنا زي ما انا والا اتقسمت اتنين....؟
بقولها كتير ..........
لما نتفق اننا نسيب بعض.....
ونقفل االمكالمة.........
والاقيني بتصل  بيك بعد ما اقفل بثانيتين .....




مــــــلحوظة
محدش يقولي لية مبتكتبيش عن اللي بيحصل ف مصر
بجد انا تعبت
لا قادرة اكتب ولا قادرة أرد ف مدوناتكم
بعتذر لكم
رحاب

الاثنين، 12 ديسمبر، 2011

شتاء..... وقمر ....وغزل البنات


( 1 )
بحب المطر.....
لكن يا تري هل يحبني المطر مثلما أحبه....؟
كنت عائدة من عملي أحتضن أوراقي .....
والسماء مكفهرة ...
فنحن في الشتاء ...
ونظرت إليها  وتمنيت لو تمطر  فكم  أحب المطر أنا
ولم تخيب السماء شوقي .....وأمطرت ....
ولــــــــــــــــــــــــــــكني نسيـــــــــــــــــــت أن
معي أوراق ستتبلل .....
وأخذت أحث خطواتي لأقترب من منزلي  وأنا أخبيء الاوراق حتي لا تتبلل ...
وعند المنزل ......
وجدتها مثلي تجري هنا وهناك ثم تقف حائرة أمام الباب المغلق ...
تبللت بالمطر  علي مضض ....
وكم تمنيت أن أتبلل بالمطر مثلها ولكن أوراقي منعتني .....
ونظرت إليها أحسدها .....
ونسيت أن أفتح الباب ..... وأخذت أتأملها وأفكر في حال الدنيا التي تعطي دوما لمن لا يريد ولا تعطي  لمن يريد
وصحوت من شرودي عليها تتمسح بقدمي وتموء ...
تريد الدخول للدفء .....
وفتحت البابا ودخلت قطتي معي  .....
وتذكرت عندما كنت دوما أقول لك ......"...................."

( 2 )

 فوق ....
فوق........
هناااااااااااااااااااااك عند القمر......
كنت دايما أحس الاحساس ده وأنا معاك.....
بس عمري ما قلت لك إن كنت أحيانا بحس....
انك طلعتني القمر وسبتني هناك.....
لوحدي....
من غيرك......
فاكر كنت دايما أقولك إية.؟..... "...................."

( 3 )

أعشقها تلك الحلوي.....
تذكرني بك....
بنقا ء وصفاء قلبك....
تذكرني بالسحب البيضاء التي نراها من نافذة الطائرة عندما نسافر سويا ........
تذكرني بك عندما تسافر ......
تذكرني بنعومتك وذوبانك فيي....
تذكرني بنفسي ......
أبدو قوية.....
مثلها من بعيد
وهشه جداااااااااااااااا عندما تضعها بين شفتيك....
عندما وجدت الاطفال حوله
تمنيت أن أكون مثلهم
طفلة .....لا غير
لا أتحمل مسئولية شيء
لا أفكر في سياسة ولا عمل
لا أفكر سوي فيك
مثلما أفكر في حلوي غزل البنات
التي تذكرني فيك......
يا تري فاكر كنت دايما أقولك إية...؟"......................"
                                                  ؟؟؟
كنت دايما أقولك
" في فرق كبير بين اللي عايزة أعمله وبين اللي أقدر أعمله "


رحاب صالح

الأربعاء، 7 ديسمبر، 2011

Messags .........رسائل

هذه رسائل إلي أشخاص أعزاء علي قلبي.....
قد أكتب أسمائهم ....
وقد لا أكتبها....
ولكن في الحالتين  ستصلهم رسالتي....

( 1 )

هناك أشخاص لا نسعي لمعرفتهم
ولكننا نجد  أنفسنا عندما نعرفهم  أننا
خسرنا كثيرا من الوقت بعدم معرفتهم
لانهم يستحقون أن نعرفهم وننال شرف صداقتهم  ومعرفتهم
هذه الرسالة الي .....
ماجد القاضي ...مدونة هكذا عاملتني الحياة
أستاذ ماجد ....جزاك الله خيرا
( 2 )

أشهد قصة حب أنا أحد اطرافها الثلاثة
اتندهشون.....؟؟!!!
نعم هي صديقتي ....
وهو زميلها في العمل....
كم أتمني أن يكلل هذا الحب بالفرحة ....
فكم هي مرت بظروف قاسية ....
وكم أتمني ان تفرح ولو قليلا.....
( 3 )
كم أتمني أن لا أضايقك بأفعالي
فانا أعرف كم تحبني....
ولكن لا أعرف لما أنا أصبحت عصبية إلي هذا الحد
وأضايقك كثيرا ....
كم أتمني أن أسمع منك أخبارك ..
وكم أتمني أن أراك في عش الزوجية السعيد  مرتاح البال
ومستريح مني ومن مشكلاتي...
إلي أخي الحبيب.....^-^
( 4 )
إلي .......
فرحت جدا عندنا عرفت أنك اصبحت ملتزمة بصلاتك وقربك من الله
أعرف ظروفك جيدا ....وأدعو لك دوما
وأتمني أكثر مما أتمني أن فقط.....
أجدك تضحكين  من قلبك
( 5 )

لا أجد سوي أن أقول لك....
فليعوضك الله خيرا
( 6 )
إلي .....
أفتقدك  جدااااااا

( 7 )
سلم ابراهيم......
مكان تجمعنا ....
وحشتوني جدا يا شباب ....
أول مرة منبقاش مع بعض .....
كل واحد فينا مشغول بشيء.....
حمادة ....في شغلة ومرض والده وبعدين وفاته....
أحمد  في شغله وخطوبته  ومعهد اعداد الدعاة.....
غادة في شغلها الجديد .....
رانيا ....ورضا ......من غير شغل .....
وأخيرا أنا ......في شغلي الجديد .....
ماعدنا نلتقي مثل قبل عند سلمنا الحبيب في حرم الجامعة ....
وفقط يلتقي اثنين او ثلاث منا....
وحشتوني جداااااااااا جداااااااااااااا جداااااااااا
ويا رب يجمعنا علي خير ......


لم تنتهي رسائلي ....ولكن ....
أغمضت عيني لآتذكر........
رحاب صالح

الاثنين، 5 ديسمبر، 2011

في حبك يا بلادي ....جدارية أدون وطني

لم أعرف بمشروع أدون وطني الا منذ ساعات قليلة
ولم أقرأ الا تدوينة واحدة فقط هي للأخت أم هريرة
ولكن نيتي أن أقرأ جميع التدوينات
ولكني تعودت أن لا أقرأ  قبل أن أكتب حتي لا أتأثر بما أقرأ

النيل وقت الغروب

أدون وطني
كيف أدون وطني....؟
وكيف أكتب عن حب وطني ....؟
وهل يعرف الحبيب كيف يصف محبوبته .....؟
وإن وصفه هل  يصف كل ما يعتمل بصدره  تجاهه....؟
وهل الحب كلام  ووصف....؟
أحب وطني .....حبيبي.....حبيبي الذي لا يشاركني فيه حب أخر
فبلدي لا يشاركها أحد في قلبي
وهل أجد صورة  لتعبر عن بلدي...؟
هل صورة ميدان التحرير تكفي....؟
أم صورة زهور  بلادي  وهم خارجون من الروضه تكفي ...؟
هل يكفي صورة شباب الجيل الواعي في الجامعات والمدارس تكفي ...؟
هل صورة حديقة مزهرة تكفي ...؟
أم صورة نيلها وشعبها تكفي...؟
أم صورة مسلميها ومسيحيها  بإخائهم تكفي ....؟
لا أدري أي صورة هي مناسبة وأي صورة هي تكفي لتعبر عن وطني ....
أدون وطني ....؟
وهل تكفي مائة كلمة لتعبر عن حبي لوطني.......؟؟؟!!!
تحضرني أغنية يعني إية كلمة وطن  لمحمد فؤاد
لكن مهما قلنا من كلمات وأغان وأشعار لن تكفي لتعبر عن حبي لوطني
مصر......
مصر  حماها الله ورعاها
ووأوصلها لشط أمان
آمييييين

رحاب صالح

الخميس، 1 ديسمبر، 2011

مـــــصر تنتــــحب

لم أجد أفضل من هذا العنوان لأكتبه ولأصف ما رأيته بعيني وشعرت به وعايشته يومي الانتخابات
وحقا لم أصدم أو يفاجأني ما حدث لأنني كنت متوقعة ما حدث ولكني فعلا لم أكن أتوقع أن يكون الشعب مغيب إلي هذا الحد
في البداية اتسغرب طريقة الانتخاب نفسها ......فردي وقائمة حزبية  تجعل  الفرد يدخل في متاهه لا يستطيع الفرار منها
صحيح في إعلانات  تعليمية لطريقة الانتخاب  وحتي بعض المرشحين عملوا  دايلوج لشرح طريقة الانتخاب لكنه لا يمنع من أن نصف المنتخبين ان لم يكن أكثر من هذا أصواتهم باطلة لآنهم أخطئوا في وضع العلامات
طبعا الدوائر الانتخابية كانت باتساع مهول  في المحافظات .....
والناس مش فاهمة مين علي الفردي ومين علي الحزب .....
الاخوان مكتسحين بجدارة وإمتياز ......
لكن هل فعلا  بنزاهة ....؟
هل فعلا  بدون تزوير ....؟
هل فعلا مصر كانت تنتخب بنزاهة وشرف وبدون تزوير ....؟
ما معني النزاهة والشرف....؟
ما معني التزوير ....؟
هل معني النزاهة والشرف ان أضغط علي الاشخاص ليعطوني صوتهم بحجة ما....؟
هل معني الشرف أن أخرج الناس من بيوتهم ليدلوا باصواتهم لي  بحجة معينة ...؟
هل معني النزاهة والشرف أن أقول للناس انتخبوا شخص معين  بجحة معينة ....؟
بحجة أنه الاصلح
أو بحجة أنه " راجل بيعرف ربنا "  أو " أنه سيطبق شرع الله "
كان ما يحدث هوز أن يمروا علي المنازل  يسألونهم  هل أدليتم باصواتكم ام لا ...؟
لن لم يكونوا أدلوا باصواتهم يقولون لهم أن يذهبوا لينتخبوا علامات معينة ....
وحتي ان كانوا لا يريدون ان يدلوا بأصواتهم   فهناك أكثر من طريقة لإقناعهم
أنا حقا مندهشة  من هذا ....فكيف هي انتخابات حرة ونزيهة وشريفة  وكيف يحدث هذا ...؟
مندهشة من كلمة مصر تنتخب .....!!!
مندهشة من كم الاشخاص  المادحون لما حدث في الانتخابات ....
وأنا  لأأري أن ما حدث مجرد لعبة سخيفة .....
نعم لعبة سخيفة ....
فليس هناك حرية ...ولا نزاهة ...ولا شرف ....
إذا كان هناك حرية ونزاهة وشرف ما كان  أي شخص من النظام السابق رشح نفسه وقبل المسؤلين أن يدخل البرلمان مرة أخري  والا أحنا زي ما المثل بيقول " القط يحب خناقة " ومش بنتعلم من الاخطاء اللي حصلت قبل كدة ....؟
لا أفهم كيف أننا قمنا بثورة ضد الفساد وندخل المفسدين مرة أخري لإدارة شئون البلاد مرة أخري ...؟ !! لا أفهم ....
لا أفهم كيف يغيرون فقط اسم الحزب  الوطني الديمقراطي لاسم جديد فقط وكان شيء لم يكن ....!!!
يعني إحنا بندل الاسماء وخلاص....!!!!
بصدق لا أفهم .....
لا أعترض علي أن الاخوان  يكتسحوا بجدارة بنزاهة وشرف وبلا تزوير ....هم أو غيرهم....ولكني معترضة علي  أن هذا لم يحدث وأنه لم يكن هناك أي نزاهة  أو شرف أو حرية  في الانتخابات .....
قولوا لي أين هذه الحرية وأنا  آتي بك من بيتك لتدلي بصوتك لشخص لا تعرفه لمجرد أنه يعرف الله ....علي أساس انه لا نعرف الله أيضا ....
أعترض علي أنني لا أعرف  من مرشحي دائرتي سوي شخص واحد فقط .....فهل هذا يكفي ...؟
متي سيعرفني المرشحين الآخرين بأنفسهم ......بعد الانتخابات ...؟؟؟!!!!
فليقل لي شخص عاقل إن لم يعرف المرشح السياسي نفسه لجمهوره ودائرته الانتخابية قبل الانتخابات فمتي سيعرفهم بنفسه....؟
يوم الانتخابات كل من قابلني يقول لي فلان وفلان وحزب الحرية والعدالة .....بلاش ثوريتك واعطي صوتك ولو مرة صح...
وأنا ذهبت وأدليت بصوتي ولكني لم أقل انا أعطيت صوتي لمن ولآي حزب ...
من الممكن لآنني لم اكن أعرف احد من المرشحين ولم اعرف اي من المرشحين سوي ثلاثة أشخص  فقط ....
أما الاحزاب فبالطبع أعرف احزاب عديدة ولي أصدقاء بهم ...ولكن هل هذا كافي لآعطي صوتي ...؟
ولنفترض انني لم اكن مقتنعة باي من المرشحين فماذا أفعل ...؟
فهل يقوم شخص ما بإقناعي  بنفسه كمرشح يستحق صوتي....؟
في النهاية لم تكن من وجهة نظري  أن مصر تنتخب ...بل تنتحب لما حدث ويحدث فيها .....

رحاب صالح

الاثنين، 21 نوفمبر، 2011

إشتيــــــــــــــــــــــــــــاق



أشتاق إليك فأغمض عيني
آراك من بين رموشي
بفضاء الغرفة تبتسم
أشتاق لسماع صوتك
لضحكتك
للمسة يديك
بحنين يفوق حنيني
أشتاق لكلمة...
أحبــــــــــــــــــك
فهل تشتاق.................؟؟؟
* * * * *
عارف ...نوع الشيكولاتة ده عمري ما حبيته
عارف...انا حبيت الشيكولاتة دي عشان انت بتحبها
عارف...أنا اكلتها مرة واحدة بس ومحبتهاش
بس لما انت جبتهالها  حبتها أوووي
عارف ....الشيكولاتة دي بتفكرني بيك
هي مزيج غريب  زيييك تماااااام
علي اد ما هي ناعمة اووي
علي اد ما هي خشنة اوووي
علي اد ما هي بتدوب  علي اد ما هي متماسكة
علي اد ما بتظهر قوية علي اد ما هي هشة
انت كدة ....رقيق وحبيب اوووي........ساعات
عصبي وبايخ ودمك تقيل........ساعات
حنون  أوووي وبتخاف اوووي ....وطفل صغير ......ساعات
رجل ......متدين ...متعصب ....متملك....متحكم........طمااااااااااااااع اووووي....ساعااااات
رقييييييييييييييق أوووي....وحبوب أوووي....وحنين أووووي  ساعاااااااااات
ده كله عرفته من حبك للنوع ده من الشيكولاتة
فاكر أول مرة جبتلي النوع ده من الشيكولاتة...؟
محبتش أقولك إني مش بحبه ....بس حاولت أحبه عشانك
بس عمري ما حسيت ان النوع ده من الشيكولاته لذيذ غير لما انت كنت بتجيبهولي
* * * * *
فاكر بقي نوع الشيكولاته اللي انا جبتهالك وانت مسافر...؟
يا تري اكلتها وانت ف المطار ...؟ والا وانت ف الطيارة...؟
والا احتفظت بيها .....؟
عارف ....أصحابي دايما يقولولي ان النوع ده من الشيكولاته معمول مخصوص علشاني
 الشيكولاته دي ....هشه أووي...ناعمة اوووي ...رقيقة أوووي....بتدوب بسرعة أوووووي
بس طعمها بيفضل سااااااعات وساعااااااااااات ......
تفتكر الشيكولاتة دي بتشبهني ف اي حاجة من دي....؟
* * * * *
متملك أوووي......بس
بتحبني اووووي
كنت شايفاك كدة ....
عارفة ان انت اشتريت اللبس ده بالألوان دي عشان هي ألواني المفضلة
عشاني حتي لو انت مش حابب الالوان دي ...
بجد يومها فرحت اوووي
وعلي فكرة الالوان كنت حلوة اووي ولايقة عليك
* * * * *
علي فكرة ....انت عارفة ان لون عينك بيتغير ف الاضاءة أو الشمس...؟
لونها بيبقي حلو اووووي
قالتهالي صديقتي ....بنفس كلماتك عندما التقيتني أول مرة .....
* * * * *
تعرفي ...انت رقيقة اوووي
جميلة أوووي
حنونة أوووي
ناعمة أوووي
هادية أوووي
بس عيبك....
إنك عصبية اوووووي......ساعات يعني
* * * * *
علي فكرة بقي أنا كنت بكدب عليك لما قلت لك علي الهدية اللي كنت عايزة اجيبهالك يوم عيد ميلادك
لاء...يعني مش بكدب أوووي ...هي بس كانت نص الحقيقة
أما النص التاني فكان مفاجأة.....
بس للأسف أنا ضيعتها......
تفتكر إن كلمة آسفة تنفع ف الوقت ده....؟
إتمنيت وقتها إني أقولهالك....بس الظروف كانت أقوي منك ومني
بس انا بقولهالك طول الوقت .....
كل سنة وكل وقت وطول العمر وانت بخير وسعادة وحب ........
كل وقت وأنا هفضل انت .....وانت هتفضل أنا......
كل وقت هتفضل هي .. وهتفضل انت  .....
وهتفضل هي دايما .. .... ....





الأحد، 30 أكتوبر، 2011

لن ...اعلنها....ابدا



عارف.....

احيانا بحس اني فقدت الاحساس
واني لما اسمعك تقولي بحبك
الكلمة دي مبحسهاش
وحتي احلامنا ...؟
خلاص مبحلمهاش...!!
احيانا بشتاق إليك....
لكن الشوق ...مبيستناش
بيهرب....ومبيبقاش
معرفش لية بتقولي اني آسية...
ده علي أساس إنك...مبتأساش
طب راح فين حنانك...
والا هو كان مطر خريف ...
لطف الجو بعد عواصف تراب.....
.

.
.


السعادة


للسعادة أبواب
نفتحها بأيدينا
وللتعاسة أبواب
مفتوحة تنادينا
وبين هذه وتلك....
نقــــــــــــــف
أقدارنا تنادينا.....


* * * * *

لن اعلن انكساري
فوقوفي أمامك بكل ثبات هو ....
قمة انكسارك
ولن اعلن  غضبي
فأنا أعرف أن أكثر ما يشقيك ....
هو صمتي
لن اعلن خوفي ....
فثبات موقفي
يقويني....
فقط أندهش ....
كيف تقول  ....
" أحـــــــــــــــــــبكــــ "



*
*
*
أجمل ما فيكي
بعد قلبك
هي روحك
يا ريتك دايما تخليها جنبي
وحواليا....
وبوسيهالي كتير ...
بس يا ريت روحك متتغيرش
زي ما اتغير فيكي حاجات كتير



مش عارفة
هو أنا اللي اتغيرت ...؟
والا انت...؟!! 


ملحوظة
بعتذر تاني وتالت وعاشر للتقصير
بس بجد مشغولة كتير ده غير اني للأسف الشديد من كثرة الجلوس امام شاشة الكمبيوتر
اصبت بشيء ما ف عيني...وقد أكون من أصحاب النظارات قريبا ...هاهاها
مش عايزة انا البس نضارة...
كل سنة وانتم طيبين عشان العيد ويارب عيد سعيد علينا كلنا

الجمعة، 21 أكتوبر، 2011

شعور مخجل

" 0 "

صفر ......
دوما ما كنت احتار في هذا الرقم....صفر
صفر....علي اليمين يساوي ......الكثير جداااا
صفر ....علي اليسار.....لا يساوي شيء ابدا
صفر....علي اليسار ....أنا ...هذه الايام

" 1 "

هي واحد فقط....
واحد وحيد...
بلا معين أو رفيق...
في دنيا لا ترحم ولا تلين ....
وجبروت الظلم يطاردها ....
فلا تجد من يساعد أو يذود  عنها بحنان....

" 2 "

خجولة ....
وتعرف انها خجولة....
تناديها بخجل ....
تأمرها بخجل....
حتي وهي تعرف انها تعمل خادمتها ....
لا تعرف  ان تعاملها سوي بخجل ...
خجل من الدنيا التي تذل  البشر .....
كانت تعرف حاجتها الشديدة للنقود ....
والتي دفعهتا للعمل كخادمة ....
تعرف  مرض ابنها ....
تعرف ..موت زوجها ...
مع كل هذا ...تعرف عزة نفسها...
لهذا عندما كانت  لديها مناسبة سعيدة ....
لم تعطيها علبة الجاتو ....أو الشيكوليت
نادتها بخجل.....لم تستطع النظر بعينها
وهي تعطيها نقود وتقول لها" هاتي حاجة حلوة  لعادل "
لم تستطع النظر في عينها ...وهي ايضا لم تستطع النظر ايضا بعينها....
صعبة هي الحاجة....


أما أنا...
أنا.....؟؟؟؟

الجمعة، 14 أكتوبر، 2011

...............؟؟؟؟؟....!!!

السلام عليكم ......
ومساء الورووود ......
عارفة انكم مستغربين العنوان ....لكن انا للأسف ملقتش غير علامات الاستفهام دي  دليل علي حيرتي وعدم استيعابي ...واكيد برضه حيرتكم انتم كمان ....
لان بجد اللي بيحصل وبنشوفه وبنقرأه  ملوش تعليق غير .....؟؟؟؟؟ علامة استفهام ......وتعجب ...!!!
 أول علامات الاستفهام والاستنكار ...,الغضب والــــ........مش مفهومة
" 1 "
إزاي  يتم قبول أوراق مرشحي مجلسي الشعب  والشوري  من فلول الحزب الوطني ....حزب الفساد..؟؟!!
إزاي ميكونش في قانون يمنعهم من الترشيح لآي  منصب لانهم غير موثوق فيهم  وف  ذمتهم ونواياهم المستقبلية " ده علي اساس انهم قبل كدة يعني اتظلموا وانضحك عليهم ودلوقتي  هما بيقدموا حسن النية"
إزاي  إني أثق في مرشح  زي  مش هقول كدة ....بس هقول لية أصلا يترشح  .....واحد فيلسوف هينط يقوللي  " هو انت يعني فاكرة اننا هنروح ننتخبه ...؟" هقولة بكل بساطة  الجهل والامية هما المسيطرين دلوقت والاهم منهم والاقوي .....الفقر والحاجة...اللي أغلبية المصريين عايشيين فيه يبقي الطبيعي واحد زي  " طارق طلعت مصطفي " لو وزع  بش شوية حاجات  علي افراد دايرته هينجع بمية ف المية .....المال ثم المال ...عدو الفقر والحاجة
طيب ......إية الحل ....؟
" 2 "
أيمن نور وحمدين صباحي ....صحافيان .........كل منهم له جريدة وحزب .......كل منهم معروف ومشهور ...كل منهما مرشح نفسه للرئاسة ....كل منهما رشح نفسة لانتخابات مجلسي الشعب والشوري .....؟؟!!!
الخبر هناhttp://kelmetnamag.com/article/27801/أيمن-نور-أفكر-في-الترشح-لانتخابات-مجلس-الشعب-ولا-تعارض/?fb_comment_id=fbc_10150330257898932_19191331_10150330385063932#f7351a44e0cbbb
وحمدين صباحي بقي حكايته حكياة طويييييييييلة جدا زي ايمن نور بالظبط وعشان محدش يقوللي اني بحفر ورا حمدين صباحي دوروا بنفسكم  علي  الخبر  .....
طيب نفهم اية من ده....؟
ان نور وصباحي عنيهم علي المنصب وبس ليس الا .....ده من وجهه نظري....
 " 3 "
بثينة كامل ........مش عارفة اقول حاجة بجد 
انا مش فاهمة اصلا هي بتتكلم بصفتها اية...؟ اعلامية....؟ الاعلامية لابد ان يكون لها اسلوب راقي وتتعامل بحيادية وأدب
تتكلم علي اساس انها رئيسة مصر القادمة ...؟ ازاي يعني وعلي اي اساسا
تتكلم علي انها مواطنة مصرية ....؟ بصراحة مش حاساكي كدة .....
صدمت فيكي وبشدة
" 4 "
صور  والدة خالد  سعيد ووالدة مينا دانيال
 هي دي الحقيقة
مش محتاجين صور للتأكيد
ام خالد وام مينا الاتنين امهات والاتنين فقدوا ابنائهم ...فالحزن واحد والهم واحد
لا يفرق بين مسلم ومسيحي
" 5 "
صديقي عمرو الطاروطي 
سينارسيت وكاتب كوميكس ف جريدة التحرير
شوفوا دي كدة ....
هو ده حالنا ....
كان تعليقي علي الصورة ان عمرو متفائل بالخمسين سنة واني حساهم يكونوا اكتر من كدة....
ربنا يستر .....

أما أنا......
كتييييير سألوني عن الشغل الجديد واخباري وحياتي فية وكدة يعني
ده مواااااااااال كبييييييييييير عايز بوست لوحده بس اوعدكم  اني احكيلكم كل شيء بالتفاصيييل اللي هتتفاجأوا بيها  كتييييييييير جداااااااا


رحاب

الأربعاء، 12 أكتوبر، 2011

ذكري بحرية




بالرغم من أنك تغسل هموم البشر
وموجك يمحي خطيانا علي شواطئك
ويتسلل رذاذك لينعش قلوبنا 
الملتهبة بنيران مشاعرنا
 فإنني اليوم شعرت كأنك بعييييد جدا
وموجك لا يستطيع محو ما كتبت
ولا رذاذك انعشني كما تعودت
وحتي هواءك الذي يتلاعب بشعري ...ما عاد يستهويني
أأنا ....التي تغيرت ...؟
أم أن البحر الذي تغير ....؟
وما عاد يحتضن همومي كما كان من قبل....؟؟؟!!!
مجرد سؤال....؟

* * * * *

دوما كنت اخشي تلك اللحظة
لحظة الفراق ....وصعوبتها
لكني اندهشت لنفسي عندما وجدتني  بمشاعر جامدة
لا حزن ولا فرح
كأني ما كنت أنا ذات يوم ....
واليوم اشتقتك....لحظة
اشتقتك لحظة  ولا ادري
هل مثلي تشتاق......؟
اشتقتك لحظة ولم اعرف
هل كان شوقُُُُُ ٌ  أم مهرب
من ذكري لقاء كان الآن
لا عتب ولا شوق
بل لحظة ذهبت
ولن تأتيني بعد الآن


اعتــــــــــــــــــذار
لكل اصحابي المدونين  عن فترة الغياب  وعدم سؤالي عن اي شخص
وشكرا لكل اللي سأل عني سواء بالموبايل او الايميل  او الفيس بوك
هناك اسباب للغياب لن اعلنها الان
قد اتغيب فترة اخري
ولكني اتابعكم وان لم اكتب اي تعليقات منذ فترة
يمكن عندي حالة من عدم الاستيعاب لما يحدث في مصر .... 
اعتذر بشدة
وان شاء الله اعود قريبا
رحاب

الخميس، 22 سبتمبر، 2011

بلادي ...بلادي ....لك..... دمي ....يهدر بلا توقف

بلاد العرب أوطاني ...وكل العرب إخوان
ليبيا.......
قتال بين مؤيدي ومعارضي الرئيس الليبي معمر القذافي.....
بعد ما قتل أكثر من نصفهم  هل مازل هناك من يؤيده....؟؟!!!
سوريا......
قتال بين مؤيدي ومعارضي  بشار الاسد ......
وهناك مقال للناقد الفني طارق الشناوي في جريدة التحرير بعنوان" الشعب السوري  أسقط المهرجان الدموي" بشأن مهرجان دمشق السينمائي الدولي يوم 20 نوفمبر  والذي قاطعته نقابة السينمائين المصريين  تضامنا مع الشعب السوري  المناضل وكانت اولاهم الفنانة سوسن بدر وهي عضوة في لجنة التحكيم .....
وكان بشار يراد بإقامة المهرجان أن يرد علي العالم أن كل شيء تحت إمرتة ومحكوم بقبضتة  والدليل هو المهرجان
وده لينك المقال  للي يحب يقراه

مصر.....
يا حبيبتي يا مصر ......
عقدة سوازان مبارك أو ظل هذه السيدة   كما كتب ابراهيم عيسي ف التحرير عن ان زوجات مرشحي الرئاسة لم يظهرن اعلاميا  لخشيتهم من عقدة سوزان مبارك السيدة الاولي  ومشهدها الشهير بشأن تمزيق ورقة تعين عمر سليمان نائب رئيس ...
وده المقال ....http://tahrirnews.com/%d9%85%d9%82%d8%a7%d9%84%d8%a7%d8%aa/%d8%b8%d9%84-%d9%87%d8%b0%d9%87-%d8%a7%d9%84%d8%b3%d9%8a%d8%af%d8%a9/
تفتكروا ان ده الحل الصح ...؟ إن زوجات المرشحين يخافوا بالشكل ده ....
هو مين اللي ابدع لقت سيدة مصر الاول...؟
طبعا السيدة جيهان السادات زوجة الرئيس الثاني لمصر  محمد انور السادات  لانها كانت ومازالت للأسف  شخصية مظهرية تحب الظهور الاعلامي والتشبه بالغرب  ....
احدي صديقاتي قالت لي " الله يرحم مرات عبد الناصر ...كانت ست مصرية مائة بالمائة ,,, تفتكري انه ممكن السيدة الاولي تبقي تحية عبد الناصر ...؟ ....قلت مستحيل ...., وليس عيبا في السيدة الجليلة التي نكن لها كل احترام ...انها سيدة امية مصرية  ليس لها أراء سياسية  او ظهور اعلامي وكانت بتصيف مع جوزها ف جمصة مش شرم ولا بورتو مارينا ...,,,,  لا ليس لهذا بل لآن كل سيدة من زوجات المرشحين تضع نصب عينها  ما قعلته سوزان وجيهان من قبل وان كن سيختلقن  غير ما فعلت سوزان وجيهان  ...يعني بالعربي كدة  هيقولوا بنعمل  اعمال خيرية   مش مصالح لينا ...واه يا خوفي وقتها .....
                                     * * * * *
برغم ان كل مرشحي الرئاسة بيقولوا عايزين الصالح العام .....لكن
أولادهم أو زوجاتهم بيعملوا العكس خاااااااااالص .....
حكاية بنت البرادعي ...اللي قللت من شعبيته...للأسف  برغم اني ضد اللي حصل معاها
سلمي حمدين صباحي  اللي بتاخد سبعة مليون جنية ف برنامج مش هي المذيعة الوحيدة فيه  لاء معاها ست سبع مذيعين تانية وبرنامج مش كبير او ناجح نجاح مهول عشان تاخد المبلغ ده...والا عشان هي سلمي حمدين صباحي...؟
والا عشان صدقت انها مطربة بجد وصوتها حلو والشريط بتاعها كسر الدنيا....علي فكرة سمعت لها اغنيتين ولحنها مسروق عيني عينك  من لاغنيات قديمة مشهورة معروفة ده غير صوتها اللي اصلا مش مسموع...هو صوت الكورال اللي حلو
واللي عايز يسمع ويحكم بنفسه ف اليوتيوب  فيه كل حاجة
                                       * * * * *
صديقتي بتحب ابرهيم عيسي جداااااا ولما شافت صورته مع حمدين صباحي قالت " يا خوفي يقول انه مؤيده ساعتها هكرهه أووي  ومش هقرأ مقالاته تاني"
قلت ف عقل بالي اما لو عرفتي انه كان ف بيت عيسي ف رمضان  ف اجتماع التوافق  او الدعوة التاريخية اللي شباب ائتلاف الثورةة نادي بيه هتعملي اية ....؟
هو احنا لية مبنعرفش نفصل بين ده وده....بين اللي نحبه واللي منحبوش ...بين الشخ وكتاباته والا الشخص بتطغي عليه كتاباته ...
بفتكر ان في ناس كتيرة كانت بتحب فنانين او كتاب او روائيين , لكن مع عرض أرائهم ايم الثورة تغير حبهم او تأيدهم ليهم
وده بيخليني افكر هو الفنان فنان وبس والا لازم يكون له راي ف كل شيء ف بلده ....؟
ويحضرني هنا ايضا مقال دعاء سلطان بين الملك والهضبة ....موقف عمرو دياب الصامت من الثورة وقوله انا فنان وفقط...وبين محمد منير  واغنية إزاي....؟واللي كلامها فيه بعض الكلمات مش مفهومة ومش مهضومة....
أخيرا وليس أخر.....
هو دم الشهداء ده ثمنه فلوس....؟
اقصد يعني يستحق فلوس....؟طيب كام...؟ ملاييين...؟ وهو ده يا تري حقهم...؟ عشان المحامين يطالبوا بيه...؟
من رأيي لاء......لان الفلوس عمرها ما كانت ثمن....الاولي انهم يكون لهم ثمن معنوي وتقديري
اسم شارع اسم مدرسة اسم ميدان اسم محطة مترو  اسم مستشفي .....اسم يبقي ويستمر وقصة تحكي  ويستمر حكيها  دوما لجيل بعد جيل  بعد جيل .....لتكون معني وقدوة تأثيرا وتأثر ....