الأربعاء، 9 مايو 2012

صورة.....

اختنق....
من البعاد اختنق...
بعدك يشعرني بالاختناق
اجلس في الشرفة لأشم الهواء قليلا
وتتهادي صورتك في مرآة خيالي
أجتهد لآرسم ضحكتك الاخيرة  معي قبل الرحيل
وأغمض عيني علي بسمتك.....لأجلس معك كما أشاء ....
و.....
أخ.....



تقع علي رأسي احدي لافتات الانتخابات المعلقة  علي العمارة المقابلة ...." العنهم في سري " لقطع تسلسل افكاري معك
اعاود ثانية رسم صورتك الضاحكة في خيالي
تتحول الابتسامة الآن....
الآن صارت ضحكتك واضحة ....جميلة
اغمض عيني عليها واتنهد.....آ ه ه ه ه ه ه
طرررررررررررراخ .......
صوت الاشياء يزعجنا ...انا وضحكتك.....
افتح عيني مرغمة وانا ابتسم لصورتك بإعتذار  للتحول نحو الصوت المزعج
لأفاجيء بأن العمارة المقابلة قد اضحت شاشة اعلان كبـــــــــــــــــــــــــــــيرة عن رئيس مصر القادم.....
انظر للصورة بغيظ وأهم بأن اتشاجر مع من يعلق الصورة بأنه أزعجني بضوضاؤه....
ولكني أجد صورتك في الفراغ بيني وبين الصورة يهدئني .....
فالوقت ليس وقت شجار ....
بل وقت تأمل  للعمل القادم.....
واجلس لأبدأ حديثي مع ضحكتك
معك.....
عن الأمل القادم

الأحد، 6 مايو 2012

حاجات جوايا.....3

1


كل مرة يرن فيها موبايلي ويكون " انت "
احضن الموبايل اووي ......
مشتقالك
ومحتجالك اووي احكيلك علي اللي كان نفسي احكية ومش عارفة

2

كل يوم
قبل ما انام ....ابعت لك رسالة
عشان يكون اول شيء تشوفه عينيك هو كلمة حب مني  ليك
عشان متحسش اننا بعيد عن بعض وبيفصل بينا المحيط

3
هي " حبك قدري ....وألمي ....أملي , انت نصفي الصحيح ....نصفي الحقيقي الذي ظللت انتظره ...وانتظرته كثيرا جدا ...وفي انتظاري له خسرت الكثير ....
لعل كان الافضل الا انتظر ....بل كان الافضل أن أبحث عنك  بكل ما املك من قدرات ....
ولكن .....سواء هذا أو ذاك....
لقد أتيت ....
هو " وانا لم يكن ببالي ان تكوني انت قدري .....
ولكني للأسف ....
لم احافظ علي حبك ....
ولم ارعاه............
" هو لية الحب كدة ؟"

4

قبل  سنوات عديدة
رمت القصة ف وشي وقالتلي " علي فكرة يا رحاب انت وحشة اووي .... انت معندكيش قلب ...ولا احساس ....انت لية خلتيه يموت  لية كدة حرام عليكي هو في بطل بيموت...وبعدين في قصة حب مبتنتهيش نهاية سعيدة....؟؟؟
وقتها كنت لسة مراهقة  ستاشر سنة يمكن....وكنت كتبت قصة  رومانسية وعطيتها لصديقتي تقرأها  وكان ده رد فعلها....
هو احنا لية دايما كدة بنفرح بالنهايات السعيدة كأنها انتصار لينا....؟!!
علي فكرة مش بحب النهايات السعيدة لانها مش واقعية
الواقعية شيء تاني ....فيه الالم كتير ....والسعادة اقل....لكننا بنحسها اوووي وزي ما بننسي الالم او بيخف مع مرور الوقت برضه بنتعود علي الفراق وقسوته .....وبنتعود علي قسوة الحبيب .....
عشان كدة حكايات الحب غالبا بتنتهي بالفرق او بالفشل....
معرفش ساعتها ليه انا كتبت نهاية قصة الحب دي نهاية مأساوية ....
يمكن كنت شايفة المستقبل .....
بس برغم اني بشوف كتير  ان النهاية مش سعيدة ...بس دايما عندي امل اني اغير النهاية ...وتكون ارق....

5

هو انت لية كدة....؟
احيانا كتير بتحسسني اني ف حياتك شيء مهم وبعرف ادق التفاصيل حتي الي ميعرفهاش عنك اهلك
وده بيسعدني اوووي
بس اوقات بحس انك مش عايزني اعرف حاجة...
او بتعرفني الي انت عايزني اعرفه وبس....
والاحساس ده بيقتلني ....وحاولت اقولك ....بس مقدرتش
خليني معاك ف كل حاجة .....متحسسنيش اني بعيدة عنك ومش مهمة....

 6

الخلفية .... "  ع اللاب...." صورتي "
وعلي الموبايل ..........." صورتي "
والباسورد........... " اسمي"
والمحفظة اول ما بتفتحها بلاقي صورتي ...........
والمخدة اللي ع السرير بتشوف فيها صورتي.....
والمج اللي بتشرب فيها نسكافية الصبح وبالليل .....عليه " صورتي "
وقلبك ده " اللي تحت ايدي " وسامعة دقاته .......جواه " صورتي "
انا بحبك اوووي

الخميس، 3 مايو 2012

وانا معاك............

عارف......
ان اللون اللي كنت لابساه  اخر مرة هو نفس اللون اللي اتقابلنا بيه اول مرة ...؟
وكان عاجبك اوووي
يارب يفضل علي طول عاجبك عليا

عارف.....
لو كنت مصلحتنيش
كنت هصالحك غصب عنك
لاني بحبك اووي.....وأكتر منك علي فكرة....ومتقولش لاء
عارف.....
لو كنت مقولتليش انك مسافر وسيبتني وسافرت ....
كنت هموت....
مش زي ما كنت بقولك يا ريتك كنت سافرت من غير ما تقولي وكنت هبقي مرتاحة
عارف....
لو مكنتش شوفتك....؟
كان ممكن اموت.....
وكنت هفضل مأنبه نفسي اني مصلحتكش قبل ما تسافر
عارف......
مكنتش عايزة اعيط......
بس مقدرتش
والله غصب عني
كنت عايزة اسيب ابتسامة وضحكة قبل ما تسافر تفضل فاكرهم .....
بس ملقتش غير دموع عيني
عارف
كنت عارفة انك بتغتت عليا عشان  تداري اللي جواك
بس انا بحس علي فكرة .....



عارف....
لما كنت كل شوية اقولك عايزة اعرف رايحين علي فين ....كنت بس عشان اقول كلام وخلاص لاني بجد مكنش يهمني غير اني معاك ولما كنت بقولك عايزة اروح  ده عشان معيطش وتفضل فاكر دموعي وتنسي ضحكتي
عارف لما انت قولت ان اغنية عمرو دياب دي بتفكرك بيا الاغنية بقت ف بالي علي طول
وحتي لما غنيت " سألتك حبيبي " مفكرتش اني رايحة فين ...
عارف
انك اول مرة هتسافر  وتسيبني ......بجد
متقولش اني كل مرة بقول كدة ....
لانك كل مرة بتكون هنا ف مصر ....بعرف اكلمك ....بعرف اني منين ما يحصل شيء هعرف بيه ....اول ما اسمع صوتك ....
لكن انت مسافر بره مصر ....يعني مكالمات محدودة ....
صحيح هيكون في مكالمات من وقت لتاني بس مش زي ما كنا متعودين...
يعني مفيش اني اصحي علي صوتك الصبح ولا اني انام عليه
مفيش خناقات كل يوم بينا واني اتنطط  في الارض واخبط  رجلي زي الاطفال لما تقولي كلمة مش عجباني
مفيش اني اهددك لو مصالحتنيش اني اكلم المدير بتاعك واقوله انك مزعلني
ههههههههههه
تعرف اننا مجانين فعلا
بس بحب الجنون معاك
عارف ....
بدعي ليل نهار ان ميكونش في اي بنوتات خالص ف الشركة .....لاني طبعا عارفة ان موقع الشغل للرجال فقط لكن الشركة حاجة تانية اكيد فيها والمصيبة انهم اجانب ......
هههههه



واثقة فيك اكيد .....بس مقدرش امنع نفسي من الغيرة ...
اذا كنت بغير من اخواتك وباباك مش هغير من اللي معاك ف الشغل...؟؟!!!
يا ريتك تفتكر اني بشتاقلك حتي وانت معايا
عارفة انك اخدت صوري معاك
ومن غير صور انا عارفة اني جوه قلبك
عارفة انك اخدت هداياي كلها معاك.....
بس انا عطيتك هدية اخر مرة عارفة انها الاغلي والاجمل ....يا ريتك تحافظ عليها وتفضل جواك وتفتكرها دايما
خليك فاكر
اني طلبت منك تكتب لي كل يوم رسالة وتطمني عليك
وحياتك بلاش الاكل التيك اووي ده ....
خللي بالك من نفسك ومن صحتك اوووي
عارف
انك لأول مرة هتكون مش موجود ف عيد ميلادي ...
هيكون وحش اووي من غيرك وهيكون يوم مالوش لازمة لانك مش هنا
يا ريتك تفضل عارف اني  .. .... ....
خد بالك من نفسك.....اللي هي نفسي