مع السلامة يا مروة

امبارح اول ما فتحت الفيس لقيت صورة ف وشي لمروة جمعة وزوجها علي جروب القراءة مكتبة وهبان

مروة كاتبة ومدونة جميلة وزوجها كاتب وباحث 

فتيات أنهم هيعملو مناقشة كتاب مثلا 

متخيلتش أنه نعي ل مروة 🥹 

حادثة أدت لوفاة مروة 

وربنا يشفي زوجها واولادها 

حبيبتي يا مروة 🥹 

كانت صداقة من سنين حتي لو مش بنتكلم بسبب الانشغال 

لكن محدش ينكر لطف مروة 

ولا عمري شوفتها ف خناقة مثقفين ولا غيره

كانت زي النسمة 

حبيبتي يا مروة الله يرحمك ويغفر لك ويسكنك فسيح جناته 

ويصبر اهلك وزوجك وأولادك 

ادعو ل مروة 🥹 

هل تسامح من خذلك ؟

استغربت من نفسي اني قدرت لأكتر من اربع سنين اني أقاطع  بعض ممن كانو يوما ما اصدقائي 

استغربت اني فضلت مصممة ع رأي ومبدأي اني مش هكالمهم وإني لو شوفتهم ف مكان همشي منه عشان منتكلمش 

أن مهما حصل مش هسامح أو أضعف أو احن ليهم 

البداية كانت صعبة جدا 🥹 

بس كنت بقول لنفسي دائما أن الخيانة والخذلان من الاصدقاء مستحيل تتنسي 

الخذلان شئ صعب 

ف كنت لازم اضغط ع نفسي عشان افضل ع موقفي اني متكلمش معاهم تاني 

بس انا كنت زعلانة من تفسير اني تغيرت كدة واني بقيت شخصية جامدة بيتحكم فيها عقلها والغت عواطفها تماما 

اللي كانت السبب ف المشاكل 

انا حاليا حاسة اني شخص تاني واتعلمت من اخطائي 

من كام يوم في تدريب شغل شوفت شخصية كانت صديقة وزميلة شغل في يوم ما وعملت معايا موقف قذر بمعني الكلمة 

واتسببت لي في اذي نفسي كتير

وقتها انا عشان انجو بنفسي نقلت شغلي لمكان تاني 

وكنت كل ما بتتصادف طرقنا واشوفها اغير طريقي عشان مكلمهاش ولو اتقابلنا  فيس تو فيس كنت برفض اني اتكلم معاها

بعد اكتر من اربع سنين شوفتها تاني 

حاولت اهرب عشان مكلمهاش ونجحت فعلا 

بس قبل نهاية اليوم لقتها واقفة ورايا بتحضني من ضهري وبتقولي وحشتيني اووي اول ما شوفتك قلت لازم اسلم عليك

:( :( :( 

وقتها كلمتها عادي بس بدون مشاعر حرفيا بدون مشاعر ,

لما كنت بقرأ في رواية جملة انه الشخص اصبح بدون مشاعر مكنتش اعرف اني هجرب الاحساس ده

قالت لي جملتين لسة لغاية دلوقت بيترددو في ودني 

وقتها عرفت ان ربنا بيعوضنا بالخير مهما مرت الايام ومهما اتأخر رجوع حقنا 

دلوقت مش مستغربة نفسي بالعكس فخورة بنفسي اني قدرت انجو بنفسي من الاذي واني متسببتش في اذية اي حد اذاني  بالرغم من اني كنت اقدر جدا  اعمل كدة بس كنت مش عاوزة ابقي شخص متدني المشاعر 

لما روحت وقعدت مع نفسي حمدت ربنا كتير 

حمدت ربنا اني انسانة طبيعية من حقها تزعل وتاخد ع خاطرها ومن حقها انها متسامحش اللي اذاها مهما كان حتي لو مر الوقت والجرح طاب بس بتفضل علامة  تفكرك ان كان في حياتك شخص مؤذي  لازم يخرج منها 

عن العشق والسفر

❞ الأحلام كلها ممكنة حتى وإن بدت مستحيلة، هكذا عرفت واختبرت بنفسي. ❝

الجملة دي اختصرت كل حاجة ف الكتاب

الأحلام والأمنيات تتحقق لو اننا حاولنا وسعينا جاهدين نحوها

استمتعت برحلتي في الكتاب فهي ليست رحلة سياحية فحسب بل تاريخية أيضا، اعجبني مزج الحاضر بالماضي،

قد تكون هناك معلومات كثيرة مرت علي في الكتاب لكن بالطبع هناك جديد جدا مثل زحام شارع الشانزليزية او وقت الغداء ولكن قد تكون المعلومة الجديدة والغريبة بالنسبة لي كانت عن العروسة باربي التي اعتقدت طوال عمري انها نسخة عن باريس هيلتون للشبه الصارخ بينهم، لم اتعمد ان ابحث عن دمية ياربي وتاريخها يمكن لان كنت بحس انها نموذج للجمال والقوام الصارخ والغير موجود بهذه المقاييس لكن هذا لا يمنع اني احببتها واقتنيتها يوما ما

عن امنياتي

هناك أمنية حلمت بها هي انا أجوب العالم شرقا وغربا شمالا وجنوبا

لكن كانت هناك أمنية العيش ف دولة وحقبة تاريخية محددة وهي الحقبة التاريخية المزدهرة للمسلمين في الأندلس

امنية من سنين ان اكمل المجموعة القصصية اللي بكتبها وانشرها بس بإسم مستعار

اني اعمل بودكاست عن اماكن سياحية في مصر عن اماكن مش مشهورة َوأعرف الناس بيها

هناك امنيات كتبتها نهى في الكتاب قد تكون أمنياتنا جميعا

وانا اضيف عليها ان " التسكع في شوارع باريس مع أحدهم واري باريس كما هي لا كما يصدرونها في كتيبات السياحة"

ولآنني أحببت الموضة دائما ف اتمنى ان احضر اسبوع الموضة في باريس ويكون معايا ملايبن بقي عشان اشتري ملابس وعطور وميك اب

ملحوظة كنت متخيلة هلاقي الكتاب مليان صور ملقتش صور كتير لكن الصور عظيمة والحق يقال

‏ أخيرا ده مش ريفيو للكتاب ده مجرد انطباع أولى

لان نهى عودة عاملة عظمة والله

شكرا يا Noha Oda على الرحلة الجميلة

وشكرا Islam Whban على المسابقة الجميلة دي اللي خلتني اقرا كتاب كنت مدكناه لوقت ما و لـ شخص ما لكنه لم يأتي هو الخسران بقي

عاوزة اقولكم ان شوفت نهى ف المعرض اللي فات وكنت مبسوطة اوي لأنها زي الفيس بالظبط شخص حبووووب وبتحب الكل وبتوزع هدايا باليمين والشمال وصورتي معاها ف المعرض من أحب الصور لقلبي ويااارب اشوفها المعرض اللي جاي ان شاء الله

#أبجد

#مسابقة_مكتبة_وهبان

#عن_العشق_والسفر_بلورة_الأمنيات_الكتاب_الثالث

#نهى_عودة

كل التفاعلات:

٢٣احمد محمد و٢٢ شخصًا آخر

وحدة

الإنسان مخير أم مسير

لو عندك حق الإختيار في حاجة  واحدة في حياتك هل هتختارانك تفضل تعاني طول الوقت مع أشخاص لا يستحقون محبتك 

أم تختار البُعد والوحدة حتي تستعيد نفسك وحياتك

معرض كتاب الاسكندرية الـ19 للعام 2024م

 

صباح ومساء البنفسج عليكم

أسعدني الحظ بـ حضور ندوة المحتوي الثقافي علي السوشيال ميديا لـ اسلام وهبان _ تامر عبده امين_هيثم السيد _ياسمين عبد الله مع حفظ الألقاب

كانت ندوة ثرية ومرت الساعتين بدون أن نشعر بهم بل كنا نريد وقت أكثر

الحقيقة أن هذه أول مرة أحضر ندوة في فعاليات معرض الكتاب في حياتي وهذا لو تعلمون عظيم لأن غالباً وقتي محدود بسبب السفر, انما هذه المرة كانت مختلفة لأن الوقت كان مناسب جدا معي, والحقيقة كانت الندوة تستحق الحضور بداية من اسلوب الأستاذة ياسمين الجميلة صاحبة الإسلوب المثقف الراقي التي اعطت الفرصة للضيوف الثلاث التحدث بكل حرية ولم تقاطع احدهم الا للتوضيح وكانت في منتهي الحياد والانصاف فـ كل التحية والتقدير لها

كل ضيف اتكلم عن المحتوي الثقافي من زاوية مختلفة عن الاخر وقد يكون اختيارهم للندوة مقصود منه هذا الإختلاف

اسلام كان متألق وناقش فكرة المحتوي الثقافي من خلال الجروب اللي بيقدم محتوي ثقافي  متكامل إلي حد كبير لأن الجروب لا يقدم قراءات واقتراحات أو ترشيحات كتب وروايات بل تعمق داخل المؤسسات الثقافية وتعريف القارئ بكل خباياها من أسماء دور النشر لـ مصممي أغلفة لـ تاريخ دور النشر وتخصصاتها لـ فاعليات دور النشر والفعاليات الثقافية للمؤسسات أو الأفراد لـ تقديم مسابقات ثقافية ودعم من دور النشر بشكل راقي لـ مناقشات ثرية لـ توضيحات للقراء بكل ما يخص النشر ودعم الكتب الأصلية مقابل المزورة لـ دعم الكتب الالكترونية المتاحة بأسعار مميزة مقابل الكتب المزورة لـ تعريف القراء علي أشكال اخري من القراءات مثل الكتب المسموعة ودعم كل ما يصب في مصلحة القارئ

هيثم السيد الحكاء الجميل الذي تحدث عن دعم أطفالنا ومحاولة ان نحببهم في القراءة من خلال مشروعه العظيم عربة الحواديت ومستحيل انسي انه فضب مصدق حلمه لدرجة انه باع عربيته عشان  يوفي بوعده لأطفال الصعيد وربنا أكرمه بتحقيق حلمه وربنا يبارك له.

لكن أكتر ما لفت نظري انه مشارك بناته في كل شيء في الحياة ودعمهم في الحياة بل وتعلمه منهم واصراره ان التكنولوجيا والسوشيال ميديا ممكن جدا يقربوك من أولادك مش العكس وده دليل ان الانسان ممكن يوظف اي شيء في الحياة لأغراضه الجيدة في الحياة وليس العكس

تامر عبده امين قال جملة هتفضل طول العمر هي الصح ان الكتابة او المحتوي الجيد هيفرض نفسه مهما كان مع ضرب مثال ليس هناك مجال لعرضه هنا لكنه مثال كان_ ف الجونJ_تامر عبده امين حكاء جميل جدا وعندما حكي عن زيارته لـ استاذ انيس منصور هو أصدقاءه والقاعة اهتزت من الضحك عرفت وقتها أنني لابد أن اتابعه علي تويتر واقرأ له لاني للأسف لم اقرأ له الي الأن

استاذ هيثم السيد

الضيوف الثلاثة الأساتذة اسلام,هيثم, وتامر تألقوا كلُ في مجاله والأجمل انهم أنصتو لبعضهم مثلما انصتنا لهم  والجميلة ياسمين اللي مهما اقول مش هوصف زوقها بجد

حقيقي سعيدة جدا بالندوة اللي هتفضل في قلبي, صحيح مش قادرة اكتب كل اللي حصل فيها لكن بكتب عشان اوثق اليوم الجميل اللي اتكتب في حياتي

شكراً بلدياتي صديقي العزيز اسلام وهبان علي كل شيء

استاذة ياسمين عبد الله