فعاليات ممعرض الكتاب بمكتبة الاسكندرية 2026

صباح / مساء / البنفسج عليكم

ان شاء الله هيكون لي مشاركة في فعاليات معرض الكتاب بمكتبة الاسكندرية يوم السبت القادم 18 يوليو 2026 من الساعة الخامسة للساعة السابعة مساءا بالقاعة الفرنكوفونية 

المقرأة / الندوة تناقش كتاب الدكتورة سهير القلماوي العالم بين دفتي كتاب / عن الكتب والقراءة والمكتبات 

# للتوثيق اذا حد حابب يحضر اكون سعيدة 

رحاب صالح 

البعد بدون ذكر أسباب

 زمان كنت ازعل جدا لو حد زعل مني او ابتعد بدون ذكر أسباب الابتعاد 

كنت لا اطيق أن يبتعد عني أحد 

ليس تكبر أو غرور لكنه كان حب تمسك بالعلاقات الإنسانية اي كانت العلاقة 

بعد فترة كبيرة من التمسك بالعلاقات حسيت بالتعب الشديد والارهاق

 من الضغط النفسي والعصبي لاني بكون متمسكة يمكن بناس أو أشياء لا تريد التمسك بي

قرأت بعدها جملة غيرت حياتي كتير حتي لو حسيت وقتها بثقل الموضوع ع قلبي لكن حاولت كثير الطيران استطعت أن أنجح واستمر في النجاح بهذه الجملة 

" القوة ليست في التمسك، بل القوة في القدرة علي التخللي"

 نعم 

لماذا نتمسك ب أحد أو شيء لا يريد التمسك بنا ف ليذهب ويرحل حتي لو لم يذكر الاسباب 

ولتحقق لنفسنا شيئا من التوازن النفسي والسلام الداخلي فنحن نستحق هذا وهم لا يستحقون لأنهم لم يعرفوا قيمة حبنا لهم 💜🥹

فلا تتمسك بمن لا يريد التمسك بك

لقاء

بعد اكتر من خمس سنوات التقيتك

لم افرح ابدا بهذا اللقاء 

ليتني ما ألححت عليك أن نلتقي 

رأيتك عكس ما تخيلت 

مرهق جدا وحزين 

لم تعد تسير بتلك الخطوات الواثقة بل بخطوات متهدلة

يبدوا عليك اليأس وتبدوا الهموم محاطة بتفكيرك

ليتني استطيع ان امحو تلك الهموم

ذلك الإرهاق 

ذلك الألم 

ليتني استطيع ان اقول شيئ مما وددت قوله لك

لك وحدك كل الكلمات وكل امنيات الرضا والراحة 

ليتني استطعت نسيانك

ليتني استطعت أن اطمئن عليك

ليتني

ليتني 

يا بعيد عن عيني يا عيني بعيد

بالقلب انا بسلم مادام عز السلام بالأيدي 

علي فكرة...

علي فكرة امبارح جات سيرتك مع قلبي 😘 

 لم انساك حتي اتذكر

لم انساك ولكن عودت نفسي علي بعدك 

لن اقول عدم وجودك فأنت دائما موجود 

لم احتاجك مرة ولم تكن هنا

كنت دائما هنا 

عندما اسمعك تنطق اسمي بتلك النبرة

عندما اسمع اهتمامك

كنت دائما هنا💜

علي فكرة امبارح جات سيرتك مع قلبي 😍 

أن تتخلي...

في نهاية 2025 شاهدت بالصدفة المسلسل الكوري أغاني الشتاء 

بعد كل هذه السنوات التي تقارب ال20 عام أو تزيد رأيت ما لم أره بعيون تلك الصبية الخجولة التي كانت تري الحب تضحية وحسب

مشهد استوقفني في احدي الحلقات بعد أن تركت يوجين سانغ هيوك وذهبت مع مين هونغ أن سانغ هيوك قال لأسرته وأسرة يوجين وأصدقاؤهم أنه حصل بينهم علاقة ولازم يتمنوا الزواج بأسرع وقت ممكن 

لم يتعاطف اي احد من الأسرة أو الأصدقاء مع يوجين بل رأوها قاسية القلب لتركها سانغ هيوك🙄 حتي امها لم تسألها عن العلاقة بل غضبت منها لفسخ الخطبة واصدقائها كذلك 

😕😕😕

ما أريد قوله إنه لو أن اصدقائك واسرتك ومن حولك تعودوا منك التضحية وان تتحمل طول الوقت كل شيء فلن يروا انك تستحق غير هذا ولن يرضوا عنك ابدا الا مع ما يريدون

🥹🥹🥹

في هذا العام 2025 تخطيت هذا الشيء الذي ينحشر في حلقي وانا اضغط ع نفسي من أجل الآخرين 

قلت لا ولأبقي قاسية القلب من وجهه نظرهم حتي لا ابقي قاسية القلب نحو نفسي وألومها طول الوقت 

🥹🥹🥹

ف أهلا ومرحبا وسهلا بمن يفهم ويقدر ويسمح

ومع السلامة لمن لا يفهم أنه لي الحق مثله وان ليس كل الحب تضحية وحسب 

فالحب بكل أنواعه تبادل أخذ وعطاء 

وداعا 2025 واهلا 2026🎊🥳

لو الزمن يرجع

كتير ناس في حياتنا ميستحقوش أنهم يبقوا موجودين فيها 

ولو عاد بينا الزمن هنغير طريقنا عشان منتقابلش معاهم 

بنندم أو مش بنندم

لكن بيظل الألم موجود 

ألم الخذلان 

الدهشة 

والانكسار 

أنه ليه عملوا معانا كدة 

كنا طيبين معاهم لكن هنا كانوا قاسين غادرين 

ميستحقوش وجودنا معاهم 

ريان 🥹

أد اية الحياة مفاجأة 

وصعبة 

وقاسية 

والبني أدم بيروح ف ثانية ويبقي مش موجود ومجرد ذكري

شوية ذكريات وكلام ومواقف وصور 🥺🥹 بس كدة 

الحياة مش مستاهلة نسيب ذكري وحشة أو نزعل بعض  

مع السلامة يا ريان 🥹 هتوحشني اوي 

ربنا يعلم كنت بحبك اد اية واني مكنتش بعتبرك طالب عندي وخلاص 🥹🥹 الله يرحمك ويغفر لك ويسكنك فسيح جناتك ويصبر اهلك 

🥹🥹🥹

إنا لله وإنا إليه راجعون 

ابن مدرستنا ريان محسن الغباشي في ذمة الله إثر حادث سيارة 

اللهم اغفر له وارحمه واسكنه فسيح جناته ويربط على قلب والديه

27/7/2025

#للتوثيق🥹 حتي لا انسي 

مع السلامة يا مروة

امبارح اول ما فتحت الفيس لقيت صورة ف وشي لمروة جمعة وزوجها علي جروب القراءة مكتبة وهبان

مروة كاتبة ومدونة جميلة وزوجها كاتب وباحث 

فتيات أنهم هيعملو مناقشة كتاب مثلا 

متخيلتش أنه نعي ل مروة 🥹 

حادثة أدت لوفاة مروة 

وربنا يشفي زوجها واولادها 

حبيبتي يا مروة 🥹 

كانت صداقة من سنين حتي لو مش بنتكلم بسبب الانشغال 

لكن محدش ينكر لطف مروة 

ولا عمري شوفتها ف خناقة مثقفين ولا غيره

كانت زي النسمة 

حبيبتي يا مروة الله يرحمك ويغفر لك ويسكنك فسيح جناته 

ويصبر اهلك وزوجك وأولادك 

ادعو ل مروة 🥹 

هل تسامح من خذلك ؟

استغربت من نفسي اني قدرت لأكتر من اربع سنين اني أقاطع  بعض ممن كانو يوما ما اصدقائي 

استغربت اني فضلت مصممة ع رأي ومبدأي اني مش هكالمهم وإني لو شوفتهم ف مكان همشي منه عشان منتكلمش 

أن مهما حصل مش هسامح أو أضعف أو احن ليهم 

البداية كانت صعبة جدا 🥹 

بس كنت بقول لنفسي دائما أن الخيانة والخذلان من الاصدقاء مستحيل تتنسي 

الخذلان شئ صعب 

ف كنت لازم اضغط ع نفسي عشان افضل ع موقفي اني متكلمش معاهم تاني 

بس انا كنت زعلانة من تفسير اني تغيرت كدة واني بقيت شخصية جامدة بيتحكم فيها عقلها والغت عواطفها تماما 

اللي كانت السبب ف المشاكل 

انا حاليا حاسة اني شخص تاني واتعلمت من اخطائي 

من كام يوم في تدريب شغل شوفت شخصية كانت صديقة وزميلة شغل في يوم ما وعملت معايا موقف قذر بمعني الكلمة 

واتسببت لي في اذي نفسي كتير

وقتها انا عشان انجو بنفسي نقلت شغلي لمكان تاني 

وكنت كل ما بتتصادف طرقنا واشوفها اغير طريقي عشان مكلمهاش ولو اتقابلنا  فيس تو فيس كنت برفض اني اتكلم معاها

بعد اكتر من اربع سنين شوفتها تاني 

حاولت اهرب عشان مكلمهاش ونجحت فعلا 

بس قبل نهاية اليوم لقتها واقفة ورايا بتحضني من ضهري وبتقولي وحشتيني اووي اول ما شوفتك قلت لازم اسلم عليك

:( :( :( 

وقتها كلمتها عادي بس بدون مشاعر حرفيا بدون مشاعر ,

لما كنت بقرأ في رواية جملة انه الشخص اصبح بدون مشاعر مكنتش اعرف اني هجرب الاحساس ده

قالت لي جملتين لسة لغاية دلوقت بيترددو في ودني 

وقتها عرفت ان ربنا بيعوضنا بالخير مهما مرت الايام ومهما اتأخر رجوع حقنا 

دلوقت مش مستغربة نفسي بالعكس فخورة بنفسي اني قدرت انجو بنفسي من الاذي واني متسببتش في اذية اي حد اذاني  بالرغم من اني كنت اقدر جدا  اعمل كدة بس كنت مش عاوزة ابقي شخص متدني المشاعر 

لما روحت وقعدت مع نفسي حمدت ربنا كتير 

حمدت ربنا اني انسانة طبيعية من حقها تزعل وتاخد ع خاطرها ومن حقها انها متسامحش اللي اذاها مهما كان حتي لو مر الوقت والجرح طاب بس بتفضل علامة  تفكرك ان كان في حياتك شخص مؤذي  لازم يخرج منها 

عن العشق والسفر

❞ الأحلام كلها ممكنة حتى وإن بدت مستحيلة، هكذا عرفت واختبرت بنفسي. ❝

الجملة دي اختصرت كل حاجة ف الكتاب

الأحلام والأمنيات تتحقق لو اننا حاولنا وسعينا جاهدين نحوها

استمتعت برحلتي في الكتاب فهي ليست رحلة سياحية فحسب بل تاريخية أيضا، اعجبني مزج الحاضر بالماضي،

قد تكون هناك معلومات كثيرة مرت علي في الكتاب لكن بالطبع هناك جديد جدا مثل زحام شارع الشانزليزية او وقت الغداء ولكن قد تكون المعلومة الجديدة والغريبة بالنسبة لي كانت عن العروسة باربي التي اعتقدت طوال عمري انها نسخة عن باريس هيلتون للشبه الصارخ بينهم، لم اتعمد ان ابحث عن دمية ياربي وتاريخها يمكن لان كنت بحس انها نموذج للجمال والقوام الصارخ والغير موجود بهذه المقاييس لكن هذا لا يمنع اني احببتها واقتنيتها يوما ما

عن امنياتي

هناك أمنية حلمت بها هي انا أجوب العالم شرقا وغربا شمالا وجنوبا

لكن كانت هناك أمنية العيش ف دولة وحقبة تاريخية محددة وهي الحقبة التاريخية المزدهرة للمسلمين في الأندلس

امنية من سنين ان اكمل المجموعة القصصية اللي بكتبها وانشرها بس بإسم مستعار

اني اعمل بودكاست عن اماكن سياحية في مصر عن اماكن مش مشهورة َوأعرف الناس بيها

هناك امنيات كتبتها نهى في الكتاب قد تكون أمنياتنا جميعا

وانا اضيف عليها ان " التسكع في شوارع باريس مع أحدهم واري باريس كما هي لا كما يصدرونها في كتيبات السياحة"

ولآنني أحببت الموضة دائما ف اتمنى ان احضر اسبوع الموضة في باريس ويكون معايا ملايبن بقي عشان اشتري ملابس وعطور وميك اب

ملحوظة كنت متخيلة هلاقي الكتاب مليان صور ملقتش صور كتير لكن الصور عظيمة والحق يقال

‏ أخيرا ده مش ريفيو للكتاب ده مجرد انطباع أولى

لان نهى عودة عاملة عظمة والله

شكرا يا Noha Oda على الرحلة الجميلة

وشكرا Islam Whban على المسابقة الجميلة دي اللي خلتني اقرا كتاب كنت مدكناه لوقت ما و لـ شخص ما لكنه لم يأتي هو الخسران بقي

عاوزة اقولكم ان شوفت نهى ف المعرض اللي فات وكنت مبسوطة اوي لأنها زي الفيس بالظبط شخص حبووووب وبتحب الكل وبتوزع هدايا باليمين والشمال وصورتي معاها ف المعرض من أحب الصور لقلبي ويااارب اشوفها المعرض اللي جاي ان شاء الله

#أبجد

#مسابقة_مكتبة_وهبان

#عن_العشق_والسفر_بلورة_الأمنيات_الكتاب_الثالث

#نهى_عودة

كل التفاعلات:

٢٣احمد محمد و٢٢ شخصًا آخر