الخميس، 5 أبريل 2012

لون ملائكي......مشاركة تدوينة الوان

اللون الابيض هو لون الطهارة والنقاء
لون البراءة
لون العفة
دوما ما نعتقد ان لون الملائكة هو اللون الابيض
ودوما نتخيلهم مثل طائر لونه ابيض
* * *
اعشق اللون الابيض وأذوب في الوروود البيضاء
خاصة النرجس الابيض
اعشقه واعشق رائحته
واعشق الصيف لانه ينبت بكثرة علي الجبال الرملية علي شاطيء البحر عندنا
* * * * *





هو .......
برغم أن اللون الابيض هو لون الطهارة والنقاء
الا انني لم احبه يوما
ولا احبه في اي شيء
سواء الملابس او المشروبات أوالمأكولات
* * *
لم أحب يوما اللون الابيض
مثلي مثل كل الرجال
 يعشقون الشقراوات
يعشقون البشرة البيضاء
ولكنهم لا يحبون اللون الابيض ف الملابس
عرفت الكثيرات
ولم أري احداهن باللون الابيض ابدا
كنا يتجنبت ارتداؤه
جائز لانه لون سهل العطب والتلف " من ناحية  تلوثه السهل "
لون يزيد الحجم " حجم الجسم من ناحية الدايت والريجيم "
لون يدل علي  دخولنا حياة وخروجنا أيضا منها " لون ثياب الفرح  - دنيا جديدة-ولون ثياب الكفن - خروجنا من الدنيا -"
لون كئيب لغالبية الناس
قليلا جدا ما رأيب فتيات ترتدي هذا اللون
وكن غير  جميلات فيه ...
حتي نجمات السينما قليلا ما أجدهن يرتدين هذا اللون
إلي أن إلتقيتك .....
رأيتك ترتدين الآبيض....
مررت أمامي كأنك ملاك
ظننت أنني أحلم ....
ولكني كنت اراك كل يوم
تمرين أمامي
ترتدين الابيض
ملاك يسير علي الارض
ساعتها قررت ان أحـــــــبك
*  * * * *
يتحدثون عن الطفولة والبراءة ويقولون عن الاطفال ملائكة
ولكنهم لم يروكـ حبيبتي
أركـ علي البعد آتية للقائي ترتدين الابيض  الناصع
ملاكـ يسير علي الارض
أراهم يتحدثون عن  الاطفال وهم نائمون كأنهم ملائكم
ولكنهم لم يروكـ  حبيبتي وانت تنامين علي كتفي
أستغرب  كيف يرون في طفل براءة وجمال الملائكة ....فما انت غير ملاك وهم لا شيء
* * * *
ترتدين الابيض يوم زفافنا
اخترناه سويا
انت الان لست ملاكـ ملاك وحسب
بل انت حورية من  حور العين
ملاكي
انت ملاكي الوحيد
* * * *
لم احب اللون الاسود كبقية الرجال
بل احببت الاون الابيض وانت ترتدينه كل يوم
وكاني أعيش مع ملاكـ
ملاكـ
 ملاكي
احبك
واحب اللون الابيض

الأربعاء، 4 أبريل 2012

لون البــــراءة ...."مشاركة في ألوانــ حدث الكتابة ..."

ن

اسكندرية في خريف عام.......

علي شاطيء البحر  كانا يسيرانا الهوينا متشابكي الايدي
وبين اللحظة واللحظة ينظر هو  إليها متأملا ...
وصلا إلي مكان بعيدا نسبيا عن الناس
ووقف وأوقفها بيده
وضع يديه علي خصرها و...
رفعها ليجلسها علي السور المحازي للبحر
" وحشتيني ..."
يحمر وجهها خجلا وتضطرب
ترفرف رموشها بخجل وهي تنظر للأرض
يتأملها طويلا
يتأمل شعرها الاسود الطويل الذي يتطاير  بفعل الهواء
يتأمل وجهها البريء  كوجه طفلة
يتأملها في ثوبها الازرق السماوي  الجميل و....
" لم أري شخصا ببراءتك وخجلك حبيبتي ....لم أري عينين عميقتي اللون  والاسرار كعينيك ...لم أري من قبل براءة كـــ براءة الاطفال الا فيك ...."
يرفع وجهها الذي احنته بخجل  لنور شمس الشتاء الساطعة  لتلمع عينيها بحب
" لم أري في حياتي عينين بهذا اللون البريء "
يسيران بطول الشاطيء
يتحدثان  هو بحماس ....وهي بخجل
يمران بجوار كنيسة القديس"....... ........" يوقفها وهو يضحك مشيرا للكنيسة قائلا " اتعلمين  ؟ انك تشبهين بثوبك هذا وبرائتك وخجلك الشديد  الراهبات ...."
تقول مبتسمة " ألآن الثوب يشبه ف اللون ثياب الراهبات ...؟ أم ماذا ...؟ "
يقول وهو يبتسم بحب " ليس بلون الثياب   وان كان اللون له تأثير ....فأنت بهذا الثوب السماوي وهذه البراءة  والخجل تشبهين راهبة  نبتت ف الدير ولم تخرج للعالم القاسي بعد ولا تعرف ان هذا العالم لا يعيش فيه من هم  يمتلكون تلك البراءة والخجل هذه الفئات لم تعد موجودة الان ....
قالت بقلق..." وهل هذا سييء....؟
يضحك طويلا  ولا يرد
يسيران طويلا  ......متشابكي الايدي
لا يتحدثان بشفاههم بل حديث من القلب للقلب
ثم........
يعترض  طريقهما بائع...
رجل عجوز
يبيع القلوب للعشاق......
يبيع الحب للمحبين ........
يبيع.....
يقول للحبيب " خذ هدية لحبيبتك ....خاتم ...سوار ....قرط ...."
ثم ينظر للحبيبة ويسكت طويلا ثم يخرج من بين أشياؤه الكثيرة عقد به قلب صغير من اللون الفيروزي

ثم يضعه قريبا من رأسها قائلا " الا تري انه يشبه عينيها كثيرا ....."
ثم ينظر للحبيب قائلا بحماس " صدقني عندما ترتديه ستكون في غاية الحسن والجمال ...ستكون ببراءة راهبة تخرج لآول مرة  من الدير ..."
ويضحك العاشقان طويلا ....
ويشتريان العقد وترتديه الحبيبة لتزداد براءة
بلون الفيروز
لون السماء
لون البراءة



مشاركة في تدوينة الوانـــ حدث الكتابة
وانا عارفة ان اكيد دي صدمة لان الجميع متوقع اني اتكلم عن البنفسج
بس خليه لوقته....








الأحد، 1 أبريل 2012

نيـــــــسان


نيسان
أبريل
نيــــــــــــــــــــسان
شهر الحزن
وليس شهر الكذب الذي اشتهرت به
نيــــــــــــــــسان
لماذا أشعر فيك بالحزن
لما تشعرني بالشجن
أتساءل هل لجوك المتقلب  سبب في حزني
أم أنها مشاعري المثقلة بألاحزان
نيــــــــــــــــــسان
لو لي أن أبدل أحرفك لتكون ....
نسيان
فأنسي ما بي من ألم وأحزان
لما في كل عام تأتي حامل لي كل الحزن والآلم
لما يا نيسان
لماذا ...؟
فأنت تأتي بالندي وبإخضرار الشجر
فلما تأتي لي أنا بكل هذا الالم

* * *

لماذا في عام أشعر بأني أريد أن أكون شجرة من شجيرات نيسان
زهرة من زهراته التي تنمو في جوه المثلج
ولكني هل سأستطيع النمو مثل تلك الزهرات

* * *

لما تقول لي أني قوية...
وأنني سأتخطي كل ذلك وحدي....
لما تقول يا نيسان أنني في بعدك أقوي....
لما تقول أنني ......لا أحبك......!!!
لما دوما تضع علامات استفهام يا نيسان
نيـــــــــــسان ......أتمني لو بدلت حروفك وأصبحت .....
نــــــــــــــــــــسيان

* * *

إلــــــــــــــــــيك يا نيسان...........

يا وجها أتفائل به صباحا ومساءا
لما لمتني...
وآثرت البعد عن اللقاء
يا وجها للحب  يحميني
ويشعرني بالعيش والهناء
لما تركتني أتألم ....
وأنت تعرف الأسباب
يا وجها للحب
الحب ما مات...
بل الاحساس الذي مات

الخميس، 29 مارس 2012

أحبك.....ولكن....أحبه

 أحــــــبك
نعم أحــــبك
ولكني أحــــــبه أكثر
أراك مصدوما
أراك مندهشا
أراك غير مصدق لكلماتي
ولكني أكررها أحبك ولكني أحبه أكثر مما أحبك
فهو ليس مثلك
فأنت  تحبني حقا
 ولكنه يحبني أكثر
أنت لا تعطيني فرصة
وهو يعطيني فرص أكثر
أنت  لا تعطيني وقتا
وهو يعنيني كل الوقت
أنت دائما مسافر
وهو دائما معي
أنت  لا تستوعب غضبي ولا تصبر علي
وهو الصبر ذاته
أنت تخطيء
وهو أبدا ما أخطأ
انت لا تغفر لي أي خطأ مهما كان صغير
وهو يغفر كل خطاياي
صغيرة وكبيرة
أنت أنت ....أنا أنا
وهو كل شيء
وأنا لا شيء....
إحساسي بأني فشلت  يقتلني
إحساسي بأني  مظلومة يقتلني
إحساسي بأني ظالمة يقتلني
وأنت ...................؟
وأماهو ....فيغفر....  ويرحم ....ولا يظلم أبدا
أحببت دوما أن أعرف من يقربني منه أكثر ....
ولكني دوما وجدت عكس ما أريد
أحــــبك ...
ولكني أحب الله أكثر
عفوا....
ما عدت أستطيع .............


الجمعة، 9 مارس 2012

زهر البرتقال





في كل عام
وفي نفس الوقت
أري زهرات البرتقال تدعوني لآلقاك
وعلي شذي عطرها  يجمعنا لقاء
في كل عام
يحملني حنيني لآشجار البرتقال  لآشتم رائحة لقاءنا
وأحلم بالعودة
في كل عام
كنت تجلس هناك تنتظرني
تحمل لي الشوق
تحمل لي الحب
تحمل لي الامل  بلقاء آت
في كل عام
كنا نجلس  نغزل الحلم بالامل
وما كنا نعرف للفراق طريق
في كل عام
كان يجمعنا لقاء علي شذي عطر
وما كان يفرقنا ظلام أو غروب
في كل عام
كنا نلتقي  في شروق يومنا
وما كنا نفترق وقت الغروب
في كل عام
كنت احمل ازهار البرتقال للقياك
استنشق عطرها  وأنا ألقاك
والآن
أنظر لأشجار البرتقال
لا أري فيها زهرات
لا أشم عطرها
أتسائل ....
هل لغيابك سبب
أم أن صقيع الشتاء
أصاب الزهر فما عاد يبغي الخروج للحياة

الثلاثاء، 21 فبراير 2012

عم جميل .....

 
 
لم يكن مجرد بائع جرائد و كتب بل كان المساهم و المساعد الأكبر في صناعة ثقافتنا و معرفتنا،و لم يكن كشكه مجرد كشك خشبي مساحته لا تتخطى مترين في مترين،بل كان رحب رحابة العالم من أقصاه إلى أقصاه، كان بوابة لي و لكثيرين أمثالي على العالم و ثقافاته و لغاته..إلخ
..
عم جميل..
رغم إنه توفى من فترة لكن لم أعرف إلا الآن، عرفته لسنوات طويلة كنت أشتري منه الجرائد و الكتب مثلي مثل غيري و لكن علاقتي تطورت معه بشكل كبير،فكان إذا أوشكت بعض نسخ الكتب على النفاد يبقي نسخة لي كذلك المجلات..إلخ ،الأكثر من ذلك أنني طبعا كنت تلميذ و مصروفي محدود فكان يشكك(يؤجل أخذ الثمن) لي الكتب و يقولي إبقى هات ثمنها أما يبقى معاك فلوس..يعني يحجز لي الكتاب و يشككهولي !
ما ذكرته هذا شئ لا يذكر فما بيننا من مواقف تعبر عن عظمة هذا الرجل تحتاج إلى أيام لسردها..
لم أراه منذ فترة طويلة بسبب ظروف سفري الدائم في العمل و الأن عرفت خبر وفاته مصادفة من احد الأصدقاء..و لا أجد أي كلمات تعبر عن ما بداخلي..
عليك رحمة الله يا عم جميل.
هذه بضع كلمات  خطها اخي احمد عندما علم بوفاة عم جميل ...بائع الجرائد الذي لا يجهله اي شخص في مدينة بلطيم والقري  الكثيرة المجاورة لها
فمن منا لم يراه في صغره ويشتري منه جريدة او مجلة  أو كتاب 
وما أكثر الكتب والقصص والروايات التي اشتريتها منه .....واحتفظ بها إلي الان
من منا عندما كبر قليلا لم يشتري منه مجلة الشباب اللي  كانت مكسرة الدنيا واللي كنت بنحجزها من قبل صدورها باسبوع عشان بس رئيس تحريرها عبد الوهاب مطاوع  هي وعدد الاهرام الاسبوعي برضه عشان بريد الجمعة
كم مرة  اتأخرت علي عم جميل  واول ما اروح الكشك يقوللي فينك مش ظاهرة بقالك كام يوم
وحتي لما كنت اروح له وهو بيقفل  ويفتح لي مخصوص عشان يجيبلي اللي انا عايزاه
حتي المجلات اللي مكانش بيجيبها  كان يجيبهالي مخصوص
حتي زوجته اللي كانت بتساعده  لما عرفتني  صاحبتني اووي  ولما كنت اغيب كانت بتسأل عني دايما  وكانت بتعد الايام اللي مبروحلهاش فيها
ف الفترة الاخيرة لما حسيت بغياب عم جميل  سألتها عليه  وعرفت انه مريض
زعلت اوووي 
كنت بحس ان عم جميل ده هو والكشك بتاعه زي مكتبة مدبولي الصغير كدة
كانت بالنسبة لي انا وكتير من الشباب  مغارة علي بابا اول علي الاقل بالنسبة لي كنز وكل ما كنت باخد منه بلاقيه بيزيد مش بيقل
معرفة الناس كنوز
ومش بالغني ولا بالمنصب ولا بالمكانة الاجتماعية ولا بالمستوي التعليمي
يكفي ان الشخص يكون بيحبك ودليل حبه انه بيقولك علي الطريق الصح وبيعطيك كمان الدليل  والرفيق

هو ده عم جميل ......
عم جميل هو كان " سمسم " عفريت مغارة علي بابا اللي فتحت لنا كنوز المعرفة  والثقافة ومن ارخص ابوابها
مكنش بس مجرد بائع جرائد
رحمك الله عم جميل وغفر لك وأسكنك فسيح جناته...اللهم آمييييييين

الأحد، 19 فبراير 2012

مذكرات شهر فات......2



" 2  "
ليلي .......الاستغلالية


ليلي أنا معرفهاش  بل هي صديقة لزميلة لي في العمل  وعندما علمت من زميلتي في العمل انني سأذهب إلي الاسكندرية وأستقر هناك فترة امتحاناتي  أخذت منها رقم موبايلي  لتتواصل معي ولتسكن معي أيضا
في بادية كلامي مع ليلي في الهاتف ...............لم أحكم حكم مسبق....ولكني قلت لنفسي اصبري  حتي تعرفيها
وعرفتها............
ومن غير الصاق أي صفة بالفتاة سأـحكي فقط بعض المواقف وأترك لكم الحكم بأنفسكم
عندما اتفقنا علي السفر سويا لم تخبرني ليلي ان أخاها سيكون معاها وفوجأت بهذا وتضايقت جدا لاني لا أحب هذه الطريقة السخيفة للمفاجأت  ثم أن أخاها  دفع لي اجرة الذهاب ثم المشروع وكنت في قمة غيظي لما قالتلي" ماليش دعوة هو عندك اهو كلميه واعطيه الفلوس "
لما  ذهبنا لبيت الشباب  ودفعنا ثمن المبيت للأيام الاولي فوجئت بها بعدما دخلنا قالت لي علي فكرة انا دفعت لك ثلاثة جنية ....
ودفعتهم لها

لما اشتريت القفل عشان الدولاب هي مشترتش واحد بل قالت لي انا هحط حاجاتي معاكي عشان انا  مش فاضة اروح اشتري قفل  لدولابي وانا خايفة فلوسي تتسرق
 لما روحت الامتحان وانا راجعة قلت اشتري غدا وعملت حسابها   وقلت مش هاخد منها فلوس عشان الفلوس االلي اخوها دفعها واشتريت وعملت حسابي  علي اني ازود كل حاجة وانا عارفة نفسي اني مش باكل اصلا الا قليل  جدا
ولما روحت بيت الشباب  اول حاجة قالتهالي قبل حتي ما ترد السلام انا جعانة انت مجبتيش معاكي اي حاجة .....؟
وحتي لما اكلنا سالتني  هو الحساب كام ...؟ قلت لها مش مهم يا ستي علشان الفلوس اللي اخوكي دفعهالي
   تاني يوم  المفروض ان لينا فطار في بيت الشباب  قالتلي معلش يا رحاب روحي انت هاتيه عشان انا بتكسف وبعدين انا لسة هلبس النقاب " نسيت اقولكم ان ليلي منتقبة"
وروحت جبت الفطار والفطار فيه بيض مسلوق وانا مش بحبه ولو اكلته باكله مضطرة  وبحب يكون البيض صغير مش كبير وعلي ده  الاساس  بصيت للفطار باشمئزاز وقلت انا مش بحب البيض وبعدين كوباية الشاي صغيرة كدة لية...؟
راحت ليلي اخدت البيض وقالتلي اكله انا مش مهم انت تاكلية.....
ونزلت روحت الامتحان
ولما رجعت  كان  اول شيء قالته  بعد ما بصت لي ولقتني مش معايا غير الكتب والمذكرات الي انا نزلت بيهم " انت مجبتيش غدا...؟
و...." معلش يا رحاب روحي جيبي غدا .....هو انا لسة هلبس النقاب ............"
وروحت جبت غدا ....علي اساس انها هتدفع......ومدفعتش حاجة
وحتي المية المعدنية مكنتش تشتريها كانت تاخد  الازازة اللي انا اشتريتها وتقوللي والله نسيت اشتري
قلت لنفسي " دي مكنتش عشرة جنية يعني اللي اخوكي دفعها اجرة ..."
ولما قلت لها ده مينفعش يا ليلي  عايزة حاجة ابقي انزلي اشتريها انا مش هجيبلك حاجة  يتقوم تقوللي " معلش يا رحاب هو انا لسة هلبس النقاب وانزل اشتري انت مش لابسة نقاب ..." لغاية ما كرهت النقاب واللي بيلبسوا النقاب و....سوري يا جماعة يعني   انا مش كارهة النقاب كشيء بس كسبب للأفعال دي
الغريبة بقي ان ليلي زي ما قلت لكم كانت خايفة من منال  بس  لمدة يوم واحد بس وبعدها صاحبتها اووي 
وحتي الانتقادات اللي كانت بتقولها عليها بقت عادي خالص
يعني  مثال انها قالت شغل اية ده اللي بتشتغله منال وهي بتخرج بعد الضهر مبتجيش غير نص الليل ....؟
وف يوم انا اتأخرت بره وانا جاية م الامتحان  لان الترام اتعطل  وكان في حادثة  يعني رجعت حوالي الساعة تمانية بالليل   عملتلي ليلي محضر  وكنت فين ومع مين ومش عارفة اية ..... قلت لها  علي كل ده ومقتنعتش  وقالت هو لية الترام يتعطل اصلا   ...؟
بس انا مسكتش لها " لان اهلي عطوني الحرية بس باستخدمها صح  واليوم ده الصراحة انا كنت مرعوبة جدا لاني اتأخرت بس كمان عديت علي مطعم  اتغديت هناك عشان مجبش اي حاجة للاستغلالية دي  ....
تاني يوم راحت ليلي نازلة مع منال  وقالت هتمشي معاها شوية  ورجعوا البيت الساعة حداشر ونص او اتناشر الا  ربع ....؟؟!!!
بس انا مسألتهاش كنت فين ولا اي حاجة ...." هي حرة ومسؤلة عن نفسها  ادام ربنا واهلها  مش ادامي وانا مش هحاسبها ....
حاولت اتجنب ليلي علي اد ما اقدر وكنت بخرج  اقعد ف الصالة   كتير خصوصا لما تكون ليلي بتكلم خطيبها  اللي كانت طول الوقت بتكلمه  " مع انها اصلا كانت بتقولي انها اتخطبت له وهي مش طايقاه وكانت هتنتحر عشان متتخطبلوش  وعمرها ما قالت له كلمه حب واحدة......."
بس الغريبة انها  كانت بتكلمة سبعة وتلاتين ساعة ف اليوم  واول ما تصحي م النوم تكلمه تقوله " صباح الخير يا روحي ...!!!"
ههههههههه كنت حاسة اني  ف  مستشفي مجانين او مع واحدة مجنونة .............
بس النوع ده كتير ....خصوصا لما قالتلي انها عندها عشرين سنة وهي عندها سبعة وعشرين سنة ...... .؟؟؟؟!!!
وحتي لما قالتلي ان وزنها  60 كيلو وبعدها قالت ان وزنها 80 كيلو ...........!!!!!!!!!!!!!
ليلي كانت متطفلة جداااااا جداااااااااااا جداااااااااااا
وهحكي موقف  برضه عشان متقولوش اني ببالغ
اول يوم روحنا بيت الشباب  فتحت شنطتي الخاصة وكنت  بطلع منديل  مبلل امسح بيه ايدي  لقيتها بدخل ايها ف شنتطي وبتطلع البوم صوري" كنت نسيته ف الشنطة " واخدته من غير استئذان  واتفرجت عليه 
بعدها بصت لي باستغراب  وقالت ..." حرام عليكي  اية اللي خلاكي تقصي شعرك كدة ...؟؟؟ "
كنت انا قبل ما اسافر قصيت شعري  كنوع من التغيير يعني  وكمان عشان  الامتحانات  انتم عارفين الامتحانات  بتخلينا نعمل حاجات غريبة شوية ......
كمان فتشت شنطة هدومي وانا بسرح شعري وقالتلي ...."واضح انك بتحبي لبس الجينز اوووي كل لبسك جينز "
حتي انها كانت بتخرج مع منال بشكل غريب  وبتصدقها ف كل حاجة  لدرجةانها كانت هتأجر شقة مفروشة معاها وتسيب بيت الشباب ودي حكاية تانية مش محلها دلوقت ..............
ف الايام التالية حاولت اني اتأقلم مع ليلي  ومنال وحاولت اتعرف علي البنات الباقيين ف الغرف الباقية ....
بس ليلي قامت بالواجب ده خير قيام لما عرفتلي قرار كل بنت ساكنه ف بيت الشباب من يوم ما مامتها ولدتها
بس اللي انا عرفتهم مين ......؟
بسنت.....وحنان......وكريمة......ويارا......وعائشة ............
بسنت حكايتها بسيطة بس غريبة شوية ومعرفتهاش الا قليل اوووي
" 3 "
بسنت ......مهييسة
بسنت كانت بنوتة ف تانية حقوق
كان شكلها غريب اووي  شعرها غريب ةعلي طول منكوش مع ان البنات بتهتم بشعرها اوووي
وشكلها غريب اووووي  هي عسولة بس غريبة يعني وهي قاعدة علي الكرسي تحسي انها بنوتة رفيعة اوووي اوووي ولما تكون واقفة تلاقيها بنوتة ملينة شويتين .....غريبة مش كدة ......
بتشرب سجاير ......إل إم كمان ..............ههههه
بتسمع تليفزيون وهي بتذاكر ....مش بتهتم بالمذاكرة ....
بتسمع اجنبي كتيير جدااا يعني كان صابح عليها امتحان وكانت بتتفرج علي جريس اناتومي  وبتشرب سجاير ولا عندها فكرة
ومسلمة امرها لغيرها لدرجة انها اخدت جدول امتحانتها من زميل لها وعطاها الجدول غلط وكانت النتيجة انها مرحتش الامتحان وراحت  عليها مادة
واليوم ده حكاية ....
انا كان عندي امتحان وعادتي اني بصحي بدري اذاكر  وافطر وانزل بدري عشان الموصلات 
مشيت وسيبتها بتفطر وبتتفرج علي التليفزيون وبتشرب سجاير  واخر روقان
لكن لما رجعت عرفت من رويتر " قصدي ليلي "  ان هي خرجت علي صريخ بسنت وتكسيرها للكوبيات والاطباق عشان زميلها اللي عطاهاالجدول اتصل بيها وقالها انت مجتيش  الامتحان لية ...؟
وبسنت  تصرخ وتلطم وتشتم زميلها " ابن  الــــــــــ.............الــــــــــــــــ.........................الـــــــــ................"
المهم انهم هدوها وهي كلمت اهلها ف القاهرة قالتلهم اللي حصل .....
ليلي وهي بتحكيلي بتضحك اووي وتقولي " انا سألتها الصبح  انت عندك امتحان امتي  وقالتلي عندي امتحان بكرة زي دلوقت واتريها مش عارفة الجدول ...هم اللي بيشربوا سجاير بيبقوا مركزين ....احسن تستاهل عشان تحرم ما تشرب سجاير بعد كدة ....." مبسوطة فيها هي .....بس الصرحةعلي اد ما قلت انها  عبيطة انها متتأكدش من الجدول بنفسها  علي اد ما صعبت عليا
 بس في شخصية تانية كانت تستحق انها تصعب عليا او تسترعي انتباهي وهي حنان
بس حكاية حنان اللي كان نفسي اعرفها منها بس للأسف معرفتش
بس هقولكم اللي عرفتها عن حنان ف البوست الجاي