نـــــــــــوافــذ مــــــواربــــــــــــــــة ^_^

يوم أخر من الفرحة برغم تعب الموصلات 

الكلام عن  الفرحة ليس كأي كلام

فنحن نعشق الكلام عن الحزن واللوعة 

لكن الكلام عن الفرحة فهو غريب  عنا 

لهذا لا نستطيع أن نصف الفرحة مهما أجدنا الكلمات 

هذا هو شعوري يوم حفلة توقيع  كتاب المائة تدوينة الثاني " نوافذ مواربة " 

صحيح كنت اتمني حضور ناس  ومقدروش يجوا بس كفاية ان في ناس جات مخصوص عشان من أماكن مختلفة 

زي " محمد عامر " زميل التدوين  اللي جاب لي احلي ورد واعتذر ان مكانش في ورد بنفسج  ^_^ بس كفاية انه اهتم وجاب لي ورد وانا بجد انبستط جدا والورد طبعا  محافظة عليه جداااااااااااا لدرجة اني لما روحت الشغل تاني يوم قلت لـبابا ياخد باله منه عشان مش مطمنة أن أختي  ممكن تفترسه وتغيظني  ههههه 

ميرسي يا محمد وده الورد 

,وعلي فكرة الورد ده فيه ثلاث وردات بنفسج  اتفاجأت بيهم فعلا  " ميرسي يا محمد "^_^

 والصديق " زكريا سالم " وده صديق  من زمااااان جدا ومشوفتوش ولا مرة حتي هو حضر يوم حفلة المعرض وانا مكنتش لسة وصلت وهو مشي وانا حضرت وبعتذر تاني يا زكريا  ,وكمان زكريا أول شخص استقبله ف الحفلة بجد هو شخصية عفوية وطيوووووووووبة جدا
وبجد سعيدة اني شوفتك وميرسي علي كلامك بخصوص صندوزق ورق  وبخصوص نوافذ مواربة  وان شاء الله احضر لك حفلة توقيع قريبا لانك موهوب فعلا 

ودي صورة محمد وزكريا  مع الحضور

اللي ف طرف الصورة من اليمين ده  الي بيقرا ف كتابي هقولكم هو مين بعدين  اما الاتنين الي ادام مش اعرفهم الصراحة بس اصحاب اصحابي أما  محمد عامر هو الاسمراني الي ورا ده واللي جنبه باليمين  ده هو زكريا ...اما انا فهناااااااااااك 

أول شخص استقبلني ف الحفلة طبعا مانت الجميلة لبني واختها العسل إيثار

وقبل ما أدخل اصلا قابلت محمد عامر وايمان صديقتي العسولة  الي دايما مش بتسيبني ف الحالات دي بحبك يا ايمان ^_^

دي إثار ولبني وانا 

وطبعا كان أول مان أشوفه بعد محمد عامر هو محمد بردو بس محمد الوكيل .....ومعرفنيش ههههه ازاي يا محمد متعرفنيش هه 

واضح اني اتغيرت  كتير من ندوة دكتور احمد خالد توفيق اللي اتقابلنا فيها هههه  اية ده بس قابلتك يوم حفلة بطاقة هوية  انت وسهي 

وقابلت سارة حسين يخربيت ضحكتك  يا سارة اية الجمال ده يا بنتي وبعدها نانسي زكريا  مش عارفة حبيت اللون الاحمر عليك يا نانسي جدااا انت اصلا عسل  والصورة دي لـــ محمد الوكيل وسارة حسين وانا ونانسي زكريا 

كان في بنوتة عسولة كدة  قبل الحفلة كنا بنتخانق انا وهي مع الوكيل وبعدين شوفتها يا ربي عسل اية ده  الي اسمها جهاد محمد 

هي وايثار  

الاب الروحي لقت اطلقناه علي خالد ناجي وهو كان معانا يوم الحفلة وبجد وجودك فرق كتير يا خالد

تاكاشي ...الي كان مسؤل عن حملة التدوين لشهر فبراير كان موجود .....اهو  مع خالد ناجي  ومحمد الوكيل

كان في ناس موجودين اصحاب سارة ونانسي ومدونين مش اعرفهم بس سعدت جدا اني وشفتهم  واخص بالذكر طبعا رحاب صاحبة نانسي  هي دي 

طبعا كل واحد فينا اتكلم عن التجربة وبجد انا كنت خايفة ومتوترة جدا 

بس كانت معايا صديقتين بجد شجعوني جدا  هما ايمان .....و ...موناليزا 

اللي اخيرا شوفتها ...

وسيبت موناليزا للأخر عشان يبقي ختامها مسك 

مني مش ممكن جمالها ولا طلتها ولا رقتها ....والا صوتها يا جماعة بجد اية ده .....والنبي انا لو راجل مسيبهاش ابدااااااااا

يا ريتني كان عندي اخ غير احمد يا مني كنت جوزتهولك علي طول  عشان تفضلي معايا 

مني بجد وجودك فرق معايا كتير  وتشجيعك وكلامك بجد  خلاني اطير م الفرحة 

وكنت اتمني اني افضل معاك وقت اطول بس انت عارفة ظروفي بس اكيد راح نتقابل تاني و نرغي مع بعض اكتر

موناليزا مكانتش لوحدها يا جماعة  ...كانت جاية مع  " محمد " أخوها  الي اتشرفت بمعرفته جداااا وسعيدة ان القصة عجبته وعلق لي عليها  وقالي كمان نقد عليها وانا بجد سعيدة  بيك يا محمد انت ومني  وبتمني نتقابل تاني ....والف سلامة عليك يا محمد  لاني عرفت من موناليزا انك تعبان   شفاك الله وعافك  ويارب تكون بخير دايما وف احسن حال 

هو ده محمد الللي لابس رمادي   وسارة واقفة ورا

هنا سارة وجهاد 

وهنا  سارة  ولبني ونانسي

وهنا سارة والوكيل 

وهنا محمد عامر والوكيل

 وهنا   انا وموناليزا مصممة علي صورة بضحك فيها  وطبعا واضح ف الصورة الوكيل وسارة ونانسي

وهنا  العسولة سارة بتوقع

وهنا  محمد الوكيل

وهنا  انا ومحمد عامر

 وهنا لما كنت بتكلم عن تجربتي ف نوافذ مواربة

 وهنا وانا بوقع لموناليزا العسل  صحيح مش ظاهر غير رموشي ف الصورة بس كفاية ان موناليزا الي مصوراني من غير ما اخد بالي

 وهنا  صورة خاصة من موناليزا  بتقولي عايزة صورة انثوية  ....هههه هي دي الانوثة بتاعتي يا منمن

وهنا  موناليزا مصممة علي ابتسامة  مني

 وهنا  انا والوكيل وسارة  كتابنا

وهنا  موناليزا مصممة اني اضحك بردو عشان الصورة تطلع حلوة 

ولو عايزين تشوفي باقي الصور  ادخلوا هنا ...... 
وعلي فكرة اخيرا في صورة بتجمعني مع موناليزا بس دي صورة خاصة مش للنشر يا جماعة " ايموشن بيطلع لسانة كدة "
ههههه كمبسوطة كتير وميرسي لكل الناس الي حضرت معانا والي محضروش  وكانت قلوبهم معانا  ودعواتهم 
بحبكم كتيييييييييييييييير 

أبيض ...وألوان

0

"هو "

أحبك أن ترتدي الأبيض ...فتكونين كالملاك بين ذراعي

كــ طفل بريء لم يلوثه شيء بعد

أحبك بالأبيض طاهرة نقية .....أعلمها كل شيء

أحبك بالأبيض ...الذي يخبرني ببراءتك التي لم تلوث بعد....

احبك بالأبيض...

1

" هو "

لا أحب شفاهك ملوثة بالألوان ....

فأنا أفضلها ناعمة بلونها الوردي

شهية كحبة كرز عندما ترتجف بخجل .....وشوق لشفاهي

2

" هو "

أتعلمين ....؟

لم أحب أبدا الأظافر الطويلة ...

لكن عشقت أظافرك الطويلة البيضاء

عندما تعزف علي بيانو قلبي ...ضاربة برقة علي أوتار أنفاسي

3

" هو "

ضحكة صغيرة  تخفينها بأصابعك الصغيرة

أعشقها تلك الضحكة ....آه كم أعشقها

وسبابتك عندما تضعينها بطفولية في فمك عندما اؤنبك علي شيء فعلتيه 

كم اتمني أن أكونها ...

4

" هي "

لم أحب اللون الأحمر أبدا 

لكني عشقته معك

في " تي شيرت " الأهلي 

برغم من إنني زمالكاوية 

5 

" هي "

كم كرهت رائحة هؤلاء الاشخاص الذين تفوح منهم رائحة التبغ

ولكني عشقت رائحة سجائرك

وكم تمنيت أن أكون " تلك السيجارة " بين شفتيك هاتين 

6

" هي "

أصابعك كانت وسادة  لوجهي وقت الرحيل دوما

لهذا أعشقها 

يدان مقلمة الأظافر ..طويلة ...كبيرة هي 

لكنها حنونة  ....وناعمة

برغم قسوتها بالعمل  

7

" هي "

لـــ " عيونك "

      ضحكة لم انساها أبدا 

عكس ضحكات شفتيك التي لا تكون دوما من قلبك

إنما ضحكة " عيونك " ضحكة قلبية 

حاولت دوما أن تخبرني عينك عن شيء ما   

لم أعرفه إلا ....

الآن 

مستنياكم بكرة في المنصورة حفلة توقيع " نوافذ مواربة " كتاب المائة تدوينة الثاني هنا .....

وعلي فكرة في حفلة لــ " صندوق ورق "ف  اسكندرية كمان اسبوعين  التفاصيل هتابعها معاكم وقتها    

شخابيطي ...............9

0

لا تدري لماذا هي دوما تتحدث مع اي شخص بسهولة غير صديقاتها

ولكن لا تدري لماذا كان هذا يثير غيرتهم وغيظهم ....؟

" لما تكون هي بتتعامل بطبيعتها وعفويتها " 

1

هو ....بتحبي الاطفال ...؟

هي ....بموت فيهم ....^_^

هو....خلاص انسي اننا نتجوز ...

" لما هو  يحط عقد لمفاوية عشان يخلع م الجواز بــشياكة " 

2

 

الطبيب " مبروك انت حامل بــ ولد "

هي " بس انا مش عايزة ولد أنا عايزة بنت ...

ممكن تغيره ببنت ...^_^

3

هو " علي فكرة  ....أنا بحبك ...

هي ....وانا كمان يا حبيبي

هو ....لا يا طنط انت مش فاهماني ...

هي ...؟؟؟؟

هو ...انا عايز اتجوزك....

" لما يكون الاطفال متعلقين بيك لدرجة الجنون "

4

هي " علي فكرة  انا جوزي قالي بلاش  أمشي معاكي تاني ولا أكلمك تاني ولاحتي  أشوفك "

انا " لية كدة ؟؟؟!!!"

هي " خايف لا البيبي الي اجيبه يكون  قصير زييك كدة ولسانه طويل "

" لما يكون حد بيحبك لدرجة انه عايز يخرجك من مودك الوحش بأي شكل "

5

هما الخمسة وقفوا وف نفس واحد قالولي "في إية كان بيقولك إية ؟ وعايز إية ..؟ هو إسمه إيه ؟"

أنا بصيت لهم كدة ومردتش عليهم وروحت قاعدة علي مكتبي وحاطة رجل علي رجل

بس يعني ...احم ...هما مسكتوش ...

وبعد طيخ طاخ طوخ

قلت " يا بنات عادي كان بيتعرف عليا "

" لما يعجب بيك شخص انت متعرفوش  لمجرد انه سمعك بتتناقش بموضوعية ويحب يتعرف عليك بعد ما سمعك "

 6 

في عيد الحب كانت ترتدي أجمل ما لديها ليراها أجمل الفتيات

وذهبت للعمل الذي يجمعهما سويا

لكنها لم تجده ...

قلقت عليه ...

هاتفته لم يرد عليها 

لم تفكر في أنه قد يكون منشغلا بشيء ما ...فكرت فقط بقلب عاشقة

وعاودت الاتصال....

ولكن مع صدمة الرد بأنه " في إية ...بتتصلي لية في حاجة مهمة ؟ "

" حبيت بس اقولك هابي فلانتين ...النهاردة عيد الحب انت ناسي والا إية ؟"

هو " والله انت رايقة ...حد فاضي للكلام ده ..."

" لما تفكر فـ حبيبك بشكل رومانسي  وهو...ولا هو هنا "

7

أخباري انا ...

موزعة بين ....

* اني أصبحت " خالتو " للمرة الثامنة  لبامبينو زي العسل _ مش شبهي الحمد لله -" اسمه إياد " ابن اختي رشا

* إني شاركت ب بقصة " لن تقرأوها هنا ...بل ف كتاب  جماعي أخر ...له قصة أخري " إنتظروها "

* أن هناك حفل توقيع  لكتاب المائة تدوينة الثاني" نوافذ مواربة " الذي شاركت به  يوم الجمعة القادمة إن شاء الله  والايفنت هنا ....

وأكيد هستناكم .....

أتعجب مني....

 انا علامة تعجب  ....عجيبة

عجيبة أن أحبك أنت

أن أعشق قسوتك...

انا علامات تعجب ...

في حياتك 

وأنت ....

علامات قسوة متغيرة في حياتي 

أنا ...علامة استفهام كبري....

لم تحاول أن تفهمها أنت 

أنت  

ذات مرة  قلت أني صعبة المراس ...

لكنك...

أبدا لم تحاول ترويضي 

أنا ....

كنت  أحاول أن أعرفك

فقط أن أعرفك...

علامات تعجب .....!!!

أنا....

وأنت لست علامات تعجب فقط بل وعلامات استفهام.....

حاولت أن أفك رموزها ....

ولكن كلما اقتربت ...

ابتعدت انت....

كلما رأيت في كلامك ....وصال

أراني ......أتوقف

كل مـا هاتتعـلم.. وتفـهم زيـادة..

كل ما ها تتـعذب..وتتألـم زيــادة "

وكل ما هتحب هتتعذب اكتر

يا ريتك متحبش حاجة

متحبش البحر ولا السما

متحبش اللون الوردي

متحبش الرقة والنعومة

متحبنيش

ومتحبكش

متحبش حد

متحبش الحب

حب ...

 0

أحبك....

تسمعها منه لأول مرة في عيد الحب

تشعرها تلك الكلمة ببحور  من العشق  والنشوة 

أحبك...

لم يمل أبدا ممن ترديدها علي أذنيها كأنه كان يخشي أن  يأتي اليوم الذي لا يستطيع قولها

وقد أتي .....ذلك اليوم

1

عيد الحب كان لقاء قلبين

قلب طفلة لا تفهم في عالم الكبار شيء

وقلب  شاب " يعرف " كل شيء

 

 2

 الحب ....

يعني  الثقة والآمان

والغريب انها كانت تشعر بهما  جدا معه

  وتشعر بالخوف ايضا ....!!!

فهل يجتمع الحب  والخوف معا...؟!!!

3

ماذا يعني الحب لنا ....؟

أن لا أري عيوبك ...بل اري مميزاتك فقط واذا طفي عيب علي السطح  اتغاضي عنه او  اتأقلم معه

فــ لماذا كان يري هو عيوبها  ولا يري من مميزاتها شيء ....

4

ماذا يعني عيد الحب  لــ  ـــها....

ذكري جميلة ...

لحلم...لم يكتمل....

5

 أحاسيس ومشاعر الحب

قليل من الاشخاص هم من يشعرون بتلك الاحاسيس

من يعيشها بقلبه فعلا وبعقله ايضا

قليلون من الناس من يدخرون في قلوبهم قلب أخر ينبض  بحب واحساس

قليلون من الناس  نعشقهم  ولا ندري ما سبب عشقنا لهم دون غيرهم ...ليس جمال االشكل 

بل طيبه الروح  وجمال القلب

قليلون من الناس من يبقون للذكري  متنفسا  كلما مر وقت  يتنفسون رحيقها

قليل من يبقي للحب بابآ لا يغلقونه  بل يظل مواربا

قليلون من الرجال هم من يبقون علي ذكري حب  حقيقي في حياتهم

ويظلون يبتسمون للذكري حتي لو تتساقط دموعهم

ملحوظة 

تخليت عن اللون البنفسج لأجل الفلانتين

وخليت التدوينة  باللون الاحمر  عشان عيد الحب 

كل سنة وانتم طيبين :)

بدون عنوان....

كانت تبحث عنه وسط الجموع 

لعله أتي أخيرا  بابتسامته

يقول لها " عذرا حبيبتي  تأخرت "

لن يقول لها " آسف رحلت "

كانت تبحث عنه  خلف  منظار طبي لأحدهم  يرتدي منظار طبي مثله 

كانت تبحث عنه ف لون ملابس يرتديها أحدهم مثله

خلف منظار شمسي  يشبه منظاره

خلف الجموع الهائلة التي كانت تحيط بها كانت تبحث عنه بعيونهم

تقول لنفسها سأجده الآن خلفي يقول لي " اشتقت لك "

لكنها تلتفت..................لا تجد أحد

ترسم ابتسامتها علي شفتيها  لتواجه بها الجميع 

وكم كانت شفتيها لا تبتسمان الا لوجهه 

كم تعبت شفتيها من الابتسام للجموع حولها  ترسم فرحتها

وهي تعلم جيدا أنه يكفي  أن تراه ليبتسم كل ما فيها  وليس شفتين مرسومتين بابتسامة كهذه

يا الله كم تشتاق لوجودة معها الآن 

كم تعشق الشتاء الذي عرفها به 

وكم تعشق الليل الشاهد علي وجوده معها

تفكر  وهي ترسم ضحكتها علي شفتيها تتحدث مع احدهم " لعله جاء الآن يراها تتحدث مع شخص أخر  ...فلتضحك  حتي تثير غيرته عليها "

تلتفت هنا وهناك  بعينها بحركة قد تبدوا طبيعيه لمن يقف معها ....تبعد خصلات شعرها الغجرية عن عينها وهي تتساءل  " أين هو ...؟ ألم يأتي بعد ..؟؟!!!"

يهديها أحدهم باقة زهور  ويقول ان أحدهم أرسلها لها  ...انها زهورها المحببه الي نفسها  ....وتبحث عن بطاقة من أرسلها  لكنها لم تجد شيء  ...ساعتها تأكدت أنه هو  من أرسل لها زهورها ...

وسمعت صوت رسالة  لهاتفها المحمول ....وحتي قبل أن تفتحها تأكدت أنها منه  " هو " انا "

ولكن نظره واحدة لاسم مرسل الرسالة أحبطتها .....

فلم يكن هو مرسلها ...بل متحرش أخر بقلبها ....

متحرش يعرفها ...يعرف قلبها ...يعشقها ...يبغي قلبها وحبها ....يخشي  حزنها ...يفعل  كل ما تحب  حتي  تشعر بحبه لها ...

تفكر في منظار طبي  انيق ...لكنه ليس منظارة

في منظار شمسي ...لا يشبه منظاره

ملابس تشبهه لكنه ليس هو

زهور لم يهدها إليها 

كلمات لم يقلها أبدا...   

الشتاء يذكرها به ...بعذاباتها  معه

والليل  ظلام ....يخنق تفكيرها به  

حتي " أنا " نسيها كما نسي حبها 

تفكر في نفسها ..سيأتي سيأتي أعرف أنه سيأتي 

ثم تقول لنفسها " غبية " أنا " غبية ....غبية  ..غبية  لقد رحل ..لقد قال " لا أحبك يا " أنا "

لكن هي ...تعيش علي ذكري من رحل ...

رحل...

بدون ان تعاتبه علي ما قد حدث بينهم

رحل بدون أن تقول له انها تعشق منظاره الطبي

رحل بدون أن  تقول  له أنها تكره منظاره الشمسي لانه يحجب عنها عيناه

رحل قبل أن يهديها زهورها 

رحل بدون أن يقول لها كم احبك يا " أنا "

رحل  وقد كان يقول انه لن يرحل ابدا عنها 

رحل   ورحلت معه وعوده بوجوده معها  حتي تحقق احلامها

تركها .....وقد كان هو ملهمها 

والي الآن تنتظره ان يأتي ..." هو "

تتسائل هل هو يراها عبر السطور كما تراه " هي "

هل هو ما زال علي  عهود حبهما

هل هو  ما زال يعشقها

هل ما زال يحب خجلها

هل ما زال يقرأها..

هل مازال...

هل مازال

هل

 خارج الاطار 

لا تنتظر من قال سأكون 

ولكنه أبدا لم يكن  

يوم لا ينسي في معرض الكتاب + تحديث

اه نسيت اقولكم اني كنت عاملة دعوة للكاتب الكبير الاستاذ شريف شوقي وقالنا مبروك  صحيح هو قالي انه مش هيقدر يحضر بس كفاية مبروك منه
هنا ايفنت الصندوق... 
وهنا صور حفلة التوقيع ع الفيس بوك...
صور تانية 

غادة وخالد وبسنت ونيفين وانا ثم
شروق احمد موسي ونهال حمدي

بسنت ودينا ممدوخ

شروق واحمد

نيفين وانا بنوقع
وخطي وحششششششش جدااااا

 
شورق ومحمد غالية ثم
غيودة حبيبتي واحمد موسي ونيفين

غيودة وشروق اللي ظاهرة جنب غادة دي اخت شروق بس عسل اووي
^_^ 

شوفت لما تحس انك من كتر السعادة هتطير

شوفت لما تكون برغم تعبك سعيد سعيد سعيد

شوفت لما تكون مستني ناس بتحبك جاية عشانك

شوفت لما تلاقي اهتمام من حد بيحبك وجالك

شوفت لما تستني انك تفرح والفرحة تجيلك علي غفلة حتي لو كان ميعادها متحدد ادامك

طيب شوفت لما يكون عندك أخ بجد بيحبك اووي حتي لو مش بيقولك انه بيحبك

هو ده احمد اخويا الي بجد  اجمل وأحسن اخ ف الدنيا " ربنا يخليك ليا " بحبك  اووي وعارفة اني تعبتك معايا جدا

أول مرة بتشوف حد يا يدخل قلبك ...يا يقف علي الباب ميدخلش....سلمي هشام فتحي ...تشوفها تلاقيها جوه قلبك علي طول

فرحت بجد اني شوفتك يا سلمي وبجد انت جدعة اووي اووي اووي

هشام مصطفي " مشاعر واحاسيس سندباد" اخد اجازة من شغله عشان  حفلة توقيع صندوق ورق ...وكتن معانا من اول ما دخلنا المعرض ..هشام كان شغال معايا خدمة توصيل التايهين للمعرض ههههه كل شوية حد من اصحابي يكلمني ومش عارف احنا فين وتايه ف المعرض وهشام بكل زوق واحترام وجدعنة يجيبهولي ازاي معرفش ههههه ميرسي اووي اووي يا هشام علي اليوم الجميل

دعاء عمرو " دودو مواجهات " صديقتي العزيزة متتخيليش بجد فرحتي اني شوفتك ...انت بجد احلويتي  وبقيتي عسل عسل عسل

شكرا يا دودو اني جيتي برغم كل  شيء وبجد انت صديقة لا تتكرر...بحبك

أسامة الازهري .....أقول إية طيب...ميرسي علي الشيكولاتة ...والا ميرسي علي الهدية ..والا ميرسي عل كلامك العثل عثل عثل ...والا ميرسي علي الصور ...والا ميرسي  علي أجدع أسامة  في الدنيا بحالها ....بس برضه مش مصدقة الكلام الي قلته هههه" ايموشن مطلع لسانة كدة " ومتنساش توصل النسخة لفاتيما

نهي صالح جات ف اخر الوقت ملحقناش حتي نتكلم معاها ....بس سعيدة اني شوفتك يا احلي نهي ولسة بردوا الناس بتتلخبط فينا ههه

غادة محسن ...صديقتي حبيبتي ...مشوفتش غادة الا قليل جدا مع اننا كنا جنب بعض  بس عشان كنا مشغولين ف التوقيع  يعني شوفتها اول ما وصلنا المعرض واستلمت النسخ بتاعتي اخيرا منها وبعد كدة لما كنت خلاص مروحة ...غادة بحبك ومتزعليش  لاني نسيت اهم حاجة ...اني اعطيك هديتك ..." ايموشن زعلان كدة "

ابراهيم رزق ...ساليزيادسو كان جاي مع " ميج ريان " ...

ايوة ميج ريان مين ادك يا عم عندك احلي بنوتة فالدنيا حبيبتي يا سالي

ميرسي جدا علي زوقك وشهامتك وكلامك واعتقد انك نسيتني اصلا خالص بعد ما شوفت احمد 

بجد سعيدة اني شوفتك جدااااااا

بتكلم عن ناس وممكن انسي ناس بس بجد مش عايزةانسي اي حد ....اليوم كان جميل جدا لدرجة اني من كتر ما اتكلمت طالعة ف الصورة بضحك بشناعة علي رأي غادة عشان كدة مش هنشر ولا اي صورة ليا ...

ده حتي صورتي مع محمد سامي تموت من الضحك فرق الطول رهييب فعلا ...والحجم كمان ...هههه

قابلت احلي بنوتات  اصحابي الانتيم  غادة واخوتها رانيا ومنار وصديقتنا رضا العمري  وقابلت مجموعة مجلة " دقة جديدة " وقابلت طبعا من مجموعة صندوق ورق " شروق الهامي ورضوي اشرف  شيرين سامي ونهي صالح  ورباب محمد وبسنت خطاب ونيفين كمال و نهال حمدي ونهي الماجد وطبعا الشباب الحلوين خالد ناجي ومحمدغالية ورامي يوسف واحمد موسي و محمد الناغي ...وغيرهم بس مش فاكرة للأسف يا رب محدش يزعل مني بس .....

طبعا قابلت مدونين تانية  زي صاحبة " فقاعات افكاري " الي بجد كنت سعيدة بيها لدرجة متتخيلوهاش اصلها عسل اووي 

وقابلت " لبني احمد " عسل يا لبني عرفتيني علي طول  مش عارفة ازاي ....حبيتك اووي انت وايثار

 اخوات شروق واصحابها ..اخت " فقاعات افكاري .." دعاء ...بنوتات تانين مش فاكره اسماءهم   للأسف بس كان يوم رااااااااائع جدا واشتريت تقريبا كل الي ف مشروع النشر لمن يستحق ...عشان محدش يزعل واولهم كتاب آية حماد ومروة زهران  واستاذ ماجد القاضي وماما زيزي اللي كانت فرصة اني اشوفها هناك واتعرف عليها  من اجمل الصدف والفضل يرجع ل ابراهيم رزق واسامة الازهري  الي عرفوني عليها

في ناس كانت غائبة حاضرة ...زي فاتيما روح قلب ماما وشمس النهار وليلي الصباحي ورامي 

وزي اصحاب اتصلوا واعتذروا  لظروف 

وناس  كنت اتمني انهم يكونوا معايا بس للأسف ....." ايموشن مش عارف اية كدة "

المهم انه كان يوم جمييييييل 

ودي الصور

طبعا غادة محسن  وشيرين سامي وميج ريان  " ساليناز "وابراهيم رزق واحمد اخويا 

شروق ومحمد غالية  وبسنت خطاب  ورامي زمحمد الناغي  ونهال حمدي ونيفين كمال واحمد موسي

شرين سامي وانا وسلمي هشام وطبعا انا مش واضحة خالص

بس متنسوش ان السفر اربع ساعات وانت تعرفوا انا مش واضحة ليه مع اني حاسة ان وزني زاد....^_^

دعاء عمرو وشروق الهامي  ونهي صالح وانا وشرين سامي وطبعا انا فظييييييييعة خالص هههه

انا ومحمد سامي وفرق شاااااااااااااااسع جدا 

وبنفسج وقلم بنفسج للتوقيع ^_^

البنفسج اول قصة ف صندوق ورق يا رب الناس تعجبها القصة وميدعوش عليا ويكملوا قراءة المجموعة ....

سعيدة كتير وبتمني اني اشوف الناس دي مرة تانية وتالتة وعاشرة والي مشوفتهومش اشوفهم تاني وتالت وعاشر 

ويكون معااي اخويا حبيبي اللي كنت عارفة ومقدرة اد اية هو تعب  كفاية اني اصلا متعبة بجد انا مشفقة علي اي حد يعرفني ...مابالكم بأخويا الي اصلا عايش معايا "ربنا يكون ف عونك يا حبيبي " 

بحبكم كتير وبتمني يعجبكم صندوق ورق 

رحاب صالح