تكرار....

 0

تستيقظ من النوم فيقابلها وجهه الوسيم فلا تملك سوي تقبيله بنهم

وعندما يستيقظ ويجدها علي سجادة الصلاة تصلي الصبح يسألها " بتعملي إية ..؟"

- بابتسامة ...بصلي الصبح

- لية ...

- عشان أنا مسلمة 

- والمسلم لازم يصلي ....؟

- المسيحي  واليهودي كمان بيصلوا ...

يسكت قليلا ...ثم يستكمل تساؤلاته  إية الي ف إيدك ده ...؟

- دي اذكار...

- يعني إية ...؟

- ده كلام بقوله لــ ربنا  عشان ياخد باله مني 

- طب ما انا باخد بالي منك 

- لا بس ربنا بياخد باله مننا كلنا ...عشان كدة بنصلي  ونقوله أذكار

- يعني لازم أصلي وأقول أذكار لربنا ...لية ...؟

- عشان بنحب ربنا  لازم نعمل كدة ...وعشان ندخل الجنة ....

- هي الجنة دي حلوة ...؟

- حلوة جدا يا حبيبي ...... فيها كل حاجة انت بتحبها

- فيها شوكليت كيك ولبان فواولة @_@

1 

 تجلس معه علي مائدة الافطار  وتبدأ بتناول الطعام وهي تطعمه بيدها 

- هو إية ده ...؟

- ده الفطار 

- هو يعني لازم  تفطري ...

- أه عشان اكون كبيرة

- بس انت كبيرة ...؟

- آه  بس عايزة اكبر كمان 

- اكبر كمان أد إية ...؟

2

تقف أمام المرآة لترتدي حجابها

- انت بتلبسي إية ...؟

- ده حجاب ...

- بتلبسيه ليه  ...؟

- عشان أنا مسلمة.....

- طيب انا كمان مسلم  مش بلبس حجاب لية ...؟

- حبيبي انت ولد ....الولد مش بيلبس حجاب 

- لية البنت بتلبس حجاب  والولد مش بيلبس حجاب .....؟؟؟؟ @_@ 

3 

- انت رايحة فين ...؟

- رايحة الكلية ...؟

- تعملي إية ...؟

- اتعلم  فيها ...

- هو انت لازم تتعلمي ...؟

- اه طبعا عشان العلم حاجة مهمة 

- طيب ولو خلصت الكلية   اتعلم اية تاني ....؟

- اتعلم حاجة متعلمتهاش  عشان اعرف حاجات جديدة ....

- طيب لو اتعلمت كل حاجة ف الكلية  يبقي كدة اتعلمت كل حاجة ...؟

- لا طبعا لان في حاجات كتير ف الدنيا بنتعلمها  مش بس ف الكلية ...

- طيب لو اتعلمت كل حاجة ف الدنيا  ومفضلش حاجة ف الدنيا اتعلمها ابقي كدة اية ....؟؟؟

4 

كنت زمان دايما اسأل اسئلة غريبة محدش يقدر يجاوبني عليها

دلوقت لقيت اللي يفضل يزن عليا ف الاسئلة ومعرفش اجاوب عليه بنفس  طريقته...

كأن الزمن بيتكرر تاني ...

والاقي زياد ابن اختي بيعمل  نفس الي كنت بعمله :)

هو في حد ممكن يعرف يجاوب علي الاسئلة دي :(

وغدا …لن نلتقي

قصة قصيرة هنا...

في ذلك الكتاب الجماعي

مرت الأيام تتشابه صباحاتها ومساءاتها....

وكم كانت الصباحات مختلفة معه .....

والمساءات مليئة بالحب ....

ماذا حدث ليكون الفراق قدرهما....؟؟!!

يظل المحبون دوما يتساءلون " لماذا افترقا "  

 ولا يجدوا أسبابا تقنع قلوبهم الواجمة ...

تتساءل : لماذا أحبته هو دون اي شخص أخر ...؟؟؟

يكون الجواب ....." وماذا  تقول لقلب يتقلب  بنبض انفاسه ورائحته من يوم رأته ...."

تتساءل بينها وبين نفسها دوما " هل كانت أحبت أي شخص بنفس القدر اذا ما كانت ما التقته ...؟ "

تظل تتساءل ...وما من جواب  يشفي قلبها العليل...

لعب القدر لعبته عندما إلتقته...

عندما عشقته.....

عندما تركته....

تتذكر دوما عندما كانت تلتقيه  وتجلس معه علي العشب  ...

يأخذ ورقة بيضاء من أوراقها ويقول " أكتبي شيء "

فتكتب " لا تنسني "

اكيد مش راح أكمل بقية القصة لأن القصة منشورة ف الكتاب ده  

استغلال  مني  عشان تشتروا الكتاب  :)

مستنية اكيد ان الكتاب يخرج للنور عشان قصتي الي فيه 

وأول ما يكون متوفر ف الاسواق اكيد هعرفكم

بس تقولولي الاول إية رأيكم ف الجزء ده ....؟

ملحوظة .....

يا ريت محدش يكتب لي تعليق من غير اسم عشان بضايق

بس مبقتش اتعب نفسي كتير ف اني افكر مين ده الــ غير معروف  اذا كان هو مش عارف نفسه 

بس كدو ^_^

فوبيا رحاب صالح

علي صفحة مدونون علي الفيس 

اقترحت موناليزا ان كل واحد فينا يعترف  ف اعتراف 

وكان هذا اعترافي  

^_^ 

 

اعتراف إية الي انت جاي تقول عليه
قوللي قبلة معني  انك تسمع لي إية ....؟
محتاج حد يسمعك ...؟
حد تفضفض له وأنت متأكد أنه  هيكون سرك ف بير عميييييق
أنا هنا موجودة ....وكمان هديك النصيحة
لكن أنا واعوذ بالله من كلمة أنا ...أعترررف فده مستحيل
ايموشن بيقولك اسكت احسنلك
بس في شوية اعترافات يضحكوا  عن رحاب صالح
مثلا اني عندي فوبيا  من الحشرات  وخصوصا  البتاع ده الي بيمشي ع الحيطة أيون  البتاع ده اللي اسمه " برص " بترعب منه جدااااا
يمكن مش بخاف من الثعبان أو السحلية أد ما بخاف من البرص ...ايموشن بيطلع لسانه
بخاف من الصرصار  لدرجة لا يتصورها أحد ..وبقرف منه جدااااا
بس دايما بيجي ف بالي سؤال عن الصرصار " هو بيقرص والا بيعض " ايموشن عبيط كدة
بخاف جدا من النمل الكبير
والنمل الطيار  الي له جناح ابيض ده
عندي فوبيا من العناكب ....حتي الصغير اللي بيكون ف البيت ده 
حتي لو مجرد رسمه ع الحيط بخاف منه وبحس بقشعريرة  خوف لما أشوفه  لدرجة اني قلت  للولاد ف المدرسة يشيلوا الرسمة بتاعت العنكبوت من معمل العلوم عشان بخاف منها
بخاف منه لدرجة محدش يتخيلها  لدرجة ان في حد من اقاربي جاب عنكبوت جلد وخوفني بيه  واتضح لي اني خوافة بششششششكل
ايموشن بيقولكم محدش يعيش الدور ويعملها معااي والا ....كدة يعني
عندي خوف  غريب من المصاعد  وممكن اطلع الدور العاشر بالسلم بس مركبش اسانسير
بس بقيت اعرف اسيطر علي الموضوع ده شوية
ايموشن مبسوط شوية
اعترف اني كتومة جدا بكل ما يتعلق بي حتي ان كل من حاول الاقتراب مني لم يعرفني
لاني صعب ان لم يكن مستحيل اني افضفض مع حد أو اقول الي جوايا وده  بيضايق الناس القريبين مني جداااا
أعترف انني عنييييييييدة جدا
اعترف انني مهملة في صحتي بشكل بشع جداااا
اعترف أن
التدوين كان بمثابة الطبيب النفسي لي
وأن غالبية القصص التي كتبتها حقيقية  جداااا الا قليل جداا
اعترف ان
الحب لدي طاقة لا  تنفذ أبدا مهما كانت  صدماتي في من أحب
أعترف انني احب بقوة ..... ولكني لا أستطيع الكره أبداااا
اعترف انني  طفلة جداااا في سلوكياتي
لدرجة اني ممكن اخبط رجلي ف الارض واقول لاء مش لاعبة اللعبة دي للمدير بتاعي  لو قالي حاجة معجبتنيش ^_^ هههه
 اعترف ان
ااعترافي ده عبيط اوووي
بس حبيته عشان من موناليزا  ^_^ اممممواااة مني
 

ذات مومنت .....

 0

ذات مومنت ...قال لها " أحبك "

لكنها قالت بكل بساطة .....عارفة قول حاجة جديدة

عندما لا تكون اللحظة  لا تتناسب مع الشخص الحقيقي تكون سيئة بالفعل

1

ذات مومنت قالت له ....لا تتركني

ولكنه في ذات لحظة تركها  ليذهب لأخري تناسبة أكثر  إجتماعيا

3

ذات مومنت ....

بيسألها " انت مرتبطة ...؟"

قالت " لا في ريليشن شيب "

يا دي عقدة الخواجة  الي عايشين فيها 

4

ذات مومنت ....

وانت بتتفرج علي مسلسل تركي  

تلاقي أن الفجوة بين الاجيال عبارة عن " وفيها إية اني اكون حامل من صديقي "

وتكون الــ مومنت الي بعدها  مامتك بتقول ....مش تركيا مسلمين والا انا  مش واخدة بالي 

5

ذات مومنت .....

وانت قاعد مع حبيبتك في كافية راقي جدا 

تمسك المنيو  تطلب عصير ما ....

تلاقي عصير جرجير بالشطة 

ولما تندهش وتسأل  يقولوا " ياي بلدي " ده مش مودرن خالص

6

ذات مومنت ....

لما يكون عيدالام علي الابواب وانت بتشتكي ان المرتب خلص  ومش معاك موصلات لأخر الشهر 

وتعمل مفاجأة لمامتك  وتجيب لها هدية  تكون أول جملة تقولها  لك " انت مش بتقولي انه مش معاكي فلوس بتجبيلي هدية لية "

والله الــ ماما  بجد بتتعب معايا كتير اوووي 

7 

ذات مومنت .....

لما هو يقولك "انا بس بعدت عنك عشان مظلمكيش معايا "

الحجة الابدية  للهروب اللطيف

8

ذات مومنت ....

لماا تلاقي واحد زميلك ف الكلية يسألك ف حاجة وتتعرفوا علي بعض 

تلاقي زميلاتك البنوتات بيقولولك " مين ده ...؟ البوي فريند ..ايوة يا عم ماشية معاك "

متعرفش لية دايما بنفهم كلام بنت مع ولد  علي انها علاقة حب مش زمالة ولا صداقة ....

9

ذات مومنت ....

لما تكون هتتجن وتسمع صوت الشخص ده ...

عارف انه مش هيرد عليك لما تتصل 

فــ تتصل من رقم تاني .....تسمع صوته وتقفل....

يا تري هيحس بيك.....؟؟؟

سؤال  بتمني انه يقراه ويعرف معناه

10

ذات مومنت...

هو ...بحبك

ذا مومنتس ...من الخجل والصمت 

ثم....

هي ...بحبك

ما أجمل لحظات الحب ^_^ 

 حملة تدوين بتمني تتابعوها وتشاركوا فيها هنا...../https://www.facebook.com/events/176320595853189/

انه لــ شعور لا يوصف

 0

 

ده إياد حبيب خالتو وهو عنده يوم واحد بس 

لكن دلوقت بقي كبييييييير جدا عنده شهر ونص بحالهم 

0

كنت دائما اقف بالخارج لا أجروء علي الدخول

خائفة  ...ربما.....متوجسة ...ممكن ....مشتاقة ....جدا مشتاقة

انه الاحساس  الصحيح...الاشتياق

كنت دائما اقف خارج غرفة الكشف بالعيادة النسائية  عندما أذهب مع اختي إلي هناك لتطمئن علي جنينها

بعد شهور تجرأت للدخول معها  وحاولت تدقيق النظر  علي شاشة السونار لاري  يد الطبيبة وهي تشير الي يده والي رأسه

وانا  مشدودة  للشاشة ...واقول سبحان الله

عندما جاء موعد الولادة كنت اتهرب من اختي حتي لا أراها وهي تتألم

ولكن اختي كانت مصممة ان أذهب معها

وما بين النزول والطلوع مليون مرة السلم  للصيدلية  كنت في حالة غريبة من التساؤل والتأمل

هي " تتحمل الالم ...وتكرهه ...لكنها عندما تري طفلها  تنسي كل شيء " هي كل ام

في صالة الانتظار كنت اقف انا واختي وزوج اختي  في انتظار سماع صرخات الجنين وهو يخرج  للحياة او كما تقول اختي الكبيرة " يخرج من الدنيا الواسعة للدنيا الضيقة " فبالنسبة لــ جنين  كانت دنيته هي  بطن امه  عالما يشبهه كونه بمعرفته وعلي  هواه وهي كل العالم بالنسبة له...  لخروجه إلي عالم موحش مليء بالتناقضات دنيا ضيقة لن يجد فيها الا  منزل ذو حوائط اربع يسكنها

لم اسمع صوته  الصغير وهو يبكي معلنا  خروجه من حياة ودخوله حياة اخري......بل فوجئت بالممرضة تحمله خارج غرفة العمليات  وتعطيه لأبية ...وانا طبعا عاملة زي الأطفال بقول " عايزة اتفرج عايزة اتفرج ..."

كنت منبهرة جدا به وسعيدة جدا برغم أنه ولد  وأنا أريد بنت " علي أساس يعني ان ده بمزاجي  وأن الطفل ده لعبتي "

فاكرة ان لما الطبيبة قالت انه ولد قلت لها وأنا زعلانة " هو احنا مش ممكن نغيره ونخليه بنت :( ضحكت جدا وقالت عادي لما يتولد روحي للسوبر ماركت بتاع الاطفال وغيريه "

                                          وهو عامل ايدة كدة بيفكرني بــ خالو احمد

في هذه اللية لم تنم أختي  ولم تغلق عينيها أبدا من الام العملية  وتدعي الله أن يخلصها من الامها 

ومن بين الامها قالت لي  " تصدقي يا روبي ان الولد ده  ربنا مسهل كل حاجة له لغاية ما أتولد ...ٍسبحان الله كل حاجة كانت بسهولة حتي انه أحلي من اخوه لما اتولد هاتيه كدة أشوفه "

يعني حتي وهي ف الامها بتفكر فيه ....

هي كانت طول الليل تتألم وأنا كنت طول الليل اتأمل هذا الكيان الصغير  ...الهش....الرقيق ....الناعم ....ذو الرائحة التي ليس لها مثيل .....هذا الملاك.....هذا الكياني النوراني ....

اداعب خده ....وامسك يده  المنمنه بإصبعي  .......أحمله برقه لأتأمله  اسأل أختي " هو لية مش بيفتح عيونه "

كنت أحمله وأنا خائفة جدا ولكني مشتاقة لذلك الاحساس الذي  لا يضاهيه احساس اخر ...... الامومة 

وقتها تذكرت أن مهما فعلت مع أمي لن أوفيها حقها أبداااا.....

لا يكفي أن  يكون يوم فقط  نحتفي بها بل ان كل يوم لا يكفي ....ولا كل ساعة ولا كل دقيقة ......

دعونا مع كل نفس نتنفسه ندعو لأمهاتنا جميعا  بكل دعوات محببة بكل ما في قلوبنا نحوها من حب واجلال وتقدير ومودة 

" أحبك أمي  وأعرف أنني كثيرا ما أظلمك معي ...ولكني دوما أحاول أن أكون كما تريدين  ..."

1

                                                         الصورة دي من عند فاتيما

كل سنة وكل أمهاتنا بكل خير وسعادة

كل سنة وكل ماما ف بلوجر بخير  وسعادة ..... حبيبتنا كلنا " فاتيما "

ماما  شموسة " شمس النهار "

ماما الغالية " ليلي الصباحي "

وإلي  كل الــ ماما الصغيرين الحلوين .....نهي صالح.....شيرين سامي .....و... مارو قلب القطة ....وشيمو .... وكل مامات بلوجر وعقبال كل بنوتات بلوجر " قولوا آمييين "

2

عملنا حفلة ف المدرسة" التي اعمل بها " بمناسبة عيد الأم  وكانت حفلة رااائعة فعلا ...ساعدت في تنظيمها قليلا 

والحمد لله كرمنا ثلاث أمهات  يستحققن بجدارة لقب الام المثالية .....

حتي أنهن مختلفات في كل شيء  ولكنهن يتفقن في شيء ....." فهناك العاملة " وهناك المعلمة وهناك ولية أمر طالبة بالمدرسة يتيمة الاب 

كنت اتمني أني اجيب لكم الصور بس للأسف لسة منزلوهاش علي جروب المدرسة 

بس كان يوم جميييييييييييل جداااا

3

في كل عيد أم كان يقول لها " كل سنة وأنت احل واجمل وارق ماما "

في كل عيد أم كان يذكرها دوما أن " لازم أول مولود لنا يكون بنت عشان تكون شبهك "

في كل عيد أم كان يقول لها " انا متأكد ان ماما كانت هتحبك أووي .....الله يرحمها ويقرولها الفاتحة هما الاتنين "

في كل عيد أم كان يتعامل معها  بكونه طفل مدلل متعلق بأمه

في كل عيد أم كانت هديته قبلة وحضن لم تنساهم أبداااااا

كل سنة وكل أم بخير وسعادة :)
ومفيش ماما من بلوجر تزعل لو مقولتش اسمها بس عندي زهايمر الايام دي 

بس مش حد يقول بحب :(

وشكرا للعزيزة ليلي الصباحي لدعوتها الكريمة للتدوين عن هذا اليوم بحبك ماما ليلي

شخابيطي .................10

 0

ليس كما هو المتوقع دوما من أن البحر قد يزيل ما بك من هموم

بل قد يزيدها أكثر مما تتخيل

فالذكري ليست علي رمال الشاطيء

قد يأتي الموج فيمحيها .....

فهي كــــ صخور قد حفرت فيها كلمات

لا تمحي بالماء والهواء

بل تمحي بمرور الزمان 

1

ككل يوم

تأتي من العمل تبدا في تحضير الغداء

بطريقة ألية  تخرج تلك الاكياس  المجمدة من الثلاجة

تضع بعض الاواني علي الموقد

تبدا في تحضير وجبة تعرف انه يحبها

تعبة هي ....تشعر بذلك

ويعرف هو أيضا ذلك

تتحرك كثيرا في ارجاء المكان ما بين تنظيف وتنظيم

تذهب لغرفة النوم تعطرها بعطر مريح للأعصاب وتطفيء الانوار فيها

تضع ورودا علي مائدة الغداء

تفتح قائمة الاغنيات علي اغنية تعشقها وتدور في ارجاء المكان كأنها تراقصه وتراقص الموجودات فيه

تلملم  ملابسه الملقاه هنا وهناك تستنشق رائحته  تلمس أشياءوه كأنها أعمي يتلمس الطريق

ساعة .....اثنتان .....ثلاث .....

تضع الاطباق علي المائدة  ...ترتب الزهور ....تضيئ الشموع ..تعطر الغرفة

أخيرا تذهب للحمام.....تزيل عنها غبار الطريق......تعب العمل .....سخافة زملائها ....سماجة مديرها ....

تفكيرها فقط فيه هو ما يبقيها حية ....تشعر ...تعيش

ينساب الماء علي رأسها ....يتغلغل في خصلاتها الغجرية ...

تتذكر كلماته " اعشق شعرك مبللا ....اعشق رائحته مبللا ....احب أن أصففه لك بأصابعي "

تمرر أصابعها في خصلاتها  تشعر كأنها أصابعه....

تشتاق له...لوجوده...للمساته

تنتهي من الاستحمام ..فترتدي اللون الذي يعشقه وتترك شعرها تنساب منه قطرات الماء كأنها قطرات الندي علي وجه الصباح

تدخل غرفة النوم تضع عطر يعشقه...

تدور في ارجاء الغرفة تحضن طيفه الغائب

تسقط علي الفراش .....تدغدغها أحلامها .... تسترخي .....يداعب النوم جفونها .....تسترخي عضلاتها  واحلامها  وجفونها تسترخي

لتسقط في نوم لذيذ ....

" مشهد من قصة لم تكتمل بعد "

2

هي لطيفة جدا.....هادئة

جميلة.....بسيطة

تعرفت عليها منذ شهور قليلة

أول مرة أعرف ان صوتها حلو اوووي

ومش صوتها وهي بتغني

لا..... صوتها في القرآن

والادعية  الدينية

هي تحاول حفظ القرآن الكريم 

وتسجل بصوتها علي هاتفها المحمول بعض الايات ....

اسمعتني إياها منذ يومين عندما وجدتني مشمئزة من اغنية كانت صديقة مشتركة لنا تسمعنا اياها قائلة " بموت ف تامر "

ساعتها وانا استمع لتسجيل السورة  كانت ملامحي تهدأ وتسترخي واعصابي  تهدا  واغمضت عيني مستمتعة

" حقا ليس هناك اجمل من كلام الله ليريح اعصابنا المتعبة "

3

كانت محتارة بالطفلة المقهورة من البكاء ولا تدري  ماذا تفعل معها 

وعندما اقتربنا منها  وحاولت صديقتي ان تأخذ الطفلة  رفضت الطفلة  أن  تذهب اليها ومدت يدها نحوي  فأخذتها في حضني 

فسكتت عن البكاء واستكانت لي ....

استغربت جداااا 

فقالت لي صديقتي  " متفرحيش اووي يعني البنت مش حبتك ولا حاجة كل الحكاية ان مامتها قصيرة كدة زييك عشان كدة بس اتلخبتط فيك انت وهي "  طبعا  ضحكنا كتييير 

"  الاطفال  غير الكبار يا يحبوا يا يكرهوا  ومش عندهم مجاملات "

أخيرا  

حفلة توقيع صندوق ورق بالاسكندرية الساعة اتنين  يوم السبت 16 مارس  في مكتبة ديوان بجوار مكتبة الاسكندرية 

مستنياكم ^_^ 

التفاصيل هنا .....

نـــــــــــوافــذ مــــــواربــــــــــــــــة ^_^

يوم أخر من الفرحة برغم تعب الموصلات 

الكلام عن  الفرحة ليس كأي كلام

فنحن نعشق الكلام عن الحزن واللوعة 

لكن الكلام عن الفرحة فهو غريب  عنا 

لهذا لا نستطيع أن نصف الفرحة مهما أجدنا الكلمات 

هذا هو شعوري يوم حفلة توقيع  كتاب المائة تدوينة الثاني " نوافذ مواربة " 

صحيح كنت اتمني حضور ناس  ومقدروش يجوا بس كفاية ان في ناس جات مخصوص عشان من أماكن مختلفة 

زي " محمد عامر " زميل التدوين  اللي جاب لي احلي ورد واعتذر ان مكانش في ورد بنفسج  ^_^ بس كفاية انه اهتم وجاب لي ورد وانا بجد انبستط جدا والورد طبعا  محافظة عليه جداااااااااااا لدرجة اني لما روحت الشغل تاني يوم قلت لـبابا ياخد باله منه عشان مش مطمنة أن أختي  ممكن تفترسه وتغيظني  ههههه 

ميرسي يا محمد وده الورد 

,وعلي فكرة الورد ده فيه ثلاث وردات بنفسج  اتفاجأت بيهم فعلا  " ميرسي يا محمد "^_^

 والصديق " زكريا سالم " وده صديق  من زمااااان جدا ومشوفتوش ولا مرة حتي هو حضر يوم حفلة المعرض وانا مكنتش لسة وصلت وهو مشي وانا حضرت وبعتذر تاني يا زكريا  ,وكمان زكريا أول شخص استقبله ف الحفلة بجد هو شخصية عفوية وطيوووووووووبة جدا
وبجد سعيدة اني شوفتك وميرسي علي كلامك بخصوص صندوزق ورق  وبخصوص نوافذ مواربة  وان شاء الله احضر لك حفلة توقيع قريبا لانك موهوب فعلا 

ودي صورة محمد وزكريا  مع الحضور

اللي ف طرف الصورة من اليمين ده  الي بيقرا ف كتابي هقولكم هو مين بعدين  اما الاتنين الي ادام مش اعرفهم الصراحة بس اصحاب اصحابي أما  محمد عامر هو الاسمراني الي ورا ده واللي جنبه باليمين  ده هو زكريا ...اما انا فهناااااااااااك 

أول شخص استقبلني ف الحفلة طبعا مانت الجميلة لبني واختها العسل إيثار

وقبل ما أدخل اصلا قابلت محمد عامر وايمان صديقتي العسولة  الي دايما مش بتسيبني ف الحالات دي بحبك يا ايمان ^_^

دي إثار ولبني وانا 

وطبعا كان أول مان أشوفه بعد محمد عامر هو محمد بردو بس محمد الوكيل .....ومعرفنيش ههههه ازاي يا محمد متعرفنيش هه 

واضح اني اتغيرت  كتير من ندوة دكتور احمد خالد توفيق اللي اتقابلنا فيها هههه  اية ده بس قابلتك يوم حفلة بطاقة هوية  انت وسهي 

وقابلت سارة حسين يخربيت ضحكتك  يا سارة اية الجمال ده يا بنتي وبعدها نانسي زكريا  مش عارفة حبيت اللون الاحمر عليك يا نانسي جدااا انت اصلا عسل  والصورة دي لـــ محمد الوكيل وسارة حسين وانا ونانسي زكريا 

كان في بنوتة عسولة كدة  قبل الحفلة كنا بنتخانق انا وهي مع الوكيل وبعدين شوفتها يا ربي عسل اية ده  الي اسمها جهاد محمد 

هي وايثار  

الاب الروحي لقت اطلقناه علي خالد ناجي وهو كان معانا يوم الحفلة وبجد وجودك فرق كتير يا خالد

تاكاشي ...الي كان مسؤل عن حملة التدوين لشهر فبراير كان موجود .....اهو  مع خالد ناجي  ومحمد الوكيل

كان في ناس موجودين اصحاب سارة ونانسي ومدونين مش اعرفهم بس سعدت جدا اني وشفتهم  واخص بالذكر طبعا رحاب صاحبة نانسي  هي دي 

طبعا كل واحد فينا اتكلم عن التجربة وبجد انا كنت خايفة ومتوترة جدا 

بس كانت معايا صديقتين بجد شجعوني جدا  هما ايمان .....و ...موناليزا 

اللي اخيرا شوفتها ...

وسيبت موناليزا للأخر عشان يبقي ختامها مسك 

مني مش ممكن جمالها ولا طلتها ولا رقتها ....والا صوتها يا جماعة بجد اية ده .....والنبي انا لو راجل مسيبهاش ابدااااااااا

يا ريتني كان عندي اخ غير احمد يا مني كنت جوزتهولك علي طول  عشان تفضلي معايا 

مني بجد وجودك فرق معايا كتير  وتشجيعك وكلامك بجد  خلاني اطير م الفرحة 

وكنت اتمني اني افضل معاك وقت اطول بس انت عارفة ظروفي بس اكيد راح نتقابل تاني و نرغي مع بعض اكتر

موناليزا مكانتش لوحدها يا جماعة  ...كانت جاية مع  " محمد " أخوها  الي اتشرفت بمعرفته جداااا وسعيدة ان القصة عجبته وعلق لي عليها  وقالي كمان نقد عليها وانا بجد سعيدة  بيك يا محمد انت ومني  وبتمني نتقابل تاني ....والف سلامة عليك يا محمد  لاني عرفت من موناليزا انك تعبان   شفاك الله وعافك  ويارب تكون بخير دايما وف احسن حال 

هو ده محمد الللي لابس رمادي   وسارة واقفة ورا

هنا سارة وجهاد 

وهنا  سارة  ولبني ونانسي

وهنا سارة والوكيل 

وهنا محمد عامر والوكيل

 وهنا   انا وموناليزا مصممة علي صورة بضحك فيها  وطبعا واضح ف الصورة الوكيل وسارة ونانسي

وهنا  العسولة سارة بتوقع

وهنا  محمد الوكيل

وهنا  انا ومحمد عامر

 وهنا لما كنت بتكلم عن تجربتي ف نوافذ مواربة

 وهنا وانا بوقع لموناليزا العسل  صحيح مش ظاهر غير رموشي ف الصورة بس كفاية ان موناليزا الي مصوراني من غير ما اخد بالي

 وهنا  صورة خاصة من موناليزا  بتقولي عايزة صورة انثوية  ....هههه هي دي الانوثة بتاعتي يا منمن

وهنا  موناليزا مصممة علي ابتسامة  مني

 وهنا  انا والوكيل وسارة  كتابنا

وهنا  موناليزا مصممة اني اضحك بردو عشان الصورة تطلع حلوة 

ولو عايزين تشوفي باقي الصور  ادخلوا هنا ...... 
وعلي فكرة اخيرا في صورة بتجمعني مع موناليزا بس دي صورة خاصة مش للنشر يا جماعة " ايموشن بيطلع لسانة كدة "
ههههه كمبسوطة كتير وميرسي لكل الناس الي حضرت معانا والي محضروش  وكانت قلوبهم معانا  ودعواتهم 
بحبكم كتيييييييييييييييير