ايام الامتحانات المشحونة ولمذاكرة والمراجعة في حوش الكلية مع زملائي ,وما كان يحدث فيها من اشياء غريبة
اول
جلست انتظر زملائي حسام وحسن عشان نرراجع المادة قبل دخول الامتحان ...رأيت زميل لنا اعفه ولكني كالعادة نسيت اسمه _لا اعرف ماذا حدث ليا حتي انسي الاسماء هذا الشكل خصوصا وقت الامتحانات_ حاولت ان اتذكر ولكني لم افلح ..حتي ناداه شخص قائلا مينا
يااااه مينا زميلنا
اتذكر اول ما تعرفنا وقال لي تشرفت معرفتك رحاب انا اسمي مينا ميخائيل
لا احتاج للذكاء لاعرف انه مسيحي ؟؟؟
ثان
حسن وانا بنذاكر الرأي العام قبل دخول الامتحان
حسن:معاكي رقم ايزيس؟
انا:ايزيس؟؟؟
مين ايزيس ؟انا لا اعرفها؟؟
مسيحية هي؟؟؟
حسن:كلا بالطبع انها مسلمة
انا :اسمها ايزيس !!انت تعف ان الاسماء الغريبة دائما لمسيحيين
حسن :اعرف وانا اعتقدت هذا ايضا...ولكن اتعلمي انها ترتدي الحجاب ؟
وايضا اسمها ايزيس محمد علي
انا ضاحكة :اسم تاريخي جدا
ولكني لا اعرفها صدقني
حسن :ايزيس زميلتنا ..انت تعرفينها جيدا ...الا تتذكريها ؟؟؟
انا:حسن انا لا اعرف اي فتاة بالكلية اسمها ايزيس ابدا
حسن:انتظري قليلا حتي تجيء انا متأكد انك تعرفينها جيدا
بعد قليل
حسن:ها هي ايزيس
انا:انها زينب؟؟؟
حسن:زينب مين؟؟؟دي ايزيس
ايزيس:صباح الخير
صباح االنور
اتأمل في عينيها التي تشبهان كليوبترا كثيرا...قصدي اليزبث تيلور في فيلم كليوبتراواقول:الم تقولي لي من قبل ان اسمك زينب؟؟؟
ايزيس: بصراحة اسمي مشكلة دائما ولو انني ارتدي الحجاب لحسبوني مسيحية...الحكاية ان ابي مدرس تاريخ واطلق علينا جميعا اسماءا تاريخية ...وامي لم يعجبها هذا فاطلقت علينا اسماءا اخري انا زينب ومينا محمد نفرتيتي نبيلة
انا وحسن ضحكنا كثيرا...ولكني فكرت بعدها لماذا نحن دائما هكذا...الاسماء الغريببة عندنا مرتبطة بأسماء المسيحيين؟وحتي عندما يسلم اي من الاجانب يطلقون علي انفسهم اسماء اخري يقولون انها اسماء مسلمة...هل هناك اسماء مسلمة واخري غير مسلمة؟؟؟
ثالث
اكره الاخوان او اكره التعصب او التمييز
الشاب الملتحي المرتدي لجلباب قصير ابيض اللون...الذي تدخل بيننا انا وزملائي قائلا اننا عالة علي الدين واننا فاسقيين لانني جالسيين جانب بعض نستذكر قبل دخول الامتحان
انا لم ارد علية ...لما ارد او اتجادل جدال عقيم مع متخلف كهذا
قلت:حسن مينا هيا نجلس بعيد عن هنا لان الهواء هنا خانق جدا
الشاب اللملتحي :وكمان مع واحد مسيحي ؟؟؟
انت حقا عالة علي الدين الاسلامي ...انا لا اعرف لماذا ترتدي هذا الحجاب انك عار علي الحجاب
عندما دخلنا اللجنة كان ذلك الشاب الملتحي يغش بكل ما امكن من طريقة
هل هذا من الدين ايضا ..والا لان الفتاة التي كانت بجواره منتقبة؟؟؟
يوم اخر
حسام وحسن ومينا وانا بنذاكر
تقريبا انا اللي كنت بذاكر بس ...لانهم كانوا واخديين بالهم من اللي رايح واللي جاي ...وخصوصا الفتيات
وبرغم ان حسام خاطب وبيموت ف خطيبته الا انه برغم ذلك عينه رايحة علي كل البنات....؟
وطبعا حسن ومينا مش اقل منه...؟
يظهر ان كل الرجالة عنيهم زايغة...؟
يوم من ايام الامتحانات وقف ذلك الشاب يتحدث مع امثاله من الزملاءكان يرفع صوته فوق الجميع , والجميع يستمعون له ...كأنه القائدلفت نظري فقط انه قال انه يعمل في مؤسسة جود نيوز..واخرج الكارت الخاص به وعلية العلامة المميزة للمؤسسة كنت اريد ان اتحدث معه الا انني شعرت انه مغرور ومتعالي جدا الا انه جائني بعد مدة من الوقت يسألني عن مكان المدرج الذي نمتحن بهكنت اتكلم معه وانا عيني بالمذكرة التي اقرأها وهذا لم يعجبه طبعا ***********بعد ساعة جاءت علا ونادية وخطيبها ايمن وعندما جلسوا معي وجدت ذلك الشاب ياتي مسرعا ويسلم علي ايمن وعلا ونادية ويتحدث معهم وبالطبع جلس معنا , التفت الي وقال الم تعرفيني بنفسك ؟ انا خالد صحفسي بجريدة ....واعمل بمؤسسة جود نيوز ..اتعرفينها ؟ احسست انه شاب مظهري جدا يحاول ان يخلق حوله عالما خاص وهو ليس اهلا له , قام ايمن بتعريفي اليه وانا اتجاهله كل دقيقة يخرج الموبايل يتحدث ...نعم ..اه في المصري اليوم...لاء ف البديل....طيب روح الاهرام ...قولهم بس انك جاي من عنديايوة يا محسن ...هو انت لسة ف الاهرام ؟الو...مجدي ...لاء المقال هيكون جاهز بكرة..اصل انا عندي امتحان******كنت اختنقت من اسلوبه السخيف ..اسلوب المنظرة ده والفشخرة الكدابةوهممت ان اتكلم معه ولكني وجدت عينة تتابعان شييء ورائي ووجدته يقول جملة لم انتبه اليها في البداية ...اية الشيكولاتة الجامدة دي؟؟؟والتفت ووجدت فتاة سمراء جميلة ...جميلة جداضحك ايمن وعلا ونادية وقالت علا: علي فكرة انا بضايق جدا لما حد يعاكسني بحس اني نفسي اقتله وخصوصا لما يوصفني بوصف غبي زي جامدة وو....وكلام من دهايمن: بالعكس البنات بتفرح قلت انا : رجالة عينهم زايغةخالد : يعني الستات اللي عينهم مش زايغة؟انا: انا مقولتش كدة بس الرجالة عينهم زايغة اكتر احنا ممكن عينينا تزوغ علي الملابس المجوهرات الاكسسوارات العربيات مش الرجالة؟خالد : لاء بالعكس الستات عينهم زايغة ع الرجالة اكترعلا : لاءنادية :لاء الرجالة ايوة الستات لاء ايمن : يا بني احنا في وسط ثلاث منهم متحاولش معاهمانا : مش كدة يا ايمن بس دي حقيقة معروفة ان الرجالة اللي عينهم زايغة اكتر علي الستات مش علي اي شيء تاني خالد : يظهر انك غلباوية ولمضة انا: مش لماضة ولا حاجة انا بقول حقايقخالد : دي مش حقيقة ده تزويرانا: يا سلام ...واللي انت عملته من شوية ده اية؟ تموية...علي فكرة انت يظهر ان افكارك سوري يعني رجعيةخالد: رجعية ...اه انت باين عليكي من بتوع حقوق المرأة والمساواة والكلام الفاضي ده ...لالالالا شوفي يا بنتي متحاوليش معايا لاني ضد كل دهانا : وانا احاول معاك لية اذا كانت افكارك متخلفة اصلا ...اذا كان المجتمع اللي عايشين فيه ذكوري جدا ...وعينية زايغة وانت بتقول العكس خالد: لا يظهر انك بجد....ساعتها رن موبايلي...طيب بس بس ارد عليس الموبايل...خالد: احنا عايزين نذاكر ردي علية ف مكان تاني ؟انا: يا سلام...وانا كنت هنا من قبلك....والمكان واسع كتير ممكن تروح اي مكان...ثم انت كنت بتتتكلم من شوية واكتر من مكالمة ...هي مسألة عند وخلاص ...والا عشان الرجالة عينهم زايغة...؟يااااااة كسفة جامدة جداااااااااقام من غير ما يتكلم وانا رديت علي المكالمة....بعدها التفت الية وقلت: بس برضه الرجالة عينهم زايغة علي الستات
اغرب المواقف
شاب وسيم ..
أولا تحياتى على المدونة الجميلة ..
ردحذفوان كنت بنفى ان يكون هناك من يفتقد للحرية الحياتية .أو لايستطيع أن يعيش حياته كما يرغب ..
ثانيا أنا زعلان انك تكونى بهذا المستوى الثقافى الرفيع ولا تستطيعى التفرقة بين الاخوان وغيرهم!! "جلباب قصير و لحية و احتقار للناس " دوول مش الاخوان ولا هيكونو.الاخوان عمرهم مادورو على مظهر وتركوا أصل .. " ملقتيش غير الغشاش ده "
لكن بجد انا اتمنى اشوف رأى نقدى جاد مبنى على قراءة لفكر وأهداف ...مش أحكام عامة تخلط كل ألوان الطيف ؟
اخيرا بكرر تحياتى مرة تانية
محمد القمرى
استاذ محمد
ردحذفاولا شكرا علي التعليق
ثانيا والله يمكن الاخوان هم من تركوا هذه الصورة الذهنية السخيفة في اذهان الكثيريين منا
وانا هنا الفت النظر لجزء منهم وليس جميعهم...وعلي فكرة انا لي بعض الصديقات من الاخوان
برافو رحاب بالله عليكي انا بحترمك جدا وبذكرك بكل خير والله وبقدرك كقيمه وبحترم كل الافكار والديانات القائمة على احترام حرية الاخر ونا ملتحي واخواتي منتقبات بلاش يارحاب تكوني من اللي بياخدو العاطل بالباطل انا برة مصر بس بكتبلك يمكن تقري المقال اعتبرو الملتحي زي المسيحي وحاولو تتحاورو معاه يمكن يكون متفتح اكتر على فكرة مش كلهم شياطين والله ومش كلهم غشاشين وياريت زي مابنقول لينا زميل مسيحي محترم ممكن نقول ولينا زميل ملتحي محترم شكرا يا رحاب ياريت ارجع اقرا مقالاتك وحفكرك بكلمه قولتها ياريت ندعو لعدم التعصب بدون تعصب وندعو للسماحه بسماحه والله لي اصدقاء بوذيين في العمل وهندوس ومسيحيين ونا الملتحي اقرب واحد ليهم
ردحذفالجزء الأخير مافهمتش علاقته ايه بالأجزاء اللي قبله، يعني انت دخلتي ف موضوع زوغان عينين الرجالة والكلام ده، بعد ماكنت عيشتينا في اجواء العنصرية والتطرف.. فيما عدا الملحوظة دي، اقدر اقولك اني استمتعت جدا جدا بالقراءة، والملاحظة اللي انا كتبتهالك في مقالك الأخير، انت مطبقاها هنا فعلا وبشكل رائع، ياريتني قرات بالترتيب.. انت هنا بتتكلمي عن تجارب شخصية حقيقية، وده مؤثر بشكل لا تتخيليه، خصوصاً ان اسلوبك معقول جداً ومحتاج بس لشوية تنقيح... اخيرا، انا متفق مع الملاحظات اللي جاتلك بخصوص عنفك اللفظي مع الاخوان او الملتحين والتعامل معهم ككتلة عامة واحدة.. ماينفعش تبقي بتدعو للحرية والحوار وعدم التفرقة، وبعدين تصدري حكم عام على ناس بسبب لبسهم او معتقداتهم.. صح؟
ردحذفالاستاذ الملتحي اللي معرفش اسمه
ردحذفانا بحترم رأيك جدا وميرسي علي تعليقك وانا بحترم اي شخص بغض النظر عن ديانته او شكله المهم احترامه ليا انا الاخري
استاذ وائل حمدي
ردحذفبيهمني رأيك جدا ,ودي عبارة عن مواقف حصلت في ايام امتحاناتي وكنت بدونها مش اكتر من كدة,ويمكن احنا او جيلنا بالتحديد قابل الاسوء في كل شيء الاسوء ف المعيشة والتكنولوجيا وقابل الاسوء ف الاخوان والمعارضة والمستقليين وكل شيء ,يمكن مقابلناش الاحسن فيهم وبالعكس انا اتمني تماما اني اقابل الاحسن فيهم لكن للاسف لغاية دلوقت مفيش