الخميس، 4 أبريل 2013

ذات مومنت .....





 0
ذات مومنت ...قال لها " أحبك "
لكنها قالت بكل بساطة .....عارفة قول حاجة جديدة
عندما لا تكون اللحظة  لا تتناسب مع الشخص الحقيقي تكون سيئة بالفعل
1
ذات مومنت قالت له ....لا تتركني
ولكنه في ذات لحظة تركها  ليذهب لأخري تناسبة أكثر  إجتماعيا
3
ذات مومنت ....
بيسألها " انت مرتبطة ...؟"
قالت " لا في ريليشن شيب "
يا دي عقدة الخواجة  الي عايشين فيها 
4
ذات مومنت ....
وانت بتتفرج علي مسلسل تركي  
تلاقي أن الفجوة بين الاجيال عبارة عن " وفيها إية اني اكون حامل من صديقي "
وتكون الــ مومنت الي بعدها  مامتك بتقول ....مش تركيا مسلمين والا انا  مش واخدة بالي 
5
ذات مومنت .....
وانت قاعد مع حبيبتك في كافية راقي جدا 
تمسك المنيو  تطلب عصير ما ....
تلاقي عصير جرجير بالشطة 
ولما تندهش وتسأل  يقولوا " ياي بلدي " ده مش مودرن خالص

6
ذات مومنت ....
لما يكون عيدالام علي الابواب وانت بتشتكي ان المرتب خلص  ومش معاك موصلات لأخر الشهر 
وتعمل مفاجأة لمامتك  وتجيب لها هدية  تكون أول جملة تقولها  لك " انت مش بتقولي انه مش معاكي فلوس بتجبيلي هدية لية "
والله الــ ماما  بجد بتتعب معايا كتير اوووي 
7 
ذات مومنت .....
لما هو يقولك "انا بس بعدت عنك عشان مظلمكيش معايا "
الحجة الابدية  للهروب اللطيف
8
ذات مومنت ....
لماا تلاقي واحد زميلك ف الكلية يسألك ف حاجة وتتعرفوا علي بعض 
تلاقي زميلاتك البنوتات بيقولولك " مين ده ...؟ البوي فريند ..ايوة يا عم ماشية معاك "
متعرفش لية دايما بنفهم كلام بنت مع ولد  علي انها علاقة حب مش زمالة ولا صداقة ....
9
ذات مومنت ....
لما تكون هتتجن وتسمع صوت الشخص ده ...
عارف انه مش هيرد عليك لما تتصل 
فــ تتصل من رقم تاني .....تسمع صوته وتقفل....
يا تري هيحس بيك.....؟؟؟
سؤال  بتمني انه يقراه ويعرف معناه
10
ذات مومنت...
هو ...بحبك
ذا مومنتس ...من الخجل والصمت 
ثم....
هي ...بحبك
ما أجمل لحظات الحب ^_^ 

 حملة تدوين بتمني تتابعوها وتشاركوا فيها هنا...../https://www.facebook.com/events/176320595853189/

هناك 15 تعليقًا:

  1. رائعه جدااااااااااااااا :)

    ردحذف
  2. جميل جدا ما كتبتية . جميلة كل مومنت ذكرتيها .
    وذات مومنت عندما تصادفك بعض الكلمات التي تعيد لك بعضا من ماضي وذكريات . تجعلك تغرق في الكثير من الأحلام . ترسم على وجهك ابتسامة ، بل الكثير من الابتسامات .

    بذكاء منك وعبقرية في الاختيار اخترتي الكثير من المناسبات والمواقف المختلطة بالحب . مع اختلاف الحب من تلك المومنت الى تلك الاخرى . ولكنه يبقى حب .
    ذكرتي ايضا بعضا من كلمات ومواقف ربما لم يفلت احدا منها . الجميع قالها وذكرها وعايشها .

    تشكراتي . كامل احترامي وتقديري . دعواتي . تحياتي

    ردحذف
  3. زات مومنت
    لما رحاب صالح تکتب حاجه
    بسیطه وف نفس المومنت معانیها حلوه
    یبقی لازم تشکرها وتقولها
    احسنتی یارحاب: )

    ردحذف
  4. زات مومنت
    لما رحاب صالح تکتب حاجه
    بسیطه وف نفس المومنت معانیها حلوه
    یبقی لازم تشکرها وتقولها
    احسنتی یارحاب: )

    ردحذف
  5. مش عارفة يا رحاب

    بحس إن لما الواحد يتصل على حد من رقم تاني عشان يسمع صوته، هو مش هيستفيد حاجة لأن الصوت اللي هيرد عليه مش هو اللي نفسه فيه، أصوات البشر وهما بيكلموا اللي بيحبوهم؛ وهما عارفين إنهم بيكلموا اللي بيحبوهم، بتبقى حاجة تانية
    اللي هيحصل إنك تسمعي صوت متنرفز عشان اللي على الناحية التانية "اللي هو انتي" مش بيرد
    وهتنرفزيه :(

    حلوة التدوينة :)

    ردحذف
  6. فعلا المومنتس دي كلها حقيقية جدا و بعضها بيوجع جدا

    تسلم ايديكي رحوبة و احساسك

    منورة

    ردحذف
  7. "ذات مومنت ...قال لها " أحبك "
    لكنها قالت بكل بساطة .....عارفة قول حاجة جديدة"
    أحيانا او دايما الرجال لا يفهمون الناس و أعتقد أن ذلك متبادلا
    تدوينة جميلة جدا و معبرة عن كثير من الأحباط بس ده العادى دلوقتى و مين مش محبط

    ردحذف
  8. ذات مومنت ..
    دخلت عللى المدونة دي ومعرفتش أخرج
    هههههههههههه

    تسلم ايدك يا رحاب
    تحياتي

    ردحذف
  9. ما أجمل لحظات الحب
    تعبير جميل فعلا يارحاب
    تحياتي

    ردحذف
  10. كتبت لك تعليق كبير بس راح في الوبا.. منه لله الانترنت :(
    لكن انا عجبتني التدوينة دي اوي..
    مبسوطة اني عندي وقت النهارده اتفرج واقرا وكده :)
    حجة الهروب دي انا سمعت اظرف منها يا رحاب بكتير اوي.. ومرة هابقى اكتبلك عن حجج الهروب اللي سمعتها.. مش هتتخيلي انعدام المسؤولية والتفاهة اللي مروا في حياتي :) وممكن تفهمي انا ليه عندي خيبة أمل في موضوع العلاقات ده لما تقري اللي انا عاوزة اكتبه يعني :)
    التوافق الاجتماعي لو مش موجود بيبوظ اجدعها قصة حب وده عن تجربة.. مش موضوع ماديات او كده.. لأ.. الموضوع له علاقة باستقبال كل شخص لبيئة الآخر.. ومدة تفهمه للغة اللي تمت بيها تربية الآخر.. ودي بتعمل مشاكل بنت تيت..!!

    :)
    انتي جميلة :*

    ردحذف
  11. ذا مومنت لما أكون معدى على المدونه علشان أخد فكره وألاقيها أكثر من رائعه
    أكيد هرجع أمر بيها تانى
    شكرا على البوست الرائع

    ردحذف
  12. حبيبتى ربنا يبارك فى عمر ماما ويخليهالك يارب ههههه ضحكت اوى على هدية ماما

    بوست خفيف ودمه سكر اسعدك الله وبارك فيك

    تحياتى لك بحجم السماء

    ردحذف
  13. ذات مومنت لما تلاقى حد عارف يترجم ال لى انت حاسس بيه فى كلام عمره ما خطر على بالك
    ويبقى هوه دا معنى تخاطر الارواح فى الملكوت الكبير

    ردحذف
  14. ماما دايما شاغله نفسها بينا اكتر من نفسها
    وقمة سعادتها انها تشوفك سعيده
    بوست جميل ومعانيه جميله
    تحياتي

    ردحذف
  15. هههههههههه انت حسستيني انك عفريتي :)))))))) كم تتشابه أفعال الحب :) ذات مومنت لما تلاقي حد بيعمل اللي انت بتعمله بالظبط
    عجبتني جدا التدوينة ديه بجد جدا

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين