الجمعة، 5 أبريل، 2013

فوبيا رحاب صالح

علي صفحة مدونون علي الفيس 

اقترحت موناليزا ان كل واحد فينا يعترف  ف اعتراف 

وكان هذا اعترافي  

^_^ 

 
اعتراف إية الي انت جاي تقول عليه
قوللي قبلة معني  انك تسمع لي إية ....؟

محتاج حد يسمعك ...؟
حد تفضفض له وأنت متأكد أنه  هيكون سرك ف بير عميييييق
أنا هنا موجودة ....وكمان هديك النصيحة
لكن أنا واعوذ بالله من كلمة أنا ...أعترررف فده مستحيل
ايموشن بيقولك اسكت احسنلك
بس في شوية اعترافات يضحكوا  عن رحاب صالح
مثلا اني عندي فوبيا  من الحشرات  وخصوصا  البتاع ده الي بيمشي ع الحيطة أيون  البتاع ده اللي اسمه " برص " بترعب منه جدااااا
يمكن مش بخاف من الثعبان أو السحلية أد ما بخاف من البرص ...ايموشن بيطلع لسانه

بخاف من الصرصار  لدرجة لا يتصورها أحد ..وبقرف منه جدااااا
بس دايما بيجي ف بالي سؤال عن الصرصار " هو بيقرص والا بيعض " ايموشن عبيط كدة
بخاف جدا من النمل الكبير
والنمل الطيار  الي له جناح ابيض ده
عندي فوبيا من العناكب ....حتي الصغير اللي بيكون ف البيت ده 
حتي لو مجرد رسمه ع الحيط بخاف منه وبحس بقشعريرة  خوف لما أشوفه  لدرجة اني قلت  للولاد ف المدرسة يشيلوا الرسمة بتاعت العنكبوت من معمل العلوم عشان بخاف منها

بخاف منه لدرجة محدش يتخيلها  لدرجة ان في حد من اقاربي جاب عنكبوت جلد وخوفني بيه  واتضح لي اني خوافة بششششششكل
ايموشن بيقولكم محدش يعيش الدور ويعملها معااي والا ....كدة يعني
عندي خوف  غريب من المصاعد  وممكن اطلع الدور العاشر بالسلم بس مركبش اسانسير
بس بقيت اعرف اسيطر علي الموضوع ده شوية
ايموشن مبسوط شوية

اعترف اني كتومة جدا بكل ما يتعلق بي حتي ان كل من حاول الاقتراب مني لم يعرفني
لاني صعب ان لم يكن مستحيل اني افضفض مع حد أو اقول الي جوايا وده  بيضايق الناس القريبين مني جداااا
أعترف انني عنييييييييدة جدا
اعترف انني مهملة في صحتي بشكل بشع جداااا
اعترف أن
التدوين كان بمثابة الطبيب النفسي لي
وأن غالبية القصص التي كتبتها حقيقية  جداااا الا قليل جداا
اعترف ان
الحب لدي طاقة لا  تنفذ أبدا مهما كانت  صدماتي في من أحب
أعترف انني احب بقوة ..... ولكني لا أستطيع الكره أبداااا
اعترف انني  طفلة جداااا في سلوكياتي
لدرجة اني ممكن اخبط رجلي ف الارض واقول لاء مش لاعبة اللعبة دي للمدير بتاعي  لو قالي حاجة معجبتنيش ^_^ هههه
 اعترف ان
ااعترافي ده عبيط اوووي
بس حبيته عشان من موناليزا  ^_^ اممممواااة مني
 

هناك 11 تعليقًا:

  1. مش كل حاجه نخاف منها تعتبر فوبيا ممكن حاجات نخاف منها لمجرد الجهل بيها يعنى الخوف بيكون لعدم المعرفه بالشئ وبمجرد لمسه قد نحبه كثيرا ودا عن تجربه فيه حاجات مكنش بحبها وأنا صغير لكن بمجرد معرفتى لطبيعة حياتها وليه سلوكها ساعات بيكون عدوانى فخلاص ممكن أتعامل معاها إنما الفوبيا المرضيه ده خوف فى المطلق زى فوبيا المرتفعات الى عندك وأنتى راكبه اسانسير


    وطبعا البوست جميل ويتحدث عن نفسه

    ردحذف
  2. اعتراف معترف بيه دوليا ، رغم انه ما فيهوش شيء من الاعتراف
    عارفة ليه ؟
    - اول كل اللي قلتيه طبيعي وموجود عند كل الستات اللي في الدنيا
    يعني كل الستات عندها الفوبيا اللي عندك باستثناء موضوع الاسانسير
    - ثانيا معظم النساء عندهم الحب طاقة لا حدود لها والطفولة ساكنة جواها كأنه جنين في بطن امه مش عايز يخرج للدنيا ^_^
    ايموشن ابتسامة كبيييييييييييييييييييييييييييييييييييرة اوي


    تحياتي

    ردحذف
  3. ايه ده يا رحاب هو فاضل حاجة مش بتخافى منها
    ده ايه متوالية الخوف دى
    ههههههههههههههه

    تعرفى اجمل حاجة فى اعترافك
    انه مش اعتراف
    انتى رسمتى نفسك اللى انتى شايفاها
    و ده صعب جدا ان حد يصور نفسه و يعرف يجيب جميع ابعاد الصورة

    تحياتى

    ردحذف
  4. حلووووووةاوي بس خلاص حكاية الزواحف مبخفش منها بحكم ان اتهريت تجارب عليهم ف الكلية :)

    ردحذف
  5. هههههههه اعترافات لذيذه اوووي يارحاب
    وحلوه فكره الاعتراف لانها بتخرج الطفل اللي جوانا
    دمتي بخير

    ردحذف
  6. التدوين كان بمثابة الطبيب النفسي لي

    انا معاك جدا فى الاعتراف ده :)

    اما كونك طفلة فانا ومن هذا المكان الرائع ومدونتك الرقيقة اقولك انى فكرت العب اللعبة دى هههههه لعبة الاعتراف
    من حوالى سنتين عملنا موضوع كلنا اسمه كرسى الاعتراف كان جميل جدا اعتقد ان الامر يتكرر لكن باسلوب مختلف

    يمكن قريبا تجدى اعترافاتى على سلما للسماء :)

    تحياتى لاجمل طفلة فى بلوجر :) بحجم السماء

    ردحذف
  7. ممممممممم
    الكام فويبا اللي في الأول متهيألي فوبيا عند كل بنات حوا


    عجبتني عفويتك وبساطتك

    بالتوفيق دايما

    ردحذف
  8. الحمد لله يا رحاب ان كل ما تخافين منه مرئيا الاخطر من الخوف من كل ما يظهر بغير ما يبطن ويبطن بغير ما يظهر
    مقال جذاب كصاحبته

    ردحذف
  9. جميلة اعترافاتك :)

    ردحذف
  10. حلوة بجد اعترافاتك ...

    الكائنات الزاحفة والطائرة والصغيرة دي ربنا يبعدنااا آمييين

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين