الاثنين، 28 مارس، 2011

حــــــــــاجات جـــــــــوايا

(1)
أنا مسافر .....
مسافر...؟
آه ...الاسبوع الجاي ...البلد خلاص راحت وانا خلاص زهقت م اللي بيحصل , السفر أفضل شيء , والبعد عن البلد  في ظل الاحوال دي أفضل شيء ...
بس ده اسمه هروب .......بتهرب من البلد وهي في حاجة اليك...؟ بتهرب  مني وانا في احتياج اليك...؟
بتهرب مننا احنا الاتنين...؟
آه ....بهرب ...و.بتمني انه يكون هروب أبدي
(2)
شعرت بملمس الشفاه الرقيق علي خدي ففتحت عيني ببطء مبتسمة غير متفاجأة
ضحكتها البريئة ووجهها الجميل , كلماتها المتعثرة , ورائحتها الطفولية التي تنعشني
حاب ....تناديني ....توتو....تلمس ربطة شعرها وتريني إياها فرحة بها
يفيض قلبي بالحنان والحب ....أضمها لحضني بشدة و.........أتذكرك

(3)

تشكو لي منه وتقول  ليتني ما أحببته
وتجيئني  ثاني يوم قائلة ....اعشقه ولا أستطيع البعد عنه....!!!

(4)

أتطلع إلية ...أستمع له
أتمني لو كنت بقربه  في شدته
أعرف أنه كأس كل الناس  شاربته ...الا انني شعرت بأنك مسؤل مني وأنك حقا أخي الصغير

 (5)

أتعرف .....لقد شعرت في لحظة من اللحظات أنني أحببتك حقا ...
ولكنني اكتشفت أنه مجرد فضول
ليس معني أن أقول لك أنني لا أحبك ...أنني لا أحبك....
لماذا لا نكون صديقين ...؟
أتعرف ...لو كنت هنا ...بقربي ....لجعلتك تغير كل حياتك...وتنسي كل الفشل الذي عانيت منه...
فالفشل ليس معناه نهاية المطاف ...ولكن الاستمرار في الفشل هو النهاية...
حاول أن تنجح....حاول فقط....والمحاولة نفسها  بداية النجاح....
لا تضع أمام عينيك  ما فشلت فيه ...وضع أمامك  أمال وطموح تريد تحقيقها

(6)


أيام ....وساعات ....ودقائق
أعدها ....لنلتقي....
أتلمس الوان الثياب
العطر...
الاوراق....
أستنشق هواء البحر وحدي دائما
فهل هذه المرةسأستنشقه معك....؟
أتمني....

(7)

لماذا تعاند........؟
حبيبي اشتقت إليك....
أتمني أن تستمع لكلماتي هذه المرة...وتأتي
فالمنزل يشتاق إليك ....
غرفتك وسريرك........وزهرتك التي أهملت
لماذا تعاند....؟
لا تقل لي .....لا...لن  أعود...لن آ آتي  للبيت
لا تقل لا ....فقد حجزت لك مقعدا بجواري في قطار الصباح الباكر...
لا تعاند...فخمس  ساعات  بالقطار تكفي معي لتقول .....نعم


رحـــــــــــــــــــــــــــاب صالح




هناك 54 تعليقًا:

  1. خواطر تحمل بين طياتها الحكمة
    وان كانت حزينة فهي مثل الحياة
    الفراق والشوق حين ترى من تحب في عيون طفلة
    خواطرك بها الكثير وسيكون من المجحف ان اختار جزءا للتعليق واترك الباقي
    تحياتي لاحساسك الصادق وكلماتك الرائعة

    ردحذف
  2. ميرسي جدا كلام ساحر جميل

    ردحذف
  3. شتتني حرفك وكلماتك لم أكد اتعايش جو كل جزء حتي اجدك وقد اسلمتيني لمشاعر اخري
    احساس جميل وكلمات رقيقة
    تحياتي لك

    ردحذف
  4. متهيالك ان ممكن الكلام يغير الاحداث مش يمكن هو محتاج حل عملي يخلصوه من الالام مش يمكن مش عايز ياخدها في حضنه عشان خايف انه في يوم ممكن يكون سبب في دمارها
    مش دايما الحقيقه بتبقى واضحه والاحلام مش كلها بتتحقق
    تقبلي تحياتي

    ردحذف
  5. جميله الحجات اللي جواكي يا رحاب بتحسسني بطفولتك و رقتك و قوتك في نفس الوقت.
    عندي تعليق على نمرة خمسه الرجل عموماً و المحب بالذات لا يرضيه أنصاف الحلول إما حبيبته التي تقتسم معه الحياه إما انسانه غريبه بعيده عنه و أي محاوله (من حبيبته التي لا تبادله المشاعر) لتشجيعه و زجه بعيداً عن الفشل ستزيده فشلاً و لن يجدي نصحه منها أو محاولة تطيب خاطره لأنه لا يريد منها الصديقه.
    و هذا مجرد رأي.
    تحياتي للكاتبه الرائعه دائماً

    ردحذف
  6. حاجات جوايا كل رسالة فيها اصعب واصعب

    كلها اشتياق للاستقرار والتواجد بجانب من نحب وان نسعدهم

    تحياتى لك ولخواطرك الرقيقة رحاب

    اسعدك الله دوما ولك الخير

    تقبلى مرورى .......

    ردحذف
  7. " (2)
    شعرت بملمس الشفاه الرقيق علي خدي ففتحت عيني ببطء مبتسمة غير متفاجأة
    ضحكتها البريئة ووجهها الجميل , كلماتها المتعثرة , ورائحتها الطفولية التي تنعشني
    حاب ....تناديني ....توتو....تلمس ربطة شعرها وتريني إياها فرحة بها
    يفيض قلبي بالحنان والحب ....أضمها لحضني بشدة و.........أتذكرك

    "


    لمستنى أوووووى البراءه اللى فيها

    دى احلى حاجه فى الاطفال .. ابتسامه منها تخليكى تنسى هموم كتير شايلاها جواكى

    دمتى بود

    (: (:

    ردحذف
  8. جميله جدا ورومانسيه
    ساحره ...ولكنها حزينه بعض الشئ

    دومتي بخير يا رقيقه

    ردحذف
  9. رقم 3 فعلا واقعيه على راى المثل
    عينى فيه واقول ايخه
    ههههههههههههه
    موفقه يا رحاب

    ردحذف
  10. رقم واحد فكرتنى بنفسى اوى بالذات بعد انتخابات 2005 لانى تعبت اوى و شفت بعينى اللى خلاني يأست لكن بعد 25 يناير عرفت ان مهما الصورة بانت مظلمة فدائما هناك امل

    ردحذف
  11. رحاب
    بجد بجد بعشق طريقتك دي أوووووي

    مبدعه ...

    كلمات تتخللها مشاعر كثيره ومتناقضه

    وحشتني مدونتك أووووي ووحشاني إنتي طبعا :)

    وأنا عايزة بنوته عسوله زي عاصفه قابله والله :))))))))
    ـــــــــــــــــ
    رحاب بعشق حروفك غاليتي
    ^_^

    ردحذف
  12. أزيك

    معلش مقصر معاكى و مع الناس كُلها صدقينى

    عارفه كل جزء فى البوست عاوز رغى لوحده

    بجد بأمانة

    بس هو المووود


    بالتوفيق دايماً

    ردحذف
  13. اقترح عليكى يارحاب انك تغيرى عناوان البوست وتخليه حاجات جوانا
    لانها حاجات جوانا بجد .. اشخاص وجعنا فراقهم واشخاص بنتمنى لقائهم ..
    احييكى يابنت بلدى

    ردحذف
  14. اتفق مع صديقي مصطفى انها خواطر تحمل بين أحرفها حكمات كثيرة وربما أحزان كثيرة ايضا

    والشئ المشترك فيها جميعا
    انها متميزة تحمل معاني راقية

    خالص تحياتي
    Casper

    ردحذف
  15. جميلة خواطرك وذات معان كثيرة ليتنا نعيها بعقولنا وقلوبنا يا فتاتي

    ردحذف
  16. رحاب :
    خواطر حزينة للغاية ولكنها تعبر عن روح عالية جدا ...
    تحياتي لكِ

    ردحذف
  17. اخرجتنى من كل حاله لتدخلينى لاخرها وكأنها دوامه يسودها الحزن والشجن

    احساسك صادق وصفتى احاسيس مختلفه لاشخاص مختلفين وجعتى قلبي شويه

    وحشتينى كتييير يارب تكونى بخير طمنيني عليكى يا ريري

    ردحذف
  18. آه ....بهرب ...و.بتمني انه يكون هروب أبدي


    صدقينى يا رحاب ساعات بنحتاج الهروب ده

    يوم ما بيزيد اوى الحزن والألم علينا

    لكن مش بنلاقيه

    مقتطفات صادقة

    ردحذف
  19. هى ليست حزينة بل هى ذات شجن جميل

    خواطر رائعة و ومضات حقيقية

    خالص تحياتى

    ردحذف
  20. خواطر تستحق التقدير

    الى من كتبها


    مع خالص تحياتى

    ردحذف
  21. جميل جدا يا رحاب
    حروف من سحر

    ردحذف
  22. صباحك ورد رحاب

    وماأروع تلك المشاعر بداخلكِ

    ترجمتها أحرفك بأسلوب رائع

    كنت أنتقل بين سطر وآخر بشعور جميل

    دمتِ بسعادة

    تحياتي

    ردحذف
  23. رحاب

    الحب الحقيقي لا مهرب منه أبدا

    و الأهم انه لا يتغير لأي أحساس اقل

    و الهروب في الحب هو الهروب مع و ليس الهروب من

    طبعا كلماتك جميلة بصياغة اجمل

    تحياتي لك

    ردحذف
  24. مصطفى سيف
    ميرسي يا مصطفي لكلامك اللي بجد مش عارفة ارد واقول اية عليه بجد
    بجد انت اللي كلماتك دوما وقصصك تبهرني
    شكرا

    ردحذف
  25. عليم
    متشكرة جدا لوجودك ومتابعتك

    ردحذف
  26. Carmen
    شكرا عزيزتي
    انت دوما الافضل في تلك الكلمات ولست انا

    ردحذف
  27. eng_semsem
    اسامة
    في ايدينا دايما نخللي الحياة اسهل...وأصعب
    في ايدينا نخللي الحياة حب وسعادة
    وفي إيدينا نخليها أسوء
    الارادة والامل ....وجواك انت
    ويا ريتك بجد تفهمني

    ردحذف
  28. شيرين سامي
    معاك حق اكيد وانا معاك في تعليقك علي رقم خمسة
    بس اكيد مش معاك في كلامك عن رقتي وطفولتي وقوتي ....هههه انا شخصية
    مش عارفة اقولك اية ....متناقضة جدا مجنونة جدا وكدة يعني ..ههه كفاية بقي...وحشاني جدا بجد انت

    ردحذف
  29. وردة الجنة
    شكرا لك انت عزيزتي
    ولوجودك الذ ييسعدني دوما ...كلماتك تدل علي انك فهمتي ما كتبته جيدا

    ردحذف
  30. دعاء العطار
    اسعدتني زيارتك الاولي عزيزتي
    ويا رب تدوم
    شكرا لوجودك ولكلماتك

    ردحذف
  31. د/دودى
    دينا ...عملة اية يا دكتورة ..؟
    بجد وحشاني وعارفة اني مقصرة معاك
    متزعليش مني ....^-^

    ردحذف
  32. ;كارولين فاروق
    حزينة بعض الشيء
    وهل الحزن لو ذهب بعيدا سنرتاح يوما...؟

    شكرا عزيزتي

    ردحذف
  33. محمود(باحث عن حب

    ههههههههه
    هذه هي الحياة يا محمود
    شكرا لوجودك ويا ريتك تطمني علي دراستك

    ردحذف
  34. Tears
    معاك جدااااااااا
    انا كتبت الجزء ده عن عدة أشخاص وليس شخص واحد ....
    وفي هذا العام تحديدا 2005
    كلنا واجهنا صعوبات وتعاملنا معها بشكل غريب ...مصر في هذا العام وما تلاه كانت غابة ...
    صدقني ستصدمين لو قلت لك ما فكرت فيه في هذه الفترة ...انتظريني يوما اشرح لك

    ردحذف
  35. ghada mOhsen
    يا حبيبتي يا غادة
    بجد والله احلي مفاجأة تعليقك ده
    وانت عارفة انت اد اية بتوحشيني حتي واحنا مع بعض
    يارب ان شاء الله يحقق لك كل امانيكي وان شتاء الله يسرا تبقي ام ويكون عندها بنوتة احلي من عاصة مليوم مرة ..وانت كمان ان شاء الله
    وحشاااااااااااااااني موووووووت وسلامتك يا قمرة

    ردحذف
  36. السلام عليكم أختي رحاب

    ممتعة خواطرك مع نفسك..

    لستِ معنية برأيي فيها.. لأنها حاجات جواكي انتي.. وكلامي عنها سيفسد اللحظات الجميلة والكلمات الرقيقة..

    فقط أردت أن أحييكِ عليها لأن استشعرت بعضها..

    تحياتي.

    ......................

    ملحوظة: الله يسامحك على الخلفية الشفافة.. اضطريت آخد الكلام معايا بره المدونة أقرؤه وأرجعهولك تاني :)

    ردحذف
  37. السلام عليكم
    اعجبنى ما بين حروف خواطرك من مكنونات ومعانى
    دومتى بخير

    ردحذف
  38. صباح الورد وعطر الحرف رحاب

    محطات كل واحدة رسمت موقف بروعة الوصف

    وعذب الكلمات التي تلامسنا حتى آخر حرف

    بدقة وأتقان تثير الإعجاب ...

    مبدعة سيدتي وإن أحسست ببعض الحزن

    الهارب من بين السطور ...

    أتمنى أن تكون أيامك كلها خير وسعادة

    تحياتي

    ردحذف
  39. Ramy
    ولا يهمك المهم انك تطمني عليك من وقت لتاني
    يارب تكون بخير وبتمني لك تحقق كل اللي تتمناه

    ردحذف
  40. حمدى جعوان
    وبرغم اننا بلديات ومنعرفش بعض ...ازيك اخبارك اية...؟
    عموما هفكر ...
    ومش مهم التسمية ....المهم اننا نطلع الي جوانا حتي ولو مش مفهوم بالنسبة للي هيقرا الكلام بالمعني الي احنا نقصده

    ردحذف
  41. Casper
    هناك كاتب قرأت له مقوله معناه ان الحزن هو ما يخرج منا الابداع ...,لبكني اعتقد
    ان السعادة هي التي تخرج أروع الابداعات
    مش فاكرة الكاتب ولا الكلام بالظبط....[س مشكلتي اني بكتب اشياء احيانا بشكل غامض حتي للي يعرفوني كويس ...
    يمكن اقصد شيء بعيد عن فهم من يقرأ
    شكرا ليك

    ردحذف
  42. كلمات من نور
    شكرا لك عزيزتي
    انها مجرد محاولة لاخراج ما في قلبي فقط

    ردحذف
  43. IMSA
    اســـلام
    احيانا بتمني اني ابقي غير
    يعني
    مش عارفة بتمني اني اكون اقل حساسية شوية من نواحي كتير
    شكرا لوجودك يا اسلام

    ردحذف
  44. mena
    منة
    لالالالالا
    انا بخير والله
    وسلامة قلبك
    لاء بجد انا مقصدش اي حاجة
    بالعكس انا كويسة جدا والله بس دي مجرد كلام لأشياء حصلت وخلصت خلاص

    ردحذف
  45. Ms Venus
    اه
    عارفة
    وفاهمة يا فينوس
    لدرجة اني احيانا بحس اني نفسي اغمض عيني اووي
    ومحسش باللي حواليا عشان انسي اللي بفكر فيه واللي بيحصل

    ردحذف
  46. ابراهيم رزق
    اه ذات شجن جميل
    زي بالظبط كدة وقت الغروب اللي بحبه اووي وبتستمتع بيه بس بيحسسك بالحزن والفراق والوداع ...بس برضه بتحبه

    ردحذف
  47. تامر نبيل موسى
    وانا اشكرك لكلماتك وووجودك هنا

    ردحذف
  48. بــــ الخطاب ــن
    شكرا لكلامك
    وتشجيعك

    ردحذف
  49. همس الحنين
    شكرا لكلماتك عزيزتي
    بل انت المبدعة حقا

    ردحذف
  50. الشاعر الفنان أحمد فتحى فؤاد
    كلماتك لا يقولها الا شاعر
    حساس
    يفهم ويعي جيدا معني الحب
    تحياتي لك يا استاذي

    ردحذف
  51. ماجد القاضي
    استاذ ماجد والله بجد آسفة
    فعلا لي صديق قالي لي نفس كلماتك وطلب تغير الخلفية لكنني في غمرة انشغالي نسيت
    واول ما قرأت تعليقك تذكرت وقمت بتغيير الخلفية
    وبعدين المدونة تحت امرك يا افندم خد الكلام كله وميهمكش

    ردحذف
  52. مدونة رحلة حياه
    محمد
    شكرا لكلماتك
    ويسعدني وجودك دوما

    ردحذف
  53. ريبال بيهس
    شكرا لكلماتك ومديحك
    وشكرا لوجودك هنا
    ودمت بخير

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين