الخميس، 17 مارس، 2011

التعديلات الدستورية





اللينك ده....مواد الدستور المصري قبل وبعد التعديل
لو اي شخص عنده اي لينك مفيد يا ريت يبعته ويا ريت نتناقش
لية نعم ولية لاء وكل  شخص كما تعودنا دوما يتفق او يختلف بإحترام




أنا بقول لاء .....

رحاب صالح

هناك 18 تعليقًا:

  1. قولي مايحلوا لكي وتقتنعين به
    فقد اصبحنا في بلد ديمقراطي

    ردحذف
  2. انا كمان شايفة انه لا افضل لمصر و مش موضوع عند لكن فيه اسباب موضوعية هنا

    http://www.bilakoyod.net/details10306.htm

    عمرو موسى يرفض التعديلات

    حمدين صباحى يرفض التعديلات

    البرادعى يرفض التعديلات

    ايمن نور يرفض التعديلات

    هشام بسطاويسي يرفض التعديلات

    نادي القضاه يرفض التعديلات

    ائتلاف شباب الثوره يرفض التعديلات

    حركة ستة ابريل ترفض التعديلات

    حزب الوفد يرفض التعديلات

    حزب الغد يرفض التعديلات

    حزب التجمع يرفض التعديلات

    الحزب الناصرى يرفض التعديلات

    عمرو خالد و معز محمود يرفضان التعديلات



    الاخوان و السلفيين و الحزب الوطنى بيقولوا نعم للتعديلات

    ردحذف
  3. رحاب أحييك على هذا
    وأرجو زيارة مدونتى الموضوع الأخير وقبل الأخير وأرجو أن تذيلى تعليقاتك فى كل مكان مهما كان رأيك دائما بكلمة
    ( أيا كانت النتيجة فإنى سأقبلها )

    ردحذف
  4. سوف أقول نعم لاسباب كثيرة
    سأذكر منها سبب واحد فقط
    ألا وهو وفي هذه الفترة دستور جديد الان في ظل الحرية المفرطة التي رأيناها فجأة والتي لا يعرفها المصريون في عهد النظام السابق لن يتم في اقل من عام هذا بالاضافة الى نزاع مسبق سيحدث على كل مادة وسنظل سنين يقول هذا لا اريد هذه المادة هكذا بينما يقول الاخر بل اريدها هكذا

    هذا رأيي ومقتنع به تماما

    ردحذف
  5. الناس حره تقول لا تقول اه هما ادرى و صوتهم احق ان يسمع من اى حد...بشرط اننا نحترم رأى الصندوق و منرجعش نعيط بعد كده و ان الناس تنزل فعلا...

    وحشنا كلامك و عايزين نعرف رأيك

    ردحذف
  6. السلام عليكم ورحمة الله

    بصراحة انا ماكان لى فى السياسة اوى قبل الثورة مش بحبها ابدا

    لكن كنت اتابع طبعا الاحداث لكن ماليش فيها بمعنى انها لعبة قذرة وعقلى بيتعب اوى منها

    انا كنت عايزة اقول من يومين نعم للتعديلات علشان الامور تهدأ ونحاول نبدأ بشكل سريع
    لكن امبارح على الفيسبوك شوفت فيديو بيشرح ليه هقول لأ بصراحة اقتنعت به وهقول لأ للتعديلات وربنا يوفقنا جميعا لما يحب ويرضى

    تحياتى لك وتقديرى

    ردحذف
  7. بإذ الرب سوف تحذو تحذو مصر../وتونس ../حذو تركيا التي نقلها أردوغان خلال 8 سنوات من دولة منهارة اقتصاديًّا إلى الدولة رقم 16 على مستوى العالم،
    اعادة كتابة دستور جديد حسب الوضع الحالي
    رؤوف

    ردحذف
  8. خدى ده عشان ما تتخضيش لو طلعت نعم

    استمارات الاستفتاء موجوده فى الشارع من يومين و فيه ناس بتاخد صور الرقم القومى بتاع الغلابة مقابل زيت و مكرونة و هنا دليل ان الاستمارات عادى موجودة و ان اسلوب الاستمارة الدوارة شكله بيطبخ
    https://www.facebook.com/album.php?fbid=1474234594941&...id=1805970597&aid=54054
    See more

    ردحذف
  9. والله يا رحاب انا زيك حيران ويمكن اكتر منك
    لخبطة جامدة ومتاهة
    وبصراحة اعلامنا اثبت فشله
    والمجلس الاعلى تحس انه قاصد يكون الموضوع مش واضح حتى تصريحاتهم تقول لو النتيجة نعم طريقها معروف ولو النتيجة لا طريقها معروف والبلد لن تسير الى المجهول
    طيب يا ريت حد يقول ايه الطرق المعروفة دي ومادام هي معروفة ما يوضحوها للمواطنين الغلابة اللي زيي
    انا شايف كمية ناس متعصبة اللي يقولك لازم تقول نعم واللي يقولك لازم تقول لا ومحدش قادر يقولي فيهم سيناريو النتيجة بتاعته ايه
    بذمتك مش دي مصيبة؟ بافكر ماروحش بعد ده كله
    تحياتي

    ردحذف
  10. الحلو ان نختلف ولا نتعارك
    ونحترم اختيار بعض

    عارفة المشكلة اننا اتربينا علي ان الكل لازم ينزل يقول كلمة واحدة
    والنتيجة تبقا 99.99%

    فادي اول مرة نقول عايزين ايه بالظبط

    انا هقول لا وهحترم كل اللي قال نعم
    شكرا علي اللينك

    ردحذف
  11. الديمقراطيه هي احترام الرأي الآخر
    وانا لغايه دلوقتي حيرانه
    بس اكيد قبل ماحاروح حاكون مقرره

    ردحذف
  12. أقول لا ...تقولي آه

    المهم إننا لمصر كلنا حنقف ايد واحده ونبنيها بإيديكم يا ولادنا

    ردحذف
  13. اصل احنا ولاد البطة السودة اللي برة مصر دلوقتي ومش عارفين نقول لا ...البركة فيكو وقولو لا والنبي

    ردحذف
  14. طبعا لا

    بس انا مش متفائلة

    ربنا يستر

    ردحذف
  15. يكفينا فخرا ان اصبح لاصواتنا في بلادنا قيمه فكنا جميعا ننادي ونهتف باعلى اصواتنا ونجد دائما ما يحدث عكس اراداتنا
    وحتى الان كل ما حدث في مصر برغم وجود الكثيرين يشككون في ان الثوره ستكون خراب ودمار للبلد فهي اثبتت خطاءهم حتى الان وانا متاكد ان الافضل سيكون اختيار الشعب ولكن لابد على الطرف الاخر تقبل النتيجه

    ردحذف
  16. وحشتينى جداجدا رحاب

    جزاك الله خيرا على اللينك

    ان شاء الله ربنا يعمل اللى فيه الخير لمصر سواء نعم او لا

    المهم ان كلنا ندعى ان ربنا يحميها


    تحيتى لك

    ردحذف
  17. في الحقيقه
    التصويت جه
    14 مليون نعم
    واربعه مليون لأ

    وتحياتي لتدونتك
    بسنت نبيل

    ردحذف
  18. لما حد كان بيسألني هتقول نعم ولا لأ كنت بقوله يوم 20 ان شاء الله هتعرف لان الفاصل بيننا هو صندوق الاستفتااء والا لما كان هناك داعي له ,, وخرجت يوم 19 وقابلتني تنت اللي ساكنه فوق قابلتني في الشارع وقالت هااا هتقولوا ايه ,, قولتلها براحتي اقول اللي انا عايزة قالتي لا مش قصدي انا عايزة اعرف بس قولتلها هتعرفي بكرة ... رحت اللجنة بصراحة منظر حضاري ومميز مع غياب للأمن وللجيش احنا كنا بنظم نفسنا بس بردة في واحد اتكلم مع واحدة مسيحية انه هيقول لأ عشان المادة 2 وهيه تعصبت لرأئها وهو تعصب لرأية بس الحمد لله الناس هدت الموضوع وقالت يا جماعه كل واحد حر ومحدش هيمسك ايدك وانت بتكتب ...

    رغم ان الاخوان عملوا ورقة مكتوب عليها نعم ورغم ان الفنانون عملوا اعلان مكتوب عليه اعلان مدفوع الاجر الا اني سعيد جدا لما حدث يوم 19 ولو كان في بعض السلبيات فده لاننا لسه في اول استفتاء ديموقراطي
    اسف طولت شوية

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين