الأحد، 4 يناير، 2015

كشف حساب 2014 ....

 
انا في معرض الصحافة بمدرستي...شغلي يعني :)

كانت 2014 سنة صعبة بالنسبة لي عانيت فيها كتير وصممت اني اغير من حياتي واخليها أحسن ف 2015
أول شيء عملته إني غيرت  الرينج تون بتاعت موبايلي  لانها كانت اغنية بتفكرني بشخصية معينة   لأغنية حرف وحيد من فيلم لامؤاخذة اول فيلم اشوفه في 2015  " وفضلت ادور .. ادور والف همزة بتستنى الف ...مجرد ....حرف وحيد ونفسي ابقى مختلف " وتقريبا كدة ان جو  فيلم لامؤخذة  عاملالي حماس  ...والرقم  التاني  عمرو دياب اصلها بتفرق .... بحبها اووي وبحب عمرو دياب حتي لو بيفكرني بنفس الشخصية الي غيرت  عشانها الرينج تون .... :)

علي المستوي ...
 عملت بلوك لناس كتير من حياتي ...للأسف كنت اعتبرهم صديقاتي ....
وأعتقد انني لو اتيح لي الرجوع بالزمن للخلف   كنت تعاملت معهم بنفس طيبتي .... وحبي
لست آسفة علي شيء فعلته من أجل أحد.... لكني  محبطة ....ومشفقة علي نفسي جداا
علي مستوي العمل ...
 كانت عندي مشكلات كثيرة متراكمة لدرجة اني  كنت اريد ان اترك مدرستي التي اعمل بها واذهب لمدرسة اخري بعيدة جدااا
لكن وجدت ان كل من بالمدرسة متمسكين بي ويلحون في بقائي ويظهرون حبهم الذي اعرفه جيدا.....
مع مرور الوقت حاولت ان اتأقلم واحل المشكلات ...والحمد لله مع نهاية العام كانت المشكلات رحلت ...
وانا الان مستقرة بعملي واحسن ما يكون بفضل  مديري  العزيز وهيئة الادارة  بالمدرسة .... الله يبارك فيهم جميعا والاهم من هذا ....الطلاب.... ان أكثر شيء أثر بي هم الطلاب ..حبهم وحماسهم  معي للعمل  الصحفي ...واكتشاف مواهبهم وارتباطهم بي ...وتمسكهم اني اكون معاهم ....انا أعشق عملي لا خلاف علي هذا لكن  ما يجعلني  سعيدة اثر ومبدغه اكثر في عملي هو من اعمل معهم  ....الطلاب  شعرت معهم بهذا.... عملنا بجد خلال التيرم الاول واخطأنا وفشلنا ونجحنا ... ومازلنا في بداية طريق النجاح....أنا فخورة بطلابي  ...
احمد وزياد وخالد  بيعملوا مجلة حائط عن اليوم العالمي للغة العربية

علي مستوي صداقتي ...
كنت مقصرة جدا في حق صديقاتي  وهن لا يستحققن مني هذا ...
أول عام لا ارسل فيه رسائل  ولا معايدة ولا كلمة تهنئة ....
قد تكون صدمتي ببعض الصديقات هي السبب ولكن هذا لا يمنع انني قصرت في حق من يستحق صداقتي وكلماتي وامتناني ....
غادة ورانيا ورضا وشيماء  قصرت معكم جداا ولكن ليس هناك اكثر منك يعرف اسبابي ووقفتم بجواري في احلك لحظات حياتي ...اتمني من الله ان يبقينا دوما صديقات اخوات زملاء جزء لا يتجزأ من عالم يأبي الصداقات
موناليزا آمة الله التي  برغم حزنها لوفاة والدتها الا انها كانت بجانبي دوما...أحبك في الله
خولة القاسمي التي هي بالاساس صديقة اخي والتي اصبحت جزء لا يتجزأ  من عالمي  وصاحبة اجمل  صور  ومقتطفات من كتاباتي لتفاجأني بها  علي الفيس .... احبك في الله
اصدقاء التدوين ... باشا ..هجايص ..قمر وليل وغيوم .. .النسر المهاجر جمال ابو العز .... حوليات شاردة اسماء خليفة ... حوليات موناليزا مني ياسين ....مدونة ياسين احمد سعيد  دكتورة نور صعبان عليا حالنا 2 ....... انا بحبكم بجد ويارب مكون نسيت حد
علي مستوي الكلام ...
اول سنة مكلمش حد تقريبا ولا حتي بالموبايل ....ولا كنت برد علي حد ولا بتصل بحد  واصحابي زهقوا مني  وزعلوا عشان مبردش عليهم ...بس فعلا مكنتش عارفة ولا حابة اكم حد حتي اعز اصحابي
أو سنة اعمل فيها بلوك لناس كتير من علي الفيس ومن حياتي الشخصية ومش ندمانة علي ان عملت بلوك ولا ندمانة اني عرفتهم لانهم ميستحقوش الندم
غيرت صورة البروفايل بأول صورة اتصورتها فـ 2015 اتصورت صور كتير كتير كتير 
بس مش هحطها في البوست ده خيلها لبوست تاني 
المهم اني داخلة 2015 وانا رامية من جوايا اي احباط او اي شيئ سيئ من 2014 عارفة اني هزعل اووي وهاخد وقتي في الزعل من ناس كتير  ظلموني ....ب سالحمد لله ان عندي قلب مبيكونش جواها اي شيء وحش  لأي شخص حتي لو اتسبب في اذاه ....
انا بحمد ربنا علي حاجات كتير عندي وحواليا ...عائلتي ...أصدقائي وصديقاتي وبلوجر الي بعشقه واعشق من هم فيه .... ومدونتي حياتي  ومدونتي الصغيرة حوليات ....
كل سنة وانتم طيبين ويارب 2015 تكون سنة السعادة ليكم وليا... ^__^ 

الأحد، 28 ديسمبر، 2014

2014 Go to Hell

 اذهبي بكل ما حمليته لي من معاناة
من ألم من كل من عرفت ...
وكل مكان ذهب إلية  ولم أجد به الا الحزن والالم
اذهبي  بكل ما حملتيه لي من مرضي نفسيين يرمون بأمراضهم الغبية  علي طيبتي  وحسن استماعي إليهم
اذهبي بكل من أحببت وهجرني ...بكل من احببت وظلمني ...بكل من أحببت  ورحل  وما عاد يتذكر...
اذهبي ...بكل من قال كلمه حب لا يشعر بها لكنه يقولها لغرض خفي  في نفسه
اذهبي بكل  قسوة الاصدقاء وخيانتهم ...
اذهبي بكل قسوة الحبيب ... وتجاهله ...وبعده
اذهبي بكل ما عانيته فيك  في العمل ومشكلاته التي لا تنتهي ولم تنهي بعد...اذهبي
اتمني لو استطيع محو كل ما حدث فيك ...
خيانة صديقتي .... وقسوتها الغير مبررة  لشيء تافه لا يستحق
خيانة صديقة وتوريطها لي في مشكلة   ارهقتني  نفسيا وجسديا...
معاناة العمل ...والارهاق البدني والنفسي والضغوط   التي لا تنتهي
ابتعادي عن كل الاشخاص الذين احبهم ..لكي لا اضايق احد بمشكلاتي ...
صمتي اكثر من كلامي ...حتي لا .....
*** قلت لي ...انت قوية ..انا اثق بك... ستصلين لما تريدين...اذهبي ولا تنظري خلفك
لكني نظرت.... كنت اتمني أن أراك ما زلت تنتظر ....تنتظرني
اسوأ الاعوام بالنسبة لي .... فشل فشل فشل  ويستمر الفشل ...في هذا العام كأنه عام الفشل بالنسبة لي
فشل في كل شيء
لم احقق شيء سوي الفشل
ليتني استطيع محو هذا العام من عمري ..... اتمني هذا ...اتمني

الأربعاء، 24 ديسمبر، 2014

أختي ....

اختي بستغلها في شغلي دايما عشان مبعرفش ارسم
وهي بتساعدني دايما  في رسم الكاريكاتير في المجلات  
وكمان بتختار الفكرة 
كنت بعمل مجلة حائط عن الالوان وتأثيراتها المزاجية والصحية علينا 
وهي اللي فكرت في الكاريكاتير ده 
^___^
أنا بحبك يا شيري 
شوف

الاثنين، 8 ديسمبر، 2014

فات ست سنين ...!


فجأة كدة وانا نايمة افتكرت ان عيد ميلاد مدونتي عدي وانا مش فاكرة
اخص عليا
فاكرة اول يوم عملت فيه المدونة كان يوم 1/6/2008  ومكتبتش غير كلمة واحدة بس ...اهلا ..وسهلا
بعدها بسنة وحوالي شهر بدأت التدوين وتحديدا يوم 27/7/2009 بمساعدة غادة محسن صديقتي الصدوقة
بس ازاي عدت السنة دي ...
السنة دي كان فيها 11 تدوينة فقط لاني انشغلت بمدونتي التانية " حوليات  رحاب صالح "
انشغلت لدرجة اني نسيت حياتي لكن مش حرة فيها
وانا بكتب في الحوليات كتبت حاجات كنت عايزة افتكرها من حياتي  وحاجات كنت بحاول اني انساها
بس اللي اعرفه كويس ان حياتي اتغيرت اووي
وان 2014 كان في سنين اسوأ منها في حياتي
 بس 2014 كانت الأسوأ فعلا  بحياتي كلها ومتخيلتش نفسي اتمني سنة تعدي اد ما 2014 تعدي
أصبحت عصبية أكثر مما توقعت عليه نفسي ذات يوم  ولا أدري لما كل هذه العصبية والنرفزة 
أصبحت ضحكاتي قليلة جدا والشخص الوحيد الذي يجعلني أضحك من قلبي هو من يبكيني 
أجهد نفسي بالعمل بدون سبب مقنع ..... 
لم أعد اجتماعية أبدااا ..... أود العيش وحدي ...اتمني ان أذهب لجزيرة روبنسون كروزو فاعيش وحدي مع الطبيعة فقط 
الاصدقاء كثيرون وقليلون وغير موجودون ....لا أدري لما  ابتعدت عن كل هؤلاء الناس 
فوجئت بصديقتي  دعاء عمروا تكتب عن مدونتي وانا تقريبا لم اتصل بها من يوم زفافها ...!!!
أتحجج بضياع هاتفي المحمول وضياع أرقام الاصدقاء ...لكني اعرفني جيدا فأنا أن أردت شييء أستطيع الحصول عليه  فلماذا أبتعد عن كل شيء بالحياة ....!!!
لا أدري لكني فعلا تغيرت كثيرا ....
أتمني أن أعود رحاب كما كنت ...وأتمني أن تكون 2014 راحلة  بلا ألم ...وأن تأتي 2015 بكل الأمل 
لا أريد أن أتذكر شيء ...لكني أريد أن أحلم بشيء  جميل 
دعاتكم بحلم جميل وعام سعيد لكم ولي ...
-

السبت، 18 أكتوبر، 2014

يوسف رجع لفاتيما ....:*


يوسف رجع لفاتيما 
الجملة دي كانت مكسرة الفيس بوك امبارح 
تقريبا  كل المدونين الي اعرفهم والي معرفهومش كانوا كاتبين نفس الجملة " يوسف رجع لفاتيما "
مين فاتيما ويوسف دول يا رخحوب الي انت كاتبه عنهم ....؟ سؤال اتسألي امبارح مليون مرة  انا وغيري من المدونين  من اصحابنا الي ميعرفوش يوسف وفاتيما 
عملنا هاشتاج  باسم فاتيما امبارح وقولنا فيه كل الي نفسنا فيه لفاتيما ويوسف
فاتيما الام اللي اخدوا منها ابنها بالقوة والظلم .... سنين فراق وبكاء واشتياق 
فاتيما روح قلب ماما ...كتبت  وكتبنا معاها ...وبكت وبكينا نعاها
ولما فرحت برضه فرحنا معاها 
متتصوروش فرحتنا اد إية برجوع يوسف لفاتيما 
كأنه انتصار لينا كأننا كلنا فاتيما ويوسف ابننا ورجع لينا 
 لا أنكر اني تأثرت جدا بقصة يوسف وفاتيما  وانحزت بشكل جزري لفاتيما  قلبي انحاز ليها حتي بدون ان اعرف اساس المشكلة ولما عرفت عرفت ان قلبي واحساسي مخنونيش لأنهم كانوا صح 
فاكرة اني لما عرفت الحكاية  حلمت ان يوسف رجع وعملناله لقاء تدويني  وكان ما شاء الله  شاب جميل 
ودلوقت اتحقق الحلم  فعلا يوسف رجع واصبح شاب  جميل  يستحق حبه فاتيما وحبنا 
ويا رب يخليهولها  ويخليه لينا 
هنا دعوة لكل المدونين ولكل الناس الي حبت فاتيما ويوسف واللي ميعرفومش بردو الدعوة ليهم يجوا يتعرفوا عليهم 
هنا اللقاء ....  يوم السبت الجاي 25 اكتوبر ...مستنينكم
https://www.facebook.com/events/576525239115882/?ref_notif_type=plan_user_joined&source=1

الجمعة، 1 أغسطس، 2014

عن الموت ....

كنت من زمن أفكر في الموت برعب 
فكيف سأموت وأترك كل من أحب وكل ما أحب 
كنت أفكر بعقل طفلة ...أنني لن أفرأ كتاب أو قصة بعد الآن اني لن اشاهد فيلم يضحكني أو اغنية أعشقها 
كنت أفكر بقلب أنثي أنني  لن أري من أحب ...وأنه مع مرور الوقت سينساني  ويعشق غيري 
الآن أفكر بشكل مختلف  بعدما التقيت الموت مرة تلو الاخري مع من أحب 
أجلس طوال الليل أدعو  وأقرأ قرآن وأفكر  بمن رحل
ثم أفكر ... هل عندما أرحل انا الآخري سأجد من يفعل مثلي ..يدعو لي  ويقرأ لي ما تيسر من قرآن  ويفكر بي..؟
تري هل سيفكر في ويقول انني كنت طيبة وصالحة  وانني كنت محبوبة
أم سيقول انني كنت عصبية وعابسة ولا أطيق أحد 
تري هل سيفكر من كنت  اساعدهم في العمل بي وسيدعون لي 
أم سينسونني مع مرور الوقت
هل سيفكر في أصدقائي وينعونني ويكتبون عني بمدوناتهم أم أنهم اصلا لن يعرفوا خبر موتي 
هلي سيتصل بي اصدقائي  ويرد عليهم اخي او اختي ويقولون لهم انني رحلت 
هل سيصدمون .....هل سيحزنون علي ...هل سيجيئون ليلقوا النظرة الاخيرة علي جثماني قبل مواراته الثري 
تري ....بعد رحيلي بمدة  من سيفكر بي 
من سيتذكرني 
وكيف سيتذكرني ...
كل هذه التساؤلات دارت برأسي وأنا اتلقي خبر وفاة احدي قريباتي 
تذكرتها وانا اعمل لها شيء وهي تدعو لي  
تذكرتها وهي خجول تطلب مني شيء 
تذكرتها وهي تسلم علي بابتسامة
وأتذكر صديقة رحلت منذ سنوات ومازلت اتذكر ابتسامتها  عينيها الخضراء  وضحكتها  الواسعة
ومازلت برغم مرور السنوات اتذكرها وادعو لها واتصدق عليها 
اخشي  جل ما أخشي  أن لا اجد من لا يتذكرني ويدعو لي 
ان الموت يحاصرنا من كل جانب وطوال الوقت 
ولكن هل نحن مستعدون
اخشي أننا لسن كذلك
وأنني لست كذلك 
برغم محاولاتي

الأربعاء، 16 يوليو، 2014

حاجات كتير ...

0
ياااااااااة وحشتني مدونتي أووي
وحشتني حياتي لكن مش حرة فيها
وحشني بلوجر  اووي ووحشني الناس هنا والخصوصية الي هنا والحب الي هنا
أول مرة ابعد عن بلوجر الوقت ده كله
اكتشفت اني من يوم 29 /4/ مكتبتش حاجة هنا ....
ياااة ثلاث شهور تقريبا 
انشغلت بالامتحانات بالدراسات العليا
1
أول مرة احس وانا بدرس اني ملخبطة ومش مركزة  وكل حاجة بنساها
والتذكر كان صعب عليا جدااا
اول مرة احس فعلا اني تعبانة جدا من الامتحانات والمذاكرة 
مش عارفة ده بسبب الحر أو بسبب الصيام واننا بدأنا الامتحانات من اول يوم رمضان  ولغاية اميارح
مش عارفة بسبب حاجات تانية شخصية 
مش عارفة بس اللي اعرفه اني كنت حاسة اني واحدة تانية  
رحاب الي كانت بتذاكر الكتاب مرة واحدة وبتراجعه  تكون استوعبته وفهمته كويس  كانت بتقرا الكتاب والمذكرة مبتفتكرش اي حاجة منهم وكأنها بتشوف الكلام ده للمرة الاولي 
كنت حاسة اني واحدة تانية وطالبة فاشلة
2
متوقعة لنفسي اني محصلش علي اي تقدير وقلقانة جدااا 
صحيح انا عملت اللي عليا 
ومعملتش زي الناس الي كانت بتغش الامتحان وبتنقل من الكتاب والمذكرة صورة طبق الاصل 
صحيح انبت نفسي كتير وقلت لنفسي اني أكيد كان لازم اذاكر أكتر واحضر محاضرات اكتر 
بس فعلا الدراسة بجوار الشغل متعبه جدااا  
بس انا الي اخترت اني ادرس وانا بشتغل يعني مش حجة
مش ببرر لنفسي اني هجيب  تقدير وحش 
بس انا الحمد لله مقتنعة بإجابتي تماما وعملت الي عليا 
وربنا ييسر لي الاحوال 
3
أول مرة احس ان رمضان راح مني 
خلاص فات عشرين يوم وانا معملتش اي حاجة 
حتي كنت بصلي التراويح وانا جاية م الامتحان تعبانة ومش مركزة 
اول سنة مقرأش في المصحف الا قليل جدااا  لدرجة انه بيفوت ايام مش بقرأ في المصحف خالص يا دوب أصلي وخلاص
أول سنة  مروحش اصلي التراويح والتهجد في المسجد بس نويت اني اروح العشر الاواخر  ان شاء الله 
واحاول اني  اعمل فيهم الي مقدرتش اعملعه بسبب الامتحانات 
أول مرة احس ان الصيام متعب  ...يمكن بسبب الحر واني بسافر كل يوم عشان الامتحانات ...مش عارفة 
بس فعلا كنت مضغوطة جدااا
لأول مرة احس اني في رمضان ده وزني بينزل بشكل مش طبيعي 
تقريبا اول مرة اخس في رمضان 
تقريبا كدة أصبح وزني نص وزني قبل رمضان :)
الصراحة انا خايفة اروح اوزن نفسي  اتصدم
4
عندي حاجات كتير نفسي احكيها ونفسي اكتب كتييير عن حاجات شوفتها  وحسيت بيها
مبسوطة بالناس الي اتعرفت عليهم في الكلية السنة دي 
بجد كانت مجموعة من احسن الناس  الي اتعرفت عليهم واتعاملت معاهم 
شعبة الاعلام المكونة من ست طلاب  " آية وانا وعماد ومحمد  ومنصور وهبة  " بنش واحد طول الامتحانات  مع ناس تحس انك تعرفهم من مليون سنة "
شعبة تكنولوجيا التعليم الي كان فيها ناس اعرفهم زي " صلاح وايهاب  وعبد الحميد وسيد ...وعرفت غيرهم زي محمد ومحمد أيمن " اللي بجد ساعدوني بكل المحاضرات الي محضرتهاش ...."

وبرغم كل ضغط الامتحانات وصعوبتها الا اني مبسوطة بكل حاجة فيها 
والحمد لله وياااااارب النتيجة تكون حلوة لينا كلنا يااارب
دعواتكم ...
ووحشتووووووووووووووووووووووني