السبت، 14 مايو 2011

فارس أحلامي المنتظر.....Go To Hell

كنت دايما بحس إني أميرة الحكايات وجنية الافلام...وحورية بحر الحب
كنت بحس اني  " ياسمين" اللي طايرة مع " علاء الدين " علي بساطه السحري ...فوق السحاب الابيض الجميل
كنت بحلم بفارس أحلامي ...الشاب الوسيم .....اللي يقطف لي  سحابة بيضا ويغرقني بنعومتها

لـــــــــــــــــكن

" علاء الدين " مش زي ما انتم فاكرين.....
صحيح هو أخدني علي بساطه السحري ...وطرنا فوق ..فوق ...فوق السحاب.....
قالي انه بيحبني....ميقدرش يستغني عني......ميستحملش السحاب ولا  حتي البساط  السحري من غيري.........
وصدقته............مممممممممم ...بس أكتشفت بقي بعيون وقلب الانثي ....إنه طمعان في ثروة أبويا....
عشان كدة ....بعد ما اتجوزنا  وطرنا بالبساط السحري ..فوق ..فوق ...فوق....فوق...فوق السحاب...وحاول هو يرميني من فوق فوق فوق السحاااااااااااااااااااب...- طبعا عشان يورثني - كنت  أنا أشطر منه.......
ورميته من فوووووووووووووووق ....البساط السحري اللي طاير بينا فوووووق السحاب

                                                       ************

" سنو وايت "  كانت بنوتة جميلة .........بتحب كل شيء ف الدنيا
وحتي جمالها محستش بيه ولا كانت عارفة قيمة جمالها ده اللي مخللي زوجة ابيها  تعمل كل ده  عشانه
وهو يعني الجمال  شيء مهم جدا .........؟!!!
" سنو وايت معرفتش  معني جمالها الا لما قابلت " الامير" اللي صحاها  علي " قبلة الحياة" كما تقول الاسطورة...قصدي الحكاية....
بس اللي انتم متعرفهوش ...ان " سنو وايت "
اتغاظت أوووي لما الامير باسها.....تعرفوا لية ؟
يا جماعة كانت عايزة تنام....ثم إن الأمير ...مكانش حالق دقنه.....^-^
                                         **************
" سندريلا " .....وحفلة الامير .......
ويا تري هتجيب فستان منين ....؟
والا يعني  جمالها هيغطي علي  ملابسها القديمة دي ......؟؟؟
سؤال وجيه يا " سندريلا" بس....." سندريلا " زي بقية البنات  بتحب تلبس وتكون أجمل الجميلات....

عشان كدة  الجنية الطيبة.....عرفت من غير ما تقول اية اللي نفسها فيه " سندريلا"
وراحت " سندريلا " الحفلة.....وعجبت الامير .............وكل البنانيت اللي ف الحفلة اتجننوا علي فستانها الجميل ...
وحسدوها ان الامير رقص معاها طول الوقت.......بس زي ما الاسطورة بتقول.....اقصد الحكاية....الساعة اتناشر  دقت......ولازم سندريلا تمشي  عشان السحر هيخلص.....وجرت سندريلا .....وطبعا حذائها  فلت من رجليها وهي بتجري....
واحنا عارفين باقي الحكاية.....
بس اللي انتم متعرفهوش.....إن
سندريلا  حذائها فلت منها بقصدها ...مش غصب عنها
وكمان الامير لما دور عليها
مش عشان حبه ليها
لاء......عشان فردة حذائها التانية......؟ لآن الحذاء كان مصنوع من الماس.....وأهو كله فايدة للمملكة.........
                                               **************
أما عشقي وجنوني وصبايا واحلامي ...وهرجي  اللامتناهي  كان مع " آليس"
"آليس" بفستانها القصير  وقبعتها الحمراء الجميلة
آليس تلك الطفلة الحالمة ...الطفلة التي لا تتمتع بجمال نادر كباقي ابطال القصص
آليس ....الطفلة  ذات الاحلام اللامعقولة ......عن أرنب يتحدث وعن حفلة شاي...

وعن أشجار وحيوانات  تتسابق...
عن رقعة شطرنج حقيقية
وعن دموع تتحول لآنهار......
آليس ...أنت أنا...وأنا أنت
كم تمنيت أن يكون عندي أنا أيضا أرنب " باني " مثلك
ولكني كنت ومازلت مثلك في احلامي .....
بكل شيء.....لم تحلمي بفارس أحلام ولم تبكي علي فتي ما.........
لم تتذوقي حب المراهقة والشباب  وتتعذبي كباقي  أبطال القصص والحكايات ....
لهذا تبقي أنت طفلة قلبي ....
و أنت أنا يا " آليس"
تبقين أنت أنا......

فمازلت أنا تلك الطفلة الحالمة.....
ولكن ...قلبي مثقل بالهموم..........
ليتني كنت مثلك " آليس"  لا أكبر أبدا  وابقي دوما طفلة حالمة في بلاد العجائب

هناك 48 تعليقًا:

  1. ده احنا كنا فاهمين غلط خالص بقى

    (:(:

    ليتني كنت مثلك " آليس" لا أكبر أبدا وابقي دوما طفلة حالمة في بلاد العجائب

    هذه الأمنيه لنا جميعاً (:

    بوست جميل قوى يا رحاب بجد (:

    ردحذف
  2. إلى الأميرة الحالمة بفارس الأحلام دعيني أرد عليك بقصيدة من كلماتي
    أمير الأحلام يظنها البعض مجرد أوهام
    وتتمنى فقط صاحبة الأحلام أن تتحق تلك الأحلام
    ترسم بخيالها صورته وتضع فيها ملامحه
    تسمع اذناها كلماته تحس بتنهيداته
    حلم الفتاة منذ طفولتها
    أن تصير في عينيه أجمل النساء
    أن يناجيها في الصباح والمساء
    يرى وجهها في القمر
    بل يرى في وجهها القمر
    تعيش في أحلامه كما يعيش في أحلامها
    يمحو ألامها وتزيل آلامه
    يكون لسانها التي تشدو بكلماته
    يسلمها قلبه بل يجدها هي قلبه
    سبحان من جعلها تسلبه عقله
    أدعو ربي لك بمقابلة فتى أحلامك
    وتحقيق جميع أحلامك وأمانيك
    دمتي في حفظ الرحمن

    ردحذف
  3. السلام عليكم
    ازيك يا افندم شو اخبارك
    الله عليك لما بتسرحى مع نفسك وتتمعينا بصباكى اللى هو صبانا بس نسيتى كام فيلم وكام مسلسل
    بجد بوست مختلف ولذيذ
    تسلم ايدك يالا سى يو بعدين
    سلام عليكم

    ردحذف
  4. حسستيني اني واقفة ف مسرح عرايس وكارتون يا رحاب والله :)

    مفارقات جميلة جدا والمغزى طبعا واضح

    الحياة هنا دنيا تانيه فعلا ..

    بوست رائع بدون كلام يا خالتو :)

    ردحذف
  5. عجبني جداً انك قدرتي تكشفي الأخ عيلاء الدين الأليوبي و ترميه من فوق البساط السحري ، لكن اللي حضرتك معرفتهوش إنه كان عاوز يرميكي لأن السجادة مش على مزاجه لأنها مش من كاربت سيتي و لا حتى من النساجون الشرقيون.
    فارس الأحلام هتلاقيه بس لو ركنتي القصص و الأفلام على جنب ، لأن لو الأفلام حقيقة مكنش الممثلين أكتر ناس فاشلة في حياتهم.عدلي طلباتك و خليها مع الواقع ، يعني شاب قريب من عمرك ، عاقل يفهمك و تفهميه ، مؤدب محترم متزن ، مش مهم الشكل ، المهم إنه يكرمك و تكرميه. هكررلك دعوة الصبح ربنا يرزقك بالزوج الصالح
    على فكرة البوست ظريف

    ردحذف
  6. صباح الغاردينيا رحاب
    ياااااااااه ماأجمل هذة الموسيقى وسردك لقصص عاشت معنا طفولتنا وأيامنا حقاً إستمتعت بكل لحظة هنا وشعرت بجمال روحك ونقاء قلبك أنتِ نقية الروح والمشاعروماأسعدني أنني هنا كوني كذلك دائماً وتأكدي سيأتي يوماً فارساً يأخذكِ على بساط الحب ويمنحكِ قبلة الحياة وتبقين مدى الحياة نقية شفافة عذبة كـ أنتِ "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  7. انتى دخلتى المنطقة الطفولية اللى جوا كل واحد فينا واعتقد انه استحاله هننساها مهما كبرنا

    جميل اوى اننا نربط شخصيتنا او نشوفها فى شخصيات كارتونية او طفوليه انا شخصيا عشت ايام جميله مع ( حكيم قرية اوز )
    :)

    من فتره اجبرتنى ( حبيبه ) بنت اختى انى ادور على قصة اليس فى بلاد العجائب واحكيهالها ( دا كان تطوع منى فى بداية الامر ولكنه اتجه لمسالة الواجب الاجبارى وكان ايمانا فعلا بالكارتون الهادف)
    ولما كنت بدور وقعت على منتدى بيتكلم عن دروس من قصة اليس وكان الكلام عن سؤال سألتة اليس للقط تشيشاير

    : من فضلك هل لي أن أعرف أي طريق علي أن أسلكه من هنا ؟

    فسألها القط عن وجهتها ؟؟

    فقالت له أليس: لا أعرف !

    حينها قال لها القط: إذا أسلكي أي الطرق !!!

    ( انا رجعت للمنتدى علشان ااخد السؤال )
    وكان الكلام فى السؤال انه كانت اجابة بليغه جدا وهو انه لاوم نحدد هدفنا علشان نعرف نختار الطريق

    معلش طولت شوية ودخلت فى متاهات بس
    واخيرابتمنالك تكونى " آليس" لاتكبر أبدا وتبقي دوما طفلة حالمة في بلاد العجائب

    ردحذف
  8. سبحان الله
    تصدقي يا رحاب انا برضه مش بيدخل دماغي من الحكايات دي غير اليس
    وعلشان كده اليس بالذات كتبتلها خاطرة
    ادي اللينك بتاعها كتبتها من 3 سنين
    http://6eyr-elramad.blogspot.com/2010/08/blog-post_6018.html
    بس ده ميمنعش خفة دمك وارائك الكوميدية الجميلة وانك اضفتي طابع عصري لقصص تربينا معها
    تحياتي لاحساسك الراقي

    ردحذف
  9. انا بحب اليس
    وسنو وايت
    سندريلا تشبهني ومش تشبهني مش ممكن اكون ضعيفة مش ممكن احب حد عشان كان بيدور عليا من خلال فردة جزمتي ...كان ممكن يلافي واحدة لعبة الصدفة وجت الجزمة على مقاسها غيري ... اللي يحبني يحبني زي ما انا كدا مش يدور على مواصفات غير اساسية فيا

    انا شبه سنو وايت مش عايزة حد يقولي انتي جميلة او روحك جميلة او او او واحد بس اللي هيقولي كل ده مش عايزة اكتشف حاجة فيا الا لما هو يقولهالي انا صامة اذني عن كل ما يقال مش من حقي اني اسمعها منه....

    مبحبش ياسمين دي خاااااااااااالص مش بطيقها اصلاً
    تحياتي للبوست العسل ده
    لولا

    ردحذف
  10. السلام عليكم

    أختي رحاب.. كان نفسي أشجعك على الاستمرار في الحلم (طبعا ده حقك.. ودي مدونتك.. وإذا ما حلمتيش هنا هتحلمي فين؟!!!).. لكن يؤسوفني إني أقولك: صحصحي.. الأحلام خلصت.. عارفة إمتى؟ لما غلب واقعنا (بعد 25 يناير) كل الأحلام فأصبح يأتي كل يوم بجديد أسرع من قدرتنا على الاستيعاب..!!!
    وكأن هذا الواقع يقول لنا: سبتكم تحلموا كتييييييير.. دلوقتي جه وقت العمل بجد..
    وفي نفس زات الوقت يؤسوفني أقولك أيضا: حتى القصص الحلوة اللي كنا عايشين عليها بتتعرض دلوقتي بطريقة تفسد مشاعر طفولتنا....
    يعني مثلا: شفتي أليس في الفيلم الأخير (بتاع جوني ديب)؟ للأسف أليس كبرت، وأصبح لأحلامها مذاق أكثر واقعية ومرارة من واقعها... (ويمكن علشان كده ما حبتش الفيلم الأخير ده)!!!
    ومثلا: شفتي كل أميرات قصص ديزني (اللي ذكرتي انتي بعضهم هنا) في فيلم Shrik3؟ لقد أصبحن مجموعة من فرق الكوماندوز الذين يقاتلون في سبيل إنقاذ المملكة!!!!!

    شفتي حتى أبطال قصصنا اتغيروا...؟!!

    معلش... يظهر إني بهيس شوية!!!!! :)
    بجد.. إذا ما عجبكيش الكلام الملخبط اللي فوق ده... انسفيه..! :)

    تحياتي أختي الكريمة.

    ردحذف
  11. صباح الخير :)
    بعض الهموم نحن نختار أن نتحملها لأننا ربما لا نعرف أنفسنا بدونها :)
    لكن من الأفضل أن نختار هموماً سهلة الحمل :)

    ردحذف
  12. فكرتينى بالذى مضى .....

    ردحذف
  13. رحاب
    الاوله :اننى على يقين بان للمرأة عيون ثاقبةفى دقائق الامور بغير نظارة معظمة وهذه حاسة تحسد عليها
    الثانية صحيح احنا يا رجاله غالبا مالا نراعى حسن منظرنا ونعومة وجوهنا عندما نقترب من المرأة الهندامة صاحبة الوجه الناعم
    الثالثة ماأجمل الطفولةوبراءتها نتعلق معهم بحبل الحياة وتأخذنا الدنيا فى مرجيحتها

    ردحذف
  14. حبيبة قلبي الجميلة
    وحشتينى جدا ياقمرى
    ايه الجمال دا
    بجد رجعتينى كتير اوى
    واحلام جميلة وبراءة عجيبه
    فعلا اجمل عمر هو عمر الزهور
    دمت رائعه كما انت

    ردحذف
  15. يا سلام يا رحاب بتقري أفكاري تعرفي اني كنت ابتديت أكتب أفلام الكارتون العالميه من وجهة نظر الطرف الآخر توارد خواطر :)
    الحكايات صغتيها بشكل رائع يا رحاب كعادتك و دائماً النهايات لا تأتي كما نتوقع و لا فارس الأحلام فارس و لا كل الأحلام بتتحقق لذلك الأفضل أن نستمتع بما استطعنا تحقيقه.
    بينهم جميعاً أنا متيمه بسيندريلا
    جميله كما أنت
    تحياتي ليكي

    ردحذف
  16. ههههههههههه....الاول العنوان تحفه و عسل

    انا عجبنى ان البناتيت بتوع القصص بقوا مفتحين و واعيين عن الاول انا معاكى انهم احيانا كانوا هبل شويه بس شكلهم اتعلموا اخيرا....

    ردحذف
  17. السلام عليكم حبيبة قلبى رحااااااب
    هههههههه
    جميلة اوى اوى اوى اوى
    دمك شربات وزى السكر

    حسيت ان واحدة بتحكى قصة جميلة بس وهى بتعمل حلة محشى ههههه لخبطتى كل التفاصيل و الاحداث بشكل جديد بس رائع ودمه خفيف من وجهة نظرك جعلتى سياق الاحداث حسب احساسك وحلمك انت

    احلمى يارحاب احملى زى ما انت عايزة الواقع والحقيقة كانت فى الاول مجرد حلم بسيط

    يعنى اقل من الحلم يارحاب :(
    مفيش اجمل من حلم كله طفولة وبراءه احلمى واحكى لنا الحلم كل ما تحلمى ياغالية

    فى انتظار جديد احلامك السعيدة
    تحياتى لك وتقديرى

    ردحذف
  18. حلو قوي العنوان وفكرة البوست لذيذة :)

    أفكار أفلام الكارتون بتبقي دايما ساذجة جدا وفي نفس الوقت ممتعة جدا

    يا ريتنا كلنا منكبرش أبدا

    تحياتي . .

    ردحذف
  19. حلوة فكرة البوست يا رحاب

    عالم الطفولة كان جميل...ليتنا فضلنا اطفال و مش فاهمين حاجة فى الدنيا

    ردحذف
  20. Ramy
    ايوة يا رامي كنتم فاهمين غلط
    انا بس اللي فهمت صح
    بجد بتمني كل شوية اني ابقي اليس ومكبرش خاااااااالص
    كانت الحياة بقت اسهل

    ردحذف
  21. HSendbad
    استاذ هشام
    ميرسي جدا علي القصيدة
    وانا بحسد نفسي علي الاهداء ده
    ميرسي كتيييييييييير

    ردحذف
  22. مدونة رحلة حياه
    ميرسي يا محمد علي زوقك
    ويا ريت لما معاذ يكبر يلاقي افلام كارتون حلوةوليها معني
    مش زي اللي حاصل حاليا
    ومتشكرة جدا لاهتمامك وسؤالك ربنا يخليك

    ردحذف
  23. تخاريف مترجــِــمة
    يا سحورة يا عسولة
    والله انت شوقتيني اشوفك
    ميرسي لكلامك يا قمرة
    وبجد البوستك كان ف بالي من فترة كبيرة بس كل مرة مكنتش الاقي ف نفسي الشجاعةلاني اطلعه
    خصوصا اني كالعادة حذفت منه كتيييييييير

    ردحذف
  24. محمد محمود عمارة
    هههههههه
    بجد انت عارف اني بهزر طبعا مش اني ببالغ ف طلباتي ولا شيء
    بالعكس تماما
    وميرسي لكلامك هنا
    وعلي الجروب ع الفيس بوك

    ردحذف
  25. ريــــمــــاس
    الله علي كلامك
    بجد انت دخلتيني دنيا تانية
    ميرسيي لكلامك يا قمرة

    ردحذف
  26. حمدى جعوان
    ومين فينا مش طفل في داخله
    انا برغم اني مش الصغيرة ف اخواتي لكني طفلة جدااااا
    يمكن عشان انا القصيرة فيهم هههههههه ويمكن عشان مدللة جدااااا
    بس بحس اني لسة برغم كل شيء بيحصل اني آليس بحلمها وكلامها مع كل الاشياء
    وعلي فكرة انا بموت ف حكيم قرية اوز وكنت بدور علي الفيلم ده بس ملقتوش
    قلت لآخويا يدور عليه
    بالنسبة لسؤال آليس وتشايشر بجد سؤال عبقري جدا ....ولو بصينا لأفلام الاطفال زمانت ودلقوت هنلاقي اخلافات رهيبة ...دلوقت بحس انهم مش اطفال اصلا ده غير انهم بيعملوا افلام رعب فظيعة لا تمت للطفولة بصلة
    صدقني بحس ان ايام طفولتنا هي الاحسن ...مش الاطفال ف هذا الزمان

    ردحذف
  27. الاحلام الوردية دي بتدوب ع طول
    بوست رائع تسلم ايدك

    ردحذف
  28. مصطفى سيف
    اه يا دكتور ...افكارنا متقاربة ...زي اعياد ميلادنا كدة والبرج اللي احنا منه...
    علي فكرة قرأت الخاطرة ...بتاعت اليس وكل الخواطر الصراحة فضلت اقرأ فيها النهاردة بجد جميلة جدااااااااا جدااااااا
    انت كتاباتك واحساسك رائع
    وكفاية انك مثلي بتحب آليس
    ههههه
    شكرا لكلامك
    بس مقولتليش ...هو فين الشامبو...؟

    ردحذف
  29. لـــولا وزهـــراء
    مممممممممم
    تقريبا كدة كتير مش بيحب ياسمين
    هههههههه الصراحة انا يمكن مش احبها عشان لبسها
    مش عارفة لية مش بحبه يعني بحسه مستفز
    علي عكش سنو وايت بحبها كتير هي الاقرب لي بعد آليس
    بس انا تقريبا آليس كلها أنا وأنا أليس...يعني لو حكيت انا كنتب بعمل اية وانا صغيرة هتلاقيني زي آليس تمام
    شكرا لوجودك دايما

    ردحذف
  30. ماجد القاضي
    الاول قوللي الانسة ندي عملت اية ف امتحاناتها....؟ الصراحة كي جي وان دي صعبة كتير ربنا يكون ف عونها
    ههههههههه
    والله انت معاك حق
    انا اصلا دلوقت بقيت مش بحب اتفرج علي برامج اطفال ولا افلام اطفال بحسها بقت مستفزة جدا ومش طفولية
    تعرف ديت في مرة اغني لاولاد اختي اغاني اطفال
    قالولي اية ده يا طنط ...دي مش اغاني ....احنا عايزين اغنية مش عارفة اية واية كدة...وطبعا لهجة سورية واغنيات اجنبية ومفيش مصري ....قلت الله يرحم ايام اغاني لبلبة وعفاف راضي وماما نجوي وبقلظ والاغاني الي بيها نصايح بشكل جميل
    بالنسبة للأفلام اللي انت قلت عليها ...طبعا معاك حق جدااااااا
    بس برضه انا لسة عايشة دور آليس أووي لدرجة اني فضلت رايحة جاية ورا الفراشة في الجنينة عندنا عشان بس اشوف الوان اجنحتها اية ...؟ زي ما كنت بعمل زمااان بس زماان كنت أجن من اني اشوفها بس لاء كنت بدوخا من جري وراها.....
    يا لهوي ...دي انا لخبتط اوووي
    سوري يظهر اني بقيت عيلة اوووي

    ردحذف
  31. قهوة بالفانيليا - شيماء علي
    يا ريت نقدر نختار الهموم اللي نشيلها
    للأسف معندناش مقدرة للاختيار
    يا ريت بجد نقدر نتحكم ف الزمن زف اختيارتنا وعواطفنا
    نتحكم ف اننا نوقف الزمن علي عمر معين او علي مشهد معين او علي سعادة معينة
    يا ريت

    ردحذف
  32. sun of free dom
    ومين فينا بينسي الي مضي...؟
    احنا دايما فاكرين كل الي فات

    ردحذف
  33. faroukfahmy58
    هههههههههه يعني انت اخدت بالك من شيء محدش خد باله منه
    ههههههههه
    بجد انا كتبت بنوع من المزاح بيني وبين ابطال قصصي الي بحبهم
    ومقصدتش شيء وحش يعني
    هههههههه
    ميرسيي لوجودك

    ردحذف
  34. اسماء عبدالعزيز
    انت كمااااااااان وحشاااااااااااااني جداااااااا
    فينك يا بنتي واية الغيبة الطويلة دي
    يا ريتك بقي تبق يموجودة علي طول ومتغبيش تاني

    ردحذف
  35. شيرين سامي
    حتي انت يا دكتورة........هههههههه
    توارد خواطر بيني وبين مصطفي وبينك
    هههه
    يا سلام يلا بقي كل واحد فيكم يكتب
    بجد بجد شيء جميل
    كل واحد فينا له بطل المفضل
    بس تبقي آليس هي عشقي

    ردحذف
  36. د/دودى
    ههههههههه
    انا اللي علمتهم
    بس انت شوفتي افلامهم الجديدة
    انا بحب القديم
    بحس فيه بطفولة وبراءة بجد
    يا سلام كانت ايام حلوة
    بس ايةرايك انا جنننت كل رجالة القصص

    ردحذف
  37. أم هريرة (lolocat
    طيب وحياتك عندي انا اصلا ساعتها كنت عايزة ابقي ملخبطة اكتر من كدة يعني اعمل محشي ورق عنب وكرنب وكوسة وقوطة ف حلة واحدة ...وشوفي بقي ساعتها يبقي النتيجة النهائية اية..؟؟؟؟؟!!!
    يعني انا اصلا كنت ناوية الصراحة يعني اجنن كل ابطال القصص من وجهه نظر بطلات القصص ..يعني مخليش الراجل هو يكون الاساس وانه هو المنقذ
    لاء
    ده انا بقيت واعية وفاهمة اووي
    كدة يعني
    برغم ان الحقيقة كلنا بنتنيل علي عنينا من كلمة حب....ويا سلام لما يقولك كلمتين يدوبوك
    الله يخربيت الحب

    ردحذف
  38. FAW
    الصراحة انا كنت قاصدة العنوان عشان يتفهم غلط عكس البوست يعني
    ههههههههههه
    بس الحقيقة كنت حابة ارجع لطفولتي تاني بس بشكل مختلف
    لعلمك بقي افلام الكارتون بجد زمان كانت حلوة كتير دلوقت للأسف بشعة كتير

    ردحذف
  39. Tears
    يا ريت فعلا كنا فضلنا صغيرين ومش فاهمين اي شيء حوالينا
    ولا فاهمين سياسة ولا غيره
    بجد دنيا وحشة اووي دنيا الكبار دي

    ردحذف
  40. Carmen
    ولسة الاحلام دي بتدوبنا

    ردحذف
  41. انت عارفة ايه اكثر حاجة الواحد مفتقدها من ايام الطفولة حكايات الطفولة اللى كانت بتونسنا كنا نستنى ابلة فضيلة و نطير مع حواديتها من الخيال الى الواقع
    بس اعتقد ان ياسمين حدفت علاء الدين عشان كانت طمعانة فى البساط عشان تشغله عتبة رمسيس عشان المنطقة دى زحمة

    اسم بنتى غريب مش غريب و لا حاجة
    بصى هو اسم فارسى من مقطعين سالى و ناز
    سالى معناها زهرة و ناز معناها الحب
    يبقى ساليناز زهرة الحب زى شاهيناز ملكة الحب و صافيناز الحب الصافى و كمان رحابناز رحاب الحب ههههههه
    تحياتى

    ردحذف
  42. رحاب صالح :
    بسم الله الرحمن الرحيم الاجابة :
    مش تونس عشان ما تضرببينيش ، الاجابة صحيني لما الحواديت تخلص ..
    شردتي بطلات القصص يا بنتي علاء الدين رمتيه من البساط السحري ، سنهوايت مضروبة بالنار ، سندريلا بقت مداينة البلد ، وحتى اليس بقت في بلاد الواء الواء ..
    //
    البوست جميل بس كان لازم اغتت عليكي
    وما تنسيش الايس كريم

    ردحذف
  43. كلام جميل

    ورؤية جميلة

    تسلمى عليها رحاب

    مع خالص تحياتى

    ردحذف
  44. دول كانوا بيضحكوا علينا بقى يارحاب ع كده

    مشكلتنا واحنا صغيرين اننا بنصدق الحكايات ونعيش معاها اوى ولما بنكبر بيصدمنا الواقع المر

    " فمازلت أنا تلك الطفلة الحالمة.....
    ولكن ...قلبي مثقل بالهموم..........
    ليتني كنت مثلك " آليس" لا أكبر أبدا وابقي دوما طفلة حالمة في بلاد العجائب "

    كلنا أنتِ يارحاب

    كلنا نحلم بتلك الأمنيه

    كلنا نتمنى أن نعود لهذه الأيام التى لا نحمل فيها هم لشىء ولا ننتظر من الحياه أى شىء

    على الرغم من الفكاهه التى تناولتى بها موضوعك الا انها لم تخلو من المراره

    دمتى بكل خير (: (:

    ردحذف
  45. رائع ما يسطر قلمك دائما رحاب فانتى دائما متالقه ودائما تبدعين
    بوست روعه استمتعت فعلا هنا تقبلى تحياتى الاحــــــــلام

    ردحذف
  46. حلو الكوكتيل ده والاحلى التدرج بين الشخصيات احسنتي يا رحاب

    ردحذف
  47. اسلوبك جميييييييييييييييييل وراااااائع

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين