الأحد، 20 مارس، 2011

أم .....و....إبن

واحد وعشرون مارس ....عيد الام ....
مش عارفة لية زمان مكنتش بحتار في هديتي لامي زي دلوقت ....دلوقت بحس ان ماما مسؤلية كبيرة اووي  مش زي زمان  لما كنت لسة صغيرة ومش عارفة يعني اية مسؤلية ويعني اية أكون أم ...
لي صديقات فقدن امهاتهن بالموت.......وهذه حقيقة لابد ان نتقبلها
ولكن أن تفقد أمك وهي بجوارك فهذا صعب جدا
دعوني اقص لكم قصة صغيرة ....عن فتاة  مر بها قطار الزواج ولم يتوقف عندها , واضطرت ان تستمع لكلام صديقتها وتتزوج زواج صالونات ....والتقت بالعريس , وعرفت أنه كان متزوج من قبل, عادي جدا, عرفت أنه علي خلاف مع زوجته , عادي جدا بتحصل كتير مختلفين مع بعض, عرفت انه انجب ولدين, دي مش عادي بقي, عرفت انه طلق زوجته , وعديها دي كمان , لكن انه  عشان يريح نفسه ويخلص من زوجته  اللي اشترطت عليه التخلي عن ولديه مقابل طلاقها ....ووافق بسهولة......؟؟؟!!! فما كان من الفتاة الا ان قالت له ....من يتخل عن اولاده لا أأتمنه علي نفسي ابدا.......
لا أعرف كيف يستطيع أي أب أو أي أم أن تتخلي عن ولدها ......
لقد رأيت بعيني  قصص زواج فاشل  وتشتت أبناء بسبب هذا الزواج ...وحتي مع وجود الاب والام فإن الشعور بوجودهم وهم ليسوا بجوارك فهذا اقسي انواع الفقد .....فكيف تفعل أم أو أب هذا ....؟؟!!
قد يكون كلامي غريب لانني لست أم ...ولكن هل لاني لست أم لا أشعر بغريزة الامومة ...؟
كلا بالطبع فغريزة الامومة  غرسها الله في كل بنات حواء  وشعورنا بها لا يقارن بأي شيء
اتسائل وأنا أحمل احد ابناء اخوتي واضمه لي كيف سيكون احساسي بجنيني ...وبابنتي وابني ....

حدث لي مرة أن كنت اتحدث مع شخص عزيز جدا .....ولكن هذه المرة كان الكلام غريب...كان حديثنا عن الامومة ._ وأرجو ان تتتفهموا الكلام القادم والصادم نوعا ما _...وقال لي فجأة " رحاب تعملي اية لو بقيتي أم  بالصدفة...؟ "
انا استغربت أووي " يعني اية أم بالصدفة؟"
يعني لو حبيتي شخص اووي اووي اووي ...وكان نتيجة الحب ده جنين  ...طفل في احشاءك "
انا صدمت  بالطبع ...ولكنني قلت له  " استحالة ده يحصل طبعا ....هو صحيح انا رومانسية اووي ....بس بفكر بعقل  ومش بعمل شيء غير لما اكون فكرت فيه كويس اووي ....عشان كدة بقولك استحالة ان ده يحصل "
قال " يا بنتي بقولك افرضي افرضي "
قلت بتصميم " استحالة يحصل ومفرضش "
قال بعناد " انت عارفة ان ده ممكن يحصل بسبب الحب وضعف الحبيبين مع بعضهم "
قلت بعناد " انا ببص للمستقبل ومش ممكن حاجة زي دي تحصلي ابدا مهما كنت بحب الشخص ده لاني وقتها هفكر في ابني اللي هيجي  لدينا مش هترحمه "
وزيادة في العند منه كان كلامه " رحاب ...انا عايزك تحطي نفسك مكان بنت أحبت شخص ما لدرجة كبيرة جدا ....وكان نتيجة الحب ده جنين ...وهو مثلا مات او تخللي عنها او الظروف تخلت عنهم هما الاتنين ....انت لو في نفس الموقف ده هتعملي اية ...؟ هتتخلي عن الجنين ده والا هتعملي اية ؟"
أنا  سكت شوية وبعدين قلت " ده ابني ومش هتخللي عنه ابدا مهما حصل ...وهعمل المستحيل عشان اثبت وجوده واخليه يعيش وميحسش بأنه مختلف عن باقي الاطفال مهما حصل ومهما اتحملت من مشكلات "
هو استغرب اووي وقال " واهلك والشخص ده واهله ....هتعملي معاهم اية ؟"
قلت " هو لو كان تخللي عني بمزاجه مش هرحمه ابدا , وبكل الطرق هثبت نسب ابني له, ولكن في نفس الوقت مش هسمح له انه يتهني بحياته وهفضل احسسه بالذنب مدي حياته , اما اهلي واهله سأترك لهم حرية الاختيار ...لكن اختياري أنا بأنني لن أترك ابني ابدا ...وبكل ما تبقي لي من عمر سأصلي لربي أن يغفر لي زلتي وخطأي  وسأحاول أن أنال مغفره الله ...وفي نفس الوقت لن أشعر ابني عندما يكبر بكل ما حدث مع ولادته أو عن تخللي والده عنه , ونظرت له وأنا ابتسم بعدما كنت قد  دخلت في جو الاحداث المريب هذا  وقلت ....ولكنك تعرف ان هذا لن يحدث لي ابدا ...فأنا عاقلة جدا ...هه
 حسيت  بالمعاناة  وانا مع احدي الصديقات اللاتي يعانين من زواج اب وام وانفصالهم وزواج كل منهم بأخر ...والعيش بجوارهم وعدم الشعور بوجودهم ...احساس مؤلم .....لا اتمني لألد اعدائي الشعور به

هنا قصيدة  عن الام

http://sadasoutk.blogspot.com/2011/03/blog-post_20.html


رحـــــــــــاب

هناك 21 تعليقًا:

  1. كل عيد أم وإنت طيبة يا رحاب معاكيش قرشين سلف علشان أنا مفلش وممعيش فلوس اجيب هدية :] :$

    ردحذف
  2. السلام عليكم
    اختى العزيزة
    كثير من يضعفون باسم احب مع انى فى هذه الحالة ا اسميه حبا فالحب حفاظ عى من تحب وخوف عليه وتمسك بك ما فى صالحه ليست مجرد شهوات وقتيه فالحب حياة ليست نزوة
    الى كل ام ك عام انتن بخير
    اى كل فتاه صونى نفسك فمن يستحقك قدره الله لك منذ امد بعيد
    الى كل شاب ورج اتق الله فلا خير فى لذة اخرها النار وان تتوبوا يتوب الله عليكم
    شكرا اختى عى طرحك

    ردحذف
  3. انا مهما خدتنى المدن
    وخدتنى ناس المدن
    دايما صورتك فى قلبى دليلى للمدن
    اطوى المدن و اجيكى
    مشتاق لنور عنيكى
    مبحسش بالبراح ده
    الا فى حضنك يا امى

    نقظة ضعفى هى امى و سبب قوتى هى امى
    كل سنة و كل الامهات طيبة

    ردحذف
  4. رحاب وحشتيني :)
    بحس ان مفيش أسوأ من قسوة ابن على أمه الا قسوة أم على ابنها فالأم تسامح و تتعالى على قسوة الأبناء بغريزة الأمومه و العطاء أما الأبناء فيقعوا ضحايا و يكتسبوا شخصيه هشه مريضه من أثر قسوة الأم أو الأب عشان كده بمووت من الزعل لما أشوف ابن أو ابنه بيعانوامن اهمال أو قسوة ابآهم,
    كل سنه و مامتك طيبه و عقبال ما تبقي أم صحيح أنا أم و مش حاسه بأي حاجه مميزه ليه لكن هو بالنسبه لي عيد أمي و حماتي و خالتي و أي أم غيري :)
    تحياتي ليكي و دائماً متألقه كعادتك

    ردحذف
  5. طرح مختلف و قوى و عجبتنى قوة شخصيتك

    بس اللى يسيب لطليقته الأولاد مش يبقى بيتخلى عنهم انما فعلا أحسن الأطفال يبقوا مع الأم لانها اقدر على رعايتهم

    ردحذف
  6. كل عيد ام وكلنا احسن واحسن
    ناقشتي كذا نقطة بس حبيت اختار نقطة محددة وهي الشخص اللي قالك ان اتنين يضعفو امام حبهم ويكون النتيجة طفل!!
    ده كلام يحصل بين 2 ماعندهم بارقة ايمان في قلوبهم
    تقبلي مروري

    ردحذف
  7. happy mather day
    و عقبال منشوفك اجمل ام في الدنيا و تفرحي بولاد و لادك يارب ^_^

    ردحذف
  8. حبيبتى رحاب

    كل سنة وكل ام بخير وبصحة وسلامة وربنا ميحرمش ابدا كل ام من ابنها

    ويارب يسترها علينا جميعا وميحصلش اى مكروه ابدا لحد يارب ويحفظنا

    تحياتى لقلمك

    لك كل الود

    ردحذف
  9. كل سنة وكل الامهات بخير
    واتفق مع كارمن تماما فيما ذكرته

    خالص تحياتي
    Casper

    ردحذف
  10. الايمان اقوى سلاح ومن يتسلح بالايمان لا خوف عليه
    كل سنة واكل الامهات بخير
    وكل سنة وكل ابن بار بامه
    وكل سنة وكل ام سعيدة ومبسوطة
    تحياتي

    ردحذف
  11. كل سنة وكل الامهات طيبين
    القسوة وحشة اوى لو من الاب او الام وبتبقى وحشة اكتر كمان لو من الاولاد على اهلهم
    ربنا يهدى الجميع
    وحشانى ياقمراية

    ردحذف
  12. الانفصال دائما يولد
    حزن وامراض نفسيه لدي الابناء
    اما عن احساس الامومه فكما ذكرت
    فهو ملازم لكل فتاه منذ الصغر
    كل سنه ووالدتك ووالدتي بخير

    ردحذف
  13. كل ثانية وكل الامهات بخير وصحة


    اتكلمتى فى اكتر من نقطة يا رحاب

    بس شدنى هو شعور الابناء فى حالة انفصال ابوهم وامهم

    اكيد قاسى اوى

    مع وجود الاب والام فإن الشعور بوجودهم وهم ليسوا بجوارك فهذا اقسي انواع الفقد .. <<< فعلا صح


    ربنا يسعد قلبك دايما يا رحاب وان شاء الله تبقى ام جميلة اوى يا حبيبتى

    ردحذف
  14. السلام عليكم

    كل سنة وكل الامهات بالف خير وسلامة وصحة وعافية

    اشكرك على خواطرك واتفق مع الاخ مصطفى سيف

    واحييك على رفضك انك تفرضى شىء حرمه الله لنفسك

    ومستحيل الحب الصادق يبنى فى اى دين من الاديان على اساس محرم ابدا لكن هنا نسميه ضعف نفس واستسلام للشيطان

    اما غريزة الامومة فهى موجودة فى اى امرأة حتى فى اناث الحيوانات

    انا عندى قطط كتير منهم قطة ما تزوجت بعد ولها اخوات قطط صغيريين يعنى جيل بعدها ..سبحان الله العظيم لو رأيتيها وهى ترعى اخوتها تظنى انها امهم

    فما بال النساء !!!!!

    تحياتى لك على موضوعك الجميل اختاه
    وكل سنة و كل الامهات بخير

    ردحذف
  15. اولا موضوع متعدد الاطراف جدا بس احب اقول ان اتنين حبوا صنعوا مشكله كبيره لطفل صغير ده مش حب ومش مبرر وله في الاسلام اسم اخر يستحق القصاص بالرجم
    اما كون الاب يتنازل عن الاطفال فههو تنازل لما لا يملك لانه تنازل مجبر عليه بقوة القانون اما تنازل الام عن اولاده هو فعلا ما يحتاج لشرح وتبرير
    كل سنه وكا ام مسلمه بخير

    ردحذف
  16. السلام عليكم ورحمة الله

    صباحك رضا وسعادة رحاب

    الحب لا يبرر أبداً الوقوع في الحرام مهما كان شدة الحب هذا وقد يكون غريب أن يقول رجل هذا الكلام لأن أشد ما يتمناه الرجل من حبيبته هو أن يجتمع معها وخاصة إذا كان حبهم سينتهي بزواج
    ولكن هناك ظروف قد تظهر وتتسبب بحدوث وضعية غريبة لم يحسبا حسابها وتؤدي لظهور طفل منبوذ من المجتمع موسوم بلفظ غاية في القسوة " ابن حرام " هذا بالإضافة لتبعاتها الشرعية لأن أبن الزنا لا يورث كما أن حرارة الذنب ستحرقنا بها طول فترة حياتنا
    وفي النهاية يا رحاب ما أجمل الحب الذي يتوج بزواج عندها كل شيء سيكون مباح وبالحلال وله طعم آخر لن نشعره لو سلكنا طريق الحرام ....

    وأتفق معك تماماً بأن بعض الأباء والأمهات ليسوا بمؤهلين لإنجاب وتربية الأبناء وهم بينهم فما بالك وهم منفصلين ليقع الأبناء ضحية أبنائهم ويعيشون في يتم وهم أحياء ....

    موضوع رائع يارحاب وأتمنى من الله أن يثبتك على الحق

    تحياتي

    ردحذف
  17. جميله قوي كلماتك يا رحاب

    ردحذف
  18. كل سنة وكل ام بخيييييييييييييير

    ردحذف
  19. كل سنه وانتى طيبه وكل سنه وكل ام بخير وبصحه وسعاده
    اتمنى ان يكن كل يوم يمر يكون عيد امك نذهب اليها ونحنو عليها ونتكلم معها حتى تكون سعيده لان اى ام تحتاج الى هذا وتتمناه \
    تمنياتى لكى بدوام الصحه والعافيه
    تقبلى تحياتى الاحــــــــــلام

    ردحذف
  20. أتمنى بس إن البنات يكونوا أكثر قوة أمام الحب :)
    ربنا يحفظ كل البنات .. و يا رب ماتباقش أي واحدة فيهم حامل بالصدفة .. !!
    لأنها بتوصم والديها و بتخليهم فعلا يوطوا راسهم قدام الناس .. !!
    و ما أكثر الحكايات اللي بالشكل دة.
    ربنا يستر بجد

    ردحذف
  21. خدى الايفنت دة يا عزيزتى يمكن يعجبك او حد من زوارك شكرا :)
    http://www.facebook.com/event.php?eid=174165342632396

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين