السبت، 2 أبريل 2011

عينة عشوائية

 


                                  ***************

كل رؤساء مصر ......مشكوك فيهم
يعني ..."ناصر " ضرب نجيب ؟...وأخد الرئاسة منه ....سواء بتخطيط او غيره
" السادات" تولي رئاسة مصر بعد موت " ناصر " بشكل مفاجيء مشكوك فيه ....؟؟؟!!!
" مبارك " تولي رئاسة مصر بعد اغتيال " السادات " المخطط له بدقه ....ولم يصبه سوي خدوش برغم انه كان قاعد جنبه ...!!!!؟
" مبارك " .......هل اطاح به موقع الكتروني .....ام تخطيط منظم ...ام هي القدرة الشبابية ....ام انه ... قضاء وقدر....؟؟!!

                                  * * * * *  * * * * * **

  ما  كنا مرتاحين وعايشين وخلاص كان لازم يعني الثورة دي ...؟؟؟!!
والا انتم يعني غاويين منظرة ع الفاضي ......,,,,
طيب يعني انت شايف اننا عايشين صح ....؟ مع كل الفساد اللي بيحصل ...؟؟!!
اهو كنا عايشين وخلاص بناكل وبنشرب وعايشين ويا ستي ف الاخر كلنا هنموت....
طيب وانت شايفة اية...؟
انا مش شايفة حاجة ...,,,, انا عايزة اعيش وخلاص ...اشتغل واتجوز واجيب ولاد وبس ,,,ماليش ف السياسة والكلام الفاضي ده
ده مجرد كلام مع اتنين أعرفهم
                                                      * * * * * * * * * ** * *
هو انت هتنتخبي مين ...؟
مش عارفة ...
ازاي مش عارفة ,,,,انت لازم يكون لك رأي واضح واختيار عن اقتناع
يعني هما مستنين رأيي ...,,,, ما طول عمرنا لا بنعرف انتخابات ولا غيره وكل اللي هما عايزينه بيحصل حتي لو مش عاجبنا,,,وبعدين قوليلي انت هو انت اصلا كنت تعرفي الانتخابات دي الا من كام سنة ....!!! اصلا احنا اول مرة نعرف اننا لازم نروح ننتخب سنة 1995 تقريبا قبل كدة مكناش نعرف ولا نسمع عن انتخابات ولا غيره ....يا بنتي سيبك من الكلام ف السياسة  وعيشي حياتك احسن 

                                                           * * * * * * *  * *** * ***  **



في السنة الاولي من كلية الاعلام درست مادة اسمها مناهج البحث العلمي , هي خاصة بالمسوح واستطلاعات الرأي  وما شابه ...احببت المادة برغم صعوبتها  بعض الشييء ,,, لا أدري لماذا تذكرت العينة العشوائية وكيفية اختيارها  هذه الايام ....؟!!!  أيمكن لانني اشعر أن كل ما أسمعه من أراء وأخبار وأحداث هو مجرد عينة عشوائية لا تمثل الشعب المصري حقا ...ام أن هذه مجرد حالة من الترقب والحذر ...والخوف مما هو آت

رحــــاب صالح
بتسألني عن رؤساء مصر السابقين
قلت لها تنازليا
محمد حسني مبارك
محمد انور السادات
جمال عبد الناصر
محمد نجيب
قالت لي بستغراب...مين محمد نجيب ده...؟ هو كان في رئيس لمصر اسمه محمد نجيب ....؟
وبعدين ليه كل رؤساء مصر اسمهم محمد....؟

هناك 24 تعليقًا:

  1. حالة اللامبالاه اللى بتقابليها فى الشارع احيانا ( وحطى تحت احيانا دى خط ) الفتره دى اعتقد انها نتيجه طبيعيه لعملية التجرييييف والتهميش اللى كانوا اساس حكم المخلوع مبارك ... بقول احيانا لانه فى اعتقادى حاليا بعد ماكان عندك 80 ممليون ممحلل كوره اصبحنا يقدرة قادر كلناا محللين سياسين وفقهاء دستور ..

    اكيد حالة عدم الاهتمام هتكون وباكتساح فى ارياف وقرى مصر .. الناس البسيطه اللى مش هاممها غير لقمة العيش ودا اهتمامنا كلنا بس مع نسبية المساله


    سؤال هتنتخب مين رئيس جمهورية دا بقى السؤال الاول فى مصر حتى هنا واحنا خارج مصر برضه بيكون اول سؤال تواجهيه كل يوم اذا ماقابلتى حد من الجنسيات التانية بالاضافه للمصريين اللى اكيد سالوكى السؤال ده مليون مره


    اما بالنسبة لموضوع محمد فياريتهم قدروا يتسموا بعدل وخلق محمد ( صلى الله عليه وسلم )
    مكنش دا بقى حالنا


    شكرااااا رحاب

    ردحذف
  2. صدقيني الثورة دي
    جت من عند ربنا
    واراد الله ان ينزع الملك ممن يشاء
    فقد كان في يوم 25 يناير
    الله قادرا علي ان يجري علي لسان الرايس السابق مثلا خطابا يعلن فيه
    انه سيحل مجلس الشعب
    وانه سيسقط الوزارة
    وانه لن يترشح
    واجزم لك انه كان من اول يوم هذه الكلمات جديرة بان تطفئ نار الثورة
    ولكن شاء الله ان يكون عنيدا متكبرا كعادته
    ليكون سببا في نزع ملكه
    فاراق الدماء والهب المشاعر
    فكان لابديلا عن اسقاطه
    الامر التاني
    ماذا لو استمر هذا الرجل في ملكه
    فمجرد صمتنا علي فساده وفساد اجهزته
    نكن في حكم المتواطئين علي انفسنا
    وكنت اخشي ان تتحقق اية الله فينا
    ( { وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا }
    وقد وصلنا الي ان هؤلاء المترفين
    كانوا اكثر فسقا وفسادا

    ردحذف
  3. حوار جميل ذكي يوضح مايدور
    حاليا من انتظار ماحققته
    الثوره من نتائج شعرنا بها
    وبين المشكوك في امرهم المتمثلين
    في الرؤساء .. والله يا بنتي كل شئ
    جايز..والله اعلم
    موضوع جميل وسرد اجمل
    دومتي بخير

    ردحذف
  4. كل الكلام اللي كتبتيه ده بيحصل بالحرف بين الناس
    وبصراحه بزعل وبتعصب منه
    وخصوصا كلمة ماكنا عايشين

    ولا لما حد من الناس المقتدره جدا يقول لك والناس الغلابه
    الله ماطول عمرك عايش والناس الغلابه دي موجوده عملتوا لها ايه بقا

    وبعدين مش فاهمه نختار ازاي وماحدش لسه نزل برنامجه الانتخابي
    ولا هي بختك ياابو بخيت

    علشان كده بقول كل واحد مننا لازم يتفاعل مع المحيط بتاعه ويتكلم مع الناس
    وخصوصا في الايديلوجيات ويفهم الناس يعني ايه وانها مش كفر زي مابيقولوا

    ردحذف
  5. همة كلميتن :)
    اللي كل همه ياكل و يشرب و ينام و يمارس غريزته في الانجاب بس.. مش بني آدم .. دة يبقى محتاج زريبة و لا مؤاخذة ..!!
    لنه مش محتاج حريته في حاجة..ممكن يتحبس في مكان يعمل فيه كل دة ..!!
    بس الكائنات العاقلة بتحبث عن حريتها لأنها خلقت حرة .. الغنسان خلق حراً يا رحاب .

    ردحذف
  6. الريس محمد كان كويس و الله و بما ان مصر كلها اسمها محمد فمتفرقش بقى ...جميل قوى انك ذكرتى حكايه العينه العشوائيه تصدقى احنا فى كليه الطب بندرسها فى ماده غبيه كده اسمها "طب المجتمع" و برضه لفتت نظرى

    ردحذف
  7. فعلا مواقف غريبة حيال تولي كل رؤساء مصر السابقين واي كان ما اطاح بالرئيس السابق فبالتأكيد القادم سيكون افضل ان شاء الله

    ________

    خالص تحياتي لفكرك وقلمك

    ردحذف
  8. نفس الشئ في كل دول العربية
    رؤوف

    ردحذف
  9. للأسف المؤسف الأسف

    نسبة المثقفين فى مصر يتعدوا ع الصوابع

    احنا محتاجين لووووووووووعى

    ثم

    وعىىىىىىىىى

    ثم

    وعىىىىىىىىىىىى

    ازاى ديمقراطيه من غير وعى

    ده احنا يبقى روحنا فى داهيه

    لان زى ماحصل فى التعديلات .. هنسيب المواطن الغلبان البسيط للقيل والقال

    وبالتالى ... ضاعت مصر عشان اللى هيضحك ع الناس اكتررررر هو اللى كفته هترجح

    بجد محتاجين لنشر الوعى وبشششششششده

    موضوع مهم اوووى وشاغلنى جداااااا

    وكتبت عن شدة احتياجنا للوعى فى بوست بعد التعديلات الدستوريه

    ربنا يحمى مصر ويولى علينا خيااااارنا

    دمتى بكل ود

    (:

    ردحذف
  10. السلام عليكم أختي رحاب

    جميلة جدا عينات (أو نماذج) الآراء التي طرحتيها..

    وهي - في ظني - تعبر (للأسف) عن شريحة ليست قليلة من المجتمع المصري (حتى بعد الثورة)؛ وإلا ما تفسير عدم نزول حوالي 20 مليون ناخب للإدلاء بأصواتهم في الاستفتاء؟!!!!!!!

    ولعلي لا أثقل عليك إن طلبت منك طرح رد على هذه الشريحة السلبية يوضح أهمية المشاركة في الاختيار في هذه المرحلة المهمة جدا.. حتى لا يأتي الفاسدون والظالمون مرة أخرى، وساعتها لا يلومن كل سلبي إلا نفسه!

    تحياتي أختي الكريمة على الفكرة الجميلة.

    ردحذف
  11. سبحان الله الشعب محتاج تقويم و تعليم كما الطفل الذي يخطو أولى خطواته في الحياة

    ردحذف
  12. هو جمال عبد الناصر كان اسمه محمد؟
    بصراحة قلة الوعي السياسي في المجتمعات العربية والمجتمع المصري داء عظيم ويحتاج لعلاج كبير
    محتاجين الناس تفهم كل المصطلحات السياسية وتبدا تحياها وتدركها
    علشان الفترة دي بالذات محتاجة صبر مع فهم
    الناس مش هتقدر تصبر لو مافهمتش
    تحياتي واشكرك

    ردحذف
  13. تذكرى ان اللى قام بالثورة فعليا 8 مليون و فى اخر ايام وصلوا 15 و الباقى كانوا راضيين بالذل و الاستعباد ولو حكمهم حفيد جيمى ماشى برضة و ح يقولوا كمان

    ردحذف
  14. الناس متهيالي كان احساسها بالقهر والاجبار اكتر من انه لا مبالاه اما كون في ناس بتفكر وبتفهم هما كتير بس كان النور محطوط على اللي بيسرق بس
    ثورة 25 يناير حررت العقول اكتر من تحريرها وخلع الرئيس بس الناس لما تطلع من مكان ضلمه لنور مره واحده بتاخد وقت علبال ما تشوف كويس بس في الاخر هتشوف كويس
    تحياتي

    ردحذف
  15. تحية طيبة...
    تساؤلات منطقية ضمن حراك فكري وسياسي عام...
    دمت بخير...

    ردحذف
  16. مش عارفة يا رحاب

    انا قلقانة من بكرة

    ربنا يستر على مصر

    ردحذف
  17. السلام عليكم
    من كل اسماء الرؤساء اللى ذكرتيها كنت اميل لايام محمد نجيب

    يمكن علشان الشعب وقتها كان لسه (( بخيره)

    يعنى الاخلاص والشعور الوطنى كان فى قمته
    محمد نجيب لقصر وقت حكمه يمكن ما لحق يظهر فساد فى عصره لكن خانوه وباعوه رخيص اوى

    قرأت ان من ضمن ثروة مبارك 14 مليار دولار ظهرت فى بنوك اوربا ثمن شحنة بلاتينيوم سنة 82 وضعها فى البنك باوروبا طب منين بعد اقل من سنة الثروة دى ظهرت الا اذا كانت تخص اللى قبله وهو نام عليها ....... حسبنا الله ونعم الوكيل ...الشباب مش لاقى شغل والناس مش لاقية سكن ...والاطفال المرضى كنا نجمع لهم علشان نعمل مستشفى وهم فى منتهى الظلم والفساد حسبنا الله ونعم الوكيل فيهم كلهم

    اللم انا نسألك ان تولى علينا من يخافك ويرحمنا انك على كل شىء قدير

    دمت بكل خير وامان اختى الحبيبة بارك الله فيك

    ردحذف
  18. السلام عليكم رحاب
    تحياتى
    انا باتفق معاكى على ان كل رؤساء مصر ذهبوا بطريقه غامضه من اول محمد نجيب حتى حسنى الغير مبارك
    وعن الانتخابات والسياسه .. خدى بالك وقولى لصاحبتك ان نتيجة السياسه بالبلدى هى الاطعمه اللى على الطبليه اللى فى البيت .. يعنى اذا كانت السياسه حلوه تلاقى الطبليه عليها من خيرات الله ما لذ وطاب .. واذا كانت السياسه وحشه .. تلاقى الطبليه كلها فول وفول وفول ويا سلام لو قرص طعميه وفحل بصل
    حياة الناس الاقتصاديه هى انعكاس للسياسه ... وطول عمرنا واحنا ما عندناش حاجه خالص ولا اقتصاد ولا سياسه وعشان كدا طول عمرنا بنحاول نهرب من البلد ونسافر نشتغل بره وكمان ندفع فلوس ونغرق فى البحر عشان نسافر
    ما يحدث هذه الايام مدبر له من الخائن حسنى مبارك والخائن جمال والخائن الغير حبيب لانهم كانوا مربيين مليشيات جاهزه للتدخل فى مثل حالتنا هذه واعتقد ان هذه الميليشيات لا عقل لها ولا قلب ولا تفهم الا بلغة اليوميه او الخمسين جنيه اللى بتقبضها يوميه كل يوم وعشان كدا تلاقى هذا الانفلات الامنى وخدى بالك الانفلات الامنى دا من زمان قوى بس ما كانش حد واخد باله منه وكنا عايشين مرعوبين من البوليس وخلاص وكان البوليس زى خيال المأته .. بس احنا كنا مرعوبين منه .. وما كانش له شغله الا حماية حسنى وابن حسنى ومرات حسنى وبس .. اما احنا الشعب نروح فى ستين داهيه ..
    تحياتى

    ردحذف
  19. طرح راقى ومسأله فعلا بحاجه لتوقف عقلى وتاهب نفسى جم ...

    مسأله إعتلاء رؤساء مصر كراسيهم بطريقه مشكوك فيها فيما مضى لا أستطيع أن اتيقن منه فالتاريخ يُخفى أكثر مما يُبدى ولنا بتنحيه مبارك ومعرفتنا بمن سياتى بعده حتى لو قال التاريخ كلمته بان أجندات اجنيبه مهدت للثوره وباركت قدومه فنحن ندرك جيدا بأن الشباب وتلك الهبّه الشعبيه هى الإصل ...

    ودائما أتلمّس بين جنبات المجتمع فى الوقت الحالى غياب الوعــى بأهداف الثوره وهى ستحقق على المدى البعيد ولكن شخوص كثيره لا تريد ذلك وكل همهم ذاك المأكل والمشرب والمال الذى هو عماد الحياه بالنسبه لهم متناسيين وغير واعيين بأن الحريه ونيل الحقوق هى العماد الرئيسى الذى أصابه العفن طيله 30 عاما مضت وفى بعض الأحيان أجود عليهم بالعُذر فلم يذوقو نكهه تلك الحريه لكى يبذلو فى سبيلها كل غالى ونفيس ...

    بالنسبه لمرشحين الرئاسه لا نستطيع الى الان أن نحصرهم جميعا وكما قلت سابقا حتى نحظى بإنتخابات شرعيه علينا أن نرسخ الوعى لدى الجميع (وعى اخلاقى وسياسى ومجتمعى ) وعندما يهّم كل مرشح بعرض برنامجه خلالها نستطيع فهم الأصلح ...

    الثورات يا رحاب تقوم لإحداث تطورات وتغييرات فى صلب الدوله ترقى للمصلحه العامه وتلك المرحله تتطلب رموز ونخبه تستطيع القياده ولذلك يجب علينا التمعن جيدا فيمن حولنا وتنبيه الأخرين بمن يسلك السياسه لمصالح شخصيه او لصفقات مشبوهه او ممن يتاجرون بالدين ويشترون بالله ثمناً قليلا ....

    والديمقراطيه تفرض علينا الإستماع لحماقه الأخرين ولكن قبل الإستماع علينا ترسيخ مبادئها بدواخلنا ونعيها بشكل كامل (بمعنى ترسيخ الوعـــى ) حتى نفرق الخبيث من الطيب ولا تذهب ثورتنا سُـــدى

    ردحذف
  20. تساؤلات فعلا يا رحاب فى عقول ناس كتيير

    ومنكرش انى واحدة من الناس اللى حاسة بحالة من التوهان من اللى بيحصل وكل شوية ناس تقول كلام وترجع فيه وتقول حاجات تانية

    ربنا يستر فعلا على مصر ويحكمها اللى فعلا جدير بحكمها

    تقبلى مرورى

    ردحذف
  21. دعوة للأنضمام ألى جروب المدونين على الفيس اللينك
    http://www.facebook.com/#!/home.php?sk=group_150308615029590&notif_t=group_activity

    ردحذف
  22. ربنا يسترها معانا ويتولنا برحمتو الواسعه

    ردحذف
  23. اول حاجة اتصدمت من الكلام قلت رحاااب بتقول كدا ... رجعت قريت اسم الموضوع اتطمنت و كملت قراية :P

    ربنا عز وجل قادر يخلي الحق ينتصر ... يعني يجيب رئيس بجد إنسان عادل ... و ناس يحاوطوه يبقو شرفاء ... حتى لو دول فضلو كدا ...

    والناس اغلبيتها بسيطة ... همها امورها اليومية العادية ... و كل انسان و قابليتو ... بس طبعاً لازم تحاول الطبقة المثقفة توصل افكارها ليهم ... و تعلمهم إزاي يفكرو

    تقبلي مروري :)

    ردحذف
  24. مساء الورد رحاب

    من كل مما ذكرتيهم من رؤساء مصر

    أقف إحتراماً لمحمد نجيب ذلك الرجل الذي

    لولاه لم تقم ثورة الضباط الأحرار لأن

    غالبية الضباط كانوا صغار أو لا قيمة

    معنوية لهم فكان تواجد القائد محمد

    نجيب في هذا التشكيل الثوري للإطاحة

    بالملكية هو مطلب ملح وأساسي لجذب

    بقية الضباط والأفراد لما يتمتع به

    نجيب من مكانة عالية وشبه مقدسة

    لاخلاقه وبساطته وحب العسكريين لشخصه

    ولكن هناك رجل لم يعجبه الحال وكان

    يطمح لأكثر من الثورة وهو كرسي

    الرئاسة فكاد لمحمد نجيب وألصق به

    التهم ليتم وضع نجيب في غرفة حقيرة

    بمعزل عن الناس تحت الإقامة الجبرية و

    كل من شاهد وفاة نجيب أشار لحقارة

    المكان الذي هيأه ناصر للقائد محمد

    وكأنه كان يحاول إذلاله ...

    رحم الله محمد نجيب وأخرج مصر من تلك

    الأزمة لعل الله تعالى يسخر لها من هو

    أفضل بكثير ممن تسابقوا وتشبثوا بكرسي

    الرئاسة ...

    تحياتي وتقديري

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين