السبت، 30 أبريل، 2011

يــــــوتــــــــــــوبيــــــــا......؟؟؟!!!؟


كنت في ميدان التحرير 
وكعادتي دوما  مهما حدث أقف عند بائعي الكتب والجرائد أتأمل وأتفحص عناوين الكتب علني أجد كتاب جديد كنت أبحث عنه أو كتاب لم أقرأه بعد....
ووجدت كتاب للدكتور أحمد خالد توفيق  فالتقطه وأنا أسأل البائع " عندك يوتوبيا...؟"
فقال " نعم"
قلت أخيرا ده انا بقالي سنتين بدور عليه
وتدخلت فتاة كانت تشتري كتاب ما " دي رواية تحفة بجد أنا بموت ف احمد خالد توفيق  "
قلت لها " ده شخص عظيم ومتواضع جدااا"
قالت " هو من القاهر ة...؟"
قلت " لاء من طنطا ...."
هي " بجد...؟!!...."
انا " آه بجد  من طنطا وحضرته له ندوة كمان واتصورت معاه  " كنت بقولها بفخر واعتزاز اووووي
هي بحسد" يا بختك ...طب قوليلي هو عامل ازاي ...بيتكلم ازاي ....يعني هو شكله اية...؟....اسلئة متلاحقة ...ولكتني كنت صبورة  وحكيت لها كل ما اعرفه عن الدكتور احمد خالد توفيق ....
انبهار بشخصية هذه الكاتب الانسان ....الذي يزداد عشاقه يوما بعد يوم وينبهرون بشخصيتة المتواضعه وكانبهارهم بروايته وقصصه
                                     

                        يـــــــوتوبيا
تلك الماساة
يا الله بجد
بالرغم من كل ما قاله لي أصدقائي الذين قرأوا الراواية
بالرغم من كل ما قرأته علي مواقع ومنتديات وجرائد عن الرواية
برغم كل انبهارهم وانبهاري
فالرواية .....لا أجد وصفا لها
فهي حقا الواقع المرير
كلمات...وشخصيات وحتي أسماء الشخصيات مختار بعناية  وذو معني
البداية  والنهاية.....الغلاف
الورق الاصفر للرواية
اللون الابيض للغلاف
اللون الابيض الدال علي الحياة والموت
دكتور أحمد خالد توفيق  نقل لنا واقع ما نعيشه كل يوم حتي وان لم يكن بنفس طريقة يوتوبيا  الرواية
برغم كل ما عانيته في قرائتها الا انني مع كل كلمة ولمحة وتعبير.......أزداد يقينا أنها حقيقة .....للأسف
 كنت أود لو أنشر بعض من كلمات الرواية التي ابهرتني ولكني رأيت أنني لن أكون منصفة
فحقا الرواية ....رائعة ولا أستطيع نقل بضع كلمات منها فقط
و....بالنسبة لي ....برغم كل الالم الذي عانيته ف القراءة..... حافظت علي الصفحة الاولي بيضاء حتي لقاء الندوة القادمة للدكتور احمد خالد توفيق " عشان توقيعه عليها طبعا " وكتبت اسمي والتاريخ ف الصفحة التالية  كعادتي دوما عندما اشتري كتاب "
 يا رب يكون لقاء قريييييب

هناك 38 تعليقًا:

  1. سافعل المستحيل كى اقرأ هذا لكتاب كى اتعرف كثيرا على كاتبه لكى تحياتى الاحـــــــــلام

    ردحذف
  2. الرجل ده رهيب عقليه متعرفيش بجيب الكلام منين
    بس
    فعلا
    اكبر دليل
    ان العقول\
    المصريه
    لسه بخيرها
    وانتى
    خير دليل

    ردحذف
  3. طب احكيلى شوية عن كاتبى المفضل:)
    لأ كلمينى عنه كتير..أصل شوية مش كفاية:)

    أنا قرأت يوتوبيا على فكرة من سنة تقريباً

    ردحذف
  4. الروايه دى حظها وحش معايا قوى عندى نسختها بقالها فتره و كل ما اجى اقراها انشغل بحاجه تانيه غيرها و القى نفسى خلص روايه تانيه...قالوا لى عليها غامقه و كئيبه شويه بس عموما انا بموووت فى احمد خالد توفيق....تحياتى

    ردحذف
  5. دكتور احمد خالد توفيق له اسلوب في منتهى الجمال والروعة والابداع دايما بيشدك وانت بتقرا رواية له او حتى قصة من سلسلة ما وراء الطبيعة او سافاري او غيرها
    حتى حين يقوم بترجمة الروايات العالمية دوما يضع بداخل الرواية لمساته الخفية التي تجعل للروايات مذاق مختلف
    لم احظى بشرف مقابلته مثلك لكنني ايضا من عشاقه
    اما عن رواية يوتوبيا فكما قلتي هي تحفة فنية رائعة
    تحياتي لك
    واشكرك

    ردحذف
  6. جميل؛ على الأقل أخذت فكرة عن الكتاب والكاتب، شكرا لكِ رحاب.

    ردحذف
  7. د. أحمد خالد توفيق شخصية عظيمة وكاتب رائع يأسرك باسلوبه ويجعلك لا تريدين ان تتركي القصة قبل ان تنتهي من قراءتها........ولا ننسي طبعاً د. نبيل فاروق وغيرهم كتيييير بجد مصر فيها كنوز وثروات بشرية لكن لا يراها الا القليلون

    ردحذف
  8. أزيك يا رحاب

    شكرا على المُعايدة الجميلة اللى ع الفيس

    و اسف على عدم الرد هناك بس انا دخلت و شفت الناس و احرجت ارد بعد الفترة دى (:
    وش كسوف معلش (:

    و اسف على الأختفاء اللى حقيقى غصب عنى

    بالنسبة للأستاذ أحمد انا يمكن مقرتش ليه كتب

    بس انا و صغير قريت له ما وراء الطبيعة

    يوتوبيا ناس كتير زى ما انت قلتى مدحوها

    و غالباً ان شاء الله هشتريها قريب

    ردحذف
  9. فعلاً كتابات دكتور احمد خالدتوفيق دائماً رائعه

    أتفاخر دائماً أننى " بلدياته " وأشعر بالفخر أن طنطا أنجبت مثل هذه العقليه

    دمتى بكل خير يارحاب (: (:

    ردحذف
  10. رغم تحفظى على بعض ما فى الرواية ادبيا الا انى اول ما تذكرت تذكرته بعد حادثة انتخابات مجلس الشعب الاخيرة و ايقنت ان العفن الذى تحدث عنه قد وصل ببلدنا لمداه

    تحية ابن طنطا رغم انى لست من معجبينه الا انى من المقدرين له و لابداعه
    و تحية لكى لكن يبقى سؤال خبيث لكى بوجه مبتسم ابتسامة خبيثة
    ما رايك فى هذا القبح الذى وصفه فى الرواية

    ردحذف
  11. السلام عليكم

    انا صراحة اول مرة اسمع عن الكتاب والكاتب معا

    ان شاء الله احاول ابحث عنه طالما هو جيد لهذة الدرجة التى توصفيه بيها

    تحياتى

    ردحذف
  12. الكتاب لاحمدخالدنوفيق والقراءة لكىوالفهم منكى
    عجبا ان اجهل معرفتى به وانا بمؤلفاته افاخر
    لن انس ما سالت به خواطرى من حسن كلماته وقمة تعابيره ، شكرا لجميل انتقائك ، ومن لغيرك ينتقى

    ردحذف
  13. شوقتينى اقرا الرواية دى يا رحاب . للاسف مفيش مكتبات فيها كتب ولا روايات مصرية هنا
    بس هوصى عليها مع الجايين من مصر ان شاء الله واكيد كل التحية والتقدير للدكتور احمد خالد توفيق

    ردحذف
  14. شكراً لك على هذا التعريف الحار
    وهو بالفعل كاتب نتميز يستحق التقدير

    ردحذف
  15. ازيك يا رحاب منوره بجد
    طبعا وبكل صراحه انا اول مره اعرف عن هذا الكاتب
    شوقتينى اقرا ليه بجد
    تحياتى ليكى

    ردحذف
  16. مجهود رائع يا رحاب

    جايز اليومين دول ماحدش لاحق يركز و يقرأ

    ردحذف
  17. وكتبت اسمي والتاريخ ف الصفحة التالية كعادتي دوما عندما اشتري كتاب "

    ==========================

    عامل مشترك يجمع كل محبي القراءة أو كما أقول : دود الكتب (:

    كتاب فعلا جميل قرأته منذ زمن ولكنه يعجبني كما تعجبني كتباته دوما

    ردحذف
  18. مساء الغاردينيا رحاب
    وماأجمل أسلوبك في السرد وصدق إحساسك بـ الكاتب شعرت بلهفة وشوق لقراءة الرواية "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  19. السلام عليكم

    أختي رحاب.. أعتذر بصدق عن تأخر تعليقي.. كالعادة قرأت الموضوع من زماااان.. من 4 ايام.. لكن المشكلة أني أقرأ أكثر من تدوينة في مدونات مختلفة ثم أرجع للردود التي غالبا ما تتأخر!!!!!!
    ..............

    آآآآآآآه من يوتوبيا.... وآآآآه من العبقري خالد توفيق...!

    أنا قرأتها قبل الثورة.. ولا شك أنها زادتني اكتئابا للمصير الذي تصوره الدكتور لمصر.. وأصدقك القول: لولا أني أفكر بمرجعية إسلامية وأدرك تماما عدم منطقية التصور السوداوي في الرواية، لقلت أن مصير (مصر) لم يكن ليختلف كثيرا عنه في الرواية لولا قيام الثورة المباركة... والحمد لله إن ربنا خذل الدكتور في تصوراته :)

    لكن تبقى عبقرية الدكتور التي تجعل قراءة كل ما يكتب لذة ومتعة خاصة في اي وقت وأي ظرف!

    على فكرة زوجتي أصابها الاكتئاب الشديد من الرواية!!! ونفس هذا الاكتئاب الذي جعلها تمتنع عن قراءة بعض روايات دكتور خالد بسبب -وياللمفارقة- براعته في السرد التي نعرفها جميعا!!!!

    هل قرأتي :(أسطورتنا) أو ثنائية (الجاثوم)؟ انصحك بهما إن كنتِ تريدين الدخول في مود اكتئاب!!!! :)

    تحياتي واعتذاري مرة أخرى.

    ردحذف
  20. الاحلام
    هو كاتب مميز جدا
    مسستغربة ازاي لسة مقرأتش عن الكتاب ده حتي...؟

    ردحذف
  21. محمود(باحث عن حب
    فعلا يا محمود
    دكتور احمد عبقري جداااااااا
    بجد كل يوم بيزيد اعجابي بيه
    ومش ككاتب واديب فقط
    كأنسان ايضا

    ردحذف
  22. موناليزا
    لا يا موني ...الكلام عنه ميخلصشي ابدا
    خلينا نحكي ع الفيس وقت روقان كدة

    ردحذف
  23. د/دودى
    لية يا دودي..؟
    هي صحيح غميقة وكئيبة وكدة يعني
    بس واقعية
    وبجد تحفة فنية جدااااااااااا

    ردحذف
  24. مصطفى سيف
    فعلا يا دكتور مصطفي
    هولية اسلوب مميز بسيط جميل يغرقك فيه ولا تشعر معه بالوقت اطلاقا
    وكشخصية انسانية تعشقه من اللحظة الاولي
    وليس النظرة او الكلمة
    اه والله فعلا

    ردحذف
  25. أبو حسام الدين
    فكرة فقط لا تكفي
    هو كاتب مميز بحق
    اتمني ان تقرأ له

    ردحذف
  26. مذكرات مدرسة مطحونة

    ممممممممم اختي هنا في مدونتي ...؟؟؟!!! يا مرحبا يا مرحبا
    فعلا يا شيرين كتير كتاب مصرين مميزين بس للأسف مخدوش حقهم
    وحتي نبيل فاروق واحمد خالد توفيق مأخدوش الحق ف الشهرة والانتشار الا بعد سنوات

    ردحذف
  27. Ramy
    مممممم هو في بين الاخوات شكر او معايدة...؟ عيب عليك بجد
    اه كلنا قرأنا ما وراء الطبيعة وانا لغاية دلوقت بقرأها
    بس بجد يوتوبيا فاقت الوصف والكأبة بجد واقع سوداوي لكنه حقيقي ...للأسف

    ردحذف
  28. دعاء العطار
    طبعا فخر ليك انك بلدياته
    انا بحسدك لعلمك بقي
    طب اية رايك في لقاء قريب له نحضره سوا واهو نتعرف علي بعض...؟

    ردحذف
  29. ابراهيم رزق
    ههههههههههه
    سؤالك الخبيث اياه ده ...علي الاقل بجد محستش بخجل زي ما بقرا روايات الاسواني او زيدان
    فعلا في بعض الكلمات او الوصف لكن دكتور احمد خالد توفيق شخصية تكتب بكشل عظيم مؤدب فعلا ويعرف جيدا معني كل كلمة ويعرف جيدا انه سيحاسب علي كل كلمة كتبها لهذا تجده يكتب بشكل يروق للجميع ولا يخجل احد من قراءة كتبه امام ابوية....علي عكس الاسواني مثلا ...علي سبيل المثال وليس الحصر

    ردحذف
  30. elsha3er
    يا ريت
    هي رواية مميزة جداااااااا

    ردحذف
  31. faroukfahmy58
    اتمني انك تقرأ اكتر للدكتور احمد
    هو فعلا يستحق ان اي شخص يقرأ له

    ردحذف
  32. حمدى جعوان
    بلدياتي
    لو كان بإيدي كنت بعتهالك والله
    عموما يا سيدي اعتبر هدية زفافك ان شاء الله مجموعة كتب لدكتور احمد

    ردحذف
  33. محمد الجرايحى
    شكر استاذ محمد
    قليل من الاشخاص الذين نحبهم ونتكلم عنهم في هذا الزمن الصعب

    ردحذف
  34. شريف صابر
    اكيد انا مستغربة كلامك
    لان مفيش اي شاب قرا له اي كتاب ولا قص
    حتي تابع روايات مصرية للجيب

    ردحذف
  35. Tears
    عزيزتي تيرز
    مهو من اللي احنا فيه ...هنعمل اية بقي
    بجد الايام بتمر علينا صعبة اووي
    ربنا ييسر الاحوال
    ومصر تخرج من الازمة

    ردحذف
  36. كلمات من نور
    فعلا يا نوها
    ده عامل مشترك
    بس في ناس بتقول عنه انه غرور ونرجسية
    برغم انه زي ما تقوللي كدة حفظ حقوق
    ههههه
    بجد كتابات دكتور احمد كلها رااااااااائعة

    ردحذف
  37. ريــــمــــاس
    هي فعلا رواية تستحق القراءة برغم انها غميقة وسوداوية بس فعلا واقعية جدا ومريرة للأسف

    ردحذف
  38. ماجد القاضي
    ولا يهمك استاذي العزيز
    انت بتعرف انك تيجي وقت ما تحب
    خليني ارد عليك بشكل غريب شوية
    زوجتك طبعا اكيييييييييد رقيقة جدا لانها محبتش الجاثوم... ده انا اصلا مقرأتهاش غير مرة واحدة علي غير عادتي لاني اقرا الروايات اكثر من مرة
    اما اسطورتنا فالعكس تماما اعشقها هي واستورتها ...ماجي بقي وكدة يعني
    بس لعلمك
    يوتوبيا برغم كابتها الا انك لا تستيع التوقف عند صفحة وتركها ....بجد تحفة فنية

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين