الاثنين، 10 سبتمبر 2012

شخابيطي ....5


( 1 )

كل الذكريات ...كل الهدايا 
كل الورق ....وكل الكلام
كل ذكري حلوة كانت
كل همسة حب اتقالت 
كل شيء 
كل جزء من قلبي كان هنا او هناك...
ف بلد تانية ......معاك
كل فرحة كانت ......وكل ألم حصلك حسيت بيه بدالك
كل مكان كنا  فيه مع بعض...كل شط بحر
كل  مج نسكافية...كل كتاب قريته  وكتبت لك فيه 
كل كلمة كنت  بكتبها علي هامش  حب ....رسالة ليك
كل شيء ......كل شيء  
حب ....
صندوق ذكريات الحب
اللي كل مرة بفتحه .....بشم ريحة أحلي ذكري 
لأحلي حب


( 2 )


وكل ما نحاول  نبطل خوف...
بنخاف
وكل ما نحاول نلاقي حب ...
مبنلقاش
وكل ما يجي حد يفتح قلبك....
انت
متفتحهوش
لية بس انت الوحيد يا قلبي...
الموجوع
وكل سندباد لف  وراح واخد حبيبته
الا انتِ
ملكش سندباد
....
( 3 )

أنا....
كلمة من ثلاث أحرف....
لكنها تحملني   ما لا أطيق ...
أنا....
غريبة أن أقولها الان بعدما  كانت  غير أنا ...
أنا ...كانت أنت ....وأنت ...كانت انا .....
الآن .........؟

( 4 )

لماذا تتحمل هي .....عبء الفراق.....
لماذا تتحمل ...قسوتك
بكلماتك عن ............الآخري ....
لماذا تتحمل  كلماتك عن ما صار............ ذكري....
لماذا تطلب منها ما لن تستطيع.....فعله
كتير لما بتتكلم انت بالطريقة دي ....هي بتفتكر كلمات الاغنية دي "
وهديتني وردة فرجيتا لصحابي
خبيتا بكتابي زرعتا عالمخدة
هديتك مزهرية لا كنت تداريها
ولا تعتني فيها ت ضاعت الهدية
وبتقلي بتحبني
ما بتعرف إديش
ما زالك بتحبني
 ليش دخلك ليش

 ( 5 )
هو الحب اية ...؟
كتير بسأل نفسي ...
ولية دايما قصص الحب بتنتهي بالفراق ...؟
ولية منحاولش نكسر القاعدة دي 
 وقصص حبنا تنتهي بالحب الابدي 
الرباط المقدس
الزواج..... 
؟؟؟؟!!!!
هتفضل كدة 
علامات


هناك 21 تعليقًا:

  1. ياااااااارب يارحاب يرزقك زوج صالح طيب ويكون لك حبيب مخلص ورقيق القلب مثلك :)

    سلمت اناملك ياغالية ولك ارق تحية وتقدير
    دمت بود ومحبة

    ردحذف
    الردود
    1. استاذة ليلي
      والله بكتب الكلام زي ما بيطلع من جوايا
      ومش بالضرورة يكون عني
      انا عموما صعب اني اصدق اي رجل او أثق في اي شخص
      فعشان كدة موضوع الحب والجواز عندي مش وارد الا بصعوبة
      وربنا يقدرني والاقي فعلا شخص يخلليني اغير الفكرة دي واثق فيه
      لكني معتقدتش

      حذف
  2. جميييييييييله جدا يارحاب
    اتمني ان ربنا يرزق كل بنات المسلمين الزوج الصالح
    تحياتي

    ردحذف
    الردود
    1. سمسمة
      ميرسي يا جميل
      ويارب يحققلك كل امالك

      حذف
  3. صندوق ذكريات الحب
    اللي كل مرة بفتحه .....بشم ريحة أحلي ذكري
    لأحلي حب

    وتلك مأساتنا

    ردحذف
    الردود
    1. أوسة
      انت بالذات متتكلمش ف الجزء ده
      ومش ناسية العزومة
      قريييييب ان شاء الله

      حذف
  4. ....

    روعه ...تسلك ايدك يا استاذه رحاب
    بدايه رائعه جدا
    ومتعه على مدار البوست
    ونهايه ولا اجمل ولا احلى

    دمتى فى غايه الروعه

    تحياتى

    ردحذف
    الردود
    1. يااة من زمان اووي مزورتنيش
      ميرسي علي زوقك وكلامك وتشجيعك

      حذف
  5. صباح الغاردينيا رحاب
    مش عارفة بتسميها شخابيط ليه
    طيب انتي حاسة بكمية الإحساس الي بين السطور
    رقتك وحنانك وعفويتك وجمال روحك
    كل دا كفايه يخليها إبداع مش شخابيط ياعسولة :)"
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
    الردود
    1. ريماس
      مش عارفة بسميها شخابيط لية
      يمكن لان كل حاجة ف الشخابيط دي حقيقي اووي ومش زي ما بكتب ف القصص جزء حقيقي وجزء خيال
      علماء النفس بيقولو ان لو انت مسكتي ورقة وقلم وانت بتكلمي شخص او قاعدة معاه شخبطتك علي الورق بتدل علي مشاعرك ناحيته
      عشان كدة بتكلم ف شخابيطي عن أشخاص ومشاعري ناحيتهم
      او مواقف ومشاعري فيها او حتي عن ناس تانين ومشاعرهم
      كدة يعني

      حذف
  6. وكل ما نحاول نبطل خوف...
    بنخاف
    وكل ما نحاول نلاقي حب ...
    مبنلقاش
    وكل ما يجي حد يفتح قلبك....
    انت
    متفتحهوش
    لية بس انت الوحيد يا قلبي...
    الموجوع
    وكل سندباد لف وراح واخد حبيبته
    الا انتِ
    ملكش سندباد

    (:

    برغم قساوتها

    بس خلتنى أبتسم

    مش عارف ليه

    هتفضل كدة علامات؟؟؟!!! ..أه هتفضل علامات

    ردحذف
    الردود
    1. راااااااااامي
      بحمد ربنا اني في حاجة انا كتبتها خليتك تبتسم
      حلوة الابتسامة يا ريتها تفضل علي طول معاك
      ابقي طمنا عليك يا رامي ومتغيبش تاني
      وبالنسبة لسؤالك ...
      آه
      هتفضل كدة علامات ....
      بس علامات مختلفة
      مرة حلوة
      ومرة مؤلمة
      كدة يعني

      حذف
  7. عجبتني اوي رائحة الذكريات
    ايوة فعلا للذكريات رائحة

    شخبيطك دايما جميلة

    ردحذف
    الردود
    1. ميرسي يا شموسة
      انها عجبتك
      وميرسي لوجودك دايما

      حذف
  8. شخبطي شخبطي لحد لما يجي راجل بس اوعي تشخطي فيه
    ربنا يرزقك الزوج الصالح ويسعد ايامك
    تحياتي

    ردحذف
  9. جميلة اوي يا رو
    بحس بشخابيطك اوي يمكن علشان زي مابتقولي عفوية وبتكتبي اللي انتي حاسة بيه
    ربنا يكرمنا بالزوج الصالح اللي يستاهل مشاعرناالجميلة
    بارك الله فيكي

    ردحذف
  10. ده تهديد يعني والا اية ...؟
    متنساش انك الاجازة الجاية هتتجوز وجايز نيجي نبوظ لك الفرح يا اسامة ههههه

    ردحذف
  11. رآآآئعه والله تسلم الايادي غاليتيّ~

    لروحك كل السعاده ~

    ردحذف
  12. تأملات ومشاهدات رائعة للحب والذكرى والفراق والحب.. تدعو للوقفة ولإعادة التأمل معك في كل تلك المعاني

    أبدعتِ

    تسلم إيدك

    ردحذف
  13. ويبقى حديث البوح يلقى بزخات المياه لترطب القلب المحب
    رائع بوحك رحاب

    ردحذف
  14. الحقيقة قرأت مجموعتك الرقيقة شخابيط
    وبالفعل لها ارتباط وثيق بعنوانها
    فالمشاعر والاحاسيس في كل تفاعلاتها داخل قلوبنا ونفوسنا تمثل شكل من أشكال الشخابيط على ورقة بيضاء

    تدوينتك
    نجيب محفوظ بين سلمى حايك وحميدة
    الحقيقة أحييكِ عليها بجد ليس لحبي لنجيب محفوظ ولكن لتحليلك الرائع والقيم لتلك الأعمال الخالدة والتي تسجل أيضاً ضمن احداثها جزء من تاريخ مصر

    تحياتي
    حسن أرابيسك

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين