الأحد، 4 يناير، 2015

كشف حساب 2014 ....

 
انا في معرض الصحافة بمدرستي...شغلي يعني :)

كانت 2014 سنة صعبة بالنسبة لي عانيت فيها كتير وصممت اني اغير من حياتي واخليها أحسن ف 2015
أول شيء عملته إني غيرت  الرينج تون بتاعت موبايلي  لانها كانت اغنية بتفكرني بشخصية معينة   لأغنية حرف وحيد من فيلم لامؤاخذة اول فيلم اشوفه في 2015  " وفضلت ادور .. ادور والف همزة بتستنى الف ...مجرد ....حرف وحيد ونفسي ابقى مختلف " وتقريبا كدة ان جو  فيلم لامؤخذة  عاملالي حماس  ...والرقم  التاني  عمرو دياب اصلها بتفرق .... بحبها اووي وبحب عمرو دياب حتي لو بيفكرني بنفس الشخصية الي غيرت  عشانها الرينج تون .... :)

علي المستوي ...
 عملت بلوك لناس كتير من حياتي ...للأسف كنت اعتبرهم صديقاتي ....
وأعتقد انني لو اتيح لي الرجوع بالزمن للخلف   كنت تعاملت معهم بنفس طيبتي .... وحبي
لست آسفة علي شيء فعلته من أجل أحد.... لكني  محبطة ....ومشفقة علي نفسي جداا
علي مستوي العمل ...
 كانت عندي مشكلات كثيرة متراكمة لدرجة اني  كنت اريد ان اترك مدرستي التي اعمل بها واذهب لمدرسة اخري بعيدة جدااا
لكن وجدت ان كل من بالمدرسة متمسكين بي ويلحون في بقائي ويظهرون حبهم الذي اعرفه جيدا.....
مع مرور الوقت حاولت ان اتأقلم واحل المشكلات ...والحمد لله مع نهاية العام كانت المشكلات رحلت ...
وانا الان مستقرة بعملي واحسن ما يكون بفضل  مديري  العزيز وهيئة الادارة  بالمدرسة .... الله يبارك فيهم جميعا والاهم من هذا ....الطلاب.... ان أكثر شيء أثر بي هم الطلاب ..حبهم وحماسهم  معي للعمل  الصحفي ...واكتشاف مواهبهم وارتباطهم بي ...وتمسكهم اني اكون معاهم ....انا أعشق عملي لا خلاف علي هذا لكن  ما يجعلني  سعيدة اثر ومبدغه اكثر في عملي هو من اعمل معهم  ....الطلاب  شعرت معهم بهذا.... عملنا بجد خلال التيرم الاول واخطأنا وفشلنا ونجحنا ... ومازلنا في بداية طريق النجاح....أنا فخورة بطلابي  ...
احمد وزياد وخالد  بيعملوا مجلة حائط عن اليوم العالمي للغة العربية

علي مستوي صداقتي ...
كنت مقصرة جدا في حق صديقاتي  وهن لا يستحققن مني هذا ...
أول عام لا ارسل فيه رسائل  ولا معايدة ولا كلمة تهنئة ....
قد تكون صدمتي ببعض الصديقات هي السبب ولكن هذا لا يمنع انني قصرت في حق من يستحق صداقتي وكلماتي وامتناني ....
غادة ورانيا ورضا وشيماء  قصرت معكم جداا ولكن ليس هناك اكثر منك يعرف اسبابي ووقفتم بجواري في احلك لحظات حياتي ...اتمني من الله ان يبقينا دوما صديقات اخوات زملاء جزء لا يتجزأ من عالم يأبي الصداقات
موناليزا آمة الله التي  برغم حزنها لوفاة والدتها الا انها كانت بجانبي دوما...أحبك في الله
خولة القاسمي التي هي بالاساس صديقة اخي والتي اصبحت جزء لا يتجزأ  من عالمي  وصاحبة اجمل  صور  ومقتطفات من كتاباتي لتفاجأني بها  علي الفيس .... احبك في الله
اصدقاء التدوين ... باشا ..هجايص ..قمر وليل وغيوم .. .النسر المهاجر جمال ابو العز .... حوليات شاردة اسماء خليفة ... حوليات موناليزا مني ياسين ....مدونة ياسين احمد سعيد  دكتورة نور صعبان عليا حالنا 2 ....... انا بحبكم بجد ويارب مكون نسيت حد
علي مستوي الكلام ...
اول سنة مكلمش حد تقريبا ولا حتي بالموبايل ....ولا كنت برد علي حد ولا بتصل بحد  واصحابي زهقوا مني  وزعلوا عشان مبردش عليهم ...بس فعلا مكنتش عارفة ولا حابة اكم حد حتي اعز اصحابي
أو سنة اعمل فيها بلوك لناس كتير من علي الفيس ومن حياتي الشخصية ومش ندمانة علي ان عملت بلوك ولا ندمانة اني عرفتهم لانهم ميستحقوش الندم
غيرت صورة البروفايل بأول صورة اتصورتها فـ 2015 اتصورت صور كتير كتير كتير 
بس مش هحطها في البوست ده خيلها لبوست تاني 
المهم اني داخلة 2015 وانا رامية من جوايا اي احباط او اي شيئ سيئ من 2014 عارفة اني هزعل اووي وهاخد وقتي في الزعل من ناس كتير  ظلموني ....ب سالحمد لله ان عندي قلب مبيكونش جواها اي شيء وحش  لأي شخص حتي لو اتسبب في اذاه ....
انا بحمد ربنا علي حاجات كتير عندي وحواليا ...عائلتي ...أصدقائي وصديقاتي وبلوجر الي بعشقه واعشق من هم فيه .... ومدونتي حياتي  ومدونتي الصغيرة حوليات ....
كل سنة وانتم طيبين ويارب 2015 تكون سنة السعادة ليكم وليا... ^__^ 

هناك 10 تعليقات:

  1. واحنا والله يا رحاب بنحبكم جميعاً في الله وبنفخر أننا وسط الصحبة الجميلة الراقية دي وبندعيلكم كلكم بظهر الغيب بكل الخير
    :)
    ربنا يا رب ييسر لك حالك ويشرح لك صدرك ويسعدك ويفرح قلبك ويجعل السنة دي سنة حلوة وسعيدة عليكي وعلى كل حبايبك
    :)
    خالص تحياتنا

    ردحذف
    الردود
    1. الباشا الكبير
      كل سنة وانت بخير وسعادة انت واسرتك
      بجد انت من افضل الناس الي بعرفهم
      وكلمة اني احبك في الله هي افضل ما يقال

      حذف
  2. بإذن الله يكون هذا العام كله سعادة وفرحة :)
    مبسوطة أن صداقتنا مستمرة <3 ولسه مكملين

    ردحذف
    الردود
    1. وانت يا مني من الناس الي بحمد ربنا انهم بحياتي
      وبفرح كل ما افتكر اول يوم شوفتك فيه واول يوم اتقابلنا فيه
      بحبك في الله يا مني

      حذف
  3. يا ست الكل ارمى و راك و ما يهمكيش
    بكرة الدنيا تحلى :)

    ردحذف
    الردود
    1. خلاص يا محمود ركيت كل حاجة ورا ضهري
      وبحاول انسي كل شيء يضايقني

      حذف
  4. رحاب صالح
    يعلم الله إنك فى منزلة اخت وصديقة عزيزة
    وجميل انك غيرتى حاجات كتير فى حياتك
    تقريبا 2015 سنة تغير للكل
    أتمنى تكونى بخير وتظلى بخير دائما
    وتكون السنة الجديدة سنة تحقيق الطموحات التى ترغبين فى تحقييها
    سعيد جدا بان كل الأسماء الى ذكرتيها من اجمل الشخصيات فى عالم التدوين والى بكون سعيد جدا بكتابتهم

    ربنا يوفقك فى حياتك وعملك وصدقاتك

    تحياتى :)

    ردحذف
    الردود
    1. وكل سنة وانت طيب يا مال ويارب سنة سعيدة عليك
      انت من الناس اللي ساعدتني كتير
      وبجد شكرا ليك علي كل شيء

      حذف
  5. حبببتى رحوبه الجميله
    كل سنه وانتى اجمل واجمل
    وكل سنه وانتى طيبه وبتمتعينا بكلامك وخواطرك الجميله المبدعه
    على فكره صوره البروفيل حلوه اوى اوى
    واجمل مافيها ابتسامتك المشرقه
    وعجبنى التفاؤل فى كلامك البوست ده وان شاء الله السنه دى تقابلى ناس احسن واصدق واوفى من السنه الماضيه
    جميل اوى طلابك وجميل تفاعلهم معاكى قد ايه العمل معاهم ممتع
    ربنايوفقك دايما

    ردحذف
    الردود
    1. وانت كمان حبيبتي يا قمر
      الله يخليك علي كلامك الحلو
      وصورة البروفايل القديمة انا بعتز بيها جداا لانها بتفكرني بحاجات كتير حلوة بحياتي وبوقت كنت كتير مبسوطة بيه والفرحة واضحة بعيوني اووي
      ولكن انا حبيت اغير كل حاجة بحلول 2015 حتي صورة البروفايل والذكريات الي بتمني انها تتغير وتكون احسن ويارب سنة سعيدة لينا كلنا
      وعلي فكرة انا رديت مخصوص علي التعليقات عشانك
      انا بقالي فترة مشغوولة بامتحانات نصف الالعام ومبدخلش علي النت خالص لسة اول يوم اكون فاضية النهاردة ... اكيد لينا زيارة لمدونتك :)

      حذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين