( 0 )
أنا زي ما انا والا اتقسمت اتنين....؟
بقولها كتير .....
لما الاقيني محتارة في اللي بيحصل
ومحتارة يا تري أكون مع مين...؟
( 1 )
أنا زي ما انا والا اتقسمت اتنين....؟
لما أكون معاك ونفسي أعمل حاجة
والاقيني بعمل عكسها عشان بخاف
أو يمكن عشان مبقاش زي اي حد وخلاص
(2 )
أنا زي ما انا والا اتقسمت اتنين....؟
لما أغمض عيني وأحلم.........
وحتي ف الحلم أخاف من رصاصة طايشة تقتلني....
عشان عايزة أحارب ومش ف إيدي سلاح
( 3 )
أنا زي ما انا والا اتقسمت اتنين....؟
لما الاقيني أقدر اعمل اللي عايزاه............
بس معملوش عشان شوية تعقيدات................
(4 )
أنا زي ما انا والا اتقسمت اتنين....؟
مضطرة إني أقبل الشغل ده
صحيح مش هو ده طموحي........
لكن إية اللي يمنع إني أجرب ...؟
وأكيد من التجربة هخرج بفوايد كتير........
( 5 )
أنا زي ما انا والا اتقسمت اتنين....؟
بقولها كتير ..........
لما نتفق اننا نسيب بعض.....
ونقفل االمكالمة.........
والاقيني بتصل بيك بعد ما اقفل بثانيتين .....
مــــــلحوظة
محدش يقولي لية مبتكتبيش عن اللي بيحصل ف مصر
بجد انا تعبت
لا قادرة اكتب ولا قادرة أرد ف مدوناتكم
بعتذر لكم
رحاب
يارب اصلح احوالنا واكتب لينا الخير
ردحذفاختيارنا بيكون مبني على خبراتنا اللي مهما وسعت مداركنا مش بتكون كافيه للوصول الى تحقيق احلامنا وكتير حاجات بنفتكرها غلط ووحشه وبعد فتره نلاقيها سبب في نجاحنا
تحياتي
التقلب والارتباك بين المشاعر يصنعان قلبا متقلبا
ردحذفاهواء القلب تتحكم في نبضاته فيميل حينا لليمين واليسرى كلنا مثلك يا رحاب متقلبون تتقلبنا الافكار قبل النبضات
ربنا يسعدك ويريح بالك دايما
جمله"أنا زي ما انا والا اتقسمت اتنين
ردحذفهو نوع من الصراع الداخلى جوانا كلنا مش انتى بس ..واحيانا هذا الصراع يخلق نوع من التناقض يعنى نعمل الشىء ونقيضه فى نفس الوقت ..ومع بعض الناس يؤدى هذا الصراع لترك الموضوع بأكمله
وطبعا ده نقدر نطبقه فى العمل ونقنع نفسنا بجمله حب ما تجد حتى تجد ما تحب
وفى الحب ..اكرهه اكرهه ..واحبه
كلنا يا رحاب مقسومين اتنين هى دى الحياه حلو ومر
جميل الموضوع ويستحق المناقشه اسعدنى الحوار معكى جدا وقراءتى لموضوعك
بالنسبه بقى للكتابه عن الاحداث خليكى معايا على الخط انا كمان زهقت من السياسه والاحداث السريعه والغريبه اللى بنسمعها ونشوفها كل يوم ..وكفايه اصحابنا اللى بيكتبو فى السياسه
تحياتى
أنا زي ما انا والا اتقسمت اتنين....؟
ردحذفلما أكون معاك ونفسي أعمل حاجة
والاقيني بعمل عكسها عشان بخاف
أو يمكن عشان مبقاش زي اي حد وخلاص
----
أنا زي ما انا والا اتقسمت اتنين....؟
لما الاقيني أقدر اعمل اللي عايزاه............
بس معملوش عشان شوية تعقيدات................
يمكن دا معناه إني بدأت أكبر و أهتم للصورة الأكبر ... معرفش !
صباح الفل يارحاب
ردحذفكلام جميل
فعلا لو الانسان عمل حاجة مش مقتنع بيها
يحس فعلا انه مش هو
ويحس انه بيتفرج علي نفسه
مين ينا يا رحاب مش بيعدي عليه وقت يتوه يه من نسه !!
ردحذفمين ينا يمر عليه شئ يخلي محتار و يقسمو نصين
نص مصدق و نص مكذب نص اه و نص لا نص مع و نص ضد نص بيحب و نص بيكره نص مؤيد و نص معارض ... الخ ؟
رحــــــــاب
ردحذفانا زى ما انا والا انقسمت اثنين
اهم حاجه تكونى مع القسم الراضى ولكن هل يقدر النصف الراضى ان يرضى القسم الآخر ؟؟؟؟؟؟؟؟؟؟؟؟؟؟؟؟؟؟ اشك لان كل ماحولنا لا يرضينا والظاهر ان النصف الغير راضى هو الذى سيتنصر ويعيّشتا مع اليأس والقتوط
الفاروق
أنا كمان كتير بحس بكده إني إتقسمت إتنين و يمكن أكتر غالباً حسابات العقل غي القلب و المنضبطه اللي جوايا ماسكه في العبثيه.
ردحذفجميل يا رحاب
انت واحد وليس اتنين
ردحذفولكن واحد محبوس بين جدران
يجب ان تكسريها فورا حتي تفوزي بنفسك
تحياتي
انا زي ما انا والا اتقسمت اتنين......
ردحذفبقولها لما معرفش انا صح واللا غلط
واللا انا فعلا هي انا الللي انا شايفاها وحاساها دي والل واحدة تانية جوايا انا مش عارفاها
لمستني اوي
السلام عليكم
ردحذفهوني على نفسك أختي رحاب.. فليس مطلوبا منك أن تتحدثي في الأحداث الجارية خاصة لو تصيبك بالاكتئاب مثل معظمنا!!!!
أحيانا والله لا يقدر أحدنا على متابعة ما يجري فضلا عن أن يبدي رأيه فيه!!!
إن شاء الله ستزول الغمة.. وسنحصد ثمار الثورة شاء من شاء وأبى من أبى..!!!
تحياتي الدائمة.
هو انا اتقسمت اتنين ولا ايه
ردحذفاشتغل وظيفه مش طموحى ولا قادرة احبها
انا اتقسمت اتنين اكيد لان الزاى اكون بحبك وعندى استعداد ارتبط بغيرك لمجرد انه يكون مناسب لى بس علشان كرامتى بتقولى اسيبك ..... اكيد انا اتقسمت اتنين الزاى كل ليله انام واقول بكره عمرى ما هكلمك وخلاص كل حاجه خلصت واصحى الصبح اول ما اشوفك اقابلك بنفس الابتسامه الا كلها حب
صباحك غاردينيا رحاب
ردحذفكلنا بتصيبنا الحالة دي
وخاصة لما بنبقى عاوزين حاجة ونعمل عكسها عسان نرضي الي حوالينا
كلامك حزين اوي بس عشاني كوني بخير "
؛؛
؛
لروحك عبق الغاردينيا
reemaas