الأحد، 19 مايو 2013

بؤجة الخير



كل حاجة عندك انت مش محتاجها غيرك محتاجها .. هاتها و تعالى شارك معانا
هو ده شعار بؤجة الخير
بؤجة الخير ده تقليد بلوجري صميم 
مين الي عمله ...مين الي فكر فيه ..مين اول حد صمم فكرته....كان امتي اول مرة عملناه....
كل دي تساؤلات مالهاش لازمة علي فكرة 
الي له لازمة فعلا  البؤجة دي عبارة عن إية ...؟
البؤجة هي تجمع خيري  بنجمع فيه كل شيء احنا مش محتاجينه ..خلاص استغنينا عنه .... 
زي الملابس  الادوات المنزلية الاجهزة  .... كدة يعني ...احنا استغنينا عنها خلاص ...
بس الاكيد ان في ناس غيرنا محتاجة الحاجات دي ...عشان كدة بنجمع الحاجات دي وبنتجمع مع بعض ف مكان  وهو شارع احمد خيرى بجوار محطة مترو الانفاق الزهراء فوق كافتيريا السرايا 
وده هيكون يوم الجمعة الجاية 24 يونيو   
طيب مين هيكون موجود من المدونين ....؟
أسامة الازهري طبعا ......الغتاتة كلها  الي مطلع عين كل بنت بلوجرية  بس انا عرفت اقلبه ف شوية شيكولاته جالكسي  :)
شيرين سامي ....تقريبا شيرين جاية 
داليا رانيبو ....
وعمرو يسري ...وشريف صابر  و أحمد عبد الحميد  ومحمد بهجت ومحمد عادل  و .....أنا  :)
والله ان شاء الله اكيد يعني  هكون موجودة بس لوقت قليل جداااا لاني فعلا تعبانة ومش هقدر اني اكمل اليوم ويا شماتة أسامة  الازهري فيا ....كنت ناوية اغرمه  غدا وايس كريم بس يلا بقي تتعوض ...
الناس سألتني أحمد هيكون موجود ....؟ ممممم يا جماعة احمد اخويا لسة موصلش البيت  يعني مش عارفة بس معتقدش انه ممكن يجي .....بس لو عرفت ازن عليه اوك مفيش مشكلة ازن عادي يعني 
عايزة المدونين كلهم يكون موجودين ....
وربنا ما يحرمكم من عمل الخير ....
وادعولي اكون معاكم  ف اليوم ده وميحصلش حاجة :)
مع 
بس واضح ان دعوات ازهري  مستجابة لانه دعي عليا انا  وسوني  ...
سوني رجليها اتكسرت ....وانا واضح ان الزايدة هتنفجر ....:)
بس برضه هغيظك يا ااسامة وجاية :؛  " وش بيطلع لسانة "
وده لينك الايفينت ....

هناك 3 تعليقات:

  1. ان شاء الله خير واقدر اجي :)

    ردحذف
  2. هذه لفته كريمه من شخصية كريمه
    حبك للخير يجعل للحب مكانة جديدة على يديك رحاب

    ردحذف
  3. ربنا يوفقك فى عمل الخير وتكونى سبب فى اسعاد وجوه بريئه
    تحياتى لك ولكل من سيشارك فى هذا العمل الخيرى

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين