الثلاثاء، 19 يوليو، 2011

يوم جديد...وعيد سعيد...."نحن"

أتيـــــــت أنـــــت
كنسمة صيف تحييـــــني
كقـــــــطرة مـــــــــــــاء
تروينــــــــــــي
كنفحة دفـــــء
في يوم عاصف
كمعطف
يؤويني
*
*
*


ممكن أغمض عيني
وأعترف لكم ف اعتراف علي رأي أحمد حلمي ...وأقول
إن عيد ميلادي السنة دي كان أحلي عيد ميلاد
بكل مفاجأته
بكل اللي حصلي فيه
بكل السعادة اللي حسيتها
بأول هدية جاءت لي......

بأول من قاللي عيد ميلاد سعيد وكل يوم وانت بخير وسعادة
بكل كلمة عبرت عن مشاعر حب حقيقي وصدق  لي أنا
بأحلي قطعة " جاتو" أكلتها  ف حياتي .....

بألذ آيس كريم ...ممممم

بكل احساس ومشاعر حسيتها وقتها .......
كنت....سعيدة....,ومازلت
بجد بجد بجد
برغم خنقة امتحانات وعصبيتي ونرفزتي  وضيقي
بس كانت أحلي مفاجآة
وأجمل هدية
وأحلي كلمة.....
تعرفوا انا كنت تمام زي الصورة دي .....

زي الفراشة يعني
مش قادرة اوصف بجد
بس اكيد كلام  هتفهموه
والأهم ان أول هدية عارفة الكلام ده وكل الكلام اللي مقولتوش ومقدرش أقوله....^-^
                                       ***********

الكلام اللي فوق ده عشان أول هدية بس
والا هو مكانش في هدايا غيرها ...؟هههه بجد كان عيد ميلاد حلو بدرجة غريبة
لانه كان فيه مفاجآت وهدايا متوقعتهاش

شيرين أختي جابتلي هدية غير متوقعة خااااالص
بس عجبتي أوووي
استغليت طبعا عبير ف هدية تانية...هههه اخوات بقي
ماما قلت خليني حنينه عليها اخترت حاجة كدة صغنتوتة
بابا بقي ده كبير البيت ميصحش لازم هدية تكون كبيرة هاهاها استغلالالالالالالالالالال
اما بقي حبيبي " احمد " اخويا ....استغلال من نوع اخر ...موبايل " نوكيا وصغنتوت وبناتي كدة علي مقاسي "
بس ده ف الحلم طبعا
بس انا وراه وراه لغاية ما يجيبه
مش بقولكم استغلال ...
وبعدين يعني هما يعني عندهم كام رحاب....؟
هي رحاب واحدة بس ...هههه
بس الصراحة
نفسهم يخلصوا منها ....ههههههه
العيد التاني

عيد ميلاد مدونتي
اصلا يوم واحد يونيو بس التاريخ الحقيقي او بداية التدوين الحقيقية كان يوم سبعة وعشرين يوليو  يعني بعد عيد ميلادي بكام يوم
وكان سنة 2009 وبتعليمات وارشادات الصديقة الجميلة صاحبة بستان افكاري غادة محسن  ومن يومها وانا بحب العالم ده
غيودة شكرا كتير لانك علمتيني وعرفتيني العالم الرائع هذا
ومدونتي بالشكل ده تكون بقي عندها سنتين مممم يعني أصغر من البنت أوشة بنت اختي .... بس برضه مدونتي مش بنفس شقاوة أوشة
بس ناوية اخليها شقية الفترة الجاية
بعد ما اخلص امتحانات
ادعولي بقي
وبعدين مستنية هداياكم
مفيش حد ييجي من غير هدية
عشان كدة مش حلو خالص
^-^

هناك 19 تعليقًا:

  1. كلام جميل جداً .. ما أجمل أن نحتفل بإنجازنا

    كل سنة ومدونتك وأنت بخير يارب تحياتي الصادقة

    ردحذف
  2. أيه بقى الكلام ده بقى

    انتى قدمتى الميعاد و لاايه

    عموماً كل سنة و انتى طيبة

    و يارب السنة دى تحققى كل اللى تتمنيه

    و ربنا يخليكوا لبعض

    قصدى انتى و العيلة (: يعنى


    http://www.youtube.com/watch?v=JKo_i1JNAvU&feature=feedrec_grec_index

    ردحذف
  3. كل سنه واحنا طيبين
    مع كلماتك سعداء ومبسوطين
    اسف على الغياب
    ظروف وامتحانات كوكتيل يعنى
    دعواتك

    ردحذف
  4. كل سنة وأنتى طيبة يا حوبا وعقبال110 سنة
    وكل سنة ومدونتك بخير

    وآدى ياستى الهدية:)

    http://img105.herosh.com/2011/07/19/405472761.gif

    ردحذف
  5. كل سنه و انت طيبه و مبسوطه انه كان عيد ميلاد استثنائي و كل سنه و مدونتك من نجاح لنجاح و في إنتظار انك تخلصي إمتحاناتك و ترجعي للتدوين على أحر من الجمر.
    ده لينك تدوينه لي قريبه بمناسبة مرور سنه ياريت تشوفيه
    http://hadutamasreya.blogspot.com/2011/07/blog-post_06.html

    تحياتي و كل الود لكي

    ردحذف
  6. كل سنه وانتى طيبه
    وعقبال 100 سنه
    طبعا انا عجبنى الايس كريم قوى
    يارب تتهنى يارحاب بجد
    ومش عارف ليه حاسس انك بتمرى بقصه حب حلوه
    احساسى بيقول كده
    اتمنى ان يكون احساسى بجد ويوفقك

    ردحذف
  7. كل سنة وإنتي طيبة . .

    وكل سنة ومدونتك طيبة وعقبال مليون سنة :)

    ردحذف
  8. صباحك غاردينيا يااطعم رحاب
    ولعيونك احلى تورتة ..
    ؛؛
    ؛

    http://www.hayah.cc/forum/imgcache/145245.png

    ؛؛
    ؛

    http://www.tntup.com/photos/index.php?option=com_tntphotos&func=watermark&catid=54&id=142&Itemid=55

    ودي طبعاً هديتك
    وطبعاً مافيش حفلة من غير مزيكا ورقص
    واياكي تقولي مابعرفش ارقص ماتخفيش هرقص أنا :) "
    ؛؛
    ؛
    http://www.youtube.com/watch?v=rFEZt_71Opg&feature=fvwrel

    ؛؛
    ؛

    لروحك عبق الغاردينيا
    reemaas

    ردحذف
  9. السلام عليكم

    كل عام وأنتي بخير وإلى الله أقرب أختي رحاب..
    وكل عام ومدونتك بخير وفي ازدهار وأصدقاء التدوين في ازدياد..

    تمنياتي الدائمة بدوام السعادة أختي الكريمة.

    ردحذف
  10. آسف دي هدية على ما ؤسم

    http://photos.azyya.com/store/up2/081214183220Ls3o.jpg

    ردحذف
  11. كل سنه وانتى طيبه يارحاب
    عقبال مليار سنه
    وحشتينا خالص ...يارب الامتحانات تكون خلصت على خير ...
    ولو على هديه ...اجبلك خاتم فضه ...بفص ابيض ذى قلبك الابيض

    ردحذف
  12. كل سنة وانتي طيبة يا رحاب ومدونتك بخير
    هي ليه كده كل اعياد الميلاد كبست مرة واحدة :)
    اصل عيد ميلادي النهاردة برضه
    ربنا يسعد آمالك ويحققلك كل طموحاتك
    يجعل كل ايامك خير وسعادة وعقبال مانشوف عشرتلاف بوست في مدونتك السنة الجاية :)

    ردحذف
  13. كل سنة وانتى طيبة حبيبتى وعقبال مليون سنة لك وللمدونة

    ردحذف
  14. كل سنه وانتى طيبه
    ويارب دايما ايامك تكون احلى
    اسف على الغياب ووصولى متاخر عيد الميلاد
    وكل سنه وانتى طيبه

    ردحذف
  15. كل سنه و انت و مدونتك طيبه ومن نجاح لنجاح وعقبال مليون سنة

    ردحذف
  16. السلام عليكم
    كل سنة وانتى طيبة وعقبال طول العمر وكل العمر فى فرح وسعادة
    كل سنة وانتى طيبة

    ردحذف
  17. اولا كل سنة و انتى طيبة

    مش عارف فى حاجات بين السطور كده حاجات تتحس و تبان فى العينين و بين الحروف

    ربنا يسعدك و ينولك اللى فى بالك

    تحياتى

    ردحذف
  18. كل سنة ومدونتك وأنت بخير يارب تحياتي.لك هده الهدية على هدا الربط
    http://youtu.be/JYQpLQFyXW4
    رؤوف

    ردحذف
  19. صباح الورد رحاب

    كل سنة وأنت طيبة وعقبال 100 سنة

    في عمرك وفي التدوين وأجمل شيء

    هو هذا الأحساس الظاهر بروعة من

    حروفك ليعبر بصدق وعفوية عن سعادتك

    أتمنى من الله أن تدوم كل العمر ...

    تحياتي وإحترامي

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين