السبت، 7 أبريل 2012

البنفسج....عندما يبحث عن احلامه....3..ألوانـــ حدث الكتابة

البنفسج لون حزين .....بس دايما بشوفك فيه وهو بيضحك

* * * * *


ارتدت الفستان ذو اللون البنفسجي الهادي " الموف " تعرف أنه جميل وأنه لم يرها من قبل ترتدية
لونه لامع مضيء
تدع شعرها مسترسلا علي كتفيها والي اسفل خصرها يتدلي  فهي تعرف كم يحب  شعرها منسدلا
تعدل من وضع رباط الثوب علي كتفيها  البيضاويين   وتنظر في المرآة مجددا هل الثوب  منضبط ...
تضع اللون الموف علي جفنيها وبعدها اللون الابيض اسفل حاجبيها
يأتي الدور علي  رموشها السوداء  لتضع قليلا   من الماسكرا ثم تقف قبل ان تضع منها علي رموشها وتتذكر " عينيك جميلاتان بدون الماسكرا ورموشك طويلة لا تحتاج لهذا الشيء "
تضع الماسكرا جانبا ....
وتأخذ لونا ورديا  لينام علي خديها مبرزا لون بشرتها الخمرية
ثم تضع قليلا من اللون الزهري المائل للموف علي شفتيها المكتنزتين ....
ترتدي صندلها العالي الكعب  وتأخذ حقيبتها البنفسجية
ثم تقف في وسط حجرتها  و....تنثر قطرات من عطر يعشقه  في فراغ الغرفة و....تسير عبر  العطر المتناثر  لتغرق ف العطر ويغرق العطر فيها .....
نظرة أخيرة في المرآة وهي تبتسم فأخيرا وبعد سبعة أشهر كاملها استطاع هو أن يأخذ اجازة من عمله واليوم سيلقاها
 * * * * *
وحشتني اووي ....هستناك في نفس المكان ....متتأخرش
انت وحشتيني اكتر ......مش هتأخر و...عملك مفاجأة
لية بتقول بس  ....هي كدة  مفاجأة ....؟...عموما مستنياك متتأخرش
 * * * * *
جلست علي نفس المائدة التي دوما يجلسون عليها ....
ابتسمت للعامل الذي يعرفها ويعرفه ...
شموع بنفسجية علي المائدة
وزهور حمراء
جاء العامل  مبتسما لها  ثم اخذ الورود الحمراء من المزهرية  وجاء بـــــ وروود بيضاء وبنفسجية
فابتسمت
ثم جاء وأشعل الشموع البنفسجية  وخرجت رائحة البفسج الشذية
فابتسمت ثانية

* * * *  *
اخذت تنظر للجموع  المتناثرة هنا وهناك
هنا قريب منها فتي وفتاه ممقتربي الرؤوس يتهامسان
وهناك علي بعد مائدتين شاب وشابة بينهما طفلة ذو اربع اعوان يحاولون اطعامها  وهي ترفض وتحاول تأكل  بغير مساعدتهما  ويضحكون ....وتضحك لضحكهم .....تتذكره " اريد أن ننجب طفلة ....أحب الفتيات ...."
من بعيد تري العامل الذي يعرفها يتحدث اليه عامل اخر وهو يشير اليها ...ثم يتركه وهو ينظر اليها ويبتسم
تبتسم هي ...فهي تعرف ماذا يقول له " لعله يساله هل يأتي ويسألها عن  ماذا تشرب ...ويكون رده لا ...فهي تنتظر من ستشرب معه "
مرت نصف ساعة  " انت اتأخرت لية ....معلش يا حبيبتي الطريق زحمة اووي ".....
وهي تنتظر..... ثم تلتها نصف اخري
جاء العامل  الذي يعرفها يسألها هل أتي لك بمشروب  إلي أن يأتي ....هو
ابتسمت  وهي تهز رأسها بالنفي 
تنتظر...وهي تسأل نفسها كيف سيلقاها بعد سبعة أشهر من البعد ....
ستلقي بنفسها بيين ذراعيه ستترك نفسها لدفئه ....ستترك العنان لعواطفها
لقد افتقدته جدا.........آ آ آ ه ه ه  ا واحشني اوووي
تنتظر قليلا ثم تعاود الاتصال
" انت فين....؟ "
" انت اللي فين ...؟
" يا سلام عليك انت عارف انا في نفس المكان اللي بنتقابل فيه انت فين بقي...؟ ..."
" بصي وراكي هتلاقيني ...."
"نظرت ورائها ولم تجده و....
" صوت ضحكاته عبر الهاتف يتعالي ....معلش حبيت بس اهزر معاك....
غضبت ثم قالت له " متهزرش كدة تاني  انت فين ...؟
" لسة ف الطريق يا حبيبتي ...غصب عني
تنفست ببطء...." اوك حبيبي  مستنياك...متتأخرش عليا .....بحبك "
" انا بحبك  اكتر  "
تنظر لزهور البنفسج  وهي امامها ...تراها حزينة لانه تأخر...
تنظر للموائد حولها .....كل مائدة سعيدة بمن فيها الا هي....تنتظر السعادة الآتية
تنظر للتلفزيون  الذي يعرض اغنية من فيلم محبب لقلبها .....وتتذكر مشهد البطلة وهي تنتظر البطل  الذي لا يأتي....
تنظر ....تنتظر ....وهي تتساءل هل ستكون نهايتها معه كما حكاية البطلة مع البطل في نهاية الفيلم....
تنظر للبنفسج الذي بدا ذابلا
تتذكر.....البنفسج لون حزين ...انت فقط تبهجينه .... تجعلينه سعيدا ...
البنفسج لون حزين ..لا ترتدينه لألا يجعلك حزينة
النفسج لون حزين......
البنفسج لون حزين
" اية في امل ....اوقات بيطلع من ملل...واوقات ........
تصحو علي صوت رنين هاتفها المحمول  .....هو " حبيبتي أنا آسف عندي شغل ومش هقدر اشوفك الليلة ....ممكن اشوفك بكرة ...؟
؟؟؟؟؟
تصدم لكلماته
ثم لا تتكلم....فقط سكتت ...
ونظرت لزهور البنفسج التي نامت ذابلة علي المائدة
والشموع التي راحت دموعها تتساقطت مسرعة
وثوبها الذي بدا مطفيء اللون حزين
فالبنفسج لون حزين
لون حزين
قد يسعد من حوله
ولكن له حنين
ان يجد يوما من يسعده
علي فكرة البنفسج ككل حكاياته حزينة معايا

هناك 31 تعليقًا:

  1. قصه غايه فى الجمال لانك تحبين البنفسج فنسجتى قصه برائحه البنفسج الجميل
    اعجبتنى وتعمقت فيها وتعايشت مع ابطالها
    رائعه يا رحاب كنت فى انتظار اللون البنفسجى منك

    ردحذف
  2. وليه يا بنفسج بتبهج وانت زهر حزين

    الانتظار بلون البنفسج :(

    دمت بخير

    ردحذف
  3. جميلة
    البنفسج لون حزين
    بس حلو
    انا بحبه بس واضح ان انتى بتعشقيه

    ردحذف
  4. انا عكسك

    اراه مبتهجا هادئا مضيئا

    فكل يراه حسب موقف يربطه به

    تحيتي

    ردحذف
  5. جميلة كلماتك يا غادةوجميلة القصةواللون البنفسج بس حزينة،واصعب شيءالانتظار والحاجة ممكن متاجيش في الاخر،بارك الله فيكي

    ردحذف
  6. فعلا قصه برائحه البنفسج
    مااروع قلمك رحاب
    تعيشت معها فعلا
    دمتي بكل ود

    ردحذف
  7. صباح الورد

    وهل هناك عمل يستحق أن يكسر بخاطرها

    هكذا ؟؟؟

    مؤلمة جداً القصة وألمها يتمثل في

    أنه وضع عمله على سلم أولوياته و

    ترك أنثى جريحة لم يجرحها غيابه

    بقدر ما جرحها إهماله ...

    جميل جداً سرد الحكاية

    تحياتي وإحترامي

    ردحذف
  8. بوست رائع جدا
    أحييكي :)

    ردحذف
  9. البنفسج لون ساحر و كلماتك لا تقل سحرا عن البنفسج
    تحياتي لكِ

    ردحذف
  10. الالوان دائما هى ما بداخلنا
    لا ما نراها فى الخارج
    فاحيانا نشعر بجمال زهرة و احيانا تمر علينا تمر علينا كل زهور العالم و لا نشعر بها
    دائما ما توحى البنفسج بالشجن لا بالحزن
    سعيد جدا بتعرفى عليك
    و سعيد جدا بقصتك

    تحياتى

    ردحذف
  11. كنت متأكده انك حاتكتبي عن البنفسجي
    وقولت ازاي نسيته ولكنك دوما تحبين البنفسج فكيف تنسيه
    استمتعت بقصتك
    قصه في غايه الروعه
    تحياتي

    ردحذف
  12. البنفسج حزييييييييين و لكن هناك حنين ينتظر من يبهجه

    ردحذف
  13. بجد جميييييييلة اوي

    :))
    نفس وجهة نظري في اللون المووف لسه قايله كدة عندي

    هو حزين
    حزين اوي
    بس بيحاول يسعد اللي حواليه

    انتظار الاشخاص الخطأ مؤلم جداا

    ردحذف
  14. اه نسيت اقولك العنوان حلو اوي
    :))

    ردحذف
  15. هبة فاروق
    يا رب يا هبة تكون فعلا عجبتك
    ومستنتيش اللون البنفسجي علي الفاضي وصدمت من الحكاية اللي مش حلوة
    يعني متكونيش مجملاني
    هههه
    ميرسي يا هبة

    ردحذف
  16. رؤى عليوة
    اهلا بيك ف اول زيارة
    ميرسي علي زيارتك
    ومش عارفة بيقولوا علي البنفسج ليه كدة
    بس هحاول اعرف

    ردحذف
  17. Noha Saleh
    فعلا يا نهي انا بعشقه
    وملاحظة انك بتحبيه انت كمان
    وحشاني يا نهي
    وعلي فكرة لسة برضه الناس فاكرة اننا اخوات
    بس انا قلت لهم ف اللقاء اننا زي الاخوات واكتر

    ردحذف
  18. سواح في ملك اللــــــــــــــــــه
    اه معاك حق
    بس معرفش لية بحس انه بيعمل معايا العكس
    شكرا لوجودك هنا

    ردحذف
  19. zeze
    صعب الانتظار واكرهه
    ولي اكتر من قصة تحكي عن الانتظار
    شكرا لجودك
    وعلي فكرة انا رحاب مش غادة

    ردحذف
  20. وحي الخاطر
    ميرسي خالص
    انت الاحسن دوما
    مساء البنفسج

    ردحذف
  21. ريبال بيهس
    رجالة معندهاش نظر
    هههههههههههه
    معلش بقي
    نعمل اية
    في ناس كدة
    احنا نفضل نهيء نفسنا عشانهم ونهتم بكل صغيرة وكبيرة
    وف الاخر ناخد علي دماغنا
    ميرسي لوجودك
    بس اية الغيبة الطويلة دي؟؟؟

    ردحذف
  22. قلم رصاص
    شكرا لوجودك
    بتسعدني دايما طلتك هنا

    ردحذف
  23. مصطفى سيف الدين
    ميرسي يا دكتور
    وميرسي علي اللقاء الساحر
    وكل كل حاجة

    ردحذف
  24. ابراهيم رزق
    انا الي سعيدة اكتر بجد
    وسعيدة اكتر اني شفت ساليناز
    علي الاقل كنت حاسة ان في حد ف طولي وحجمي ما انا مش تخينة كتير عنها ههههه
    ميرسي لتشجيعك ليا ويارب اكون عند حسن ظنك وتشجيعك ف القصة الجاية عن المعطف

    ردحذف
  25. ;كارولين فاروق
    ميرسي يا كارولين
    بجد انا حاسة ان القصة مش الي هي عشان البنفسج كان عايز حاجة احسن من كدة
    بس ده اللي قلبي كتبه
    ميرسي ليكي انت الاحسن بجد

    ردحذف
  26. haneen nidal
    دايما احنا بنستني اللي يسعدنا ومش بنحاول اننا نسعد نفسنا
    مودتي لك

    ردحذف
  27. نهر الحب
    سعيدة ان العنوان عجبك
    انا غيرت العنوان اكتر من مرةلغاية ما استقريت علي ده
    مبسوطة ان الحكاية عجبتك
    ولسة جاية من عندك حالالالالالالا

    ردحذف
  28. كلماتك بلون البنفسك
    والبوست رائع كالبستان المزهر
    :)

    ردحذف
  29. حلوة اووووي ووصفك خرافة بالاضافة للسجع في كلامك مثل المزهرية والبنفسجية..بس كلمة على جنب كدة انا مقدر زعلها ليها حق تزعل منه إنه اجل المقابلة لبكرة دي يادوبك تلحق تتذوق من دلوقتي لحد بكرة هههههههههه...كل دي تقوس زواق وميك اب ؟ والله بتتعبو يا بنات ههههههههه...بس انت على فكرة دكتاتورية بقى يعني عشان بتحبي البنفسج خليتي البطلة بنفسج في بنفسج

    ردحذف
  30. شمس النهار
    شكرا يا شموسة ده من ذوقك
    ميرسي علي اهتمامك ووجودك

    ردحذف
  31. Tarkieb
    ههههههه ماشي
    عموما انا حبيت يعني بس اوضح انها اهتمت بكل شيء عشانه وهو معبرهاش
    يعني احنا نهتم بيكم وانتم تطنشونا
    بقولك اية مدونتك مالها
    مش عارفة لية تعليق مش بيظهر وبيعملي ايرور

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين