الأحد، 20 يناير، 2013

حلم جميل ....


حلم جميل
فارس احلام كل البنات
كانت تتمني ان  تلقاه منذ زمن
وعند اجمل مرحلة ف الحلم
رن جرس المنبة ليوقظها من احلامها المجنونة
اغلقت المنبة  واغمضت عينها مرة اخري
علها تنال قسط اخر من الحلم ....الحلم
ولكن الواقع ابي أن  يتركها للحلم ...
فرنين جرس الباب هذه المرة كان  هو موقظها ...
لعل القدر كان لا يريد لها احلاما سعيدة
تجاهلت الرنين واغمضت عينها بقوة  وجذبت الوسادة علي رأسها حتي لا تسمع الرنين
وحاولت ان تسترجع ما فاتها من الحلم ....
الا ان الرنين  عاود مرة اخري بإلحاح  بشع  هذه المرة
فما كان منها الا  ان قامت بتثاقل   لتري من هذا السخيف الذي  ازعج حلمها
وفتحت الباب وهي  تحاول أن تكون  غير مستأسدة   علي من ستراه  لانها متأكدة أنها لو تمتلك  مخالب اسد ستمزق من اخترق حلمها إربا
ولكنها  عندما فتحت الباب  وجدت ما اطار النوم من عينها وحطم احلامها
وجدت ذلك الشاب  الذي لا تعرفه  وبابتسامته اللزجة يقول " ممكن تبرعات عشان الـــ ......."
تمالك نفسها بصبر  ثم  قالت ...."  حاضر "
دخلت ثم عادت له واعطته ورقة مالية  مطوية .....وحاولت ان تغلق الباب
الا انه بنظره واحدة لفئة النقود جعلته يقول بسماجة " مش كنتي تزوديها  حبه "
هذه المرة  لم تتمالك نفسها وهي تخطف منه النقود و تكيل له سيلا من الشتائم   وتصفق الباب بوجهه...
ثم تذكرت شيء  ففتحت الباب مرة اخري وهي تقول " ابقي تعالي الحلم الجاي عشان انا  ناوية احلم بدراكولا " 
خارج الاطار 
عندما تتحطم احلامك علي  أرض الواقع المفزعة 

هناك 17 تعليقًا:


  1. هههههه
    لذيذة ومؤلمة
    حقيقة قاسية وجسدتيها فى قصة دمها خفيف

    ردحذف
    الردود
    1. ميرووووووووووو
      انت بتاعت التجسيد الاقوي دايما
      ومنساش ابدا ام سحلول
      منوراني ويا ريتك تزني علي احمد شوية عشان اشوفك ف المعرض

      حذف
  2. هههههههههه رائعه جدا يارحاب بجد عجبتني

    ردحذف
    الردود
    1. ميرسي يا شريف
      دايما انت رافع معنوياتي هنا وع الفيس بوك

      حذف
  3. هههههههههههه فظيعة
    المفروض تحلم المرة الجاية ببتاع الدليفرى جاى غلطة ولا حاجة
    اهو اى فايدة وخلاص
    جميلة اوى يا رورا وان كان الاساس فيها مؤلم

    ردحذف
    الردود
    1. ما هو ده يعتمد علي الدليفري اللي جاي يا آييوية
      لو دليفري بنحبوه اوك مفيش مشكلة
      نعوضها الحلم الجاي
      وحشاني موووت

      حذف
  4. جميلة بجد يا رورو :)

    بس صحيح في ناس في الواقع فنانة في تحطيم الاحلام ومش لازم احلام النوم حتي لو كنا بحلم بحاجة عايزيين نحققها بيحسسوا الواحد انها عمرها مهاتتحقق ربنايبعدهم عنا امين
    بارك الله فيكي

    ردحذف
    الردود
    1. ماما زيزي
      الوحيدة الي فهمتني
      كلامك اللي قلتيه هو اللي انا قصدته
      الناس الي بتحطم احلامنا بشتي الطرق
      ويهمها اووي اننا منحققش احلامنا ولا حتي نحاول تحقيقها
      ميرسي ليكي وبارك الله فيك عزيزتي

      حذف
  5. :)
    إيه الغلاسه دي
    أنا بكره الناس دي

    بس إنتي سكر

    ردحذف
    الردود
    1. انت الي سكر يا شيري
      منوراني
      ووحشاني ويارب اعرف اشوفك ف المعرض

      حذف
  6. هههههههههههه هي ليه بخيلة كدا؟

    مكانت زودتها ورجعت كملت الحلم :)))

    ردحذف
    الردود
    1. في ناس مينفعش معاها الا البخل يا عزيزتي

      حذف
  7. تقبلي نقضي بصدر واسع وانشري تعليقاتى

    ردحذف
  8. انا بنشر كل التعقليقات ما عادا التعليقات الي فيها كلام مينفعش انه يتنشر سواء شتيمه او كلام متعلق بالدين بس كدة
    واذا كانت القصة مش عجباك انت حر
    وكل واحد بيشوف الشيء بشكل تاني مختلف عن غيره
    وعادي جدا نشرته مش عشان انت قلت تقبلي النقد " علي فكرة يعني النقد " بالدال مش الــ النقض "ودي مش فزلكة دي لغة عربية فصحي
    واهلا وسهلا بيك :)

    ردحذف
  9. جميلة اووووي يارحاب عجبتني وفيها واقعية جدا
    تحياتي

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين