الاثنين، 8 ديسمبر، 2014

فات ست سنين ...!


فجأة كدة وانا نايمة افتكرت ان عيد ميلاد مدونتي عدي وانا مش فاكرة
اخص عليا
فاكرة اول يوم عملت فيه المدونة كان يوم 1/6/2008  ومكتبتش غير كلمة واحدة بس ...اهلا ..وسهلا
بعدها بسنة وحوالي شهر بدأت التدوين وتحديدا يوم 27/7/2009 بمساعدة غادة محسن صديقتي الصدوقة
بس ازاي عدت السنة دي ...
السنة دي كان فيها 11 تدوينة فقط لاني انشغلت بمدونتي التانية " حوليات  رحاب صالح "
انشغلت لدرجة اني نسيت حياتي لكن مش حرة فيها
وانا بكتب في الحوليات كتبت حاجات كنت عايزة افتكرها من حياتي  وحاجات كنت بحاول اني انساها
بس اللي اعرفه كويس ان حياتي اتغيرت اووي
وان 2014 كان في سنين اسوأ منها في حياتي
 بس 2014 كانت الأسوأ فعلا  بحياتي كلها ومتخيلتش نفسي اتمني سنة تعدي اد ما 2014 تعدي
أصبحت عصبية أكثر مما توقعت عليه نفسي ذات يوم  ولا أدري لما كل هذه العصبية والنرفزة 
أصبحت ضحكاتي قليلة جدا والشخص الوحيد الذي يجعلني أضحك من قلبي هو من يبكيني 
أجهد نفسي بالعمل بدون سبب مقنع ..... 
لم أعد اجتماعية أبدااا ..... أود العيش وحدي ...اتمني ان أذهب لجزيرة روبنسون كروزو فاعيش وحدي مع الطبيعة فقط 
الاصدقاء كثيرون وقليلون وغير موجودون ....لا أدري لما  ابتعدت عن كل هؤلاء الناس 
فوجئت بصديقتي  دعاء عمروا تكتب عن مدونتي وانا تقريبا لم اتصل بها من يوم زفافها ...!!!
أتحجج بضياع هاتفي المحمول وضياع أرقام الاصدقاء ...لكني اعرفني جيدا فأنا أن أردت شييء أستطيع الحصول عليه  فلماذا أبتعد عن كل شيء بالحياة ....!!!
لا أدري لكني فعلا تغيرت كثيرا ....
أتمني أن أعود رحاب كما كنت ...وأتمني أن تكون 2014 راحلة  بلا ألم ...وأن تأتي 2015 بكل الأمل 
لا أريد أن أتذكر شيء ...لكني أريد أن أحلم بشيء  جميل 
دعاتكم بحلم جميل وعام سعيد لكم ولي ...
-

هناك 6 تعليقات:

  1. مرحباً .. أتمنى أن تكوني في خير وصحة وعافية
    وأن يكون عيد ميلاداً سعيداً لمدونتك الجميلة والمتواضعة
    ما شدني هو عيد ميلاد أي ميلاد إنه ميلاد المدونة حقاً الأيام تضي والعمر يمر بسرعة كبيررة جداً
    وسأذكر أن ميلاد مدونتي هو في نفس سنة ميلاد مدونتك 2008 ... أتمنى أن يرحل هذا العام بأحزانه وبكل آهاته
    وآلامه وأن يدخل العام الجديد وأنت في قمة الفرح والسرور ونحن معكم يــارب
    تقبلي مروري المتواضع
    =====
    مدونة عالم الحب

    ردحذف
  2. اللهم إنا نسألك باسمك الأعظم الذي إذا سُئلت به أَعطيتَ وإذا دُعيتَ به أجبتَ أن تُذهب عنا الهمَّ والحَزَن .. وعن جميع المسلمين ..
    تمنياتي لكم بعام جديد ملؤه المل والسعادة والتوفيق .

    ردحذف
  3. كل سنة وأنتي طيبة وبألف خير وصحة وسعادة ودايماً مدونتك منورة بلوجر يا رحاب
    :)

    ردحذف
  4. كل سنه.وانتى ومدونتك طيبين
    والله يارحاب بتمنى زيك انى اعيش فى جزيره لوحدى بس لوعرفتىتروحى الجزيره اللى انتى قولتى اسمها دى خدينى معاكى
    كلنا بنتغير على فكره وشخصيتنا بتختلف مفيش حاجه بتفضل علىحالها
    والاصعب من كده ان الحاجات اللى كانت بتفرحنا قبل كده اصبحت الآن ولا تعنينا بشىء ومش بتفرحنا زى زمان

    ردحذف
  5. كل سنة وأنتى ومدونتك بخير
    إنسى الأيام الى عدت سواء جميله أو لا ديما خلى نظرك لقدام ويكون لبعيد هتلاقيكى مرتاحه جدا حتى لو الى شيفاه مستحيل بس هتلاقيه جميل :)

    ردحذف
  6. كل سنة و أنت أنت طيبة ومدونتك العزيزة لألف خير
    أتمنى أنندرك أن الإنسان ستواجهه عثرات فى حياته
    ولابد له أن لا يقف طويلا أمام عثراته فيصبح أسير لأفكارفى الغالب تضره
    وفى هذه الحالة لا يستطيع أن يرى الخير
    أنظرى إلى نصف الكوب المملؤ ولا تنظرى كثيرا إلى النصف الفارغ

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين