خذلان....

تخذلني كلماتي ...عندما أقول نسيت

يخذلني قلبي عندما أقول سامحت
@@@
ماذا لو 
قلت لك لأول مرة مش مسمحاك ؟!
كسرت قلبي ....عارف يعني اية كسر قلب ؟!
كنت بستغرب لما اشوف فيلم والبطل يقول للطرف التاني انت كسرت قلبي
مكونتش احس الشعور اوي برغم اني فهماه ومأثر فيا
انت كسرت قلبي كسرت قلبي اوي
كسر مش ممكن يتجبر
صحيح بعد سنين رجعت وطلبت السماح
استغربت اوووي طلبك
قلت لي زمان عمري ما هخليكي تندمي عمري ما هخليكي تزعلي
زعلتني وندمتني و...
خذلتني
يمكن وقتها لو قلت لي سامحيني كنت هتعصب وهتخانق وتزيد الفجوة بيننا لأن الألم كان أقوي من أن أقدر علي السماح
بس انت سيبتني في وجع الخذلان وضيقة النفس اللي تقول لو جه طلب السماح مش هسامحه
بتعدي السنين ومرارة الخذلان بتخف مع مرور الوقت وضغط الشغل وضغط النفس عشان متفكرش فيك
بتعدي السنين زيها زي اي ليل ونهار ... مفيش الوان
بتعدي السنين والزمن واقف بيا هناك وهنا
هنا مع كل مشهد في فيلم يقول فيه البطل للبطلة سامحيني
ولأن المخرج والمؤلف عايز كدة بتاخد البطلة البطل ف حضنها وتبتسم وتقوله سامحتك ؟!
كنت اقول لنفسي ازاي تسامحه بعد كل اللي عمله فيها 😑
ازاي قلبها يكون بالتفاهه دي والا هو كسر قلبها كسر صغير ممكن يتصلح عادي 
كسر القلوب مستحيل يتداوي الا بالزمن والدوا اللي يداري علي الوجع ويخليها يتنسي مع مرور الوقت لكن مش ابدا  
دايما بيفضل جزء بيفكرنا بكسرة القلب والخذلان
لما قلت لي سامحيني قلت لك هو انا زعلت منك عشان اسامحك ...؟! 
كان الوقت عدي وكنت بحاول اكون قوية وانا بقولهالك وببتسم 
مع ان قلبي من جوه كان جمرة نار 
يمكن كنت مستنية وقت تيجي تقول فيه انك غلطان وانك ندمان 
انت عارف اغنية سميرة سعيد الي بتقول فيها  " وانا اللي كنت فاكرة انه جاي يشتكي من بعده ...فاجئني بقصة تانية ضيعت الحلم الوردي .... " 
ومش انا وحدي اللي بقلبك  برغم انك انت وحدك بقلبي 
وعايزني اسامحك
قلت لك بلساني وبصدق إن مسامحك  
وقلبي بيرفض انه يكون مسامحك 
كنت حاسة ان انسانة غريبة عني جدا لية انا حاسة ان احساسي ناقص  بقول بلساني حاجة وقلبي بيصرخ بحاجة تانية 
لا مش هسامحك 
اسامحك علي احلام وامال  خططنا لها 
والا علي بيت واسرة 
والا علي شغل واجازات 
والا علي اسماء اولادنا 
كانت كسرة الأحلام أقوي 
كنت  ببص لك وعيني بتتحرق بالدموع اللي بضغطها عشان متنزلش 
ببتسم واقولك مسامحاك  وانا عايزة اصرخ واقولك لاء 
كنت شايفة نفسي انسانة وحشة لو قلت لك زعلانة ومش مسامحاك  وان هكون قلبي اسود اووي 
برغمان ده حقي ان اقول مش مسامحاك عشان حاجات كتير 
بس بقول لنفسي اصبري في يوم هيحس انه كسر قلبي وخذلني 
وكنت أصلي طول والوقت وادعي واقول  ربنا يفرح قلبك وميكسروش 
وبتعدي السنين ومبتتغيرش الدعوة 
والصدفة بتيجي تخليني اشوف كلامك تاني واقول ياااة 
قلبي كان اسود اووي انه مكانش عارف يسامحك 
دلوقت بس اقدر اقولك بعد كل السنين دي
أنا مسامحاك من قلبي

وهن...

0
يقولون لي لماذا تكتبي التفاهات علي الفيس بوك رغم أن كتاباتك رائعة 
ولماذا لا نكتب التفاهات ....؟
دعونا نجرب احساس التفاهة نحن أيضاً 
وهل أنا عندما أكتب موقف ساخر بيني وبين أحد طلابي أو بيني وبين أحد أولاد إخوتي أكون قد كتبت تفاهات ...!!!
فإذا كانت هذه هي التفاهات من وجهة نظركم فمرحباً بها  
0
نعم أغوص في عالم التواصل الاجتماعي فيس بوك أضع لايك هنا مع ايموشن قلب هناك ووجه حزين هنا بينما أغضب علي منشور هناك 
لا أتفاعل بالتعليقات الا قليلاً 
يلومني الأصدقاء علي عدم تفاعلي مع ما يكتبون ,يلحون علي برسائلهم أن أكتبي تعليق لا تتفاعلي بهذه الوجوه المعبرة فنحن نكتب لك تعليقات علي كل منشورات
كأني لابد أن أرد زيارتهم لي ...ومن قال لكم أني أود زيارتكم بتعليقات أو ايموشانات فهذه صفحتي وأنا حرة أكتب ما أريد من تفاهات من وجهه نظركم 
هذا عالمي أنا دعوني فيه كما أريد 
لا أريد لرسائلكم السخيفة من دعوة مستجابة انشرها وارسلها لعشرة غيركم أو تسجيل صوتي مكرر يخبرني أنكم تحبونني فالحب ليس هكذا 
فدعوني أكتب التفاهات حتي لا أكتب عن الحب 
0
أكتب التفاهات ...نعم ...وهل أنا قلت غير هذا 
وماذا يضيركم من تفاهاتي ...دعوني بتفاهاتي ودعوكم مني ...
فالشخص الذي يكتب التفاهات يعالج نفسه من تفاهات المجتمع العقيم 
فعلي الأقل تفاهاتي ليست صراخ ممن يكرهونني كبعهضن أو من إدعائي لكم بأنني مريضة وأحتاج دعواتكم 
دعوني أكتب تفاهاتي  ...
0
كتبت صديقتي عن حيوانها الأليف المريض وألّحت علينا بالدعاء له ...
لم اكتب لها شيء وأن كنت تعاطفت مع حيوانها الأليف ولهفتها عليه , فكم من حيوان كان أرأف بنا من بني أدم مثلنا 
تعجبت لتعلقها به لهذه الدرجة وحسدتها ...فأنا لم أتعلق بشيء هكذا من قبل ...,وان حاولت , فأنا لا أريد التعلق بأحد / شيئ 
يكفيني التعلق بأحدهم مرة فخذلني ...
فدعوني أكتب تفاهات لا تفكرني بالخذلان 
0 
أكتب تفاهات ...نعم أكتب 
من وجهه نظركم تفاهات  ولكنها تحمل داخلها روح احترقت من الغضب والألم والحنين والخوف ...
ولا تريد اظهاره لكم 
تكتب تفاهات ضاحكة لعل الشامتون يصمتون ويصدون شماتتهم 
تكتب تفاهات لعل المتلصصون يرون ضحكاتها فيرجعون خائبي الظن بأنهم كسروا قلبها يوما فها هي تضحك ولا تهتم بشيء 
فدعوني أكتب تفاهاتي لعلهم يصمتون 
0
أكتب تفاهات حتي لا أكتب عنك فأشتاق 
حتي لا تري كلماتي فتشعر بحنين يدعوك لرفع سماعة هاتفك لتسمع صوت انفاسي وتترك صداه ..... فيعود رجع الصدي ...صمت  
أكتب تفاهات لأنسي ...ولا أنسي
فدعوني أكتب تفاهاتي ....

رحاب صالح