الخميس، 5 نوفمبر، 2009

مين السبب...؟

التفرقة...عنصرية , دينية,جنسية...او اي تفرقة مين اللي غرسها فينا لية التعصب اللي احنا فيه ده مين اللي ولد التعصب ده الجرائد ..؟المجلات...؟المدرسة والمدرسيين...؟التليفزيون...؟ والا احنا بنفسنا ....؟ لية عدم التفاهم اللي احنا فيه ده...؟ طول عمري بحب اتعرف بحب افهم حتي لو اي شخص قالي شيء احب اتأكد الاول فاكرة اول مرة سمعت لفظة تفرقة عنصرية ومسلسل جذور فاكرة اول مرة احس بنوع من التفرقة الدينية وانا في المدرسة استاذي اتخانق معايا لاني ارتدي جيب قصير ولم يتكلم قط مع زميلتي المسيحية رغم انها ترتدي جيب اقصر من التي ارتديها قائلا انها مسيحية وانا مسلمة....؟ بعض الناس الي الان يعتبرن ان المسيحين كافرون لا يحل لنا التعامل معهم او الحديث او حتي الجلوس معهم في اي مكان قابلت اشخاص يتعرفون فقط بأشخاص مسيحيين ليرغموهم علي الاسلام؟؟ كانت منهم صديقة لي تعمل بمدرسة مديرها مسيحي كان كل همها ان تقنعه بان يترك المسيحية ويعتنق الاسلام....؟ انا اعلم جيدا اننا لا نعلم عن ديننا الكثير حتي نحكم علي دين الاخرين ومادام الاخر لا يضرني ولا يضر ديني وحريتي ويحترمني فاعتقد اننا سنتعايش معا بكل امان عودوا بذاكرتكم الي الوراء ,او انظرا حولكم , من كان السبب في هذه التفرقة وهذة الفتنة الطائفية ؟ وعلي فكرة التفرقة دي مش بس بين المسيحين والمسلمين دا بيبن المسلمين والمسلمين والمسيحين والمسيحين...؟تتسائلون كيف....؟ دائما نحكم علي الاخرين من وجهه نظر ضيقة جدا , لا ننظر ابعد من انوفنا اتذكر انني وانا في المرحلة الاعدادية كان امين المكتبة عندما يراني اقرا كتاب لنجيب محفوظ يقولي دا ملحد, وطه حسين ملحد , ومصطفي محمود ملحد اما احسان عبد القدوس ويوسف السباعي ف منحليين وسفلة لابد ان نفكر قليلا لا نحكم بوجهه نظرنا الضيقة ان نري مشاكلنا جيدا وان نحلها سويا ان نري جيدا من السبب في هذة الفتنة ونحاول ان نعيش حقا بدون حساسيات
رحاب صالح الخميس 5 نوفمبر2009

هناك 10 تعليقات:

  1. وجهة نظر محترمة جدا والله ولا يكتبها الا انسانه عاقلة متفتحه تعرف داء هذا المجتمع لكن الاسوأ من هذا ان ندعو للسماحه بغير سماحه او حتى لا نحاور التحاور مع الاخر مهما كانت افكاره ونحكم عليه من مظهر عام او تعميم احيي ان توجد في عصرنا امراة بمثل تفكيرك على فكرة انا شيلتلك من على ايملي لان مش عايزة تردي علي حتى السلام مع اني والله مافكرت في اي حاجه لكن انتي قيمه

    ردحذف
  2. طبعا كلامك مفهوم يا رحاب ومافيش خلاف عليه.. لكن كمقال او نص ادبي، كنت احب انك تحطي امثلة اكتر من تجاربك الشخصية مع العنصرية والتعصب.. لأن التجارب الشخصية مهما كانت بسيطة، بتبقى اقوى واكثر تأثيرا من اي كلام نظري او تساؤلات عامة.. ياريت تقراي ما كتبته الاستاذة العظيمة نجلاء بدير عن نفس الموضوع في الدستور..

    ردحذف
  3. مع كل ده لسه ما عرفناش مين السبب اكيد هيطلع السبب ماس كهربائى او جاموسه وقفت قدام القطر او واحد مختل عقليا المهم انه ما يكونش سببه التفكير الغلط والانطباعات اللى بناخدها من غير تفكير فى ناس بتكره المسيحى لمجرد انه مسيحى ويقولوا ماهو لو بيفهم كان دخل الاسلام يا سيدى لكم دينكم وليا دين
    بس الحمد لله عرفت عنك حاجه قديمه انك كنتى بتلبسى جيب قصيره يا عفريته

    ردحذف
  4. الاستاذ الغير معروف
    اسفة فعلا بس احياناكتير بكون فاتحة الايميل بس مش بكون ادامه ,يعني ممكن اقوم اعمل شاي او اي شيء اخر فمعلش وكمان النت عندي بيفصل كتير ,اسفة وبحترم وجهه نظرك,وميرسيي علي كلامك وزوقك

    ردحذف
  5. استاذ وائل حمدي
    اكيد معاك في كلامك ,بس انا هنا كنت برصد ظاهرة وطبعا تجربتي الشخصية ليس قاعدة ثابته وتجارب الاخرين ايضا ,وانا عشق كتابات الاستاذة نجلاء وكتبت لها اكثر من مرة

    ردحذف
  6. علي
    يا رب ربنا يكرمك ببنوتة حلوة كدة الاول وبعدين تشوف هيكون ساعتها اللبس شكله اية؟؟تعرف يا عليوة ان من قبل 2005 مكانش ف جيب طويل ابدا ؟؟؟الجيب الطويل منتشر من بعد 2005او من 2004 تقريبا وقبلها كان كله قصير ,قبل كدة ماما كانت تقولي الجيب قصيرة شوية طويليها , دلوقت ماما بتقولي انت بتكنسي الشاع يا بنتي حرام عليكي قصري الجيب شوية, مش موضة ولا تقليد وخلاص بس بالنسبة ليا مسألة تعود , بالنسبة لمين السبب بقي ف....مش عارفة؟

    ردحذف
  7. انا احترم وجه النظر ولكن هناك أشياء لابد ان نحترس منها وهي التنصير وهو يقمون بتحويل المسملمين إلى نصارة تعرفي كمان ان كل مسيحي داخل الكنسية بيتعربى على ان المسلم سرق أرضك ولازم ترجعها بأي وسيله.
    فأحنا واجبنا لا نعطي أي مسحي الأمان الكامل بس نجل معه حذر شديد والتفرقه العنصريه دي طبيعه في الإنسان وليسة شي نتعلمة ولكن هناك من يسيطر عليها ومن هي التى تسيطر علية وتسمى حب النفس ولكن من ناحية أخرى .

    مصطفى عبد النعيم - كليه علوم أسيوط

    ردحذف
  8. مصطفي
    اشكرك علي تعليقك وزوقك
    بس انت اجبت علي السؤال بكلامك
    واحنا مش بنتولد بالعنصرية دي او التفرقه دي, لاء في اشخاص بيغرسوها فينا , مرة تانية شكرا علي كلامك
    ومتحرمناش من طلتط ولا سؤالك

    ردحذف
  9. الموضوع حلو اوي لاني انا بشتغل في مكان صاحبه مسيحي وصديقتي القريبة مسيحة وانا متدينة جدا بس الدين عندي لله ولو كل شخص حب دينه ما كناش حيكون في عنصرية لان الدين سماحة وحب

    ردحذف
  10. معاكي حق طبعا لو كل واحد حب دينه مش هيبقي في اي مشكلة لكن المشكلة فعلا في الاشخاص اللي بيخلقوا المشكلات دي وبيحاولوا بكل الطرق يزيدوا الكره والعنصرية بينا
    شكرا ليكي مع انك مش كتبتي اسمك

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين