طبعا الرائد نور الدين محمود مش زيهم لانه بيفكر صح وبيشوف اكتر مما بيشوفوا هما , وكمان زكائه الشديد كان الرائد نور الدين محمود بيقول لفريقه ان حل اللغز كان ادامهم طول الوقت بس هما اللي مخدوش بالهم ؟ وحسن تصرفه وفطنته تؤهله لحل الللغز دائما!؟
وحتي ادهم صبري كان بيشوف اللي مني مش بتشوفه ودايما يعمل عكس المتوقع لاعدائه!
لكن احنا مين بقي مقابل الرائد نور الدين محمود وادهم صبري الرجل المستحييييييل
احنا ولا حاجة , احنا شعب غضوب جدا – نسبة الي شدة الغضب- عندنا دم اوي ولما دمنا يفور يبقي يلا السلامة عليك يا عقل يلا السلامة, احنا شعب عاطفي تغلبنا عواطفنا دائما؟, احنا شعب نسااااي جدا بينسي كل شيء الاسائة والغضب والكره والعغنف والقتل والحوادث وكل حاجة
احنا شعب بيموووت ف الكورة,احنا شعب بيحب الفرجة
احنا شعب متحمس اوووووي, وف نفس الوقت بيفقد حماسته بسرعة اووووي
احنا شعب وبلا فخر حضارة سبع الاف سنه-يعني عاملين زي القرعه اللي بتتباهي بشعر بنت اختها-
احنا شعب بنقول وبنقول وبنقول ...لكن وقت التنفيذ.....؟!
بنقول عايزين التغيير, وبنقول ممكن نرشح الدكتور البرادعي او الدكتور زويل لانتخابات الرئاسة
لكن وقت الجد تنصلنا من كل ما قلناهوانقلبنا عليهم شر انقلاب
البرادعي اية وزويل اية ؟ دول صناعة امريكاني , تربية ,فكر,تعليم,بحث علمي امريكاني
يعني نسخة امريكاني عايزينا ازاي ننتخب واحد بالشكل ده؟
حتي لما الدكتور البرادعي وافق علي الترشيح واوضح ان لديه شروط –واعتقد انها شروط عادية جدا وفي محلها تماما- انقلبوا عليه , وخرجت كل قبيلة تستبيح دمه- اقصد كل حزب معارض او مستقل فيكي يا بلدنا يا محروسة- فاكرين اننا بكدة عاملنا اللي عليناوطالبنا بالتغيير وحاولنا وفشلنا؟؟
طيب لية منحاولش مرة تانية ؟ واحد ذكي ممكن يقول طيب ولية نحاول ما مرة واحدة كفاية, ارد علية واقول نسيت اقول اننا شعب يعشق الاستسلام
فوران الغضب قبل وبعد المباراة المأسوية , ثم خروج كل من هب ودب ليدلو بدلوه في المباراة والحكم والجزائر والجزائريين, والمطالبة بمقاطعة كل ما هو جزائري ,وبعدها وفي لفتة مش ممكن حد يتخيلها كانت تللك المداخلة التليفونية من السيد علاء مبارك ؟! المعرف عنه بعده عن الاعلام وبعده عن كل شيء في البلد
ويالها من مكالمة ويا له من حديث ويا لها من كلمات
ابكيت بندق-خالد الغندور- ولكنه ليس وحده بل ابكيت الشعب المصري كله
كسبت نقطه في صفك ...لالالالالا بل عدة نقاط
علاء مبارك ده راجل راجل اية مش زي أي راجل
طيب والله لو هو اللي اترشح في انتخابات الرئاسة لا انتخبه....؟!!!
لية مفيش حد فكر فينا ان هو ده
هو ده المقصود
لية ميكونش علاء هو المقصود بالتوريث مش جمال....
واهو كان طول الوقت حل الللغز ادامنا بس احنا مشفنهوش لاننا ببساطة مبنشفش ابعد من مناخيرنا
لية مفيش حد فكر زي الرائد نور الدين محمود والا زي ادهم صبري رجل المستحيل
واحد ذكي يقولك واحنا مالنا بنور وادهم دلوقت
خلينا في البلد واللي بيحصل فيها يا عاقلة
بس برضه ذكي تاني يقول والا اذكياء كتيير يقولوا ومالو علاء مبارك والله راجل زيه زيينا وكلامه زينه , اصل انتي مشفتهوش لما اتكلم , تحسي كدة انه عادي خالص بني ادم طبيعي خالص , وبعدين يا ستي اللي نعرفه احسن من اللي منعرفوش
ودمتم يا شعب مصر يا اللي بتحلم بالتغيير
على فكره انتى كده بتتعاملى مع مكالمه علاء مبارك وطريقه التعامل بعدها بنظريه المؤامره وهى ممكن تكون حاجه جات كده من علاء مبارك بس عندنا باشاوات الميديا والاعلام كبروا الموضوع وممكن كده يكبرا الحكايه فى دماغه
ردحذفوعلى فكره السيد الرئيس مش بتاع الحوارات دى هو معقول يكبر ويربى جمال فى الحكومه وفى عالم لجنه السياسات ولناس برضو ما يعجبهاش جمال يقوم يدخل عليهم بعلاء اللى مش فى الصوره اساسا وفاكر انه الناس ممكن توافق عليه وبعدين انتى تقريبا مش عاجبك لا زويل ولا البرادعى واكيد طبعا مش متصوره كون جمال رئيس طب ما انتى كده ما قولتيش على مرشح تانى من وجهه نظرك ينفع وكده بتسبتى حاله تانيه انه مفيش حد ينفع غير السيد الرئيس مبارك انتى فرضتى لينا نظريه بس فين وجهه نظرك التانيه انتى
عليوة
ردحذفاكيد انت مفهمتش قدي ابدا
انا بالعكس بحب الدكتور زويل والبرادعي جدا وبحب البلد وعايزة التغيير , بس المصيبة الناس اللي مبتفهمش , وانا قلت وجهات نظر وكلام ناس انا اعرفهم مش كلامي انا , وانا لو انتخبت مش هنتخب الا اللي انا حاسة انه ممكن ينفع البلد فعلا , بس لو اترشح البرادعي وزويل هحتار اختار مين فيهم لانهم الاتنين فعلا يستحقوا واكيد هيفيدوا البلد اووي, وشكرا لتعليقك الجميل