الأربعاء، 14 يوليو 2010

وشــــــــــــــــــــــــــــــوش

وش حلو......وش بشوش
وش منور..... وش غشوش
وش يحبك.....وش يغشك
وش معاك بألف وشوش
*****
وش حنون ....وش خجول
وش مأطأط......وش مظأطط
وش طفولي مليان بالطين
*****
وش لابس نضارة....سودة
بس الاسود ....جوه ف قلبه
مش ع الوش يبان ويطل
*****
وش حزين.....بس جميل
حزنه ف قلبه ...بيكتم شكوته ...ويمنع آنته ...عشان اللي حواليه
*****
وش تشوفه يقولك بحبك
بس بيخدع ...وانت يا عيني ...اكيد موهوم
*****
وش يحبك
وتلاقي فرحته ...طلة مع ضحكته
مالية القلب وجوه العين
*****
وش يريحك بطيبته وحنيته
لكن ....يغلبك من كتر قسوته
*****
وش صاحبك .....الي مش صاحبك
وبيقول انه صاحبك.....وهو بيستنزفك بكل شكل ولون
*****
وش حبيبك ...اللي يغنيلك ...ودايما يديلك
وش بيحبك ...مش بيغشك
*****
وشوش وشوش وشوش...
تقابلها ف دنيتك ...لكن يا ريتك تكون فهمتها

رحاب

هناك 14 تعليقًا:

  1. بجد روعه وحلوه اوي
    وفعلا
    كل اللي حولينا
    وشوش
    اول مره
    وبأذن الله الذياره موش هتكون اخر مره:)

    ردحذف
  2. وش مبتسم انه جه عندك وقرأ البوست ده.....

    تحياتي يارحاب..

    ردحذف
  3. جميله اوى يارحاب
    وش يبتسم
    وش يقبل وجه حد جميل زيك
    تحياتى وحبى ياقمرايه

    ردحذف
  4. السلام عليكم

    ايه الجمال دا يارحاب
    بجد والله كلامك صح جدا

    تحياتى

    زهراء

    ردحذف
  5. طبعا
    اقنعه
    الدنيا وشوش
    طبعا
    المهم الواحد هيتعامل مع الناس دى ازاى
    مستحيل تراضى كل الناس
    بس المهم نرضى ربنا ونفسنا
    كلاماتك روعه
    ومدونه جميله

    ردحذف
  6. مجموعه وشوش وساعات اقنعه على كل وش من الوشوش وهى دى ايامنا

    ردحذف
  7. على {اي حمادة هلال دايما وشوش ...قوية جدا والله

    ردحذف
  8. sony2000
    اهلا وسهلا نورتني
    ويارب ما تكون اخر مرة
    والله انا كتبت ده تبعا لحالتي النفسية اللي بجد بتخليني من وقت لتاني اكتشف الناس اللي حواليا واللي بتفتكريهم اصحابك وهما غير كدة تماما ولا اعتقد اني قد وفقت ف كتابة كل ما كان بداخلي لكني حاولت ويكفيني هذا
    نورتني مرة تانية

    ردحذف
  9. ابو علي
    دايما رافع معنوياتي
    وميرسي علي رسالتك بجد قريتها المرة دي تاني يوم مش بعدها بشهر زي المرة اللي فاتت

    ردحذف
  10. ايمي
    حبيبتي
    شكرا علي زوقك
    دا انت اللي بجد احسن

    ردحذف
  11. اميرات الاسرار
    نورتيني يا عسولة
    دا زوقك ولطفك يا قمرة

    ردحذف
  12. محمود
    باحث عن الحب
    صحيح الدنيا وشوش وبنتعامل معاهم علي اد ما نقدر وبرضي ربنا ونفسنا واقتناعنا لكن اكيد مش هتعرف الشخص من اول مرة دا انت ممكن تعرفه علي حقيقته للاسف بعد سنين كتيييييييير
    نورتني ولا تقطع زيارتك

    ردحذف
  13. مها العباسي
    شكرا لتشريفك
    وبجد بتسعدني زيارتك جدا جدا جدا

    ردحذف
  14. Tarkieb
    اهلا بيك ف اول زيارة
    ويارب ما تكون الاخيرة
    يسعدني تشريفك

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين