الثلاثاء، 31 أغسطس 2010

ماذا تستطيع أن تفعل ...؟

في يوم قريب جدا قالت لي أختي " رشا " اللي هي ام " زياد" رحاب انا عارفة اني بتعبك بس انا عايزاكي تسأليلي علي التحاليل دي " واعطتني اوراق تحاليل لمعمل مشهور جدا " وتشوفي كدة اي حد من اصحابك الاطباء وتقوليلي هو فيه اية ...؟
كانت التحاليل لطفل  عمره عشر اشهر فقط ....ومهما ذهبوا به الي الاطباء قالوا عنده انيميا حادة وممكن ان يحتاج نقل دم ..
ثم اصبحت الحالة غريبة وتحليل ورا تحليل ورا كشف ورا دكتور يحول لدكتور تاني ..........الخ
اعرف الطفل جيدا فهو قريب لي ما شاء الله عليه لا تستطيع ان تنظر في وجهه من جماله وأنا برغم حبي للأطفال كنت اخاف ان احمله ...لآنني أول مرة احمله شعرت بمدي غرابته ...فجسمه مرتخي وليس متماسك كأي طفل وحتي " زياد " ابن اختي الذي لم يكمل الشهر والنصف اعتقد ان جسمه متماسك عنه ...
" فلفل" اسم الدلع ....وكل شوية اسأل اختي عنه لاني اخاف ان اسأل امه التي كانت تأتيني علي فترات لأقرأ لها الادوية أو اساعدها في شراء ادوية ليست موجودة  في البلد عندا احضرها لها من القاهرة مثلا ....
فوجت بالامس وانا ذاهبة لأختي " ام زياد" بأم " فلفل" تبكي ولا تتوقف عن البكاء وحالتها لا تسمح بالكلام .....وبعد وقت  استطعت فيه ان افهم من كلماتها المتقطعة ومن بين بكائها  أن  هي تشك ان طفلها مصاب بالمرض الخبيث ...والا فلماذا لم يكلمها الطبيب وطلب ان يكلم الاب علي انفراد ...ولماذا كل هذه التحاليل وصور الدم ....ومعمل غير معل ثم هذا المعمل الشهير ....انا حاولت تهدئتها بقدر ما استطيع ولكنها كانت لا تتوقف عن البكاء ابدا ....
قلت لها  اعطيني التحاليل سأسأل احد اصدقائي وهو طبيب وانا اعرف جيدا انه سيقول لي انها انيما فقط وانا تتوهمين ...
واتصلت بصديقي ...الذي من اول كلمة قال لي ...رحاب مش محتاجة كلام دي واضحة جدا ..." سرطان دم " بس يا تري في اي مرحلة ....وده اكيد وراثي ...وللأسف ان جده لأباه مكتشف هذا المرض ويعالج منه منذ سنة ...
صدمت وما عرفت  ماذا سأقول لها او كيف سيكون كلامي وكيف سأواجهها وملامح وجهي تدل دائما علي ما يعتمل بداخلي فأنا لا استطيع الكذب ...
الله كان رحيما بي ...فعندما ذهبت اليها ورنيت جرس الشقة ...لم يفتح احد .....
حاولت ان استوعب الامر رغم هوله علي ....فيا تري كيف سيكون وقعه علي الام نفسها .......؟
الساعة اتنين ونص قبل الفجر توضأت وكنت استعد للذهاب للمسجد للصلاة ...وجدتها علي باب الشقة ...حاولت اقناعها انه قال لي انها انيما فقط وتحتاج لعلاج طويل المدي ...واقسم لها ان " فلفل " بخير وسيكون بخير ....وهي تقسم لي انه سيكون مثل جده ....
تبكي وتقول لي ....ولو بقي زي جده يا تري هعمل اية ده مفيش علاج هنا ...العلاج في مصر ...وانا مش بعرف اقرا ولا اكتب كمان ودي مشكلة تانية ....طيب ولو سافرت ب " فلفل " مين هياخد باله من " سارة واسامة " اخواته ....يا تري هعمل اية بس يارب ي...ليه بس يا ربي كدة ليه هو بس يارب .....
حاولت اني امنعها م الكلام ده والاعتراض علي مشيئة ربنا .....واستهدي بالله قومي اتوضي وصللي ركعتين واحمدي ربنا واذا يا ستي  قدر الله وكان مرض فعلا زي جده ...ربنا يخليله ابوه واعمامه وان شاء الله مش هتحتاري ف شي ء....
تقولي ازاي ...اذا كانت اختك المتعلمة بتحتار لما تروح اي مكان هنا وبتاخدك معاها ....انا بق ياللي مش متعلمة ...هعمل اية واروح فين واجي منين ...؟ آآآآآآآه يا ربي ....
رجعت اقول لنفسي يار ريتني ما كلمتك يا ابراهيم ولا عرفت منك حاجة .......كذبت عليها والا كذبت علي نفسي لاني من اول مرة شفت الطفل ده وانا حسيته مش طبيعي ....
اخيرا عرفت اهديها واخليها تروح شقتها وحالفتها بالله تصلي وتتسحر وتأل الولد وتعطيه الادوية زي ما الدكتور قال ....
وذهبت لصلاة التهجد التي فاتتني للأسف .....وذهبت علي صلاة الفجر ...وكم دعوت له ودعوت لها بالصبر ....وكم هي كثيرة مشاكلها لو جلست وعددتها مع نفسي ....وكيف ستواجهها ...
والاكثر من هذا .....طفل صغير لا يستطيع ان يقول شيء او يفعل شيء مصاب بالمرض اللعين ...ولا نستطيع عمل شيء

رحاب صالح

هناك 27 تعليقًا:

  1. ربي يشفيه ويخفف عنه
    انا عشت التجربة مع ابنة ابنة خالي هي كانت تعني من الم مزمن في الراس مصحوب بقئ الاطباء شخصوا الامر في البداية على انه التهاب في الامعاء بعدها عى انه التهاب في المعدة وفي النهاية وبعد التحاليل والاشعة طلبوا منا في النهاية سكانير للرأس وعند أخد النتيجة من معمل التحاليل لاخذها للدكتور كنت انا وابنة خالي الغير المتعلمة بالتالي هي لم تقرأ النتيجة لكن انا عرفت ذلك مما هو مكتوب ان الامر يتعلق بسرطان ي الدماغ لم اعرف وقتها كيف اتصرف ولا بما سأخبرها حديثك اليوم أعادني لذكريات تلك اللحظات المرة التي لن انساما حييت
    قريبتك هذه تحتاج الى كثير من اليقين بالله والى التسلح بالامل لتستطيع التغلب على المرض وايضا تحتاج الى دعم كل من حولها وتشجيعهم أعانها الله على ماهي فيه وعجل بشفاء ولدها انه على كل شئ قدير

    ردحذف
  2. مش عارف أقول اية يا رحاب صراحة هى كتر خيرها برضه ده ابنها

    بس ربنا قادر على كل شيىء و يصبرها بأذنه

    و ربنا يوفقك دايما يا رحاب

    ردحذف
  3. بنا يقدرها ويصبرها
    الدنيا مليانه
    الحمدلله على كل شىء
    وربنا يقدرك ويقويكى على مساعدتها
    وادعيلى انا برضو عملت صورة دم النهارده
    بس مااعرفش الدكتور عايزها ليه
    لسه مش قالى حاجه
    ربنا يستر بقا
    تحياتى وحبى

    ردحذف
  4. ربنا بشفيه ويعافيه ويخليه لامه يارب
    مفيش اعتراض على مشيئة الله
    اكيد ربنا قادر يشفيه بإذن الله
    اللهم اشفى مرضى المسلمين
    وان شاء الله الدعاء مستجاب فى رمضان كلنا ندعيله ان ربنا يشفيه علشان امه
    ويشفى كل مريض يارب

    ردحذف
  5. السلام عليكم الاجيال تتألم مما فعله بنا الوزراء المرتشون
    من تلوث مياه النيل والخضراوات المسرطنه
    فما عسى مثل ذاك الطفل ان يفعل وهو ليس له فى الامر من شىء فحسبنا الله ونعم الوكيل
    من لوالده ذالك الولد ومن الذى يساعد امه الملكومه فى وليدها
    ومن يحاسب
    ومن قصر ومن يقصر الى تلك اللحظه
    فواحسرتاه على اطفال فى زمن الاقنعه تتساقط ولكن على صحه اطفالنا وعلينا فى الكبر
    فالمرض الخبيث فى الكبير يظهر فى المرحله المتأخره
    ولا امل فيه
    ويظهر منعه الجل المقبل كذالك فى بدايه عمره
    فمصر ضائعه بين جيليين من يأخذ بحق هؤلاء
    اعذرينى اخيتى
    فتلك هى الحياه انا تعبت من كلامك جد تعب بالفعل كلامك صعب جدا جدا
    من لها
    ياررب اعف عنه واشفه واشف كل مريض
    بصراحه ليس لى فى الامر شىء
    حيث العقل يتقيد عن التفكير

    ردحذف
  6. ربنا يشفيه ويصبر والدته

    ردحذف
  7. الكلاااام ده بجد يارحاب

    :'(
    بج ربنا يشفيه اللهم أمين
    ربنا قادر على كل شيء
    ربنا يصبر مامته يارب

    المهم هي تمشيه على العلاج مضبوط
    وتدعي ربنا لعلى وعسى يكشف عنه ...

    وربنا يوقفلها أولاد الحلال ياااااااارب

    ربنا يعجل في شفاه اللهم أمين

    ردحذف
  8. اللهم إشف مرضانا
    اللهم إغف عنهم و عنا

    ربنا يشفيه و يخفف عنها و يصبرها

    المرض إبتلاء من الله سبحانه و تعالى يرفع به الدرجات و يحط عنها السيئات

    دمتى بخير

    ردحذف
  9. ربنا يشفيه يارب ويصبر اهله

    كل سنه وانتى طيبه يارحاب
    زهراء

    ردحذف
  10. الحمد لله انه شخصو له المرض وان شاء الله يتعالج ويخف...التشخيص الصح نص العلاج...والاطفال الصغييرين بيستيجبو بسرعة والجسم بينمو بعد العلاج عادي...المهم الحالة النفسية لاهله لازم تكون متفائلة

    ردحذف
  11. ربي يشفيه ويخفف عنه الالم يا رب يا الله يا ارحم الراحمين

    ردحذف
  12. ربنا يشفيه يا رب
    ويريح قلب مامته واهله عليه
    يا رب يفرحهم بيه
    ويقوم بالسلامة يا رب


    مفيش حاجة بعيدة عن ربنا

    ربنا يشفيه يا رب العالمين

    ردحذف
  13. واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    واحشاني واحشاني واحشاني واحشاني
    يا روبي يا غالية

    ردحذف
  14. خواطر شابة
    تعرفي المشكلة مش ف التعليم وبس او الفلوس وبس ...
    المشكلة انك تشوفي ابنك بالشكل ده ومش عارفة تعمليله حاجة ...هي دي المشكلة
    خصوصا ان المرض ده مستشفياته محدوده عندنا وف اماكن محددة واحيانا كتيرة مش بتلاقي مكان فاضي لمريض جديد
    هذا غير ان احيانا كثيرة يكون العلاج بدون اي فائدة ...
    اعانها الله ...والله انا من يومها وانا تعبانة بسببها ...نفسيا وجسديا

    ردحذف
  15. رامي
    ربنا قادر علي كل شيء
    واحنا الاهم اننا ندعي لكل المرضي مش بس اللي نعرفهم وانا والله دايما في صلاتي ادعو لجميع المرضي

    ردحذف
  16. ايمي
    يا بنوتة انت
    قلقتيني عليك هنا وع الفيس بوك والمدونة كمان
    لاء كدة مش ينفع خالص
    لازم تطمنينا عليك

    ردحذف
  17. نهي صالح
    اللهم آميين يا نهي
    خاصة ان المرض ده اصبح منتشرا بصورة كبيرة جدا

    ردحذف
  18. اقصوصة
    الله اكرم
    المفروض بقي نقول عيد سعيد علينا كلنا...يلا كل سنة وانت بكل خير وكل الاصحاب يا رب

    ردحذف
  19. محمود
    والله كلام برضه تعبني اوووي
    لكن نعمل اية
    وللأسف ان في هناك اسباب معروفة جدا
    وكفاية اننا عارفين حكاية القمح والاغذية المسرطنة اللي دخلت البلد ودمرت المواطنين وبالاخص الاجيال الجديدة من اطفالنا
    الله يسترها معنا
    ويشفي جميع مرضانا

    ردحذف
  20. عمرو يسري
    الله يشفي جميع مرضانا
    علي فكرة انا دخلت مدوناتك وقرأت ما استطعت منهم ...بجد كتييير حلوين
    ربنا يكرمك يا رب وكل سنة وانت طيب

    ردحذف
  21. غادة
    انك تشوفي اعلان ف التليفزيون شيء
    انك تشوفي شخص مريض متعرفهوش شيء
    انك تقرئي عن شخص مريض شيء
    لكن انك تشوفي الشخص ده ويكون احد اقاربك ...فده شيء صعب جدا
    وانت اكيد عارفة وحاسة وفاهمة لأنك تقريبا عندك نفس الحالة
    الله يشفي كل مرضانا
    واحنا ما علينا الا الدعاء وبكثرة

    ردحذف
  22. المرض إبتلاء من الله سبحانه و تعالى يرفع به الدرجات و يحط عنها السيئات
    ده اكيد طبعا واللهم لا اعتراض
    لكن صعوبة انك تشوف طفل بيتألم
    الله يشفيه ويشفي جميع مرضانا
    كل سنة وانت طيب وعيد سعيد

    ردحذف
  23. اميرات الاسرار
    ربنا يشفي كل المرضي
    وكل سنة وانت طيبة وبخير وسعادة وعيد سعيد عليك وعلي الاسرة كلها وعلي كل الاصحاب

    ردحذف
  24. Tarkieb
    فعلا معاك حق التشخيص الصح هو نصف العلاج , الاهم تعرف انت بتعاني من اية تحديدا
    ويارب يستجيب للعلاج
    ويخفف عنه وعن جميع المرضي
    كل عام وانت بخير وعيد سعيد عليك

    ردحذف
  25. وردة الحياة
    الله علي الاسم وعلي الوردة
    اولا اهلا وسهلا علي الزيارة ويارب دايما منورني
    الله قادر علي كل شيء ويارب يرحمنا برحمته جميعا
    كل عام وانت بخير وعيد سعيد

    ردحذف
  26. مهموهة
    مهموهة
    مهموهة
    مهموهة
    مهموهة
    انا بجد مش مصدقة نفسي
    اخييييييييييييييييرا شفنا اسمك منور تاني عالم التدوين يا بنتي والله قلقتينا عليك كلنا كدة
    يارب تكوني بخير وبصحة جيدة وبكل سعادة انت وزوجك واسرتك ويارب تنوري مصر قريب
    كل سنة وانت طيبة وبخير وسعادة وعيدك سعيد يا جميلة
    وانت وحشتينا اكتر واكتر واكتر ووحشتينا كلنا
    الاهم تطمنينا عليك دايما
    اموووووووووووووووة

    ردحذف
  27. سبحان الله

    نست الام معانتها وبكت على معاناة ابنها

    ماشالله رحاب عليكى


    عندك موهبه عظيمه للسرد

    سعيدة بمتابعتك

    واتمنى ان تزورينى فى مدونه جايدا العزيزي


    سوف تروق لك

    وسوف اتابع مدونتك باستمرار


    تحياتى

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين