الأربعاء، 15 سبتمبر 2010

عملية جراحية ....بسيطة

برغم اني كان المفروض اعمل العملية دي من ثلاث شهور فاتوا لكن خوفي من الدكاترة بشكل عام خلاني اتأخر اووي لغاية ما تعبت اوووي , هي عملية جراحية بسيطة يمكن مأخدتش نص ساعة بس بجد تعبت اوووي كفاية اني مش عارفة انام وراسي ملفونفة في شاش وكدة يعني ومش بعرف اصلي ولا بعرف البس طرحة .....اهيء اهيءاهيء
يوم العملية اللي هو كان امبارح كان يوم غريب وعجيب بس يمكن اللي طمني ان حصل شيء مش متوقع وكانت مفاجأة حلوة لي قبل ما اعمل العملية ...
جائني طرد بريدي به هدية .....من صديقة عزيزة علي جدا من العريش ....مديحة البياضي ...التي اعتز بصداقتها منذ اكثر من خمسة عشر عاما برغم ان صداقتنا بدأت بالمراسلة عن طريق الخطابات وعن طريق روايات مصرية للجيب
هدية غير متوقعة ف وقت غير متوقع تماما ....حتي الهدية في حد ذاتها شيء اعجبت بيه وكنت ناوية اشتريه بعد العيد ....وكأن مديحة كانت شايفاني عبر القمر الصناعي لتشتري لي نفس ما اعجبت به .....
حبيبتي مديحة ربنا يخليك ويكرمك ويخليلك حبيبة وزياد يا احلي وارق واكرم من عرفت في شمال سيناء .....
روحت انا واخويا بس لاني مش كنت حابة اي حد يعرف غير بيتنا حتي اخواتي المتجوزين والله ما عرفوا الا بالصدفة وزعلوا اووي  لاني بجد مش بحب اتعب اي حد .....
المشكلة بجد اني مش بعرف انام ولا اصلي الا بصعوبة ...لكن الحمد لله علي كل شيء
الاهم من ده كله اني مش كنت برد علي موبايلي خااااالص وده خللي القلق ينهش ف اصحابي وعلي الفيس بوك بدأو يسألوا فين حوبة ورسايل ومكالمات في البيت للي يعرفوا رقم البيت وكدة يعني ....عملت انا مشكلة ....
بجد بحب اني متعبش حد لكن بحب احساس الحب وان حد مهم واني محبوبة ....
بحبكم كلكم ...وحتي للي مسألش علي لانه ميعرفش ....
ويارب كلكم معافين من المرض ...وتكونوا باحسن حال دوما
ادعولي .....
حوبة

هناك 28 تعليقًا:

  1. حمد الله ع السلامة ياريسة

    ردحذف
  2. الف سلامه عليكى
    يارب
    تكونى بخير
    دائم
    اهم حاجة انك تلوقتى
    كويسه
    يارب
    يبعد عنك الازى
    يارب

    ردحذف
  3. الف الف سلامة عليك والحمد لله على سلامتك وربي يتمم شفائك على خير ان شاء الله
    عزيزتي المؤمن مصاب فربي يجعل ما عانيته من غفران الذنوب
    دمت بكل الود عزيزتي

    ردحذف
  4. الف سلامة عليكى يا قمر
    ربنا يتمم شفاكى يا حبيبتى

    و منتيش عارفة غلاوتك
    و لا إيه؟؟!!

    خلى بالك من نفسك
    و ربنا يطمنا عليكى دايما

    -------------------
    http://3.bp.blogspot.com/_R-sZBYqLW5A/ScuLW-oivFI/AAAAAAAAAEA/I8a0OqCgXpg/s400/get_well_soon_6.gif
    ------------------
    http://majdah.maktoob.com/vb/up/2034181838235286182.jpg
    ------------------
    http://www.menafn.com/updates/pr/Spr%C3%BCngli%20Chocolate%20pic%20.jpg
    -----------------------

    ردحذف
  5. ألف حمد الله

    ع السلامة

    أنا معاكى الطب المصرى وصل معايا لدرجة الخوف أنى أتعالج فى أى مستشفى

    حتى لو خاصة

    ربنا يديم عليكى محبتك انت و صحبتك (:

    حمد الله ع السلامة

    و تقومى بسرعة بالسلامة (:

    ربنا يوفقك و يكون معاكى

    ردحذف
  6. حمد الله ع السلامة

    ردحذف
  7. ايه يا حبيبتى سلامة رأسك انا مش عارفه ليه كنت فاهمه ان الوجع عندك فى المعدة معرفش انها حاجة فى الرأس

    الف سلامة عليكى و حمدلله على سلامتك...يارب تكونى دلوقتى احسن و راضيه عن نتيجة العملية

    ردحذف
  8. الف سلامة عليكى
    يارب تكونى كويسة وبخير
    ويبعد عنك كل شر
    سلامتك الف سلامة

    ردحذف
  9. شافاك الله وعافاك أختي الكريمة، وطهورا إن شاء الله..

    كنت هنا..

    ردحذف
  10. الف الف سلامه عليكي ويارب تكوني باحسن حال

    ردحذف
  11. الف حمد الله على السلامه
    ويارب دايما تكونى بخير
    حمد الله على السلامه
    سلامتك الف سلامه

    ردحذف
  12. الف سلامة عليك وان شاء الله تكوني باحسن حال قريب
    وكويس انك عملتي العملية وخلصتي منها اصل انا كمان مش باحب الجو بتاع العمليات والاطباء وكده :)
    الحمد لله عى سلامتك :)

    ردحذف
  13. تركيب
    الله يسلمك من كل شر
    ميرسي جدا

    ردحذف
  14. محمود
    الله يسلمك وشكرا خالص علي زوقك

    ردحذف
  15. خواطر شابة
    الله يسلمك
    وانا عارفة ان المؤمن مصاب
    بس بجد المرض حاجة وحشة ومؤلمة جدا

    ردحذف
  16. فاتيما
    وحشاني يا قمر
    الله يسلمك وانا طبعا عارفة غلاوتي عندكم كلكم
    بس انت عارفة بقي لازم شوية دلع

    ردحذف
  17. رامي
    الله يسلمك
    وصحيح معاك حق بخصوص المستشفيات والدكاترة بس نعمل اية بقي
    انا حاسة ان بقي عندي فوبيا منهم
    الله يسلمك يارب من كل شر

    ردحذف
  18. تيرز
    انا بينطبق علي ما قاله اكثر من طبيب معالج لي " في اجسام بتقاتل اي امراض او فيروسات وميكروبات وكتير بتقاومها وتنتصر عليها , وفي اجسام عكس دي خالص سهل انها تصاب باي فيروس او ميكروب ....لان مناعتها ضعيفة ومبتقدرش تقاوم ....انا بقي من النوع الاخير ده ...مناعتي ضعيفة نسبيا ومش بتقدر انها تقاتل او تقاوم اي ميكروب حتي ولو كان بسيط..." الحمد لله علي كل شيء
    شكرا لسؤالك

    ردحذف
  19. نهي صالح
    الله يسلمك من كل شر
    ويارب يبعد عننا كل حاجة وحشة

    ردحذف
  20. خالد ابيجيك
    الله يسلمك
    والله يعافيك من كل شر

    ردحذف
  21. هوبتي
    الله يسلمك
    وعيد سعيد عليك ولو انها متأخرة

    ردحذف
  22. عمرو يسري
    الله يسلمك
    وشكرا لسؤالك
    وان شاء الله قريب ارد علي الواجب اللي كلفتني بيه

    ردحذف
  23. تيمو
    ومين بيحب الدكاترة والعمليات ...؟
    الله يعافينا كلنا
    الله يسلمك ويارب بخير دايما احنا كلنا

    ردحذف
  24. اعقل مجنونه
    الله يسلمك
    وكل سنة وانت طيبة وبخير دايما

    ردحذف
  25. الف سلامه على حضرتك

    اسال الله الكريم
    رب العرش العظيم ان يشفيكى

    طهور باذن الله

    ردحذف
  26. عصفور السطح
    اهلا وسهر وصباح الوردونورتني
    الله يكرمك والحمد لله علي كل شيء

    ردحذف
  27. الف الحمد لله على قيااااااااااااااامك بالسلامة :)

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين