الخميس، 22 سبتمبر 2011

بلادي ...بلادي ....لك..... دمي ....يهدر بلا توقف

بلاد العرب أوطاني ...وكل العرب إخوان
ليبيا.......
قتال بين مؤيدي ومعارضي الرئيس الليبي معمر القذافي.....
بعد ما قتل أكثر من نصفهم  هل مازل هناك من يؤيده....؟؟!!!
سوريا......
قتال بين مؤيدي ومعارضي  بشار الاسد ......
وهناك مقال للناقد الفني طارق الشناوي في جريدة التحرير بعنوان" الشعب السوري  أسقط المهرجان الدموي" بشأن مهرجان دمشق السينمائي الدولي يوم 20 نوفمبر  والذي قاطعته نقابة السينمائين المصريين  تضامنا مع الشعب السوري  المناضل وكانت اولاهم الفنانة سوسن بدر وهي عضوة في لجنة التحكيم .....
وكان بشار يراد بإقامة المهرجان أن يرد علي العالم أن كل شيء تحت إمرتة ومحكوم بقبضتة  والدليل هو المهرجان
وده لينك المقال  للي يحب يقراه

مصر.....
يا حبيبتي يا مصر ......
عقدة سوازان مبارك أو ظل هذه السيدة   كما كتب ابراهيم عيسي ف التحرير عن ان زوجات مرشحي الرئاسة لم يظهرن اعلاميا  لخشيتهم من عقدة سوزان مبارك السيدة الاولي  ومشهدها الشهير بشأن تمزيق ورقة تعين عمر سليمان نائب رئيس ...
وده المقال ....http://tahrirnews.com/%d9%85%d9%82%d8%a7%d9%84%d8%a7%d8%aa/%d8%b8%d9%84-%d9%87%d8%b0%d9%87-%d8%a7%d9%84%d8%b3%d9%8a%d8%af%d8%a9/
تفتكروا ان ده الحل الصح ...؟ إن زوجات المرشحين يخافوا بالشكل ده ....
هو مين اللي ابدع لقت سيدة مصر الاول...؟
طبعا السيدة جيهان السادات زوجة الرئيس الثاني لمصر  محمد انور السادات  لانها كانت ومازالت للأسف  شخصية مظهرية تحب الظهور الاعلامي والتشبه بالغرب  ....
احدي صديقاتي قالت لي " الله يرحم مرات عبد الناصر ...كانت ست مصرية مائة بالمائة ,,, تفتكري انه ممكن السيدة الاولي تبقي تحية عبد الناصر ...؟ ....قلت مستحيل ...., وليس عيبا في السيدة الجليلة التي نكن لها كل احترام ...انها سيدة امية مصرية  ليس لها أراء سياسية  او ظهور اعلامي وكانت بتصيف مع جوزها ف جمصة مش شرم ولا بورتو مارينا ...,,,,  لا ليس لهذا بل لآن كل سيدة من زوجات المرشحين تضع نصب عينها  ما قعلته سوزان وجيهان من قبل وان كن سيختلقن  غير ما فعلت سوزان وجيهان  ...يعني بالعربي كدة  هيقولوا بنعمل  اعمال خيرية   مش مصالح لينا ...واه يا خوفي وقتها .....
                                     * * * * *
برغم ان كل مرشحي الرئاسة بيقولوا عايزين الصالح العام .....لكن
أولادهم أو زوجاتهم بيعملوا العكس خاااااااااالص .....
حكاية بنت البرادعي ...اللي قللت من شعبيته...للأسف  برغم اني ضد اللي حصل معاها
سلمي حمدين صباحي  اللي بتاخد سبعة مليون جنية ف برنامج مش هي المذيعة الوحيدة فيه  لاء معاها ست سبع مذيعين تانية وبرنامج مش كبير او ناجح نجاح مهول عشان تاخد المبلغ ده...والا عشان هي سلمي حمدين صباحي...؟
والا عشان صدقت انها مطربة بجد وصوتها حلو والشريط بتاعها كسر الدنيا....علي فكرة سمعت لها اغنيتين ولحنها مسروق عيني عينك  من لاغنيات قديمة مشهورة معروفة ده غير صوتها اللي اصلا مش مسموع...هو صوت الكورال اللي حلو
واللي عايز يسمع ويحكم بنفسه ف اليوتيوب  فيه كل حاجة
                                       * * * * *
صديقتي بتحب ابرهيم عيسي جداااااا ولما شافت صورته مع حمدين صباحي قالت " يا خوفي يقول انه مؤيده ساعتها هكرهه أووي  ومش هقرأ مقالاته تاني"
قلت ف عقل بالي اما لو عرفتي انه كان ف بيت عيسي ف رمضان  ف اجتماع التوافق  او الدعوة التاريخية اللي شباب ائتلاف الثورةة نادي بيه هتعملي اية ....؟
هو احنا لية مبنعرفش نفصل بين ده وده....بين اللي نحبه واللي منحبوش ...بين الشخ وكتاباته والا الشخص بتطغي عليه كتاباته ...
بفتكر ان في ناس كتيرة كانت بتحب فنانين او كتاب او روائيين , لكن مع عرض أرائهم ايم الثورة تغير حبهم او تأيدهم ليهم
وده بيخليني افكر هو الفنان فنان وبس والا لازم يكون له راي ف كل شيء ف بلده ....؟
ويحضرني هنا ايضا مقال دعاء سلطان بين الملك والهضبة ....موقف عمرو دياب الصامت من الثورة وقوله انا فنان وفقط...وبين محمد منير  واغنية إزاي....؟واللي كلامها فيه بعض الكلمات مش مفهومة ومش مهضومة....
أخيرا وليس أخر.....
هو دم الشهداء ده ثمنه فلوس....؟
اقصد يعني يستحق فلوس....؟طيب كام...؟ ملاييين...؟ وهو ده يا تري حقهم...؟ عشان المحامين يطالبوا بيه...؟
من رأيي لاء......لان الفلوس عمرها ما كانت ثمن....الاولي انهم يكون لهم ثمن معنوي وتقديري
اسم شارع اسم مدرسة اسم ميدان اسم محطة مترو  اسم مستشفي .....اسم يبقي ويستمر وقصة تحكي  ويستمر حكيها  دوما لجيل بعد جيل  بعد جيل .....لتكون معني وقدوة تأثيرا وتأثر ....

هناك 9 تعليقات:

  1. السلام عليكم
    عود جرئ
    بمقال ساخن
    بسخونة الاحداث
    نفسى يكون همنا مصرنا ووطننا ونسيبنا بقى من الكلام ع الفاضى والمليان
    نفسى مش كل واحد يقول ابن مين بس هو عنده ايه بيجيده ونقيمه على اساسه
    لسه الطريق طويل
    بس مادمنا عايشين ادينا مكملين
    دومتى بخير

    ردحذف
  2. مساء الخير

    العنون تحفة بلادي لكي دمي يهدر بلا توقف

    لبيا و سوريا ربنا يكون بعونها

    بس همهمش قصة مؤيدين

    لكن نظام الحكم في لبيا عشائري متل ما هو حزبي كان في مصر ( الحزب الوطني هو المصيطر )

    و في سوريا طائفي يعني الطائفة العلوية الي منها بشار القرد

    و لازلنا نمتلك من جنات الجهالية ما نملك ( انصر اخاك الظالما او مظلوما ) و هذا ما يحصل انصره بجهل بصرعة و تخلف
    ألا لا يجهلنا أجد علينا فنجهل فوق جهل الجاهلين او لعله نقتل فوق قتل القاتلين

    و بالنسبة لزوجات المرشحين و الله كويس لو كانوا اخدوا من سوزان درس رادع لعه خير على القل تكون فادت بشئ قبل ما تغور

    و طبعا الي بيحكم شعب قادر يحكم و يسيطر على اهل بيتوا من زوجه و ابناء فلا يختلفون عن سواهم من عامة الشعب

    ولنا اسوة حسنة في عمر ابن الخطاب حين جاءه احد الاقباط من مصر يشتكي من ابن عمر ابن العاص حين ضربه بعد ان غلبه في سبقاق الخيل ان كيف له ان يسبق ابن الاكرمين

    فبعث و استدعى عمر ابن العاص و ابنه و اوقفهم امام القبطي و قال له خذ و اضرب ابن الاكرمين و اباه و اردف قائلا كيف استعبدتم الناس و قد ولدتهم امهاتهم احرار ؟

    و موضوع الشهداء اقتراحك رائع افلوس زائله لكن الذكرى دائمة فلتخلد ذكراهم لتبقى في الوجدان و هذا ما يستحقون جراء تضحيتهم بدمائهم و اروحهم لاجلنا

    صح نسيت موضوع الفنين
    في هذا الصدد انا احترم من يعرف مقدار نفسه يعني لتقل خيرا او لتصمت

    في النهاية تقبلي مروري

    تحياتي برفع القبعة

    ردحذف
  3. مفيش حريه ببلاش ولازم يكون تمنها دم وده شئ مسلم بيه اما الناس اللي بتدافع عن بشار مجموعه من المستفيدين او يربطهم قرابه ودول طبيعي يخافوا على نفسهم ربنا يصبر اهلنا في سوريا وليبيا
    اما الفنان اللي يبعد عن السياسه افضل بكتير من اللي يعك عشان يجامل وهو مش مقتنع بكلامه او ليه راي
    تحياتي على مقالك الجميل
    ودمائنا فدى الاوطان

    ردحذف
  4. حمد الله علي السلامة
    بوست جميل طبعاااااااااا

    ايوة احنا مابنعرفش نفصل
    واللي يحب اللي بنحبه يبقا حبيب
    واللي يحب اللي مش بنحبه يبقا
    عدو
    :))
    ماعندناش وسط ابداااا
    بالنسبة للراحلة تحية عبد الناصر
    فا هي لم تكن امية بالعكس
    كانت متعلمة
    ومثقفة
    وكانت بنت بيه من الزوات وقتها تسكن بيت مابين الفيلا والقصر
    ولكن كانت تفضل البيت نزول علي رغبة زوجها
    لكن كان لما بيبقا في بروتوكولات كانت بتروح
    ولكن لاتنشر صورها في الجرائد
    بس هدي عبد الناصر نشرت الصور دي في كتابها عن والدها
    نشرت صور لعبد الناصر والسيدة تحية في حفلات الاستقبال سواء في مصر او الخارج

    ردحذف
  5. مش عارف فى حاجات كده عايزة تظبط

    من قال ان السيدة تحية عبد الناصر امية
    بالعكس كانت متعلمة و عائلتها غنية

    اما سلمى الصباحى من قال لكى انها تتقاضى سبعة مليون هذا كذب
    سلمى صديقة شخصية و بنت مصرية بصحيح و صوتها فعلا حلو و بنت مصرية بسيطة زى اى بنت بتركب ميكروباص و تزوجت من شاب بسيط جدا رغم الذين تقدموا لها
    كما انها فى التحرير من اول يوم تجلس و تنام على الارض مثل الجميع
    اعرف ان شهادتى مجروحة لكنها كلمة حق لوجه الله
    باقى البوست متفق معكى تماما

    ردحذف
  6. صباح الورد رحاب

    بالتأكيد سيكون هناك مناصرين لبشار

    والقذافي وصالح وغيرهم من الطواغيت

    فهذه هي الحياة حيث يصعب أن تجدي

    شخص يتفق الجميع على كرهه أو على

    حبه ولكن أعتقد بات سقوطهم قريب

    جداً وسيقول الشعب كلمته على ساحة

    القصاص العادل فيس الدم برخيص حتى

    يفلتوا من فعلتهم ...

    أعتقد الفنان مواطن من حقه مثل بقية

    المواطنين إبداء رايه وإذا كانت

    الثورات قامت لدحر الديكتاتورية

    فأين الديمقراطية في مصادرة حق

    الفنان في إبداء رأيه مهما كان أم

    أننا نمارس الحرية من مفهومنا الخاص

    بمصالحنا دون غيرنا ...

    لم أحبذ ربط ما فعلته ابنة البرادعي

    بوالدها مع إصراري الشديد بأن محمد

    البرادعي ليس أفضل من يحكم مصر في

    هذه المرحلة الحرجة وهناك افضل منه

    أما خوف زوجات المرشحين من الظهور

    بسبب جيهان أو سوزان سيدات مصر

    الأولى فهذه قلة ثقة بالنفس فرغم

    حضور جيهان السادات الطاغي في كل

    مكان إلا أن أي سيدة أولى أخرى تستطيع

    فعل أكثر من ذلك بكثير وتكسب حب

    الشارع المصري ومثلما أن للمرشح

    برنامج إنتخابي يقنع به الشعب

    فأعتقد أن السيدة الأولى لابد أن يكون

    لها ايضاً برنامج إنتخابي تسير عليه.

    تحياتي وإحترامي

    ردحذف
  7. اللهم انصر اخواننا فى سوريا واليمن

    ربنا نصرنا وإن شاء الله هو حافظ ثورتنا

    واللى جاى أحسن كتيير إن شاء الله

    حمدالله على السلامه
    تحياتى

    ردحذف
  8. ان النصر مع الصبر

    وان طال الليل على اد ما طال

    لابد من طلوع الفجر

    وان طال العمر على اد ما طال

    لابد من نزول القبر

    ان لكل ظالم نهاية هو وحاشيته

    لانه لو لم يكن هناك مؤيدين للظلم

    والظالمين لم افسدوا حياة الشعوب

    ===========
    فى النهاية ان الله يحق الحق بكلماته و

    لو كره المجرمون

    ============

    تحياتى على هذا المقال الرائع

    مع انى لا افهم فى السياسة لكن ما

    اعرفه انى لا احب الظلم ولا الظالمين

    جعلهم الله عبرة لغيرهم على مدى السنين

    وارانا فى كل حاكم ظالم واعوانه ما

    تسر به نفوس مؤمنة لا نعلمهم فانه لا

    يعجزه شئ

    حين نعجز عن محاربة الظلم واعوانه

    بكل طرق ووسيلة هنالك ياتى نصر الله

    ضاقت واستحكمت حلقاتها ثم فرجت وكنت

    اظنها تفرج

    ارجو ان تقبلى تحياتى ويسعدنى مرورى هنا كثيرا

    وفقكم الله لم يحب ويرضى
    زهرة

    ردحذف
  9. ازيك يا رحوبة


    من ساعة ما قريت التدوينة
    وانا عاوزة اعلق على كل حرف
    بس اكتشفت
    انى هكتب تعليق اطول م البوست ...

    بس ممكن اختصره ف جملة واحدة


    نفسى تبطلى تتصدمى كدا
    عشان هذه الدنيا
    لن تتوقف عن ادهاشك


    ولو كل حاجة هتاخديها
    بهذا المنطق
    هتتعبى جدااااا
    وانتى مش ناقصة


    يعنى يا ريت
    القليل من الحساسية
    مع كثير من التقبل
    عشان اعصابك يا بنتى
    وصحتك
    ومزاجك
    ودول كلهم اهم ...
    من أى حاجة تانية ...


    خالص ودى يا حبيبتى
    وأسفة لأنى مقصرة معاكى قوى

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين