العنوان جه معايا كدة
معرفش لية
يمكن من كلام فاتيما
عايزة اقولكم ان اول مرة ف حياتي احضر لقاء مدونين كان في ابو الريش
تقريبا كدة ف 2009 وقتها كنا ف الكلية وكنت لسة بدأة التدوين ومكنتش اعرف غير غادة صاحبتي وبس من المدونين وهي اللي قالتلي علي اللقاء ده
فاكرة بالظبط كل حاجة حصلت ف اليوم ده وفاكرة كل الناس الحلوين اللي شوفتهم هناك وعرفتهم " فاتيما وخالد همس الاحباب وشريف باشا ومصطفي ريان وبنت خيخة واي كلام وكيارا وابو حميد ووليد الدوغري وغيرهم وغيرهم
صحيح انا اتبرعت بمبلغ صغير وصغير اووي كمان لاني مكنتش عاملة حسابي انا واصحابي صحيح احنا روحنا من الكلية علي هناك بعد ما غادة جمعت مبلغ من اصحابنا وزملائنا في الكلية عشان نروح بمبلغ يستاهل
بس انا لما فكرت بعدها اذا كان المبلغ اللي انا اتبرعت بيه هينفع والا لاء لقيت ان في ناس بيفرق معاهم اووي الربع جنية مش الجنية او العشرة جنية .....بيفرق اووي المبلغ البسيط اللي احنا بنستهون بيه ونقول هنتبرع بيه ....؟؟؟!!! ده مبلغ ميساويش .....
صحيح المبلغ ده ميساويش بالنسبة لك ......جنية او عشرة ....لكن لغيرك يساوي ويساوي اوووي
ف مستشفي ابو الريش ناس محتاجين لكل قرش مش هقول جنية
مش بيعملوا اعلانات زي اعلانات الاورمان ورسالة ومستشفي 57 او مجدي يعقوب ....وانا مش بعيب ف الناس دي لاء والله
بس بقولكم انهم مش بيعملوا اعلانات عشان الناس تعرف انهم محتاجين
وانا معرفش ازاي فاتيما بتعرف انهم محتاجين الادوية دي او الجهاز ده او الفلوس دي او التبرع بالدم بس بيتهيئلي ان في حد م المدونين بيشتغل هناك او بيعرف اشخاص هناك وبيعرف احتياجتهم
وكل سنة ف نفس الميعاد بيروحوا وبيقدموا لهم اي احتياجات
فاكرة اني اول ما حضرت اللقاء ده برغم اني كنت تعبانة م الموصلات والحر الا اني جيت مبسوطة وجوايا شيء غريب وجميل
فاكرة اني جيت وقتها وانا مصممة اكتب عن اليوم ده وكتبت عنه في الجريدة اللي كنت بشتغل فيها وف اكتر من جريدة تانية وده مفيش حد يعرفه م المدونين لاني وقتها كنت حابة اكتب وبس عن الحدث حتي مكتبتش اسمي من ضمن الاسماء اللي كتبتها ف ال مقال
دلوقت بسأل أهل الخير اللي ف القاهرة وغيرها واللي يقدروا يروحوا يا تري ليك ف الخير.....؟؟!!!
وكمان في ايفينت ع الفيس بوك هنا
سألت ناس بعرفهم اذا كان ممكن يتبرعوا وانا معاهم لو مقدرتش اروح ف اليوم ده اني ابعت المبلغ ده بحوالة بريدية ل أبو الريش عن طريق احد المدونين
يا ريت يا جماعة بجد اننا نقدر نساهم ولو بجزء بسيط ولو بطبطبه علي كتف اي مريض او اي شخص محتاج
ومتنسوش الدعوات اللي هتاخدوها وقتها
ملحوظة
الصور لاطشاهم من عند فاتيما
وفقكم الله لما يحبه ويرضاه آمين
ردحذفازيك يا رحاب
ردحذفما اجمل روحك
و ما ابسط و اوقع ما كتبتى
ربنا يجلزيكى كل خير يارب
تحياتى
ربنا يكرمك يا رحاب ويجازيكي كل خير إن شاء الله ويجعل هذا اليوم في ميزان حسنات كل المشاركين اللهم آمين
ردحذففاكر أنا اليوم ده لأنه بجد كان يوم جميل جداً بكل الناس الحلوة والقلوب البيضا اللي شرفت فيه وحقيقي انبسطت جداً واتشرفت بمعرفتكم اليوم ده :)
كل سنة وانتي طيبة وبألف خير وصحة وسعادة
حلو العنوان جداااا يا رحاب
ردحذفوألطشى براحتك يا ماما
دا اجمل لطشان اللى ف الخير دا
:)
ويارب تقدرى تيجى
يا رب
جزاكى الله كل خير :)
ردحذفربنا يوفقكم
ردحذفوجزاكم خير
وإن شاء الله أكون مشارك في مرات جية
مساء الورد رحاب
ردحذففي البداية بارك الله فيك وجزيتي خيراً فالدال
على الخير كفاعله وأتمنى من قلبي أن يتفاعل
الجميع وتذهب أعمال الخير لمكانها الصحيح
والتي تحتاجه بشدة ...
تحياتي وإحترامي
اسفه يا رحاب أني برد متأخره
ردحذفانما كان في شيئ في نفس ابن يعقوب وكنت عايزه اشوفه الاول هينفع ولا لاء
بس الحمد لله نفع وربنا قضها علي خير
وهي أني رحت ابو الريش في الميعاد
وقبلت فاتيما والمدونين الحلوين الطيبين
وبشكرك انتي وفاتيما ونورا كتير
لاني حاسه أني عملت شيئ كبير
واني اول مره انام وانا مش زعلانه من نفسي
رحاب فاتيما بنت خيخه
شكرااااااااااااااااااااا
ودي ومحبتي وتقديري واحترامي
اه صحيح
انا كان نفسي أشوفك جدا جدا
بس بردوا الفضل يرجع ليكي انتي وفاتيما فاني اتشجعت ورحت
ويارب السنه الجايه اكون بمصر علشان اروح معاكم واشوفك المرة دي
عذرا للاطاله
كل سنة وانتي طيبة بمناسبة عيد الفطر المبارك
ردحذفاعاده الله عليكي وعلي اسرتك بالخير والبركة
كل سنة و انت طيبة
ردحذفو عيد سعيد عليكى و على الأسرة
(:
كل سنة وانت طيبة المستشفي ده انا اعرفه كويس لاني كنت من المنطقة دي ايام زمان ....ياه صعب اووووي اشوف المستشفي ده زمان كان بيتبني من المعونة اليابانية وكان تحفة ساعاتها ودلوقتي بقى زي مشتشفي ابو الريش القديم قبل ما يتهد....عيد سعيد مرة تانية ولما تروحي هناك تاني سلميلي على كل المنطقة دي....
ردحذفبارك الله فيكى
ردحذفممكن التواصل معنا لمعرفه إحتيجا مستشفى أبو الريش او تنظيم أى زياره للأطفال المرضى و نشكر مجهوداتكم و مساهمتكم من أجل أطفالنا
ردحذفwww.abuelrishfriends.com
https://www.facebook.com/A.F.N.G.O
https://www.facebook.com/abuelrishfriends
https://twitter.com/AbuElRishFriend
جمعيه أصدقاء مستشفيات أبو الريش للأطفال
لمستقبل أطفالنا
ممكن التواصل معنا لمعرفه إحتيجات مستشفى أبو الريش او تنظيم أى زياره للأطفال المرضى و نشكر مجهوداتكم و مساهمتكم من أجل أطفالنا
ردحذفجمعيه أصدقاء مستشفيات أبو الريش للأطفال
لمستقبل أطفالنا