السبت، 23 فبراير، 2013

شخابيطي ...............9



0
لا تدري لماذا هي دوما تتحدث مع اي شخص بسهولة غير صديقاتها
ولكن لا تدري لماذا كان هذا يثير غيرتهم وغيظهم ....؟
" لما تكون هي بتتعامل بطبيعتها وعفويتها " 

1
هو ....بتحبي الاطفال ...؟
هي ....بموت فيهم ....^_^
هو....خلاص انسي اننا نتجوز ...
" لما هو  يحط عقد لمفاوية عشان يخلع م الجواز بــشياكة " 

2
 
الطبيب " مبروك انت حامل بــ ولد "
هي " بس انا مش عايزة ولد أنا عايزة بنت ...
ممكن تغيره ببنت ...^_^

3
هو " علي فكرة  ....أنا بحبك ...
هي ....وانا كمان يا حبيبي
هو ....لا يا طنط انت مش فاهماني ...
هي ...؟؟؟؟
هو ...انا عايز اتجوزك....
" لما يكون الاطفال متعلقين بيك لدرجة الجنون "
4
هي " علي فكرة  انا جوزي قالي بلاش  أمشي معاكي تاني ولا أكلمك تاني ولاحتي  أشوفك "
انا " لية كدة ؟؟؟!!!"
هي " خايف لا البيبي الي اجيبه يكون  قصير زييك كدة ولسانه طويل "
" لما يكون حد بيحبك لدرجة انه عايز يخرجك من مودك الوحش بأي شكل "
5
هما الخمسة وقفوا وف نفس واحد قالولي "في إية كان بيقولك إية ؟ وعايز إية ..؟ هو إسمه إيه ؟"
أنا بصيت لهم كدة ومردتش عليهم وروحت قاعدة علي مكتبي وحاطة رجل علي رجل
بس يعني ...احم ...هما مسكتوش ...
وبعد طيخ طاخ طوخ
قلت " يا بنات عادي كان بيتعرف عليا "
" لما يعجب بيك شخص انت متعرفوش  لمجرد انه سمعك بتتناقش بموضوعية ويحب يتعرف عليك بعد ما سمعك "

 6 
في عيد الحب كانت ترتدي أجمل ما لديها ليراها أجمل الفتيات
وذهبت للعمل الذي يجمعهما سويا
لكنها لم تجده ...
قلقت عليه ...
هاتفته لم يرد عليها 
لم تفكر في أنه قد يكون منشغلا بشيء ما ...فكرت فقط بقلب عاشقة
وعاودت الاتصال....
ولكن مع صدمة الرد بأنه " في إية ...بتتصلي لية في حاجة مهمة ؟ "
" حبيت بس اقولك هابي فلانتين ...النهاردة عيد الحب انت ناسي والا إية ؟"
هو " والله انت رايقة ...حد فاضي للكلام ده ..."
" لما تفكر فـ حبيبك بشكل رومانسي  وهو...ولا هو هنا "

7
أخباري انا ...
موزعة بين ....
* اني أصبحت " خالتو " للمرة الثامنة  لبامبينو زي العسل _ مش شبهي الحمد لله -" اسمه إياد " ابن اختي رشا
* إني شاركت ب بقصة " لن تقرأوها هنا ...بل ف كتاب  جماعي أخر ...له قصة أخري " إنتظروها "
* أن هناك حفل توقيع  لكتاب المائة تدوينة الثاني" نوافذ مواربة " الذي شاركت به  يوم الجمعة القادمة إن شاء الله  والايفنت هنا ....

وأكيد هستناكم .....

‏هناك 17 تعليقًا:

  1. اذا كنت اسميتى ماسطرتيه شخابيط فانا اسميها شموع اضاءت ليلة عيد الحب
    بجد خواطر سعدت بها كثيرا

    ردحذف
    الردود
    1. ربنا يخليك استاذنا الفاروق
      منورني دايما

      حذف
  2. طيب أبدا منين
    هجيب من الآخر
    الأول حمد لله علي سلامة اختك ومبرررروك البيبي

    ثانيا الف مبررررررررروك مشاركتك في الكتاب الجماعي

    وفي انتظاره ان شاء الله

    ثالثا مبروك للحفلة وان شاء الله موفقة دايما

    اخيرا خواطرك جميلة بتحصل فعلا

    تحيــــــاتي
    كانت هنا ورحلت
    Asmaa Fathy

    ردحذف
    الردود
    1. بقيتي خالتو للمرة الثامنة
      يالهوي

      اختك خلفت 8
      ماشاء الله
      المهم مبروك ع الحفلة والكتاب
      وخواطرك جميييييييييييييييييييييلة جدا ومنمنمة

      حذف
    2. هههههههههههههههه لا طبعا
      بس لانا عندي ثلاثة اخوات متزوجات الكبيرة عندها ولدين وبنتين
      واللي ف النص بنت وولد
      الاخيرة رشا عندها ولد وولد هههه كدة يبقوا تمانية
      نفسي اببقي عمتو بقي
      اصل انا عندي اخ واحد بس ^_^

      حذف
  3. هومين بقى اللي اتعرف عليكي ده
    هههههههههههههه
    تحياتي

    ردحذف
    الردود
    1. لالالالالالالالالالا مش هقولك وانا مكتبتش كبل الي حصل عشان التساؤلات الغير ظرفة

      حذف
  4. رقم 3 أنا عايشتها بس مش بالصراحة دى :)
    أنا كنت بعتبره ابنى (خمس سنين) وهو بيعتبرنى حبيبته بجد
    كان مرتبط بيا جدا وبيخاف عليا وبيغير كمان ^_^
    وخد رقم موبايلى وكان مصمم إنه يعزمنى فى يوم ع الغدا عندهم فى البيت !

    وبعد ما بقى فى ابتدائى بقى يعدى عليا ما بين حصصه علشان يقولى "مش عايزة حاجة "

    جو البراءة والحب النقى ده أجمل شعور فى الدنيا بجد :)

    ردحذف
    الردود
    1. بس بيكون ليها لذة حلوة اوووي
      المصيبةو بقي ان مراهق يقولك الكلام ده لانه معجب بطريقتك ف التعامل مع الطلاب
      ودي حصلت معايا كتيييييير السنة دي .....
      بس الحمد لله عرفت اتعامل مع الموضوع

      حذف
  5. الردود
    1. ؟؟؟؟؟؟
      اولع فيك يا ازهري يعني
      تعرف لو مجتش المنصورة عشان حفلة التوقيع
      هتصل بــ طنط واعيطلها ههههه
      وهي علي فكرة هتقولك كدة عيب اوووي لازم توح عشان خاطر حوبة

      حذف
  6. اولا ازيك وحشتيني بجد
    ثانيا بقي ايه الحاجات الحلوة دي
    ثالثا مبرووك وعقبالك يارب لما ربنا يكرمك بالزوج الصالح والذرية الصالحة ان شاء الله
    رابعا (4) حلوة بس ياريت ملكيش دعوة بالقصيريين والطيب احسن
    خامسا مبرووك علي حفلة التوقيع وانا عايزة نسخة مليس دعوة
    لأني مش هعرف اجي اهيء اهيء
    سادسا بقي ولا كفاية عليكي ههههههههههه انا بحبك علي فكرة

    ردحذف
  7. 2
    ههههههه ضحكتني اوي دي وعجبتني :)

    3
    بحب دا اويي بس غالباً بيكون العكس انا اللي متعلقة بيهم :)

    4
    روعة :)

    7
    الف مبروووك وموفقة بكل أمور حياتك إن شاء الله :)

    ردحذف
  8. ادعوكِ لزيارة مدونتي المتواضعة
    وذكر رأيك في ( في دار المسنين )
    آخر كتاباتي حالة عشتها للأسف
    وتأثرت بها ولم أستطع نسيانها فقررت أن أكتبها
    علي هذا الرابط
    http://asmaafathy.blogspot.com/


    تحيــــــــــاتي
    كانت هنا ورحلت
    Asmaa Fathy

    ردحذف
  9. اريد بكل حقد ان اسجل حقدي الدفين لوصولك لمنصب خالتو للمره الثامنه .. وانا هموت وابقى خالو .. بس تدوينه رائعه :)

    ردحذف
  10. كلماتك خفيفة الظل ..
    سعدت بتواجدي هنا اليوم ..
    تحيتي لك أختي رحاب ..

    ردحذف
  11. تصدقي عندك حق الواحد بيتكلم براحته مع اي حد غر صحابه وقرايبه يمكن علشان دول ميعرفوش عنك حاجة ممكن علشان ممكن ما نقابلهمش تاني

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين