الاثنين، 4 مارس 2013

نـــــــــــوافــذ مــــــواربــــــــــــــــة ^_^


يوم أخر من الفرحة برغم تعب الموصلات 
الكلام عن  الفرحة ليس كأي كلام
فنحن نعشق الكلام عن الحزن واللوعة 
لكن الكلام عن الفرحة فهو غريب  عنا 
لهذا لا نستطيع أن نصف الفرحة مهما أجدنا الكلمات 
هذا هو شعوري يوم حفلة توقيع  كتاب المائة تدوينة الثاني " نوافذ مواربة " 
صحيح كنت اتمني حضور ناس  ومقدروش يجوا بس كفاية ان في ناس جات مخصوص عشان من أماكن مختلفة 
زي " محمد عامر " زميل التدوين  اللي جاب لي احلي ورد واعتذر ان مكانش في ورد بنفسج  ^_^ بس كفاية انه اهتم وجاب لي ورد وانا بجد انبستط جدا والورد طبعا  محافظة عليه جداااااااااااا لدرجة اني لما روحت الشغل تاني يوم قلت لـبابا ياخد باله منه عشان مش مطمنة أن أختي  ممكن تفترسه وتغيظني  ههههه 
ميرسي يا محمد وده الورد 


,وعلي فكرة الورد ده فيه ثلاث وردات بنفسج  اتفاجأت بيهم فعلا  " ميرسي يا محمد "^_^


 والصديق " زكريا سالم " وده صديق  من زمااااان جدا ومشوفتوش ولا مرة حتي هو حضر يوم حفلة المعرض وانا مكنتش لسة وصلت وهو مشي وانا حضرت وبعتذر تاني يا زكريا  ,وكمان زكريا أول شخص استقبله ف الحفلة بجد هو شخصية عفوية وطيوووووووووبة جدا
وبجد سعيدة اني شوفتك وميرسي علي كلامك بخصوص صندوزق ورق  وبخصوص نوافذ مواربة  وان شاء الله احضر لك حفلة توقيع قريبا لانك موهوب فعلا 
ودي صورة محمد وزكريا  مع الحضور
اللي ف طرف الصورة من اليمين ده  الي بيقرا ف كتابي هقولكم هو مين بعدين  اما الاتنين الي ادام مش اعرفهم الصراحة بس اصحاب اصحابي أما  محمد عامر هو الاسمراني الي ورا ده واللي جنبه باليمين  ده هو زكريا ...اما انا فهناااااااااااك 

أول شخص استقبلني ف الحفلة طبعا مانت الجميلة لبني واختها العسل إيثار
وقبل ما أدخل اصلا قابلت محمد عامر وايمان صديقتي العسولة  الي دايما مش بتسيبني ف الحالات دي بحبك يا ايمان ^_^
دي إثار ولبني وانا 
وطبعا كان أول مان أشوفه بعد محمد عامر هو محمد بردو بس محمد الوكيل .....ومعرفنيش ههههه ازاي يا محمد متعرفنيش هه 
واضح اني اتغيرت  كتير من ندوة دكتور احمد خالد توفيق اللي اتقابلنا فيها هههه  اية ده بس قابلتك يوم حفلة بطاقة هوية  انت وسهي 
وقابلت سارة حسين يخربيت ضحكتك  يا سارة اية الجمال ده يا بنتي وبعدها نانسي زكريا  مش عارفة حبيت اللون الاحمر عليك يا نانسي جدااا انت اصلا عسل  والصورة دي لـــ محمد الوكيل وسارة حسين وانا ونانسي زكريا 

كان في بنوتة عسولة كدة  قبل الحفلة كنا بنتخانق انا وهي مع الوكيل وبعدين شوفتها يا ربي عسل اية ده  الي اسمها جهاد محمد 
هي وايثار  
الاب الروحي لقت اطلقناه علي خالد ناجي وهو كان معانا يوم الحفلة وبجد وجودك فرق كتير يا خالد

تاكاشي ...الي كان مسؤل عن حملة التدوين لشهر فبراير كان موجود .....اهو  مع خالد ناجي  ومحمد الوكيل

كان في ناس موجودين اصحاب سارة ونانسي ومدونين مش اعرفهم بس سعدت جدا اني وشفتهم  واخص بالذكر طبعا رحاب صاحبة نانسي  هي دي 
طبعا كل واحد فينا اتكلم عن التجربة وبجد انا كنت خايفة ومتوترة جدا 
بس كانت معايا صديقتين بجد شجعوني جدا  هما ايمان .....و ...موناليزا 
اللي اخيرا شوفتها ...
وسيبت موناليزا للأخر عشان يبقي ختامها مسك 
مني مش ممكن جمالها ولا طلتها ولا رقتها ....والا صوتها يا جماعة بجد اية ده .....والنبي انا لو راجل مسيبهاش ابدااااااااا
يا ريتني كان عندي اخ غير احمد يا مني كنت جوزتهولك علي طول  عشان تفضلي معايا 
مني بجد وجودك فرق معايا كتير  وتشجيعك وكلامك بجد  خلاني اطير م الفرحة 
وكنت اتمني اني افضل معاك وقت اطول بس انت عارفة ظروفي بس اكيد راح نتقابل تاني و نرغي مع بعض اكتر
موناليزا مكانتش لوحدها يا جماعة  ...كانت جاية مع  " محمد " أخوها  الي اتشرفت بمعرفته جداااا وسعيدة ان القصة عجبته وعلق لي عليها  وقالي كمان نقد عليها وانا بجد سعيدة  بيك يا محمد انت ومني  وبتمني نتقابل تاني ....والف سلامة عليك يا محمد  لاني عرفت من موناليزا انك تعبان   شفاك الله وعافك  ويارب تكون بخير دايما وف احسن حال 
هو ده محمد الللي لابس رمادي   وسارة واقفة ورا

هنا سارة وجهاد 

وهنا  سارة  ولبني ونانسي
وهنا سارة والوكيل 
وهنا محمد عامر والوكيل
 وهنا   انا وموناليزا مصممة علي صورة بضحك فيها  وطبعا واضح ف الصورة الوكيل وسارة ونانسي
وهنا  العسولة سارة بتوقع
وهنا  محمد الوكيل
وهنا  انا ومحمد عامر
 وهنا لما كنت بتكلم عن تجربتي ف نوافذ مواربة
 وهنا وانا بوقع لموناليزا العسل  صحيح مش ظاهر غير رموشي ف الصورة بس كفاية ان موناليزا الي مصوراني من غير ما اخد بالي
 وهنا  صورة خاصة من موناليزا  بتقولي عايزة صورة انثوية  ....هههه هي دي الانوثة بتاعتي يا منمن
وهنا  موناليزا مصممة علي ابتسامة  مني
 وهنا  انا والوكيل وسارة  كتابنا

وهنا  موناليزا مصممة اني اضحك بردو عشان الصورة تطلع حلوة 
ولو عايزين تشوفي باقي الصور  ادخلوا هنا ...... 
وعلي فكرة اخيرا في صورة بتجمعني مع موناليزا بس دي صورة خاصة مش للنشر يا جماعة " ايموشن بيطلع لسانة كدة "
ههههه كمبسوطة كتير وميرسي لكل الناس الي حضرت معانا والي محضروش  وكانت قلوبهم معانا  ودعواتهم 
بحبكم كتيييييييييييييييير 

هناك 35 تعليقًا:

  1. ظريفة أوي وعفوية التدوينة وتسجيل اللقاء ده يا رحاب، تسلمي :)

    ردحذف
    الردود
    1. ميرسي يا محمد
      ويا رب دايما موفقين في كل كتابااتنا وسعيدة اني شوفتك كتييير

      حذف

  2. ما شاء الله
    مبروك يا رحاب
    ربنا يوفقك وعقبال لما يكون ليكى كتاب لوحدك

    ردحذف
    الردود
    1. الله يبارك في يا مروة
      يارب يسمع منك
      وتجيبي ياسين معاك الحفلة وانا اجيب إياد^_^

      حذف
  3. طيب أنا حقيقي لم أقرأ كل التفاصيل .. والصور معظمها لا تظهر عندي بسبب بطء النت ..
    لكن آثار الفرح بادية ..
    أسأل الله أن يتمم سعادتكم بتحقيق آمالكم ..
    مع التحية الطيبة ..

    ردحذف
    الردود
    1. هذه هي الفرحة لا يوجد لها كلام ولا صورة
      فقط مشاعر
      شكرا كتير لوجودك وكلامك

      حذف
  4. بجد بجد انتي من اول المدونين الي عرفتهم و كان نفسي جدا اشوفك و الحمدلله شوفتك :)

    ما شاء الله عنك امووووووووورة جدا و الوردات حلوين جدا .. مليش فيهم وحده ؟؟ :P

    بالتوفيق يارب و عقبال كتاب منفرد باسمك قريب

    ردحذف
  5. يا خبر ابيض وردة واحدة
    ده انا اجيب لك محل الورد كله من عيوني والله وميغلوش عليك
    ربنا يخليك ويبارك فيك ويوفقك انت كمان ^_^

    ردحذف
  6. اتمنى لك دوام التوفيق
    وان شاء الله نمسك قريب كتابك الشخصي
    تحياتي وخالص امنياتي

    ردحذف
    الردود
    1. ميرسي يا سمسم
      ربنا يخليك ولما يكون عندي كتابي الشخصي تكون انت موجود بالبلد وتحضر انت والمدام *_*

      حذف
  7. اليوم كان جميل فعلاً
    وأجمل مافيه وجود أحلى صُحبة :)

    سعيدة أنى أخيراً شوفتك وقعدنا مع بعض ولو شوية صغيرين

    وشوفتى بقى الصور اللى بتضحكى فيها حلوة إزاى :)
    على طول بقى
    اضحكى يا بنتى ده لسه ببلاش :)

    كلامك عنى مش عارفة أرد عليه الصراحة :)

    عقبال يارب ما نحضر حفل توقيع لكتاب منفرد ليكِ قريب

    دمتِ بخير صديقتى الجميلة ♥

    ردحذف
    الردود
    1. حبيبتي يا موني
      انا الي مبسوطة كتير اني شوفتك
      واني شوفت محمد
      صحيح حسيت بالغيرة منه *_*
      بس عشان اخوكي جه معاكي وانا لاء
      بس سعيدة اني شوفتك اخيرا مهما كان
      وبلاش تقولي انك اتصدمتي فيا تاني واني صغنتوتة اوووي دي هههه
      خلاص هاكل كتير
      وميرسي عل الـــ جالاكسي
      بحبك أأأأأأأأأأأأأأأأأأأأأد كدة بقي

      حذف
  8. ربنا يفرح قلبك كمان وكمان يا رحاب
    شوفت الصور الجميله وباين فيها الفرحه:)
    مبروك يا رحاب انتي تستهلي اكتر من كده
    مبروك عليكي حبيبتي وانتي اموره ربنا يسعدك
    تحياتي وتهانينا

    ردحذف
    الردود
    1. وربنا يفرح قلبك انت وكل آل فاروق
      سعيدة انكم هنا دايما معااي بتشاركوني فرحتي

      حذف
  9. دايما حفلات توقيع مشروع المئة تدوينة بيكون ليها مذاق خاص
    بيبقى كده الفرحة فيها طبيعية حتى لو محضرتش باحس اني كنت معاكم

    ردحذف
    الردود
    1. اكيد يا دكتور كنت معانا بقلبك
      احنا عارفين ظروف السفر وبعد المسافات بس بنتمني نشوفك دايما
      لك وحشة يا دكتور^_^

      حذف
  10. الف الف مبروك و من نجاح لنجاح

    تنفعى تكونى مراسلة
    نقلتى الحدث لحظة بلحظة

    ههههههههههههههههه

    تحياتى

    ردحذف
    الردود
    1. استاذ ابراهيم
      هههههههههههه اه انت ناسي اني صحفية قديمة والا اية ؟
      سعيدة بوجودك هنا وعلي الفيس وانك بتشجعني دايما
      ميرسي كتييييييييير

      حذف
  11. رحاب
    سمعت الصور وهى تتكلم اكثر مما تصور
    تتكلم كلام كبير وعظيم وغالى
    تتكلم عن حب الغير بقدر يفوق حب النفس
    جمعت يا رحاب صورا ناطقة

    ردحذف
    الردود
    1. استاذنا الفاروق
      يكفي طلتك هنا بكلمة او حتي حرف لتزداد سعادتي
      شكرا ابي العزيز لكلامك ووجودك دوما

      حذف
  12. مليون مبروك يارحاب مجموعة رائعة من الصور وشرحك رائع :)
    واجمل شىء الفرحة والسعادة فى عيونك الجميلة حبيبة قلبى
    ويارب عقبال كل مرة :)

    وموفقة دايما حبيبتى ومن نجاح لنجاح وتألق

    تحياتى لك بحجم السماء

    ردحذف
    الردود
    1. حبيبتي ليلي
      حضن كبير اااااااااااااااااااااااد كدة ليكي
      وحشاني كتير
      والله يبارك فيك وربنا يخليك
      كله بفضل دعواتك وتشجيعك
      وبتمني اني اشوفك يوما ما

      حذف
  13. الف مبرررررررررروك يارحاب
    وعقبال الحفلات الجاية
    صور جميلة بجد
    دمتي بسعادة

    تحيـــــــاتي
    كانت هنا ورحلت
    Asmaa Fathy

    ردحذف
    الردود
    1. الله يبارك فيك اسماء وعقبالك
      والصور الجاية تكون احسن واكون بضحك اكتر هههههه

      حذف
  14. ايه ده كله طب يعنى اعملى حساب شعورى وانى مقدرتش اجى وزعلت بجد
    بس حصلت ظروف غصب عنى
    ان شاء الله تتعوض اللمة الحلوة دى

    كلام جمييييل ويوم اجمل دامت الافراح والنجاحات يارب


    دمت بخير

    ردحذف
    الردود
    1. كنت اتمني اني اشوفك
      بس عارفة ظروفك
      وان شاء الله تتعوض
      ويارب يكتر من افراحنا وسعادتنا

      حذف
  15. الف مبروووك رحاب
    بالتوفيق دايما ان شاء الله
    تحياتي

    ردحذف
    الردود
    1. ربنا يخليك يا سمسمة
      ومستنية اشوفك قريب ف الحفلة الجاية

      حذف
  16. ربنا يوفقك يارب. أنا إيمان يا حبيبتي. ربنا يكرمك يارب :)

    ردحذف
    الردود
    1. حبيبتي ايمان
      كنت فرحانة انك جيتي وشوفتك
      وبحد ميرسي اووي لكل كلامك وربنا يكرمك ويوفقك يا رب

      حذف
  17. الف مبرووك يا حبيبتي وان شاء الله من نجاح لنجاح
    وانا زعلانة اني مقدرتش احضر وان شاء الله تتعوض
    ربنا يسعدك دايما يا حبيبتي

    ردحذف
  18. كلامك بجد اسعدني
    شكرا ليكي يارحاب :)

    ردحذف
  19. انت تستحق اكيد اكتر من ده :)

    ردحذف
  20. احممممممممممممممممم ^//^

    مش عارفة يعني أرد على كلامك الحلو دا إزاي يعني يعني يعني يعني ...

    الحفل كان رائع بوجودكم و سعيدة إني اتعرفت عليكِ أخيرًا يا رحاب و قدرنا نتكلم مش زي يوم معرض الكتاب :)

    أتمنى أشوفك قريب تاني ♥

    بالتوفيق

    تحياتي :*

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين