الاثنين، 17 يونيو، 2013

بعض ...منهم 2

0

بعض الاشخاص
فقط تكفي نظره منهم لك لــ يعرفوا مدي حزنك...أو فرحك
ويكفي أن يكون حضن صديقك هوالبلسم لكل جراحك...جراحك من أصدقائك...الآخرين
1
ف  ناس بس بيعرفوك عشان ناس....تانين
هو كان بيعرفها ...عشان صاحبتها
وصاحبتها....كانت بتعرفها عشانه ...هو
أما هي.... فكانت برغم انها كانت زي ما بيقولوا " كوبري " لــ هو  و هي ...
بس كانت بتقول جايز ...مين عارف...يمكن يحبوا بعض بجد ....
 2 
بأحد محال الملابس
صديقة 1 شوفي  الفستان الاخضر ده هيكون علي عنيكي يجنن
انا ....ده علي اساس اني هلبس الفستان ف عيني والا اية ...؟
صديقة 2 لالالالا الفستان الاحمر أجمل ....
انا ....انت عارفة اني بكره اللون الاحمر
طب إية رأيكم ف البنفسجي ....؟
الصديقتان ف نفس الوقت ...لالالالا  ده انت كل لبسك بنفسجي   ..خدي الازرق ده ....علي الاقل الاغنية تكون لايقة عليكي 
وانطلقت الاثنتان ...لغنيا اغنية محمد هنيدي ...بجد انا اتخنقت من محمد هنيدي ...بس بحب الاغنية من صحباتي  ....
الصداقة...ضحكة من القلب
3
سألت زوجها أن يذهب لسحب نقود من الفيزا 
سألها زوجها عن الباسورد ...
هي " مش عارفة استني اما اسأل رحاب "
زوجها " إية ده  يعني انت مش عارفة الباسورد ورحاب هتعرفه ...؟ "
هي " طبعا لان رحاب هي  الي عاملة الباسورد وهي الي بتسحب الفلوس الي انا عايزاها طول ما انت مش هنا ...شوف رحاب دي مش صاحبتي ....رحاب دي عندي زي بنتك الي هناك دي ...فالطبيعي تلاقيها عارفة كل حاجة عني مش بس الباسورد "
الصداقة ....مش يوم ولا عشرة سنين....الصداقة تلاقي ارواح  وقلوب

4
 إلــــــــيــ   هو    ـــه
" آسفة "
كان نص رسالته " حاضر يا رحاب .... المهم تكوني بخير ....انا بس بطمن عليك "
دايما الناس اللي تشوفك  وتعرفك وتقول عنك هادي ....بتتصدم لما تشوفك متعصب 
وكنت أنا بأسوأ حالاتي فكان ردي سخيييييييييييف جدا "
معرفتش حتي اقول بعدها أنا اسفة .....
طيب أنا آسفة  ...:)
" أنا  قبل امتحاناتي وحالاتي المعنوية زفت والحمد الله...والتوتر العصبي  في ازدياد منقطع النظير "
هي ...لم تكن تعلم أن هو ....يعشق  صديقتها
ولكنها عندما عرفت.....
أثرت أن تبتعد عنهما ....حتي لا تصاب بمرض اسمه  الحقد
" أن تخسر قليل  في الدنيا .....أفضل من أن تخسر  كثير ف الاخرة "
6
هي " تعرف ان رقمك الوحيد الي دايما معايا  حتي لما بغير رقمي "
تعرفي لية ...؟
؟؟؟
عشان الرسايل الي دايما بتبعتيهالي ....
عشان كدة انت لازم تكوني اول  واحدة تعرف الخبر ده ....
" خبر إية ؟ فرحيني ؟ "
هي " أنا هكون أم يا حوبة ....يعني كام شهر لما تيجي تزوريني هتلاقي نونو يقولك يا خالتو "
" تعرفي يا شوشو .....انا بفرح عشانك أوووي ....مش زي ما بفرح لآي حد بعرفه ...لانك تستحقي  اني افرح لك وادعي لك دايما انك تفرحي ..."
" يا رب فرح قلبها "
صداقة قلوب ....حتي ولو  بعدت بينا مسافات
7
الي .....
علي فكرة انت تنفع دكتور نفساني .....
بجد ميرسي أووي علي كل الي عملته معايا
انت صديق بجد .....:)

 
ميرسي علي  الصورة ....


ملحوظة ....
شكرا للناس الي سألت عني ف غيابي وللناس الي مسألتش بردو
معلش عندي امتحانات من اول الاسبوع الجاي ولمدة ثلاث اسابيع كل يوم متواصل ما عادا الجمعة
والي حابب يجي يعزي...عندك اول شارع يمين عند مبني  جامعة كفر الشيخ مدرج فؤاد  بدر العلوي .....هههه
والعزاء مقتصر علي اجابتي ف الامتحان .......
دعواتكم و
استودعكم الله....
رحاب 
 ملحوظة تانية ...البوست مش عني اد ما هو عن ناس بحبهم  بجد

هناك 7 تعليقات:

  1. 1
    هيجي اليوم اللي هتنسعد بيه بإن الله، وبدون متحتاج أي كوبري، ربنا هينولها الخير بدون حاجة لإنسان يتدخل فيه بإذن الله

    2
    ههههههه، فكرتيني بأيام حلوة

    3
    صح، جداً

    4
    مش عارفة ليه بضحك بجد، يمكن عشان انا برضو بهبب كدا لما بكون متوترة جداً وبنكد الناس اللي حواليا ^_^

    بس متخافيش، زي مالناس مش بتزعل مني -أتمنى- عشانهم عارفيني، مش هيزعل منك بإذن الله :)

    5
    رائعة، جداً
    وفي النهاية هتكسب نفسها، هتحب وتحترم نفسها جداً



    حبيت كلماتك يا رحاب جداً،

    وموفقة إن شاء الله بإمتحاناتك وإن شاء الله أهنيكي بنجاحك ^_^

    ردحذف
  2. ربنا يوفقك ويكتبلك النجاح والتفوق
    وشكرا على البوست الواقعى

    ردحذف
  3. احلى حاجةالصداقة اللى بجد
    الصداقة مدينة مغلقة لا يدخلها الا الاوفياء
    أميرها الحب
    ودستورها الوفاء(بنوتة)

    ردحذف
  4. (:

    عارف انه مش عنك

    ما انتى كاتبه فى اول الورقة ((:

    بس برضه جميل

    بجد

    ربنا معاكى و يوفقك فى الأمتحانات و مستنين البيبسى (:

    استغلالى استغلالى (:

    ردحذف
  5. شدي حيلك في الامتحانات
    كل عام انتم بخير

    ردحذف
  6. ربنا معاكي في الإمتحانات وبالتوفيق والنجاح إن شاء الله
    وترجعي تنوري بلوجر

    ردحذف
  7. ربنا ييسرلك الامر ان شاء الله والامتياز باذن الله وان شاء الله هنيجي نبارك مش نعزي :))
    وحشتيني جدا وعلي فكرة انا بعتالك اضافة من بدري علي الفيس ليه مش وافقتي :( مش مهم بردوا بحبك عسولة انتي :)

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين