عصير الكتب ومعرض الكتاب

إلي كل محبي القراءة  وزوار معرض القاهرة الدولي للكتاب 
ان شاء الله في تجمع عاملة دار نشر عصير الكتب 
وهيكون في  توزيع كتب مجانية وكمان يف كارت خصومات لدور نشر تانية ممكن تشتري منها والكارت ده يعملك خصم كويس
يعني انت في معرض الكتاب ومع عصير الكتب كسبان كسبان 
ان شاء الله التجمه الاول هيكون يوم السبت 31/1/2015 الساعة عشرة صالة 3  جناح دار عصير الكتب ولغاية الساعة سبعة مساءا
ان شاء الله انا هكون موجودة  
بتمني يكون كتير م الناس موجودين ...
وده لينك جروب عصير الكتب علي الفيس بوك
https://www.facebook.com/groups/Book.juice/?fref=nf
 وده لينك الكتب المجانية الي هتتوزع ان شاء الله
http://www.book-juice.com/%D8%A7%D9%84%D9%83%D8%AA%D8%A8-%D8%A7%D9%84%D9%85%D8%AC%D8%A7%D9%86%D9%8A%D8%A9-%D9%81%D9%89-%D9%85%D8%B9%D8%B1%D8%B6-%D8%A7%D9%84%D9%83%D8%AA%D8%A7%D8%A8-2015/
ولو صفحة الجربو مفتحتش  يمكن بس عشان الجروب مغلق ....
ولكن  لهم رقم موبايل عشان التجمع والتواصل في اليوم ده وهو  01110149569
بالتوفيق للجميع 
وكل معرض كتاب وانتم بكل خير وسعادة ^____^

كشف حساب 2014 ....

 

انا في معرض الصحافة بمدرستي...شغلي يعني :)

كانت 2014 سنة صعبة بالنسبة لي عانيت فيها كتير وصممت اني اغير من حياتي واخليها أحسن ف 2015
أول شيء عملته إني غيرت  الرينج تون بتاعت موبايلي  لانها كانت اغنية بتفكرني بشخصية معينة   لأغنية حرف وحيد من فيلم لامؤاخذة اول فيلم اشوفه في 2015  " وفضلت ادور .. ادور والف همزة بتستنى الف ...مجرد ....حرف وحيد ونفسي ابقى مختلف " وتقريبا كدة ان جو  فيلم لامؤخذة  عاملالي حماس  ...والرقم  التاني  عمرو دياب اصلها بتفرق .... بحبها اووي وبحب عمرو دياب حتي لو بيفكرني بنفس الشخصية الي غيرت  عشانها الرينج تون .... :)

علي المستوي ...
 عملت بلوك لناس كتير من حياتي ...للأسف كنت اعتبرهم صديقاتي ....
وأعتقد انني لو اتيح لي الرجوع بالزمن للخلف   كنت تعاملت معهم بنفس طيبتي .... وحبي
لست آسفة علي شيء فعلته من أجل أحد.... لكني  محبطة ....ومشفقة علي نفسي جداا
علي مستوي العمل ...
 كانت عندي مشكلات كثيرة متراكمة لدرجة اني  كنت اريد ان اترك مدرستي التي اعمل بها واذهب لمدرسة اخري بعيدة جدااا
لكن وجدت ان كل من بالمدرسة متمسكين بي ويلحون في بقائي ويظهرون حبهم الذي اعرفه جيدا.....
مع مرور الوقت حاولت ان اتأقلم واحل المشكلات ...والحمد لله مع نهاية العام كانت المشكلات رحلت ...
وانا الان مستقرة بعملي واحسن ما يكون بفضل  مديري  العزيز وهيئة الادارة  بالمدرسة .... الله يبارك فيهم جميعا والاهم من هذا ....الطلاب.... ان أكثر شيء أثر بي هم الطلاب ..حبهم وحماسهم  معي للعمل  الصحفي ...واكتشاف مواهبهم وارتباطهم بي ...وتمسكهم اني اكون معاهم ....انا أعشق عملي لا خلاف علي هذا لكن  ما يجعلني  سعيدة اثر ومبدغه اكثر في عملي هو من اعمل معهم  ....الطلاب  شعرت معهم بهذا.... عملنا بجد خلال التيرم الاول واخطأنا وفشلنا ونجحنا ... ومازلنا في بداية طريق النجاح....أنا فخورة بطلابي  ...

احمد وزياد وخالد  بيعملوا مجلة حائط عن اليوم العالمي للغة العربية

علي مستوي صداقتي ...
كنت مقصرة جدا في حق صديقاتي  وهن لا يستحققن مني هذا ...
أول عام لا ارسل فيه رسائل  ولا معايدة ولا كلمة تهنئة ....
قد تكون صدمتي ببعض الصديقات هي السبب ولكن هذا لا يمنع انني قصرت في حق من يستحق صداقتي وكلماتي وامتناني ....
غادة ورانيا ورضا وشيماء  قصرت معكم جداا ولكن ليس هناك اكثر منك يعرف اسبابي ووقفتم بجواري في احلك لحظات حياتي ...اتمني من الله ان يبقينا دوما صديقات اخوات زملاء جزء لا يتجزأ من عالم يأبي الصداقات
موناليزا آمة الله التي  برغم حزنها لوفاة والدتها الا انها كانت بجانبي دوما...أحبك في الله
خولة القاسمي التي هي بالاساس صديقة اخي والتي اصبحت جزء لا يتجزأ  من عالمي  وصاحبة اجمل  صور  ومقتطفات من كتاباتي لتفاجأني بها  علي الفيس .... احبك في الله
اصدقاء التدوين ... باشا ..هجايص ..قمر وليل وغيوم .. .النسر المهاجر جمال ابو العز .... حوليات شاردة اسماء خليفة ... حوليات موناليزا مني ياسين ....مدونة ياسين احمد سعيد  دكتورة نور صعبان عليا حالنا 2 ....... انا بحبكم بجد ويارب مكون نسيت حد
علي مستوي الكلام ...
اول سنة مكلمش حد تقريبا ولا حتي بالموبايل ....ولا كنت برد علي حد ولا بتصل بحد  واصحابي زهقوا مني  وزعلوا عشان مبردش عليهم ...بس فعلا مكنتش عارفة ولا حابة اكم حد حتي اعز اصحابي
أو سنة اعمل فيها بلوك لناس كتير من علي الفيس ومن حياتي الشخصية ومش ندمانة علي ان عملت بلوك ولا ندمانة اني عرفتهم لانهم ميستحقوش الندم
غيرت صورة البروفايل بأول صورة اتصورتها فـ 2015 اتصورت صور كتير كتير كتير 
بس مش هحطها في البوست ده خيلها لبوست تاني 
المهم اني داخلة 2015 وانا رامية من جوايا اي احباط او اي شيئ سيئ من 2014 عارفة اني هزعل اووي وهاخد وقتي في الزعل من ناس كتير  ظلموني ....ب سالحمد لله ان عندي قلب مبيكونش جواها اي شيء وحش  لأي شخص حتي لو اتسبب في اذاه ....
انا بحمد ربنا علي حاجات كتير عندي وحواليا ...عائلتي ...أصدقائي وصديقاتي وبلوجر الي بعشقه واعشق من هم فيه .... ومدونتي حياتي  ومدونتي الصغيرة حوليات ....
كل سنة وانتم طيبين ويارب 2015 تكون سنة السعادة ليكم وليا... ^__^