الثلاثاء، 31 ديسمبر 2019

حصاد 2019






#حصاد_2019
برغم ان ممكن محدش يشوف الكلام ده لكن حابة اني واوثق السنة دي من حياتي لانها كانت سنة ماليانة حاجات كتير اووي أثرت فيا
كان اهم ما فيها اني تحديت نفسي في كتير من الحاجات
أهمها اني قدرت اقرأ 115 كتاب السنة دي كلهم تقريبا حلوين جدا ومفيدين بشكل مذهل وخرجوني من حالة الصمت القرائي اللي عايشاها من سنين
ثاني حاجة اني قدرت اتخلص من صداقات كانت تعباني نفسيا وضاغطة علي اعصابي بشكل مؤلم , قلت لنفسي احنا لية كـ بشر بنيجي علي نفسنا ونتعبها بصداقات او معرفة ناس بتإذينا ؟! اية اللي بيخلينا نعمل كدة ؟! كأننا بنعاقب نفسنا وبنعذبها
تخلصت من ناس كتير ف حياتي مش هقول مالهمش لازمة لاء بس كانوا فعلا ميستاهلوش انهم يفضلوا ف حياتي اكتر من كدة لانهم ميستحقوش اني اهتم ولا احبهم ولا اعملهم حساب
اكتشفت وآمنت بالمليون ان صداقات البنات مؤذية جدا ومش بيصفوا لبعض ابدا
اكتشفت ان في قرب الناس آذي واننا لازم نحبهم من بعيد لبعيد
اكتشفت اني ممكن ابني صداقات بسرعة اووي واحب الناس من تاني حتي لو طالعة من صداقات مؤذية
اكتشفت ان القراءة مهرب حلو اووي لحاجات كتيرة وان ادمان القراءة وشراء الكتب افضل بكتيييير جدااا من علاقات بتهدم لك حياتك
اكتشفت اني لسة أقدر اكتب تاني مقالات وقصص وخواطر زي زمان
اكتشفت ان لسة فيا روح الصحفية المشاغبة المجنونة من حاجات كتبتها في موقع صحفي
اكشتفت اني ممكن أقف من تاني بعد ما أقع واقعة جامدة مؤذية وكسرتني
اكتشفت رحاب من تاني
ويبقي بوست قراءات العام هو ما اختم به ليبقي ذكري استعيدها كل عام وابتسم بحب
وكل عام وانتم بفرحة قلب لا يحزن ابدا ويارب 2020 يكون عام كله فرح وخير وانجازات
https://www.facebook.com/permalink.php?story_fbid=2549127285307139&id=100006296764846

هناك تعليقان (2):

  1. جميل جدا انك تقدر تتخلص من اللى بيسبب لك اذى بأى شكل واى نوع وباى درجة ، القراءة مخرج جيد جدا وبتنقلك من حالة لحالة بسرعة رهيبة وبقدر تفاعلك مع القراءة بقدر سرعة الوقت اللى بتحتاجه عشان تجاوز احساسك وشعورك .
    هحسدك بقى على قراءتك وياريت ترجع تكتب تانى وكل كتاب نبذة او ملخص عنه وبعض الاقتباسات منه
    كونى بخير دوما

    ردحذف
  2. اكتشفت ان القراءة مهرب حلو اووي لحاجات كتيرة وان ادمان القراءة وشراء الكتب افضل بكتيييير جدااا من علاقات بتهدم لك حياتك
    اكتشفت اني لسة أقدر اكتب تاني مقالات وقصص وخواطر زي زمان
    اكتشفت ان لسة فيا روح الصحفية المشاغبة المجنونة من حاجات كتبتها في موقع صحفي
    اكشتفت اني ممكن أقف من تاني بعد ما أقع واقعة جامدة مؤذية وكسرتني
    .............

    افضل التحيه لشخصك الكريم عجبنى جدا الجزء اللى شخصك الكريم كتبتيه جدا
    بجد بوست هايل جدا جدا نختم بيه عام 2019
    ونقول ل2020 خلاص احنا مستعدين لعام جديد ب شخصيه جديدة اقوى وافضل مما كان فهم واتعلم واخد درس وهايطبقه فى 2020
    سلمت اناملك على مانسجت الف مرة
    تحياتى الى شخصك الكريم

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين