السبت، 15 مايو 2010

الزوجة التانية......مشاعر انثي حائرة

تقبلي تكوني الزوجة التانية ...؟
أول مرة اتقالت الكلمة دي لي كنت في حالة غضب وغيظ ومرارة من الموقف ومن الشخص اللي قالهالي , صحيح كنت بحبه ومازلت احمل له الاحترام وكل الخير في قلبي , كنا نحب بعض كثيرا ولم نستطع للأسف ان نغير الواقع او ان نستمر بتكليل حبنا بالزواج كانت الظروف اقوي منا , كنا مازلنا صغار فعمري كان وقتها واحد وعشرون وهو يكبرني بخمس سنوات , كانت الحب الاول او الحب الحقيقي بحياتي لم اشعر بشيء مثله الي الان برغم مرور سنوات علي الفراق , صحيح وقتها احسست بمرارة شديدة وقد اكون كرهته ...كلا لم اكرهه ولكني كرهت الظروف التي ابعدتنا عن بعض , كان لابد ان يتزوج من بنت عمه وكم قال وقتها لي " ليتني كنت قابلتك منذ زمن . قبل ان اخطبها بطريقة تقليدية والان لا استطيع ان اتركها فهي بنت عمي ونحن نتمسك بالتقاليد جدا "
ساعتها قلت لنفسي لماذا انا ولماذا لم اقابله انا اولا......ثم استسلمت
قالها لي كثيرا " اتقبلين ان تكوني الزوجة الثانية ...؟"
وكان ردي " كلا بالطبع فانا لا اريد شريك لي فيك انا اريدك لي وحدي وهذه هي انانية الحب "
الان يقولها لي شخص اخر " اتقبلين ان تكونين زوجتي الثانية ؟ فأنت تعرفين جيدا ان الظروف كانت خارجة عن ارادتي قبل سنتين , ولكني الان اريدك
كان ردي " انا لا استطيع "
قدم لي كثيرا من الاغراءات ولكني لا استطيع فانا لا احبه ولم اشعر  وقتها ولا حتي الان اني احبه  ولا استطيع ان اتزوج من شخص وانا لا احبه وحتي فكرة الزوجة الثانية هذة صعبه جدا بالنسبة لي ولا استسيغها ابدا
لكني فكرت فيه هو ....من احببته حقا لو جاء الان وسألني نفس السؤال " هل تقبلين ان تكوني زوجتي الثانية ..؟"
هل سيكون ردي بالموافقة ......
لا ادري
ولكنه مع الاسف وان كنت اتمني لم يقولها
لم يقولها

هناك 19 تعليقًا:

  1. اول مرة اكتب شيء خاص بحياتي وبمشاعري
    كدة يعني ...كدة يعني

    ردحذف
  2. اعتقد انك حتقولى موافقة

    لان تصريح الالهى بامكانية الزواج بمثنى و ثلاث و رباع اكيد ليها حكمة
    ممكن تمشى مع موضوعك و ممكن لا و هنا نضوج عقلك الى بيقرر

    ردحذف
  3. روبي بصراحة التقاليد اللي متمسكين بيها ده مش مبرر
    معلش ده لو عايزك بجد كان حارب الدنيا كلها علشانك
    لو عايزك بجد و مش بيحب خطيبته بنت عمه كان سابها بكل ذوق و احترام
    بالعكس ده هما لما يعرفوا ظروفه مش هيبقلوا على بنتهم كده
    انه عايش معاها و قلبه مع واحدة تانية

    دي حاجة
    و كمان حاجة
    انه لو بجد عايزك اوي كان من بعد ما اتجوز عرض عليكي الجواز تاني اصلا
    لكن هو راح فين ؟؟؟

    اصحي يا روبي يا قلبي
    ايوة انتي فاكرة انه حب عمرك
    بس صدقيني بكرة لما تتجوزي انسان ليكي انتي و بس تحبيه و يحبك بجد
    هتعرفي ان اكيد عقلك ما كانش شغال في فترة الحب دي
    قلبك بس
    و القلب اللي بيحب لاول مرة بيفتكر انه هو ده الحب بجد
    لكن بالعكس و الله

    ربنا يهنيكي يا رب
    و اوعي تكوني زوجة تانية ابدا
    لان صدقيني صعب اوي الايام دي نلاقي حد بيعدل بين الزوجات

    خالص حبي و تقديري

    ردحذف
  4. مممممم

    خيار الزواج التاني دا صعب جدا مع الحب

    انا مع مهمومة

    لو هو كان بيحبك كان عمل اي شئ عشانك من الاول

    لكن هو استسهل

    يبقي بلاش انتي تضحي بحاجات كتيرة وانك تكوني زوجة تانية

    صعب جدا جدا جدا

    واكيد تستاهلي كل خير

    الجأي الي الله .. فهو اللى هيريح قلبك اكيد :)

    ردحذف
  5. و هل تقبلى ان تاخدى نصف رجل؟

    على فكرة ايام الجاهليه كان التعدد لاكثر من امرأه و اكثر من رجل ايضا....راجعى التراث عن الحرملك و السلاملك والايات القرانية عن ما ملت ايمانهم و ما ملكت ايمانهن

    ثم نزل الاسلام ليعدل وضع كان قائم بالفعل و يحده باربعه و لكن بشروط...لاحظى تكمله الايه القرآنية...العدل بينهما اساس و العدل ليس فى المال فقط بل فى الوقت و الكلام و المشاعر و هذا مستحيل فعليا و هذا التفسير هو ما استندت له دولة تونس فى منع التعدد خاصة ان الزمن تغير و ان التجارب اثبت ان هذا ضد غريزة المرأه التى تصيبها الغيرة و هى زوجة واحدة فمابالك لو ثانية؟

    زمان فى صدر الاسلام بسبب الحروب و كان بيموت رجال كتيرة و بالتالى كان واجب ان يقوموا بحماية النساء و الانفاق عليهم فكان كثير منهم يتزوجوا بالارامل ليس للمتعه و لكن للمساعدة و فى نفس الوقت استخدم هذا لنشر الاسلام و هنا لا اعنى ان نشر الاسلام جاء عن طريق اسلام النساء و لكن تلك الطريقة تساعد المسلم فى انجاب عدد اكبر فى وقت اقل و بالتالى يزداد تعداد المسلمين و كل تلك الاسباب انتهت الان

    الم تسالى نفس لماذا اشترط رسول الله صلعم على زوج احب ابنه لقلبه ان لا يتزوج عليها؟

    و لكن بغض النظر عن الدين او عن نظرة المجتمع السلبية لهذا

    رحاب انتى مشروع رئيس تحرير و المفروض عقلك كبير و احساسك بذاتك عالى ..صعب اصلا تكونى بتفكرى فى قبول ده؟

    ردحذف
  6. ياااااااااااااااااااااااة
    صباح الورد الاول
    علي فكرة انا كتبت البوست ده رد علي شخص سألني السؤال ده ولما جاوبته مكنش مقتنع باجابتي وقالي اني بزوق الاجابة باسلوب ادبي
    ولو شفتو نص الرسالة اللي بعتهالو هتلاقوني بجد عاقلة اوووي
    وانثوية جدا وبعتز بنفسي لابعد الحدود

    ردحذف
  7. wanda
    الاول اهلا وسهلا ونورتني
    الاكيد جدا اني مش هقول موافقة لان حاجات كتير اتغيرت وانا اذا كنت محستش باي مشاعر حب ناحية اي شخص تاني غيره هو فده مش معناه اني اقبل اني اكون نص حالة ولو كان الدين شرع مثني وثلاث ورباع فده في حالات معينه , لكن انا دلوقت انضج جدا والحمد لله بلاقيني كتير بحكم عقلي بدون ما اجرح قلبي وبختار الافضل وبتمني لكم الافضل كلكم

    ردحذف
  8. مهموهه
    طبعا معاك حق
    وانا لو كنت سيبت البوست زي ما انا كتبته في الاول كنت هتعرفي اني معاك ف كل كلمه, لكني بصراحة شديدة ارفض ان اكتبت شيء خاص بحياتي ويقرأه الجميع لان حياتي الخاصة ملكي انا وحدي وما اقوله هو شيء قليل جدا بمقابل ما يعتمل بقلبي , بالنسبة للموضوع انا اساسا رافضة الفكرة تماما رغم كل الاغراءات فانا وحدي او لا شيء ودي مش انانية ده عين العقل والدين لان مفيش عدل اساسا بين زوجتين وتخيلي واحدة بيحبها والتانية لاء يبقي في عدل ازاي .....؟

    ردحذف
  9. اعقل مجنونة
    اهلا يا عاقلة جداااااا
    طبعا معاكي حق وهو اكيد دلوقت قرا كل الكلام ده وفهم كويس ولكن رسالتي ليه كانت الافضل من حيث كل شيء وانا كتبت الكلام ده تنفيس عن ششيء بداخلي مش اكتر ويا ريتني كمان قلت كل اللي جوايا لاء مقولتش حتي ربع اللي جوايا

    ردحذف
  10. تيرز
    انت الانضج وبجد بحبك كتيييييييير جدااا
    تعرفي انا الحمد لله بقرأ كتير جدا ويمكن قريت عن كل اللي انت اتكلمتي عنه وطبعا معاك حق وميفهمش البنت الا البنت زييها مش الرجل وانا بجد مقدرتش اكتب كل شيء لكني تركت لكم فرصه للتخيل والتفكير لكني اساسا كنت قد اخترت من قبل ان اكتب والحمد لله اخترت طريقي من يوم ما افترقنا بس لو كان قالهالي تاني كنت مش هرفض علي طول , بس كنت هفكر شوية لكنتي كنت في الاخر هرفض لاني مش هقول عاقلة لا لكني انثي وامتلك كل مشاعر الانثي الحساسة الرومانسية وهو فاهم ده كويس والاهم دلوقتي اني فاهمة نفسي اووي
    بالنسبة بقي لمشروع رئيس التحرير يارب يسمع منك انا والله بلاقي كتير بيشجعوني بس في بلدنا دي التنازلات اولا وسيبك من مبادئك واخلاقك
    وانا سأتمسك بكل شيء وان شاء الله هنجح
    بدعواتك وبدعوات اصحابي واهلي
    شكرا لك تيرز وبجد بحبك كتيييير

    ردحذف
  11. سلامو عليكو ..
    صعب اوى ان واحدة تقبل ان يشاركها حد فى حبيبها الا فى ظروف ضيقة اوى ولو حصل بتكون حكمت على نفسها بالعذاب طول عمرها.
    انى احبك فى الله

    برجاء قبولى صديقة للمدونة

    ردحذف
  12. احم احم

    باسم الله ما شاء الله

    مش شايف ولا راجل علق ع الموضوع


    D:

    أولاً : سعيد جداً بالمرور على مدونتك الراقية .. بجد أسلوبك راقي .. بسيط .. معبر .. عندك قدرة هايلة على السرد في سلاسة :)

    ثانياً : طالما انك قلتِ كده يعني كده يعني
    أوك
    نمشيها كده يعني كده يعني

    هههههههههههههههههه

    ربنا يوفقك للخير دايماً اللهم آمين

    تقبلي مروري واحترامي وعميق تقديري

    صباح الفل

    :)

    ردحذف
  13. مش سهل ابدا انك تكوني زوجه تانية وخصوصا لو كنت بتحبيه زي ما هو واضح مش هتقدري تتحملي

    ردحذف
  14. ست * جني * الحسن
    اهلا وسهلا بيك وشكرا لمرورك وكلنا اخوة في الله
    طبعا صعب ان اكون زوجة تانية لاني لا اقبل بالشراكة فما بالك بشريك في حبيب ....؟؟؟ مستحيل طبعا بس انا كنت بفضفض مuh;l a,dm

    ردحذف
  15. P A S H A
    عادي جدا علي فكرة انك تكون الرجل الوحيد اللي علق هنا يمكن الرجالة اللي شافوا الكلام ده معجبهومش
    المهم انك نورتني وبجد ميرسي علي ذوقك ومجاملتك

    ردحذف
  16. الشموع السوداء
    اهلا وسهلا بيك هنا عندي وصباح الورد
    طبعا مش ممكن مهما كان الحب ان اقبل اني اكون زوجة تانية برغم الاغراءات لكن في ناس ممكن تقبل ده
    وانا اكيد مش ممكن اتحمل دلوقت والا كنت اتحملته اول الامر لما قاله اول مره شكرا لمرورك

    ردحذف
  17. إييييه ده ياحووووبه من وراااايااااااا :)

    بصي يارحاب أنا لو جيتي سألتيني السؤال ده .. هاأقولك أكيييد لا مش هاأقبل ...

    بس عارفه إللي بيكون عايش التجربه بيختلف ردوا ...
    دي حاجه نسبيه جدا ...

    بس بجد أنا بحسها كتيييير صعبه إن حد يشاركني في شريك حياتي .. صعبه اووووي ...

    ياااارب ياحوبه ربنا يعوضك خير يااااارب .. ونفرح بيكي دايما في كل حاجه ...

    واحشااااااني مع إني كنت معاكي لسه إمبارح .. بس أعمل إيه
    شكلي كده هاجي بلطيم وأعيش فيها :)))

    ... ;) ,,, ;) ...

    ردحذف
  18. غادة
    حبيبتي والله بجد انت اللي وحشتيني وكمان رضا لاني متكلمتش معاها المرة دي تقريبا ونشوي استولت عليا تماما بكلامها بس يمكن انا كنت عايزة اعرف نشوي اكتر
    اما بالنسبة لموضوع البوست ده
    فأنا اتكلمت مع رانيا فيه قبل ما اكتب وردي واضح جدا
    اذا كنت رفضت الاول مش هرفض تاني دلوقت ....؟
    اجابتي واضحة جدا بس يمكن كنت محتاجة اتكلم شوية وانا كمان حذفت كلام كتير لانه خاص شوية
    وياريتك تيجي بلطيم وتنوريني بجد وساعتها مش هخليكي ترجعي طنطا تاني هههه ما هصدق انك تيجي اصلا

    ردحذف
  19. كلامك جميييل جدااا يا حوبة اسمحيلي اقولك كدة
    انتي فعلا انسانة موهوبة وربنا يوفقك

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين