الأحد، 21 نوفمبر 2010

إعتــــــــــــراف


وكأنني اراك لأول مرة
وكانني ما عرفتك
ولا عشقتك...
أكره ضعفي الذي يشتاق لك...
وأكره قلبي الذي يحبك...
أكــــــــــــــــــــــرهك...
لا .......لا أكرهك....
ولـــــــــــــــــــكني ....أبغضك....
أبغض كلامك المنمق ...
وضحكك السخيف...
واعترافك بحب ....وأنت عنه بعيـــد
أعترف ...
أعترف اني كنت أستحق ما حدث لي ...." استاهل اللي يجرالي ..."
لأنني تعاميت عن حقيقتك ......" مشوفتش حقيقتك السودة "
وتعاملت فقط بقلب .....
ونسيت عقلي ....ونداءه
فسحقا لقلب لا يري الحقيقة ...
وفقط يكمل الخطيئة ...

إهداء إليها وقد صدقت عقلها هذه المرة وإعترفت بخطأ قلبها ...
رحاب صالح

هناك 22 تعليقًا:

  1. الله
    عليكى
    يا رحوبه
    الله
    جميله
    اجمل ما الحب الكره
    الذى بطعم الدلع
    اقولك
    انا شايف ان الحب مظلوم مننا
    لا احنا فاهمينه
    ولا هو
    فاهمنا

    ردحذف
  2. طول عمري بحبذ حب القلب والعقل معا ...

    فانا ضد أن ألغي عقلي تماما فهو مرشدي ومرشد قلبي وحواسي ...

    "الحب مرآة عمياء"
    أحيانا يصدق هذا القول ...

    بس الحمدلله إنها لجأت لعقلها في أخر لحظه

    كاتباها بطريقه كتير حلوه رحاب
    حسيتها ثورية إلى حد ما
    أعجبتني
    ^_^

    ردحذف
  3. الحب جميل و لكن يجب ان يسبق القلب العقل

    فان اجاز العقل العلاقة نستطيع تحرير القلب من حصنه اما ان قاد القلب العلاقة فنحن امام مخاطرة حقيقية

    ردحذف
  4. الاعتراف دا بداية لمرحلة حياتية جديدة ...

    مرحلة هتكون فيها حذرة ... وجميلة

    و حتعرف تختار المرة دي ... الراجل اللي بجد هو راجل ...

    ربنا يوفقها و يوفق الجميع


    كلام جميل :)

    ردحذف
  5. أعترف اني كنت أستحق ما حدث لي ...." استاهل اللي يجرالي ..."
    لأنني تعاميت عن حقيقتك ......" مشوفتش حقيقتك السودة "
    ============================

    مزجتي بين اللغه العربية واللغة الدارجه يا رحاب بس بطريقه حلوة
    والمهم انكي تخرجي من هذا بقلب من ذهب

    ردحذف
  6. جميلة يا رحاب


    تحية ليكى

    ردحذف
  7. جميلة اوى يارحاب
    دايما لازم الحب يكون من العقل الاول وبعدين القلب
    يعنى ماينفعش يكون من القلب لوحده لان القلب مش بيفكر

    ردحذف
  8. صح يا رحاب

    مش لازم نقول مين الأول .. القلب و اللا العقل

    بس لازم لما نحب نعرف فى الأول إحنا بنحب مين .. و مناسب و اللا لا .. و بعدين نتكلم

    دمتى بخير

    ردحذف
  9. الله يارحاب جميلة جدا والله

    تسلم ايديكى

    مستنياكى فى موضوعى الجديد

    زهراء

    ردحذف
  10. محمود(باحث عن حب
    الحب اللي بطعم الدلع ...امممم
    صحيح الحب مظلوم مننا كتير
    يمكن عشان في ناس كتير بتفهم الحب غلط
    شكرا لكلام يا محمود
    ومنورني دايما

    ردحذف
  11. ghada mOhsen
    غيووووودة حبوبتي
    طبعا معاك حق مينفعش اني الغي قلبي ولا عقلي في اي حاجة مش الحب وبس
    العقل والقلب لازم يكونوا مع بعض ف كل شيء
    لانك لو استخدمت قلبك بس هتكوني ضعيفة
    ولو عقلك بس هتكوني متجبرة وباردة وقوية بدون داع
    يبقي الاتني مع بعض يعملوا توازن
    وهو ده الصح
    وحشاني يا حبوبتي كتييييير

    ردحذف
  12. Tears
    كلامك حكم مواعظ وقمة في العقل والاحترام بجد
    دمت بود وخير عزيزتي

    ردحذف
  13. قطرة وفا
    اكييييييييييد كلام صح جدا
    الاهم ان الانسان يعرف الصح
    ويعترف بالغلط
    ويعيش حياته ويتعلم من اللي فات

    ردحذف
  14. كلمات من نور
    ههههه
    والله الكلام طلع معايا كدة بعد ما هي حكت لي
    شكرا لكلامك جدا

    ردحذف
  15. Ms Venus
    لا شكر عل اية بقي
    هي اساسا حاجة بتطلع معايا بعد موقف او حكاية وزي ما بتيجي بكتبها مش مهم منسقة او بالقافية بس المهم انهي بتحكي اللي جوايا
    دمت بخير عزيزتي

    ردحذف
  16. Noha Saleh
    صحيح يا نهي لازم نحكم القفلب والعقل
    مينفعش واحد لوحده بس
    وانا هنا بقول انها اختارت بقلبها ومشافتش حقيقة حبيبها
    او كانت شايفاها بس حبها وقلبها هو اللي خلاها متعترفش بده
    دمت بخير

    ردحذف
  17. الشاعر الفنان أحمد فتحى فؤاد
    اكيد معاك حق بس مش ف الاول كدة علي طول نعرف انه مناسب والا لاء
    المفروض نعرف في تبادل بين الطرفين والا لاء والا هو حب من طرف واحد
    وبعد كدة كل حاجة بتظهر ولو مش مناسبين بيفترقوا
    بس هنا هي كانت اسيرة لحب شخص بتعتقده ملاك
    وللأسف طلع العكس

    ردحذف
  18. اميرات الاسرار
    والله انا كنت تعبانة بجد يا زهراء
    بس انا لما بفتح والاقي موضوعات جديدةى فاتتني لازم ادخل اعلق عليها
    وحشاني يا جميلة

    ردحذف
  19. رحاب :
    اخبارك ؟
    //
    الحب أمر لا يستطيع أحد التنبؤ به !!!
    يقع بين القلب والعقل وكما قالت العزيزة تيرز في الربط بين القلب والعقل ، فالعقل يكون الموجه الأول في هذا الأمر يليه القلب فإن تم الأمان أخذ القلب مساره متوازيا مع العقل ..
    وإن حدث العكس كما قالت تيرز فهي مخاطرة كبيرة قد تتم على خير وقد لا ...
    //
    تحياتي لكِ وشكرا على كلماتك الرقيقة داخل مدونتي ..
    //
    تقبلي ردي ومروري ..

    ردحذف
  20. طبعا احنا كلنا عارفين بل ومتأكدين ان لضمان نجاح الحب لازم يكون للعقل دور فى بناءه
    لكن مش كلنا بنقدر نعمل كده لان عندما يعمل القلب بصدق يتوقف العقل تماما
    فيابخته اللى يقدر يخلى الاتنين يشتغلوا مع بعض

    وجميلة العامية اللى انتى اشركتيه فى الموضوع دى يارحاب "استاهل اللى جرالى... يقطعنى!!! لانى ما شوفتش حقيقتك السوده "


    رائعة كعادتك يارحاب
    وانا بعتذر ع التأخير الله يسامحه بأه الشغل اللى شاغلنا
    تسلمى

    ردحذف
  21. رحاب الجميلة
    اعتذر عن التاخير
    بجد ما اروع كلماتك الصادقة
    اجبت كثيرا بما خطه قلمك الراقي
    دمت متميزة
    كوني بخير

    ردحذف
  22. كلمات أجمل ما فيها أنها ناتجة عن تجربة حقيقية كما هو واضح..

    والتعليق الذي دار بخلدي مطابق تماما لما قالته أختي Tears ...

    تحياتي أختي الكريمة.

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين