الخميس، 25 نوفمبر، 2010

إغضـــــــــــــــــب

إغضب كما تشاء
فأنت غبي جدا عندما تثور
وكم ساعتها أنت تشبة الصقور
تجرحني بكلماتك وتهدم بيننا كل الجسور
إغضـــــــــــــــــب
فأنت كموج البحر يضرب سفينة
وكم هي دفاعتي تبدو لك مستكينة
كرمل شاطيء يقذفه الموج بقوة
ثم ينسحب ...مستهينا
إغضــــــــــــــــــــــب
فما غضبك سوي إفتعال
وما أنا بصمتي أعني ذل أو هوان
فكم من صمت يعلو صوته صوت الصراخ
وما لي أنا بصراخ وإختناق
إغضـــــــــــب
فما غضبك سوي ثورة بلا ثوار
أو ولدا جاء الدنيا بلا إختيار
أو ربما قلما كتب بلا إعتبــــــار
إغضـــــــــب
وما أنا رادة غضبك عني
وسأقابل غضبك بغضب أقوي مني
إغضـــــــــب
فقد مللت غضبك مني
ولا تتنتظر ....فلن أأتي....
ولن أطلب عفوك عني
إغضـــــــــب
فقد مللت غضبك كما مللت حبك
واذهـــــــــب
فلا أريد قربك
إذهــب
فما جنيت سوي العذاب منك
إذهب
فلن أعود إليك
ولن أتمني أن  تعود إلي...

24 نوفمبر 2010
رحاب صالح

هناك 17 تعليقًا:

  1. قاسيه
    قوى
    غبى
    صعبه شويه
    وحده وحده
    على الالفاظبس
    جامده
    وشديده
    اللهجه دى
    لو كانت حقيقيه
    يخلى الحجر يتكلم
    كلام فى الصميم

    ردحذف
  2. بجد جميييييييييله جداااااا يارحاب

    كلمات فى منتهى الروعه

    تسلم ايديكى

    زهراء

    ردحذف
  3. حبيبة قلبي الرقيقة
    رحاب

    قوية كلماتك .. ورغم قدر الغضب فالحب أعمق ..على قدر الحب يكون الغضب من الحبيب عندما يخطئ في حق المحبوب
    ولكن
    لا تجعلى قلمك يغضب كثيرا
    فيرسم لنا ترانيم الأحزان
    دام الله الفرح لقلبك الجميل
    كوني بخير

    ردحذف
  4. ياه داه انتي شايله في قلبك جامد يا رحاب

    بس كلمات حلوة رغم قوتها وغضبها

    ردحذف
  5. رحاب :
    كلمات معبرة
    قوية ، شديدة
    تمنياتي بالتوفيق دائما
    //
    تقبلي مروري ..

    ردحذف
  6. عاجبنى اوى القوة والقسوة اللى فيها
    بجد حلوة اوى

    ردحذف
  7. البؤجة يا جدعاااان
    متنسوش يوم 10 ديسمبر تجيبوا البؤجة و تيجوا
    و لو مش هتقدروا يا ريت تبلغوا اكبر قدر ممكن من الناس
    و التفاصيل هنا
    http://hams07.blogspot.com/2010/11/blog-post_21.html
    او هنا
    http://kouskoza7.blogspot.com/2010/11/blog-post.html

    ردحذف
  8. كلمات جميلة وقوية يا رحاب

    تحية ليكى

    ردحذف
  9. الاول يا حبيبتي بشكرك على زيارتك الجميله لمدونتي المتواضعه

    ثانيا مدونتك وكلماتك رائعه بجد ما شاء الله

    ارجو قبولي كضيفه خفيفه على مدونتك الجميله

    ردحذف
  10. في ناس كتير بتبان على حقيقتهم لما يغضبوا...لو عايزة تعرفي انسان بجد اغضبيه واتفرجي على حقيقته....حلوة اوووووي...ويارب ما تكون بجد وخاطرة بس

    ردحذف
  11. الاول
    انا مكنتش ناوية ارد علي اي تعليقات لا علي البوست ده ولا علي اللي فات لاسباب كتيرة
    بس انا عايزة اقول حاجة
    المعذرة
    استحملوني شوية
    بس في كلام هنا عايزة اقوله
    اني عمري بجد ما جرحت حد ولا كنت قاسية
    ولا شيلت في قلبي من حد
    صحيح مش بنسي الاساءة
    صحيح بزعل اووي
    لكن عمري ما كرهت حد
    انا بس بكون في حالة حزن شديدة
    ومش بكون عايزة ارد و اقابل حد لغاية ما اسيطر علي انفعالاتي عشان مضايقش حد
    وانا برغم هدوئي الا ان عصبيتي لا تطاق عشان كدة بحب ابعد لغاية ما اهدي
    شكرا ليكم ولكل اللي بعت رسايل يطمن عليا ...بس انا الحمد لله
    دلوقت احسن
    وأعتقد اني لو حكيت الموضوع من بدايته لنهايته هتفهموني وهتقدروا تفهموا انا ليه كتبت كلمات يمكن تظهر ليكم في منتهي القسوة ...ويمكن الانانية
    بس صدقوني انا كان عندي حق اني اقول الكلمات دي
    وآسفة لاني مش هقدر احكي بس كفاية اني كتبت اللي كان مضايقني بكلمات يمكن متكونش مفهومة غير ليا انا وبس
    متأسفة مرة تانية
    وشكرا ليكم كلكم

    ردحذف
  12. ده لازم يفكر ميت الف مرة قبل مايغضب
    (:
    تحيتي

    ردحذف
  13. رحاب
    معلش
    هونى على نفسك
    واصبى
    ومستسعجليش فى الحكم
    ربنا يعينك ونور طريقك يارب

    ردحذف
  14. أزال المؤلف هذا التعليق.

    ردحذف
  15. ولو انى مش فاهم حاجه
    بس ربنا يهون الصعب ويحلى المراره ويبعد الخنقة وترجعى تانى بكامل املك وقوتك وتقدرى على اوقات محنتك
    يارب

    ردحذف
  16. كلمااات معبره بشكل رائع جدااااا ..

    إنتي عارفه يارحااب .. زمان كنت ديما لما أقرأ خواطر حزينة للناس كنت دايما أزعل وأحاول أهون على الكاتب وغيروا .. بس بعدين اكتشفت إن الخواطر دي بتكون طوق نجااة للكاتب .. لأن لولا الخاطرة دي ماكان حس بالراحة ولو بشكل بسيط .. الإنسان لما بيعرف يخرج إللي جواااه بالكلماات أو بطريقة غير الكتابة بيكون محظوظ .. عشان كده أنا ح أعتبرك من المحظوظين .. وخلي بالك إن حالات الإكتئاب يعني حالة سعاادة وراحة جاية بعدها على الطريق .. إذن إبتسمي عشان أنا بموت فيكي وإنتي مبتسمة ^^

    اينار ^^

    ردحذف
  17. بصى انا مش فاهمة حاجة بس انا مش عاوزاكى تزعلى من اى حاجة
    احنا كلنا بنحبك وبننتظر اللى بتكتبيه

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين