عنيـــــــــــــــــدان

تتملكني فكرة أنني وإياك طفلان

طفلان عنيدان
لا نقبل بأنصاف الحلول
ولا نرضي بالقليل ...نريد الكثير دوما
نريد الكثير من الحب ...ونريد الكثير من الرومانسية...وكثيرا أيضا من اللعب
طفلان عنيدان نحن
عندما نتحاور في قضية ساخنة من أحداث البلاد
عندما نتشاور في أي شأن من شؤننا المستقبلية
عنيد أنت ...ومتملك
تريدني أن أكون أنت .....
عنيدة أنا ...
لا أريد الا ان أكون أنا
عنيد أنت .....
تريد الحب ثم الحب ثم الحب ...ولا تفكر في شيء سواه
تريد أن تعيش لحظة بلحظة ...ولا تفكر بأي مما هو آت
عنيدة أنا .....
أفكر بعقل .....أكثر منك
أحبـــــــك .....
أحبك أكثر مما تتخيل
ولكنك......طفل عنيد
طفل مجنون بلعبته ....
عنيدة أنا.....
وأنا لست بلعبتك

عنيــــــــدان نحن
نتشاجر .....ونصر علي عنادنا
ويشتاق كل منا للأخر
ولكن ....عنادنا....ذلك الشيطان بيننا...
لا....لا....فأنت ...أنت...وأنا ....أنا
عنيــــــــــــدان
ولا   تقبل أن تكون أنت البادئ بالصلح...ولا أنا أستطيعه
عنيدان نحن .....ويا تري هل سنظل هكذا...؟
أم أن الحب ....سيجعلنا متفاهمان.....؟
.....؟
......؟
........؟

رحــــــــــــــاب صالح

إليهم .....في عيد الحب .....حب

حبيبي ....

كم مرة قلتها لك....؟ لا أدري ....

ولكنك حبيبي الاول والاخير....

دوما كنا علي خلاف , لكني في بعدك أشتاق لهذا الجدل بيننا

أعرف أنك تخاف عليا كثيرا ....ولكن صدقا لا تخشي عليا أنا بخير

تتذكر عندما كنا نتحدث في الحب ....تتذكر عندما سألتك : أتحبها حقا ...؟

قلت لي : لا أدري .... لكنها لم تعطيني الفرصة لآفكر ...وقد أكون خشيت عليها أو أشفقت ...فقلت لها أحبك......خوفا عليها ....

أرجو أن تفكر كثيرا فيها ....لا تشفق عليها ...لا تظلمها  باسم الحب

وأرجو أن تفكر كثيرا في موضوع الهجرة ....فأنت تعرف كم نحتاج إليك .....هنا

إلية....... "هو" في عالمه الافتراضي

صدقا .....لم تكن تعرف "هي" كم أن الامور ستتشابك وتتعقد وقد لا تعود كما كانت

ولكن ...حقا " هي" عندما غنت تلك الاغنية .....لم تكن اختيارها ....لكنه اختيار القدر

"هي" و " أنت " لستما كذاك الفيلم الفانتازي .....لكنكما تمنيتما....أن يكون مثله...

"هي" كانت في عالمكم الافتراضي منذ يومين.....أرسلت لك مع النجوم رسالة....برغم أنها تعرف أنك "أنت" في ذلك الوقت لم تكن......هنـــــــاك

إلي......رحاب صالح

بتمني تقولي حاضر ...لما يقولك خدي بالك من صحتك ومتقوليش هحاول...ممكن تقولي حاضر...؟
حـــــاضر......هحاول

عيــــــــــــــــــــــــــــ ح ــــــــــــــــــــــــــــ ب ـــــــــــــــــــــ س ــــــــــــ ع ــــــــيــــد
لكل أصحابي ....المقربين...وحتي المدونين اللي اعرفهم معرفة شخصية واللي اعرفهم عبر المدونة فقط...
أصــــــــــــــــــــــــحابي
بتمني ان عمرو وهاجر يتجوزوا بقي بقالهم اكتر من سنتين مخطوبين ....
بتمني شاذلي دنقل ودعاء يتجوزوا في اسرع وقت ويعيشوا هنا في مصر مش قنا
بتمني غادة محسن " بستان أفكاري" تلاقي شخص بجد يعرف قيمتها _ ويكون مصري مش يمني عشان تفضل هنا جنبي_ هي ورانيا اختها طبعا....,
بتمني رضا العمري صديقتنا الشاعرة اللذيذة ....تنتبه شوية للي بتكتبه لانها بجد مبدعة بس هي كسولة جدا ...وبرضه بتمني تتجوز بس مش من المنوفية....
للمدونين ..............
طبعا شريف باشا " مدونة هجايص" وأميرته يتجوزوا ويمنسوش يدعونا في الفرحة....ومتنساش صورة الفرح بتاعتي
بتمني أسامة ناصر "مدونة باب مقفول" أبو ملك.....ان ملك تبقي ف حضنك قريب...وانك المرة دي تختار صح
فاتيما.....الغالية " روح قلب ماما" امنيتك مش هقوله ...لانك عارفاها وحاساها ....يا ام يوسف يا غالية
تيرز.................لاء ....هبعتلك ايميل مفصل...
اسلام " كلام مجانين" .......فين الايس كريم يا اسلام..........؟
رامــــــــــــــــــــــي..............أمنيتي ليك ...كلنا بنتمناهالك مش انا بس.....يا رب تكون معاها
محمد متولي" مدونة رحلة حياة"
قطرة من بحر الحياة, شمس النهار, نيللي , ماشي بنور الله, مصطفي سيف, شيرين سامي, هبة فاروق, أبو فارس, موناليزا, كارمن , كارولين فاروق , خالد ابجيك,  رؤوف, خواطر شابة ,كلمات من نور , لولو كات , اسماء عبد العزيز
ماجد القاضي, نهي صالح........بتمني ما اكون نسيت حد....^-^
بتمني لكم كل خير وحب ....وعيـــــــد حب سعيــــــــد

رحــــــــــــــــــــــــاب

حرية....حرية

مبـــــــــــــــــــــــــــــــــــــــــــــــروووووووك

قولوا لحبيبتي ما راحش
بلاش
دمي اللي سال بإيدين أوباش
ما تربطوش الجرح بشاش
حطوا العلم بس عليا
*****
حرية . . . حرية
أنا ابن نيلك يا بهية
حرية . . . حرية
أفدي ترابك بعينيا
*****
ف العتمة مصوكي الخفافيش
نموت وفجرك بكره يعيش
ولا تخافيش ولا تنكسريش
يا ماما هربوا الحرامية
*****
حرية . . . حرية
عشان ولاد وبنات جاية
حرية . . . حرية
سلامنا منك يا أبية
*****
نادي علينا ف كل مكان
نادي بجرس وكمان بأذان
ده الحر مهما عاش ف هوان
أنفاسه صوت الحرية
*****
حرية . . . حرية
حرية . . . حرية
*****


ده مش كلامي يا جماعة
ده كلام الاستاذ شريف
صاحب مدونة هجايص....
ولي الشرف اني قريتها  اولا وأستأذنته اني انشرها  هنا
وهو وافق مشكورا.....
لان ده وقتها بجد
مبرووووووووووووووووك لينا كلنا
وشكرا لكل من ساهم بكلمة ودعاء للثوار

رحاب

هل هم حقا يريدون التغيير...؟ هل هم حقا شهداء...هل هم حقا صادقون...هل هم......؟

كنا جميعا جالسون أمام شاشات التلفاز ننتظر أن خطاب سيادة الرئيس بعدما خرجت أثر الاشاعات تقول أنه قرر التنحي.....ولكنه كان مجرد حلم يتمناه الجميع .....

وكالعادة مثلما حدث قبل ذلك  من سيادته .....انتظرناه ...وانتظرناه ...... كأنه أدمن التأخير علينا في طلته وحديثه ......لكن للأمانه فقد كان الخطاب حقا ليس كالسابقين له .....

فهو محبط للأمال أكثر مما كنا نتوقع.....وبالطبع كان رد الفعل  لنا كان متشابها  من ناحية الاحباط

استوقفني في خطاب الرئيس احساسه بشهداء الثورة ...!!!؟ وأنه يريد القصاص ممن فعلوا هذا ؟! ممن قتلهم ...؟!!! وأنا حقا أستغرب .....أتدرون لما أستغرب ....؟ لآنني  ومن خلال محادثتي لآكثر من شخص  قال وبإيمان راسخ أن هؤلاء ليسوا شهداء ...!!؟؟ لماذا ...؟ منهم من قال أنهم قاتلوا في الاشهر الحرم ...برغم اننا في ربيع الاول  وهو  ليس من الاشهر الحرم ..., منهم من قال أنهم  ماتوا وفقط وليسوا شهداء لاننا لسنا في حالة حرب.....؟! ....والكلام كثير....وأنا لست مفتية ولست ملمة بعلوم الدين جيدا فاعذروني .....ولكن أليسوا هؤلاء الشباب ماتوا في سبيل الوطن وحريته وكرامته وعزته ...؟؟!!!

وهل من مات في سبيل وطنه لا يكون شهيـــدا ....؟؟!

المشكلة الكبيرة أننا نريد القصاص لهؤلاء الشباب ....ولكن ممن ...؟ هل أحد يدري...؟ من وزير الداخلية مثلا ؟ الرئيس مثلا...؟ رجال الشرطة الفاسدين ...؟  لا أحد يجد إجابة ...؟

حسنا  جدا....الرئيس بالامس قال في خطابه أنه يريد القصاص للشهداء _ ما دام الرئيس قال شهداء يبقوا شهداء انتم هتعرفوا أكتر من الريس _  وبما أنه مازال رئيس الجمهورية  فعندي سؤال  بسيط له  وهو " يا سيادة الرئيس  ممن ستقتص لهؤلاء الشهداء..؟ "

الرئيس في خطابة هذا والسابقين له أيضا قال عن تغيرات ....وتلك التغيرات طالما  طالبنا بها كثيرا ولكننا أبدا  ما نلناها ......وهل نحن بعدما صبرنا كل هذا  هل لنا أن نصدقه  أو نصبر عليه ...؟

لا أعتقد أنه عاد هناك صبر فلكل له إحتماله والشعب ما عاد يستطيع التحمل  .....

ما يصيبك بالقهر في خطابات الرئيس والسيد نائبه تلك الكلمات التي تقول لك " لا تستمع للقنوات الفضائية الغربية المغرضة وللاعلام الغربي المغرض الذي يريد تدمير استقرار مصر _ أتساءل أي استقرار هذا ..؟ ونحن ذهبنا للفضائيات والاعلام الغربي لاننا شاهدنا تعنت واعتام اعلامنا الموقر _  لا أفهم حقا هل الرئيس ونائبه ما زالوا يروننا ساذجون لا نفهم ما حدث وما يحدث  لهذا  ما زالوا يواصلون الخداع بدعوي التهدئة ....لا أدري

لــــــــــكن .....إذا كانت الحكومة حقا تريد التغيير كانت فعلته منذ سنوات , إذا كان النظام يريد مصلحة الشعب ما كان الشعب  عاني بهذا الشكل  كل أنواع الذل والقهر والفقر والجهل , إذا كان النظام حقا  يريد تنمية  ما كنا أصبحنا في ذيل القائمة ....واليابان وألمانيا كانتا أسوأ منا حال , أنظروا إليهم الآن وإلينا ...؟

هما يقولون تغيير, هم يقولون إصلاح , هم يقولون شهداء......ولكن هل نحن نصدقهم.....؟؟؟

رحـــــــــاب صــــالح

إلي كل المتعصبيين.....عفوا هذه ليست طريقة لخروج مصر لبر الامان

أتابع اغلب ما يكتب علي المدونات وعلي الفيس بوك....والفيس بوك بالتحديد لانه الاسرع والاشهر  ومنذ بداية الازمة في مصر وأنا أتابع بإهتمام ...وحتي عندنا تم قطع  خدمة الانترنت كنت أتابع التليفزيون والقنوات الاخبارية بإهتمام كبير  لآري ما يحدث وأتابع كل الاراء  واستمع جيدا....جدا

وجدت قليلا ما يسرني ....

وكثيرا مما أتعبني  وأحبطني جدا...

لا افهم لما لا يوجد عندنا نوع من الحوار  الجيد ...؟ الأننا تعودنا الاختلاف والتمسك برأينا حتي لو كان خطأ ...؟

أم أننا نفتقد  ثقافة الاختلاف....التي تحث علي الاستماع إلي الرأي الاخر  والاستفادة منه ومحاورتة بهدوء  ومنطق

لماذ كل منا يصر علي أن رأيه  الصحيح....

لماذ كل منا يحاول أن يكون هو البطل....؟!!!

استغرب جدا هؤلاء الذين خرجوا علينا  بصور وتقارير وأرقام قد تكون صحيحة وقد لا تكون كذلك ...

ولكن الذي استغربه جدا وأشمئز منه حقا  هو أن هناك الكثيرون الذين قالوا رأيهم بتعصب وغوغائية   بل وسب وقذف وبأبشع الالفاظ أيضا ....فهل يعقل هذا....؟

أنا لا أحب الرئيس ....ولكني لا أكرهه ....وهناك فرق بين الصفتين....

ولكن برغم ما حدث لم أسب الرئيس أو أنشر صور مسيئة له

هذا لآن الدين ولا الشريعة ولا الاخلاق تقول هذا...

لا أريد البرادعي رئيسا .....ولي أسبابي ...ولكني استنكرت وعلقت علي من أهانوه ونشروا صورا مسيئة له ولابنته  بشكل غبي ....فليس معني انني لا أوافق عليه رئيسا أن اهينه وأنشر صور إبنته الشخصية وأتحمل وزر من يري هذه الصور ويعلق عليها ......فلن أحاسب شخصا ....فلست اله .....

لن أنتخب ابن دائرتي حمدين صباحي ...ولي أسبابي ....ولكني لا أوافق علي الهجوم علية بهذا الشكل أيضا

لا أرحب بالاخوان اطلاقا....ولكني لا أخشي منهم علي مصر ...أعرف جيدا أنهم قوة وكيان لا يستهان به...ولكني لا أخشاهم ....وأستغرب جدا ذلك الخوف منهم ....بل والعديد من القيادات السياسية التي خرجت لتتحدث في شأنهم...

لست منحازة إلي أي حزب ....ولست منضمة إلي أي حزب...ولن أنضم إلي اي حزب سوي حزب حب مصر فقط 

إن كل ما أخشاه هو التدخل الاجنبي أو حتي العربي ....

لكن أتمني أن يرجع الجميع إلي وعيهم ويتناقشوا برقي ووعي وثقافة حتي لو إختلفوا في الرأي وكفانا تعنتا  وإصرارا علي الخطأ ........وكفانا صورا مسيئة وسبابا  فلابد أن نفهم أن هذا ليس الحل المناسب للخروج من الازمة

رحاب صالح

لنفكر....بعمق....قليلا

الحقيقة مش عارفة اقول أية...؟
مش زي كل مرة اقولكم....صباح الورد.....للأسف مش هينفع....
طيب ممكن اقول ....صباح التحرير....
النت لسة واصل من ساعة تقريبا ....حاولت ارد علي الاصدقاء اللي من خارج مصر يطمئنون علينا هنا ...
وحاولت ان اري ما كتب علي الفيس بوك والمدونات....
وللأسف......وجدت ما يسرني قليلا بجوار ما احبطني....
من الوقت اللي قالوا فيه النت هيرجع مصر والتليفونات نازلة علي دماغي ...رحاب لازم تقولي للمتظاهرين يروحوا بيوتهم واجمعي اكبر عدد من اصحابك يوافقوا علي اللكلام ده كفاية قتل وكفاية تظاهر وكفاية بقي اللي حصل ....
عايزين شوية هدوء....شوية أمان...
اخويا قالي .....والا اقولكم ده كلام اخويا بالنص.......

دي جمعة تدمير وهدم مصر..إمتى هتفهموا؟ شغلوا دماغكم وحافظوا على البلد..سئ جدا أن يسمح الإنسان لأي شخص أن يستحمره..والأسوأ أن يكتشف هذا متأخر جدا.
إرحموا مصر وشغلوا دماغكم البلد بتولع وإنتوا عامليين تقولوا يرحل..وجمعة غضب.. ربنا بيقبل توبة الك...افر إدوا فرصة للتوبة والتراجع إدوا لمبارك فرصة يتوب ويتراجع،خاصة إنه بدأ.. إحسبوها بمنطق المكاسب والخساير، هنستفيد إية دلوقت من رحيله..إما أن يسود الدمار والخراب والقتل-وده الأكيد- وإما نستند إلى الدستور الحالي ..نبقى إستفدنا إية؟!..إرحموا البلد وشغلوا عقولكم.... أولا مبارك إنتهى ومشروع التوريث إنتهى..
ثانيا وجود مبارك الأن ضرورة لأسباب،إذا رحل ستعم الفوضى أكتر،ولن يتغير الدستور وسنستند للدستور الحالي...من سيحكم مصر؟الجميع عينه على الكرسي ولن يقبل بغير الكرسي، شاهدوا تصريحات أمريكا وإيران وتركيا...أمريكا تدعم البرادعي،وإيران تدعم الإخوان،وإسرائيل تزرع لها واحد..ونبقى ساحة يلعبوا فيها وندبح بعض. ..البرادعي أنا كنت بأيده لكن دلوقت أنا ضده لأنه عاوز يشعلل البلد وينط على الكرسي بشكل بلطجي وبعد كدة ينط علينا..وربما الأمريكان يساندوه لأنه هو إللي فتح لهم باب العراق...الإخوان أثبتوا عبطهم المفروض كان قرؤا الأحداث بشكل أفضل وقالوا نعم للإستقرار..،مبارك هيغير مش عاوزين نولع البلد إحنا مايلزمناش من يحكم دلوقت بقدر ماإحنا عاوزيين دستور وقوانين تحترمنا وده إللي بدأ يحصل..ومبارك كدة كدة راحل،نفهم ونصبر وننتظر تغيير الدستور وإنتقال سلمي ومحترم للسلطة.. حافظوا على البلد وماتولعوهاش..
ده كلام اخويا................
طيب انتم إية رأيكم......
شوية عقل كدة يا اصحاب العقول المتفتحة.....يا اصحاب الفكر الحكيم....يا اصحاب العقول النيرة.....
بقالنا اكتر من تلاتين سنة.....في الظلم والاستبداد....بيقول اصلاح ...وهو فين الاصلاح
طيب لو كان عايز اصلاح صحيح اللي حصل امبارح ده مكنش حصل ...ولا الدم ده هيروح كدة هدر....؟
يا جماعة انا عندي يقين ان لو المتظاهرين روحوا بيوتهم فعلا ....مفيش حاجة هتتغير الا....للأسوء....
وابقوا شوفوا  لو حد فيكم فعلا حاله اتغير غير للأسوأ....
متفتكروش ان النت رجع النهاردة كدة عشانكم......
لاء.......
ده رجع   عشان الموالين نظام والجبناء منكم يقولوا كفاية تظاهر وكفاية دم وقتل....
بكره القتل وبكره الدم والتعصب والخيانة وكل الصفات الوحشة...
بس للأسف معدتش ينفع التراجع الان....لآن اي تراجع معناه اننا خلاص ....استحالة  اننا نتقدم خطوة  للأمام وننجح في اسقاط الفسده.... بجد حرام اللي حصل للناس ده حرام....
وحرام ان " عمر سليمان" دماغه تكون     بالشكل السيء ده ويعملها بحكاية لوي دراع ويشتطرط الشروط الغبية دي عشان يتكلم مع المحتجين.....وحرام برضه ان المتظاهرين السلميين يحصلهم ده....
طيب مفيش شوية عقل في الناس دي من الطرفين.........؟
يعني.... ان ممكن كان المتظاهرين يعملوا وفد منهم يتكلم مع "عمر سليمان" حقنا للدماء....
وبدون ان يغادروا موقعهم لاني كمان قلت علي يقين ان لو المتظاهرين غادروا التحرير لن يسقط النظام الفاسد ابدا....
لكن ممكن شوية تفكير وعقل ونشوف حل وسط.....
حراااام بجد انا اول يوم النت فصل والموبايلات لما معرفتش اتواصل ولا اطمئن علي اصحابي معرفتش انام وفضلت اعيط من المشاهد اللي بشوفها علي القنوات.....ولا الكلام اللي اتقال  .....ومش معقول بجد اصدق الكدب ده تاني
واقول فرصه تانية....
طيب فرصة تانية ازاي...؟ بعد اللي حصل في ميدان التحرير ...؟
اعتقد انه كان ممكن بكلمة واحدة من الريس كان الهجوم ده محصلش بس احنا اللي  شعب بينسي الاساءة بسرعة وعاطفي وبيتأثر بشوية كلام ....
الناس اللي في التحرير هما الجيل الفاشل .....جيل النايتي والكاتشب والنسكافية....اللي بيقولوا عليه مينفعش بأي حاجة......
الجيل ده هو اللي خوف النظام ...؟
الجيل اللي كانوا بيشتموا فيه عمال علي بطال بقوا بيحكوا ويتحاكوا بيه  وعلي شجاعته " يا سبحان مغير الاحوال" يا رب  ما يكون تعبكم من غير فايدة...
احنا مش عايزينها تولع .....
احنا عايزين حقنا .....وهو حرام نطالب بحقنا...؟
يا جماعة بجد كلي الناس ع الفيس بوك منقسمين .....ما بين يلا روحوا بيوتكم ويلا اثبتوا  في التحرير ويلا ارحل ارحل.....
مفيش حل وسط......حل وسط عشان  الناس اللي في التحرير دي...؟
حل وسط يحمي مصر ويحمي اولادها ويحمي الدم اللي روي ارضها.....
بتمني اجابة......
وبتمني فعل.....
مش بس كلام ان الناس دي هتتحاسب  وهما فعليا مش هيتحاسبوا....
والله حرام ....حرام ....انا بكيت كتير عشان الناس دي....
الناس اللي معرفهاش
واصحابي اللي اعرفهم.....اللي كانوا بالمظاهرات دي....
برغم اني لا احبذ فكرة الانتقام الا انني لا احب ان يذهب دماء هذه الناس بدون اي ثمن
عارفة اني كلامي مش منظم ولا مرتب....بس بجد مش عارفة اقول اية...؟
منهم لله ....وحسبي الله ونعم الوكيل ....
اللي بيتاجروا بإسم مصر....
تعالوا نفتح باب الحوار المرتب والمنظم والمقنع لنصل معا بمصر لبر الامان ....
انتظركم .....ويا ريت تطمنوني عليكم لاني للأسف الشديد اغلب المدونين معرفهومش معرفة شخصية ولا معي ارقام موبايلاتهم وندمت ندم شديد  علي اني معملتش حساب اليوم ده اللي النت يفصل فيه ومعرفش اطمن عليكم....
يا رب احمي مصر وشعبها ووصلنا ومصرنا الحبيبة لبر الامان والاستقرار بعيدا عن بؤرة الفساد والموالسين....
رحاب صالح