الأحد، 29 مايو 2011

نفسي ....اللي هي انا...اللي هي مش أنا

عارفة
اني عنيدة.....
بس مش علي الغلط....
يبقي بلاش تقوللي اني عنيدة وخلاص لمجرد العناد

******

عارف
اني مش بحب الاوامر
يبقي بلاش  ...ومتكررهاش

*****
عارف
اني كنت مستنياك
وبرضة
كسرت قلبي
ونسيت الميعاد
*****
عارفة
اني صعبة اووي 
صعب إني اثق ف أي شخص
أني اعط الامان لأي شخص
أني حتي وانا معاك ...
أحيانا بحس بالخوف....منك

*****

عارف
كنت زمان أعرف الكلمة  اللي هتقولها
قبل ما تنطقها شفايفك
دلوقت
بقيت ابص علي شفايفك
عشان اعرف هتقول إية.....

*****

عارف
فكرت أنك هتكون أول واحد تكون جنبي
تخفف عني ..... تقف جنبي ف محنتي
لـــــــــــــكن
كل اللي متوقعتهمش  كانوا هنا
معايا
الا
انت

*****

عارف
احيانا بحس انك  فعلا محبتنيش
واني كنت مجرد
لعبة ...عجبتك
والاحساس ده بيقتلني
*****

عارف
لما كلمتني
وقلتلي انك ف المستشفي
معرفش لية مصدقتك
محستش انك تعبان  زي ما كنت بحس زمان 
زمان لما كنت بحس بألمك وتعبك من أول كلمة تقولها
ومن أول ما اسمع صوتك
ويمكن منقبل ما تكلمني
كنت بحس بألمك ف قلبي
لية المرة دي محستوش
لية
يمكن عشان جرحك ليا
والا عشان فعلا أنا
مبقتش احسك ولا أحبك

****

عارف
انت كنت بتقوللي اني قاسية
بس بجد
انت الأقسي........



رحـــــــاب

هناك 20 تعليقًا:

  1. فهمت انتي عايزه تقولي ايه و ساعات كتير ببدأ في كلامي بعارفه و عرف لكن للأسف محدش بيبقى عارف.
    بس حيرني العنوان :)
    أرق تحية لأجمل رحاب

    ردحذف
  2. صباح الغاردينيا رحاب
    ياالله كم أستوقفتني أحرفك
    وشعرت بمرارة في كتابتها وإحساسك
    شعور صعب عندما تشعرين بتغير من تحبي
    عندما تنكسر أجمل الاحاسيس بينك وبينه
    أصعب إحساس أن تجدي نفسك لاتعرفين حتى نفسك مع تلك الاحاسيس الصعبة "
    ؛؛
    ؛
    نصك موجع جداً قرأته أكثر من مرة
    هوني عليكِ ودعي قلبك من يدلكِ
    لروحك عبق الغاردينيا
    كانت هنا
    reemaas

    ردحذف
  3. هي الحياة كده
    افكارنا بتتغير واحساسنا بيتغير
    علشان تقلب القلوب
    القلب اسمه قلب علشان حاله متقلب
    تحياتي

    ردحذف
  4. حسيتك منفعلة اوى وانتى بتكتبى عشان كدة حسيت بصدق ألمك وجرحك

    تحياتى

    ردحذف
  5. زمان لما كنت بحس بألمك وتعبك من أول كلمة

    والا عشان فعلا أنا مبقتش احسك ولا أحبك


    يمكن

    أنا بحس كده أحياناً كتير

    و بقاوم الأحساس دة

    مش عارف ليه

    ):

    ردحذف
  6. البوست فاكرنى

    ببوست كنت كتبته من فترة

    أسمه عارفه

    بس مكنش عتاب زى بتاعك

    لأن روح العتاب و الزعل مليان بيها البوست

    ردحذف
  7. مشاعر صادقة جدا وجميل انك طلعتيها من جواكى على الورق

    ---
    ملحوظة: ممكن استخدام الخط المستقيم بدلا من كونه مائل؟

    ردحذف
  8. السلام عليكم ايتها الرقيقة
    اقول لك اختى الحبيبة
    لاتضيعى وقت قلبك ومساحة من حياتك تحللى فيها تصرفات غير طبيعية
    وشعور من انسان متقلب

    وكما قال لك سيف تلك هى الحياة بما فيها تتقلب وتتقلب معها القلوب

    يارقيقة القلب حاولى ان تتقدمى بمشاعرك ولاتستسلمى لضغوط الحياة على قلبك
    فالأنسان الحساس يحاول ان يفسر كل تصرف وكل حركة
    وهذا يجعله دائم التألم والشعور بالأكتئاب
    انصحك لانى مررت كثيرا بمشاعر اصابتنى بالألم فى حياتى ولا اريد ان اراك تتعذبين

    كلمات رقيقة كقلبك وخواطر طيبة مثل روحك ياغالية
    دمت بكل خير وامان

    ردحذف
  9. السلام عليكم
    عارفة ساعات كتير قوى بندور على ناس كنا عارفينهم وبنعيش معهم وبنعيش جواهم وبيسكنوا روحنا ونبص يمين وشمال وفى كل حتة ومش بنلاقيهم رغم حاجتنا ليهم
    عارفة كتير قوى بنبكى ونتعذب ونتقطع من جوانا ونقول خلاص هيحسنا وبروا ميحسناش
    عارفة الايام لو استسلمنا لها هتكسرنا يبقى لازم نكون اقوى منها
    عارفة بوستك جميل جدا
    دومتى بود

    ردحذف
  10. كلامك صعب اوي يا رحاب
    فعلا يجرح اي حد عنده احساس ولو قليل منه ..!
    بس فعلا هو بعد كل اللي قلتيه طلع ميعرفش أي حاجة
    واقل مثال على كده
    انه معرفش يحافظ على مشاعر الحب دي ..!

    ربنا يوفقك حبيبتي يارب
    وتسلم لنا كتاباتك

    ردحذف
  11. يارب تخرجي من المود ده ونشوفك على خير ونطمن عليكي مش عيب ان التجربه ماتنتهيش بنجاح المهم نقوم ونكمل ونبدا تجربه جديده تنتهي بنجاح ان شاء الله

    ردحذف
  12. ياااه ده اخينا ده اتعذب قوى بس شكله يستاهل تلك الخطابات شديده اللهجه ...كلنا عارفين بس نفسنا الطرف التانى يعرف بقى

    ردحذف
  13. لا تدخلى فى ما يفعله القدر بكى او بما حولك فقط تاكدى ان الله سبحانه وتعالى يرى ويطلع على قلوب العباد فحاولى ان تكونى سعيده قدر الامكان حتى تاخدى من الدنيا ما تحبى ان تاخذيه تمتعى قدر المستطاع فلانسان لا يعيش الا مره واحده
    دمتى بكلماتك عاليه المعانى ودمتى بخير الاحــــــــــلام

    ردحذف
  14. رحاب ...اتيتك وحططت رحالي ..ولم اكن ادري وانا قادمة اليكِ اني سأجد هذه القامة الممشوقة التي تتجاوز عنان السماء ...نعم قرأت تعليقاتك عند الآخرين ولكني كنتأحس أن وراء كل كلمة صرخة ...ووراء كل تعبير آهة...

    ابنتي بوركت يد كتبت وبورك قلب نبض بالحب فلم يجد صداه ...العيب ليس فيكي يابنيتي ..العيب فيمن لايعي ماتقولينه ولايحس بما تشعرينه ...

    لعنة الله على كل من يرى نبتة للحب ولا يرويها بدمه ودموعه وابتسامته ..

    ابنتي مدونتي في انتظار لمستك حتى يترعرع فيها الحب والحنان ..

    ردحذف
  15. مس مس ممكن اجاوب
    انا رافع ايدى اهو يا مس ممكن اجاوب

    عارفة انتى افتقدتى الصدق
    عارفة انتى دخلتى و عومتى فى بحور الشك
    عارفة ان الحياة كدة بقت صعبة

    اذا لم نشعر بالامان مع من بجانبنى فبئس تلك الحياة
    يجب ان تقبضى على شعورك بالامان فلو هرب منك هذا الشعور
    فلتتركى مكانك و لتذهبى الى واحة اخرى
    تحياتى

    ردحذف
  16. رحاب كتبت لك قبل كده بس لسه مانزلتش وباضيف رباعية صلاح جاهين دي :

    يا عندليب ماتخافش من غنوتك

    قول شكوتك واحكي عن بلوتك

    الغنوة مش حاتموتك إنما

    كتم الغنا هو اللي حايموتك

    وعجبي !!!!

    فيه استفسار فني عايزة اسأل عنه ::

    لو سمحتي ازاي ممكن انزل غنوة او البوم على المدونة بتاعتي عشان انا غلبت ومش عارفة اجيب الurl لأي غنوة عايزة انزلها دليني ولو حبيت انزل غنوتك دي اعمل ايه ؟؟؟وشكراً

    ردحذف
  17. ما أقسى الحياة .. اشعر بأن مشاعر البشر قد تحجرت وتصلبت ..
    تأثرت بما كتبتِ ..
    .......

    دمت بخير.

    ردحذف
  18. الصدق

    فقد مصداقيته معاها

    عارف اصعب شئ انك تكوني صادقة في التعامل
    والطرف الاخر اي كان نوع العلاقة صديقة اخ قريب حبيب زوج جار انه يكون هذا الاخر غير صادق
    مش عايزة اقول كداب مخادع خائن علشان دي كلمات بتجرح اللي بيقولها قبل ماتنال من اللي بتتقال عليه

    ردحذف
  19. معلش يا رحاب مش بعلق عشان مش عارفه ليه كل ما اجى مدونتك مؤخرا الاقى الكلام اللى فى البوست ظاهر عندى كأنه هيروغليفى مع ان المكتوب على الجوانب و فى التعليقات ظاهر عربى عادى

    ربنا يكرمنى و اكتشف السبب او اغير الجهاز :)

    ردحذف
  20. أزال المؤلف هذا التعليق.

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين