الجمعة، 14 أكتوبر، 2011

...............؟؟؟؟؟....!!!

السلام عليكم ......
ومساء الورووود ......
عارفة انكم مستغربين العنوان ....لكن انا للأسف ملقتش غير علامات الاستفهام دي  دليل علي حيرتي وعدم استيعابي ...واكيد برضه حيرتكم انتم كمان ....
لان بجد اللي بيحصل وبنشوفه وبنقرأه  ملوش تعليق غير .....؟؟؟؟؟ علامة استفهام ......وتعجب ...!!!
 أول علامات الاستفهام والاستنكار ...,الغضب والــــ........مش مفهومة
" 1 "
إزاي  يتم قبول أوراق مرشحي مجلسي الشعب  والشوري  من فلول الحزب الوطني ....حزب الفساد..؟؟!!
إزاي ميكونش في قانون يمنعهم من الترشيح لآي  منصب لانهم غير موثوق فيهم  وف  ذمتهم ونواياهم المستقبلية " ده علي اساس انهم قبل كدة يعني اتظلموا وانضحك عليهم ودلوقتي  هما بيقدموا حسن النية"
إزاي  إني أثق في مرشح  زي  مش هقول كدة ....بس هقول لية أصلا يترشح  .....واحد فيلسوف هينط يقوللي  " هو انت يعني فاكرة اننا هنروح ننتخبه ...؟" هقولة بكل بساطة  الجهل والامية هما المسيطرين دلوقت والاهم منهم والاقوي .....الفقر والحاجة...اللي أغلبية المصريين عايشيين فيه يبقي الطبيعي واحد زي  " طارق طلعت مصطفي " لو وزع  بش شوية حاجات  علي افراد دايرته هينجع بمية ف المية .....المال ثم المال ...عدو الفقر والحاجة
طيب ......إية الحل ....؟
" 2 "
أيمن نور وحمدين صباحي ....صحافيان .........كل منهم له جريدة وحزب .......كل منهم معروف ومشهور ...كل منهما مرشح نفسه للرئاسة ....كل منهما رشح نفسة لانتخابات مجلسي الشعب والشوري .....؟؟!!!
الخبر هناhttp://kelmetnamag.com/article/27801/أيمن-نور-أفكر-في-الترشح-لانتخابات-مجلس-الشعب-ولا-تعارض/?fb_comment_id=fbc_10150330257898932_19191331_10150330385063932#f7351a44e0cbbb
وحمدين صباحي بقي حكايته حكياة طويييييييييلة جدا زي ايمن نور بالظبط وعشان محدش يقوللي اني بحفر ورا حمدين صباحي دوروا بنفسكم  علي  الخبر  .....
طيب نفهم اية من ده....؟
ان نور وصباحي عنيهم علي المنصب وبس ليس الا .....ده من وجهه نظري....
 " 3 "
بثينة كامل ........مش عارفة اقول حاجة بجد 
انا مش فاهمة اصلا هي بتتكلم بصفتها اية...؟ اعلامية....؟ الاعلامية لابد ان يكون لها اسلوب راقي وتتعامل بحيادية وأدب
تتكلم علي اساس انها رئيسة مصر القادمة ...؟ ازاي يعني وعلي اي اساسا
تتكلم علي انها مواطنة مصرية ....؟ بصراحة مش حاساكي كدة .....
صدمت فيكي وبشدة
" 4 "
صور  والدة خالد  سعيد ووالدة مينا دانيال
 هي دي الحقيقة
مش محتاجين صور للتأكيد
ام خالد وام مينا الاتنين امهات والاتنين فقدوا ابنائهم ...فالحزن واحد والهم واحد
لا يفرق بين مسلم ومسيحي
" 5 "
صديقي عمرو الطاروطي 
سينارسيت وكاتب كوميكس ف جريدة التحرير
شوفوا دي كدة ....
هو ده حالنا ....
كان تعليقي علي الصورة ان عمرو متفائل بالخمسين سنة واني حساهم يكونوا اكتر من كدة....
ربنا يستر .....

أما أنا......
كتييييير سألوني عن الشغل الجديد واخباري وحياتي فية وكدة يعني
ده مواااااااااال كبييييييييييير عايز بوست لوحده بس اوعدكم  اني احكيلكم كل شيء بالتفاصيييل اللي هتتفاجأوا بيها  كتييييييييير جداااااااا


رحاب

هناك 9 تعليقات:

  1. جميل يا رحاب بجد، واضح إنك متابعة ومهتمة بجد مش زي ناس على تويتر عايشة فيه وهتموت عليه :))))
    أسلوبك تلقائي كمان وظريف كده وده حلو أوي :)

    أشكرك جزيلاً :)

    محمد الوكيل

    ردحذف
  2. زى ما قلتى
    محدش عارف حاجة

    ردحذف
  3. انتى وحشانى جدا والله ونفسي
    اطمن عليكى يا رب تكونى بخير
    وكويسه انا كذا مرة حاولت والله
    اكلمك على رقمك اللى معايه وكان غير متاح

    البوست جميل ويارريت متتأخريش
    أكتر من كده هنستنا البوست اللى
    هتحكلنا فيه عن الشغل الجديد

    ردحذف
  4. رحاب دعي من يترشح يترشح الأهم هو صوت الشعب وأختيارهم لأعضاءه وأتمنى أن يكون لدينا الوعي الكافي عند الاختيار ولا تنسي أن في كثير من البلاد وخصوصا الرياف يترشح وينجح ابن البلد زو الشعبية الذي استفاد منه قديما الحزب الوطني وإن وجد حزبا غيره سينجح لا تنسي هذا ليس كل وطنى خائن مع أنني لست من هذا الحزب ولا اتبع حزباً غيراً
    تحياتي وأتمنى تقبل رايي
    ودمتي في حفظ الرحمن

    ردحذف
  5. انا بطلت اسأل عشان ما اتعبش :)

    ردحذف
  6. من يبيع صوته بالمال

    بعد ثورة عي الفساد

    فلايستحق سوي من انتخبه

    ردحذف
  7. ربنا يستر و يلطف يارحاب

    و نطرين اخبارك

    ردحذف
  8. المشكله الأزليه

    الحزب الوطني حلوه ومش حلوه

    ومش فزوره للأسف

    ده واقع أسود

    يعني حلوا الحزب وأعضاؤه بيترشحوا عادي جدا

    المشكله إن عندنا حكومه أضعف بكثير جدا من إنه تاخد قرار زي قرار حظر أعضاء الوطني

    ومجلس عسكري عامل مش واخد باله

    وعلى فكره مش أيمن نور وحمدين صباحي بس

    يمكن 90 في الميه من اللي على الساحه دلوقتي غرضهم الأول والأخير المنصب والمصلحه ولتذهب مصر إلى الجحيم

    شيء محزن فعلا

    ربنا يصلح الأحوال

    دمت بخير

    ردحذف
  9. الجيش حمى الثورة مع انه قال محدش قاله يضرب الثورجية...المجلس حيشوف انتخابات جديدة مع ان المرشحيين هما هم.... العمداء والمحافظين زي ما هم وبيقولو في ثورة...المعارضة بتحكم كمان يعني وزير اعلام ووزير سياحة ونائب رئيس وزراء ومفيش حكومة اصلا....الجيش بيفرم الناس بالمدرعة وبيقول كلا والف كلا....أيمن نور لسة مرشح رئاسي ولسه برضه مالوش حزب....سيف اليزل خبير امني طالع في كل التليفزيونات الارضية والهوائية ولو فتحتي الحنفية بينزل منها والبلد ما فياهش امن ...وكل ده مش فاهمة...انه عصر القلوظة

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين