عارف.....
احيانا بحس اني فقدت الاحساس
واني لما اسمعك تقولي بحبك
الكلمة دي مبحسهاش
وحتي احلامنا ...؟
خلاص مبحلمهاش...!!
احيانا بشتاق إليك....
لكن الشوق ...مبيستناش
بيهرب....ومبيبقاش
معرفش لية بتقولي اني آسية...
ده علي أساس إنك...مبتأساش
طب راح فين حنانك...
والا هو كان مطر خريف ...
لطف الجو بعد عواصف تراب......
.
.
السعادة
للسعادة أبواب
نفتحها بأيدينا
وللتعاسة أبواب
مفتوحة تنادينا
وبين هذه وتلك....
نقــــــــــــــف
أقدارنا تنادينا.....
* * * * *
لن اعلن انكساري
فوقوفي أمامك بكل ثبات هو ....
قمة انكسارك
ولن اعلن غضبي
فأنا أعرف أن أكثر ما يشقيك ....
هو صمتي
لن اعلن خوفي ....
فثبات موقفي
يقويني....
فقط أندهش ....
كيف تقول ....
" أحـــــــــــــــــــبكــــ "
*
*
أجمل ما فيكي
بعد قلبك
هي روحك
يا ريتك دايما تخليها جنبي
وحواليا....
وبوسيهالي كتير ...
بس يا ريت روحك متتغيرش
زي ما اتغير فيكي حاجات كتير
مش عارفة
هو أنا اللي اتغيرت ...؟
والا انت...؟!!
ملحوظة
بعتذر تاني وتالت وعاشر للتقصير
بس بجد مشغولة كتير ده غير اني للأسف الشديد من كثرة الجلوس امام شاشة الكمبيوتر
اصبت بشيء ما ف عيني...وقد أكون من أصحاب النظارات قريبا ...هاهاها
مش عايزة انا البس نضارة...
كل سنة وانتم طيبين عشان العيد ويارب عيد سعيد علينا كلنا
السلام عليكم
ردحذفكل سنة وانتى طيبة
كلماتك جميلة قوى حتى وهى قاسية
برغم ما بها من كبرياء جاءت رومانسية
بالنسبة للبوست
ردحذفلازم تشوفوا ايه الى اتغير و تقولوه لبعض
لو انكم حقيقى مهتمين ببعض
حاولوا يكون الكلام بمحبة ميكونش بنرفزة
ميكونش فيه تحدى مين اللى يطلع غلطان
بس تعرفوا ايه الغلط و عالجوه
..............
بالنسبة للأسف و لايهمك ما هو لازم نقدر ظروف بعض
و لا ايه ((:
........
كل سنة و انت طيبة و كل الأهل بخير و سلام
ربنا يوفقك دايماً
فى حياتك و شُغلك
(:
كل سنه وانت طيبه
ردحذفحاجات كتير في دنيتنا بتتغير وناس بنفتكرهم اقرب الناس وفي موقف نلاقيهم بيبعدوا وكأننا لا نعني ليهم اي شئ
بس كويس اننا نعرف حقيقتهم قبل ما نخسر كتير
تحياتي والف سلامه عليكي
راقت لي القفلة كثيرا
ردحذفأجمل ما فيكي
بعد قلبك
هي روحك
يا ريتك دايما تخليها جنبي
وحواليا....
وبوسيهالي كتير ...
بس يا ريت روحك متتغيرش
زي ما اتغير فيكي حاجات كتير
مش عارفة
هو أنا اللي اتغيرت ...؟
والا انت...؟!!
-----------
حمد لله ع السلامة و ان شاء الله ما تكوني بحاجة لنظارة :)
و كل عام و انتي بالف صحة و سلامة و رضى من الرحمن
ينعاد عليكي بصحة و سلامة :)
السعادة
ردحذفللسعادة أبواب
نفتحها بأيدينا
وللتعاسة أبواب
مفتوحة تنادينا
وبين هذه وتلك....
نقــــــــــــــف
أقدارنا تنادينا.....
السلام عليكم رحاب الجميلة :)
النضارة هتعمليها هتعمليها هههههه
خلالالالالالالاص لامفر انا سبقتك بشهور بردو بسبب الكمبيوتر
بس تعرفى من وقت ما لبستها الصداع راح وعينى راقت جدا الحمد لله الف سلامة عليك حبيبتى
احييك على كلماتك ومشاعرك الطفولية البريئة ( طفولية بمعنى شفافة وبسيطة وصادقة :) )
كل سنة وانت طيبة
تحياتى وتقديرى
ربنا يكرمك يا رحاب
ردحذفاتمنى لك التوفيق والسعادة
تحياتي لك
ودمتي في حفظ الرحمن
الف سلامة ابقى استخدمي قطرة دموع صناعية دي احلى حاجة وكل 10 دقايق بصي على حاجة تانية غير المونيتر...وبعدين مالها النضارة بتتدي وقار.....
ردحذفرحـــــاب
ردحذفلماذا غالبا ما تخفى المرأة انكسارها امام من تحب
فقد يكون فى الانكساروصولا لتملك من نحب
فى ضعف المرأة قوة وفى قوة الرجل ضعفا امام انكسارها
الرجل الرجل وليس الرجل المتخفى وراء رجل
الفاروق
السلام عليكم
ردحذفالف سلامة.. وما فيش مانع تكوني من أصحاب العدسات (بس مش الملونة علشان الناحية الشريعة)...!
ألف سلامة مرة تانية.
تحياتي أيتها الصحفية الهمامة.
مساء الفل
ردحذف:)
أولاً ألف سلامة عليكي .. بس مالهم يعني أصحاب النظارات؟؟ :D
ثانياً بالنسبة للنص / الرسائل :
استوقفتني "لن أعلن انكساري" .. إنكسار و غضب و خوف ومش (عاوزه) تعلن ؟؟
طب ليه ؟؟ ما هي كده بتزيد الهموم هم !! .. ولا هو عند وتحدي ؟؟ في كل الحالات هما الاتنين خسرانين !! .. على الأقل خسرانين وقت ممكن يبقى حلو وهما متصالحين مع بعض .. ما فيش أحسن من المصارحة .
بالنسبة لــ "عارفه" .. عجبتني النهاية ! .. التعبير جديد وقوي وإن شذ عن وزن القصيدة
بالنسبة لــ "أجمل ما فيكي" .. ما اعتقدش إن الروح ممكن تتغير .. والسؤال الأخير سؤال في إجابة .. أعتقد إن هما الأتنين اتغيروا وبدأوا يشوفوا وده شيء جميل في حد ذاته
وختاماً زي ما قلتي "للسعادة أبواب نفتحها بأيدينا وللتعاسة أبواب مفتوحة تنادينا"
:)
خالص تحياتي وعميق احترامي وتقديري
ملحوظة : أنتي بتكتبي أحسن من كده .
صباح الخير
ردحذفرغم غيابك الطويل الممتد حتى عن مدونتى
جاى أسلم عليكى و أقول لك .. النظارة هيبة و وقار ... هاهاهاها
كلام جميل لكن ... أصعب شىء فى الدنيا التغيير .. و الأصعب إننا نسأل نفسنا هو إحنا اللى اتغيرنا و اللا الناس اللى إتغيرت ..
تحياتى لك
جميلة يا رحاب
ردحذفبحب جدا انا الفضفضة مع الكلمات
كل سنة وانتى طيبة يا جميلة
" معرفش لية بتقولي اني آسية...
ردحذفده علي أساس إنك...مبتأساش
طب راح فين حنانك...
والا هو كان مطر خريف ...
لطف الجو بعد عواصف تراب...... "
ماينفعشى نقوم بفعل ومانستناش رد فعل مشابه له ... ماينفعش نزرع مانجه ونستنى نحصد تفاح مثلا
لكل فعل رد فعل ... مشكلة البشر بقى انهم بيعملوا الفعل ويستغربوا اووووى لما تقومى برد الفعل المناسب .. وقسوته لازم ينتج عنها قسوتك
..........
السعاده
اكيد شويه هنفتح ابواب سعاده .. وشويه تانيه هندخل من ابواب تعاسه .. هى دى الحياه من ده ع ده
.......
ليس كل من قال احبك .. يعنيها او يشعر بها .. ربما ينطقها اللسان والقلب بعيد كل البعد عنها
.......
مش عارفة
هو أنا اللي اتغيرت ...؟
والا انت...؟!!
ماينفعشى مانتغيرش .. كل يوم بنتعلم حاجات جديده وبنقابل ناس جديده بيسيبوا اثر فينا وبنسيب اثر فيهم
لازم نتغير بس المهم اننا نتغير للاحسن مش للاوحش
.........
جميله كلماتك .. كل سنه وانتى طيوبه :)