الجمعة، 22 مارس 2013

انه لــ شعور لا يوصف

 0
ده إياد حبيب خالتو وهو عنده يوم واحد بس 
لكن دلوقت بقي كبييييييير جدا عنده شهر ونص بحالهم 
0
كنت دائما اقف بالخارج لا أجروء علي الدخول
خائفة  ...ربما.....متوجسة ...ممكن ....مشتاقة ....جدا مشتاقة
انه الاحساس  الصحيح...الاشتياق
كنت دائما اقف خارج غرفة الكشف بالعيادة النسائية  عندما أذهب مع اختي إلي هناك لتطمئن علي جنينها
بعد شهور تجرأت للدخول معها  وحاولت تدقيق النظر  علي شاشة السونار لاري  يد الطبيبة وهي تشير الي يده والي رأسه
وانا  مشدودة  للشاشة ...واقول سبحان الله
عندما جاء موعد الولادة كنت اتهرب من اختي حتي لا أراها وهي تتألم
ولكن اختي كانت مصممة ان أذهب معها
وما بين النزول والطلوع مليون مرة السلم  للصيدلية  كنت في حالة غريبة من التساؤل والتأمل
هي " تتحمل الالم ...وتكرهه ...لكنها عندما تري طفلها  تنسي كل شيء " هي كل ام
في صالة الانتظار كنت اقف انا واختي وزوج اختي  في انتظار سماع صرخات الجنين وهو يخرج  للحياة او كما تقول اختي الكبيرة " يخرج من الدنيا الواسعة للدنيا الضيقة " فبالنسبة لــ جنين  كانت دنيته هي  بطن امه  عالما يشبهه كونه بمعرفته وعلي  هواه وهي كل العالم بالنسبة له...  لخروجه إلي عالم موحش مليء بالتناقضات دنيا ضيقة لن يجد فيها الا  منزل ذو حوائط اربع يسكنها
لم اسمع صوته  الصغير وهو يبكي معلنا  خروجه من حياة ودخوله حياة اخري......بل فوجئت بالممرضة تحمله خارج غرفة العمليات  وتعطيه لأبية ...وانا طبعا عاملة زي الأطفال بقول " عايزة اتفرج عايزة اتفرج ..."
كنت منبهرة جدا به وسعيدة جدا برغم أنه ولد  وأنا أريد بنت " علي أساس يعني ان ده بمزاجي  وأن الطفل ده لعبتي "
فاكرة ان لما الطبيبة قالت انه ولد قلت لها وأنا زعلانة " هو احنا مش ممكن نغيره ونخليه بنت :( ضحكت جدا وقالت عادي لما يتولد روحي للسوبر ماركت بتاع الاطفال وغيريه "
                                          وهو عامل ايدة كدة بيفكرني بــ خالو احمد

في هذه اللية لم تنم أختي  ولم تغلق عينيها أبدا من الام العملية  وتدعي الله أن يخلصها من الامها 
ومن بين الامها قالت لي  " تصدقي يا روبي ان الولد ده  ربنا مسهل كل حاجة له لغاية ما أتولد ...ٍسبحان الله كل حاجة كانت بسهولة حتي انه أحلي من اخوه لما اتولد هاتيه كدة أشوفه "
يعني حتي وهي ف الامها بتفكر فيه ....
هي كانت طول الليل تتألم وأنا كنت طول الليل اتأمل هذا الكيان الصغير  ...الهش....الرقيق ....الناعم ....ذو الرائحة التي ليس لها مثيل .....هذا الملاك.....هذا الكياني النوراني ....
اداعب خده ....وامسك يده  المنمنه بإصبعي  .......أحمله برقه لأتأمله  اسأل أختي " هو لية مش بيفتح عيونه "
كنت أحمله وأنا خائفة جدا ولكني مشتاقة لذلك الاحساس الذي  لا يضاهيه احساس اخر ...... الامومة 
وقتها تذكرت أن مهما فعلت مع أمي لن أوفيها حقها أبداااا.....
لا يكفي أن  يكون يوم فقط  نحتفي بها بل ان كل يوم لا يكفي ....ولا كل ساعة ولا كل دقيقة ......
دعونا مع كل نفس نتنفسه ندعو لأمهاتنا جميعا  بكل دعوات محببة بكل ما في قلوبنا نحوها من حب واجلال وتقدير ومودة 
" أحبك أمي  وأعرف أنني كثيرا ما أظلمك معي ...ولكني دوما أحاول أن أكون كما تريدين  ..."

1
                                                         الصورة دي من عند فاتيما

كل سنة وكل أمهاتنا بكل خير وسعادة
كل سنة وكل ماما ف بلوجر بخير  وسعادة ..... حبيبتنا كلنا " فاتيما "
ماما  شموسة " شمس النهار "
ماما الغالية " ليلي الصباحي "
وإلي  كل الــ ماما الصغيرين الحلوين .....نهي صالح.....شيرين سامي .....و... مارو قلب القطة ....وشيمو .... وكل مامات بلوجر وعقبال كل بنوتات بلوجر " قولوا آمييين "
2
عملنا حفلة ف المدرسة" التي اعمل بها " بمناسبة عيد الأم  وكانت حفلة رااائعة فعلا ...ساعدت في تنظيمها قليلا 
والحمد لله كرمنا ثلاث أمهات  يستحققن بجدارة لقب الام المثالية .....
حتي أنهن مختلفات في كل شيء  ولكنهن يتفقن في شيء ....." فهناك العاملة " وهناك المعلمة وهناك ولية أمر طالبة بالمدرسة يتيمة الاب 
كنت اتمني أني اجيب لكم الصور بس للأسف لسة منزلوهاش علي جروب المدرسة 
بس كان يوم جميييييييييييل جداااا
3
في كل عيد أم كان يقول لها " كل سنة وأنت احل واجمل وارق ماما "
في كل عيد أم كان يذكرها دوما أن " لازم أول مولود لنا يكون بنت عشان تكون شبهك "
في كل عيد أم كان يقول لها " انا متأكد ان ماما كانت هتحبك أووي .....الله يرحمها ويقرولها الفاتحة هما الاتنين "
في كل عيد أم كان يتعامل معها  بكونه طفل مدلل متعلق بأمه
في كل عيد أم كانت هديته قبلة وحضن لم تنساهم أبداااااا

كل سنة وكل أم بخير وسعادة :)
ومفيش ماما من بلوجر تزعل لو مقولتش اسمها بس عندي زهايمر الايام دي 
بس مش حد يقول بحب :(
وشكرا للعزيزة ليلي الصباحي لدعوتها الكريمة للتدوين عن هذا اليوم بحبك ماما ليلي

هناك 10 تعليقات:

  1. كلامك جميل ومعبر عن اللحظة من وجهة نظر الأخت الطيوبة الجميلة إللى زيك كان نفسى يبقى عند أولادى خالتو حنينة زيك كدة .. بس أنا مليش إخوات بنات :( ما علينا
    وصفك للنونو جميل وممتع بس ده مش معناه إنى ممكن أتاثر وأفكر اجيب نونو تالت , لا تلدغ الأم من طفل 3 مرات كفاية إتنين الحمد لله ربنا يحفظهم ويبارك فيهم مظبطتنى على الآخر

    ردحذف
  2. بوست جميل يارحاب
    وكل سنة وكل الأمهات بخير
    وحمد الله علي سلامة أختك
    يتربى في عزهم ان شاء الله

    تحيـــــــــاتي
    كانت هنا ورحلت
    Asmaa Fathy

    ردحذف
  3. حبيبة قلبى انت يارحاب


    قبل اى كلام اقولك مليون مبروووووووووك المولود الجديد انبته الله نبات حسن وبارك فيه وجعله من الصالحين
    ماشاء الله عليه وعلى جماله ربى يخليه لابوه وامه ولرحاب الجميلة :) ويارب عقبال ماتبقى ام حبيبة قلبى :)

    وكل سنة وكل الامهات بخير وسعادة وصحة وستر وعافية وكل شىء جميل :)

    سعيدة انك لبيتى الدعوة ...ماشاء الله بوست زى السكر وخفيف ومن القلب وبمنتهى العفوية ..أسأل الله ان يمن على امنا الطيبة مصر بالسلام والهدوء ونرتاح شوية من هم السياسة ...
    كل عام وكل الامهات بخير واشكرك اختى الحبيبة
    تحياتى لك بحجم السماء

    ردحذف
  4. هبتدى من الاخر
    امييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين
    يارب مل البنوتات

    حمد الله على سلامة اختك
    و تعيشوا و تشفوه و هو متلحوس و عريس

    كل سنة و كل الامهات بخير

    تحياتى

    ردحذف
  5. كل سنه وانتي بالف خير وصحة وسعادة

    ربنا يكرمك ويخليكي شكرا ياغاليه

    وعقبال مااجي هنا واقولك كل سنه وانتي طيبه يااصغر ماما

    سبحان الله لو الام بتفتكر الم الحمل والولادة ماكانتش خلفت تاني
    لكن ده الالم اللي بيتبعه فرح واضيف انبهار
    لماانجبت ابنتي الاولي انبهرت بها جدا كيف خرج هذا الكائن الناعم الجميل مني:)

    الف مبروك ليكي ياخالتوا ومبروك لأختك وعقبال كل بنات بلوجر:)

    ردحذف
  6. المقدمه الخاصة بولادة ابن اختك كنت موفقه تمام التوفيق فى الدخول الى احتفالية عيد الام
    وهذه هى براعة الكاتب فى تآلف وتمازج الموضوعات بما يجذب القارئ الى تتابعها وملاحقتها دون ملل او كلل
    وفقت ايما توفيق يا رحاب

    ردحذف
  7. الأمومة شعور حلو جداً ... كويس انك قدرتي تجربيه من خلال اختك ... بس عارفة هو مخيف برضو ...

    ربنا يخليه ليكم ويحرسه ويوفقه لكل خير وان شاء الله يكون من عباد الله الصالحين يااا رب ...

    حبيت كلامك اوووي بجد

    ربنا يخليلنا امهاتنا ويوفقهم لكل خير ...

    حبيت اسجل اعجابي هنا :)

    ردحذف
  8. وانتى طيبة يا بنفسج بيبهج
    يا حبيبتى
    عاجزة بجد
    عن الكلام
    http://ak9.picdn.net/shutterstock/videos/2402528/preview/stock-footage-girl-sent-air-kiss.jpg

    ردحذف
  9. مبروك لك ولأختك رحاب
    ولا أجد إلا أن أقول كذلك كنا فمنا الله علينا.
    الحمد لله على كل نعمه تعالى

    تحية طيبة

    ردحذف
  10. باسم الله ما شاء الله تبارك الله أحسن الخالقين
    ربنا يبارك فيه ويحفظه وأولادنا جميعاً من كل سوء اللهم آمين
    وعقبالك بإذن الله

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين