0
الدراسة خلاص علي الابواب ...
الشغل ف المدرسة اكيد كتير جدااا
مبسوطة برغم اني هصحي من بدري اووي وهخرج ف عز الحر
بس مبسووووطة جدااا
مبسوطة اني هشغل نفسي من التفكير ف حاجات كتير في الشغل ...
والله الشغل له فوايد كتير وانا مش عارفة .. :)1
حاجات كتير اتغيرت ف الشغل ...
ناس اخدت اجازة
وناس اتجوزت
وناس هتتجوز
وناس سابوا المدرسة ومش راجعين تاني
بس علي الاقل لسة المجموعة بتاعت الشغل فيها نفس الروح الحلوة
ويارب تكون سنة دراسية سعيدة علي الجميع
1
اشتريت موبايل جديد :)
هو بالنسبة لأيدي كبير شوية ..بس للأسف ده اصغر موبايل لقيته ف السنتر :( " ايموشن متغاظ "
أجمل حاجة فيه انه مفيهوش ولارسالة من راسيلي القديمة
وان مفيش ولا رقم عليه ...ههه
بس ارقام انا حافظاها زي ارقام اخواتي
عشان كدة قلت مش هطلب من اي حد رقمه ....
لان الي عايزني اكيد هيتصل ...
والا مش عايزني .....
انا كمان مش عايزاه ....
2
مش حكاية ان حظك وحش وانك منحوس انك تفضل رايح جاي بأوراقك زي فيلم قص ولصق
ويقولولك ...... بكرة ..... بعده..... الاسبوع الجاي .... الشهر الجاي
ومرة واحدة تلاقي الحظ ...ضرب معاك والاوراق ثم قبلولها واتمضت واتختمت وخلصت خلاص ...: ) هاااااه
وشك حلو يا زوزو عليا ....
ده القدر ...ربنا كتبه لينا واحنا علينا نسعي ...وننفذ الي علينا ....
3
ان كل الناس تشوفك غير ما انت شايف نفسك
ده احساس بيخليك تتجنن
بس خليك انت ...انت زي ما انت
وبلاش تخللي كلام الناس ....
يحبطك
4
علي فكرة يا ميس ...انا هلعب مباراة مهمة كمان اسبوعين ...لو بعت لك دعوة هتيجي تحضري المباراة وتشوفيني وانا بلعب ...؟
قالهالي وهو متردد " يا تري هقبل والا هرفض ".......عشان عارف طبعي بفكر كتير قبل ما اقول ردي ...
بفكر ازاي ان المراهقين حاجة من اتنين " منتبهين لدراستهم اووي " دحاحين يعني "
يا أما " ناسين الدراسة خالص ومركزين ف موهبتهم الرياضية " فاشلين دراسيا يعني ..."
طيب لية مفيش الاتنين مع بعض ...؟
فاكرة اني شوفت فيلم اجنبي بيتكلم عن نفس المشكلة و الي عالجها بطل الفيلم بطريقة قاسية لكنها كانت نافعة جدااا اسم الفيلم " كابتن كارتر " لدنزل واشنطون ان لم تخني الذاكرة ...
احنا لية مش بنفكر بالشكل ده ....
انا بفكر كتير ف مشكلة كل الطلاب الي بالشكل ده ...ومش عارفة يا تري مستقبلهم هيكون اية " ربنا يستر "
5
حاجة غريبة اوي الايام دي كل ما حد يسلم عليا يقولي " صوابعك رفيعة اووي "
كنت بضحك دايما لما اخواتي يقولولي كدة ان صوابعي رفيعة اوووي
لكن لما كنا ف البحر واتصورت مع ولاد اخواتي اكتشفت من الصورة ان فعلا صوابعي رفيعة اوووي
عادي يعني مفكرتش ف الموضوع كتير
عادي يعني لما صاحباتي يقولولي كدة عادي
لكـــــــــــــــــــــــن
ان اكون بعمل شغل واجي اكتب طلب لمدير القسم المختص ياخد مني الورقة والقلم ويقول لصاحبتي الي معايا " اكتبي انت ...دي صوابعها هتنكسر بعد حرفين تكتبهم ... "
الصراحة ساعتها كنت هعمل مشكلة بس قلت خليني اخلص شغلي وامشي احسن ...
مع اني بردو مش شايفة صوابعي رفيعة للدرجة دي
6
في كتير من الاصدقاء بيشتكوا انهم مش عارفين يكتبوا
والظاهر انها حالة اكتئاب جماعي ....
عن نفسي الجو العام مش مخليني عارفة اكتب اي حاجة وكل ما اجي اكتب الاقيني بكتب كلام مش مفهوم ومش مرتبط ببعضه عشان كدة قلت لنفسي متكتبيش غصب عنك ...والكتابة هتيجي هتيجي
فــ ياريت محدش يضغط علي نفسه ويكتب اي كلام وخلاص
الكتابة دي وحي ....والوحي مبيجيش الا وقت معين ...ومتتحايلوش عليه يجي ...عشان هو مش بيحب المحايلة ..:)
7
هي " شوفي يا ستي انت اخوان عشان كدة مش هشتري منك "
هو " يا عم انت سيسي ...انا مش هبيع لك ..."
هي " انا محايدة ....ينفع اشتري وابيع ....؟! والا ده مش من ضمن تفكيرك انت وهي "
الحياة اصبحت كشري ....
رحاب
ردحذفأنتى عرضتى لمقتطفات جميلة جدا وخصوصا ان فيها جانب من حياتك الشخصية
يعنى الدراسه انا مش عارف ليه عمرى مكنت سعيد انها بدات يمكن لانى بحب الأجازه أكتر بس عمرى مغبت من المدرسة الا للظروف القسوى
الموبايل دلوقتى الناس بتدور على الكبير علشان الشاشه والكلام ده مع ان الصغير اشيك بس فيه موبايل قد صباعين فى الأيد بس لو دورتى هتلاقيه
وبالنسبه للكورة وعلاقتها بالدراسه الكوره زمان كانت رياضه دلوقتى بقت حياة أو موت فلو أخدناها من منطق الرياضه يبقى تركها غلط لانها رياضه والغسراف فيها غلط لو كنا بندرس
ولو اتكلمنا عن اى شسئ فى شكلنا ايا كان فنحن فى النهايه خلق الله فإذا عاب أحد فى خلق الله يكفى ان تساليه سؤال واحد هل تعيب فى الخلقه أم الخالق مع ان الصوابع الرفيعه ميزه فى البنت
والى بيكتب فى عالم التدوين فى الغالب بيكتب لما بيحب ده أو أحيانا ممكن ينقل حاجه عجبته أنا احيانا بعمل كده المهم غنه يكتب حاجه ليها لزمه أو ليها معنى
والحياة السياسيه مش اخوان وفلول وانقاذ والكلام ده للأسف باقى لينا كتير لكى نفهم معنى السياسه فالسياسه تمارس تحت قبة البرلمان وفى القصر الرئاسى والوازرات والسفارات والمنشات العامه وبمجرد خروج الأشخاص منها فليس لها تاثير على حياتهم الشخصية ليس عيبا ان تكون مع راى ولكن العيب أن تكره شخص لانه مخالف لرايك
أتمنى من الله أن تدوم اطلالتك بموضوعات جميلة مثل ما تعرضين دائما فى هذا المنزل الرائع مدونة رحاب صالح
تحياتى لكى ...وأعتذر للإطالة
كل سنة و انتى طيبة
ردحذفو مبروك عليكى الموبايل
ماشية معاك يا عم
عجبني موضوع الموبايل دا.. وبافكر أعمل كدا
ردحذف