الأربعاء، 25 سبتمبر 2013

شخابيطي .....13

0

الشباك ده  بيدل علي حالتي تمام بهذه الايام
مزهر ومفرح   ومستني بشوق  حاجات كتير حلوة ان شاء الله 
بس بنفس الوقت قافل الازاز ...يعني لسة بيفكر  بعد ما فتح الشيش  وهو ورا الازاز ده ....
يفتح  الازاز  والا يستني شوية
@_ @

دراسة تاني ....
طيب  حاجة بعيدة عن كل الناس اللي بتضايقني
عايزة اكون لوحدي ...
اخترت قسم  بعيد عنهم
قسم  وتخصص صعب ....
اوك مفيش مشكلة انه صعب هذاكر ... ان شاء الله من البداية هذاكر
وهستعد من أول يوم عشان يكون تقديري العام افضل من العام الماضي
1
اختاري حاجة واحدة بس .....
" علم اجتماع " 
" تربية دولية "
" بناء المقاييس النفسية "
" سيكولوجية الشخصية "
مش عارفة اختار ....ايموشن محتار 
طيب ناخد رأي احمد  اخويا ...." علم اجتماع _ سيكولوجية الشخصية " 
 لسة محتارة ....
زميلي قال " خدي سيكولوجية الشخصية  ....هي  دراستها  حلوة ...
لسة محتارة ....
الصراحة انا  نفسي ادرس الثلاث مقرررات بس للأسف مينفعش ....ايموشن متغاظ
بس واضح اني  هاخد ف الاخر سيكولوجية الشخصية ....
 2

القاهرة 
اسكندرية 
القاهرة 
اسكندرية
القاهرة 
اسكندرية 
القاهرة 
اسكندرية 
زي الوردة الي بتقطع منها  ورقها عشان تختار .....
خلاص القدر هو الي اختار ....
اسكندرية  هو الاختيار ....
وهو احسن اختيار ...ان شاء الله 
ايموشن ..مش زعلان 

3

هو " اخبارك اية  "
هي " الحمد لله .... عندك وقت تسمعني ...
هو " طبعا عندي ولو معنديش اخلق  الوقت عشانك ....
هي " شوف يا سيدي ....عندي مشاكل ف الشغل ومشاكل ف البيت ومشاكل شخصية  و...و....و....."
هو " اية ده كله اية ده كله ....طيب سؤال لو سمحتي يا حبيبتي ...
هي "....؟؟؟؟ 
هو " انت يعني بتقوليلي المشاكل دي عايزة حلول ....والا من باب الفضفضة وبس ....؟؟؟
هي ....عمري ما قلت مشكلة عشان عايزة حل ....لاني بفكر كويس ف كل مشكلة وبلاقي حل بفضل الله  بس ...مشكلتي الاساسية اني بحكي كتير كل المشاكل ومش بقول المشكلة الرئيسية الي بتطير النوم من عيني .....عشان انت عارف اني عمري ما بحكي الي جوايا ...عرفت اني مش عايزة حلول ......انا بس  بفض فض 


هناك 8 تعليقات:

  1. المهم أنتى عايزه ايه أنتى لاقيه نفسك فى ايه ايه الى تقدرى تدرسيه أحسن
    وبالنسبه للقاهره واسكندرية الأقرب ليكى طبعا
    وربنا يحققلك كل أمنياتك

    ردحذف
    الردود
    1. انا من البداية كنت محددة التخصص لكن كنت محتارة ف الاختياري بس في زميل ساعدني
      ومطمنة ان كل الناس الي ضايقتني السنة الي فاتت مش هتكون معايا السنة دي
      بالنسبة للقاهرة واسكندرية كنت بفضل القاهرة لاسباب كتير بس لسبب انها بعيدة عني اهلي مش موافقين بالمسبة لاسكندرية قريبة مننا جدااااا عشان كدة قررت خلاص ان ان شاء الله هاخد الماجستير من هناك ...دعواتكم

      حذف
  2. هههههههههههههههههههههههههه رائعة ودمك خفيف

    ردحذف
    الردود
    1. ههههههههه لا مش خفيف اوووي
      بس نص نص ...
      ميرسي ^_^

      حذف
  3. انا كمان اوقات كتير بكون محتارة وخايفة في نفس الوقت بس الفرق بيني وبينك اني مابلاقيش حد ممكن افضفض معه .. عارفه المشكلة مش في وجود الشخص اللي هيسمعك وتفضفضي له المشكلة في مين هو الشخص المناسب واللي بنرتاح له عشان نفضفض له .. مسألة معقدة خصوصا لو كنتي لوحدك في الحياة لو حسيتي بغربة والناس حواليكي ..شيء صعب الاحتمال .. دايما بسمع للناس ولما بفكر احكي بلاقيهم مش هنا مش عايزين يسمعو مش مهتمين يسمعوا .. الاهتمام شيء مايطلبش من حد عشان كدة في الاخر بفضفض مع نفسي او في المدونة بتاعتي بعتبرها هي اللي بقيالي هي الصادقة معايا بجد ... معلش طولت عليكي بس كلامك خلاني افضفض بجد :)

    ردحذف
    الردود
    1. اهم شيء ان يكون عندك ثقة ف الشخص الي بتفضفضي معاه
      وانا للأسف معنديش ثقة ف اي شخص
      مش معني كدة ان كل الناس وحشين لاء
      بس شيء اتعودت عليه من صغري اني مش بعرف احكي لحد مشاكلي والا اني اعطي ثقتي لحد
      الان عندي مدونتي افضفض فيها واكتب كيفما اشاء بتورية او غموض ...يكفيني فقط ان اعرف انني قلت لنفسي ما اريد
      وانت مطولتيش ولا حاجة ....هي يعني المدونة معمولة لية ....ما هو عشان الكلام
      نورتي حياتي لكن مش حرة فيها ومساءك بنفسجات

      حذف
    2. تفتكري ان اختيار الشخص المناسب اللي ممكن نعطيه ثقتنا محتاج مننا مجهود كبير عشان نضمن انه هو فعلا الشخص المناسب ولا في ظروفنا دي بقي صعب ان هي حد يكون مناسب رغم ان الغالب فيهم بيكون مرتدي قناع التقوي والالتزام والعلم تفتكري دول كفاية ولا التجارب تظهرة لينا بمعني اننا لازم نعمل له تجارب كتير عشان نعرف هيكمل معانا ولا دي حاجة منقدرش نحسب لها ؟

      حذف
  4. والله بالنسبه للشباك فشكله جميل لكن حكاية انك تفتحي الازاز ولا تخليكي وراه تستمتعي بالحظة ده يرجع مش لاحساسك فالاحساس احيانا يكون خادع فكثير من الاحيان تتعطل جميع حواسنا او بمعني اخرتصبح عبده للمشاعر تشعر وتري وتحس مايمليه عليها القلب فيحدث شلل للعقل عن استيعاب حقائق قد تكون بديهيه ولذلك فانا ادعوك للتريث قبل فتح الازاز واستمتعي باللحظة دي وفكري في كل تبعات فتح الازاز من دخول الاهواء العليل او دخول التراب الكثيف
    لك تحياتي
    مدونتي جديدة فزوروها واتركوا بصمتكم ايما كانت فيها
    http://hazarefsos.blogspot.com

    ردحذف

يا بخت من يقدر يقول واللي ف ضميره يطلعه, يا بخت من يقدر يفضفض بالكلام وكل واحد يسمعه....الله يرحمك يا صلاح جاهين