في يوم وانا راجعة من الشغل وداخلة البيت علي اخر نفس لقيت اخواتي الاتنين في مناقشة حامية الوطيس زي ما بيقولوا وكانت عن السيدة الاولي ولمن لا يعرف فإن لقب السيدة الاولي لقب انتقته السيدة جيهان السادات لنفسها بدعوي انها سيدة مصر الاولي زوجة رئيس البلاد .....
وكانتا اخواتي الاتنين بيتكلموا عن زوجة الرئيس مرسي وزوجة الرئيس القادم السيسي اختي عبير كانت مصممة ان زوجة مرسي متنفعش تكون السيدة الاولي لان لبسها مينفعش تقابل بيه الرؤساء ولا زوجاتهم لانها هتظهر لهم اننا مبنعرفش نلبس ولا نعرف حاجة ف الموضة وهتخليهم يقولوا علينا اننا ناس جاهلين مش بس رجعيين ومتزمتيين جدا
شيرين كانت شايفة العكس ان زوجة مرسي مثال للزوجة المتدينة ومش عشان هتقابل رؤساء دول يبقي لازم تكون بشعرها ولبس عريان
عبير قالت ان زوجة السيسي كانت لابسة حجاب وبرغم ذلك كان لبسها شيك جدا برغم انها مش زوجة رئيس البلاد لغاية الان وهي بتظهر المرأة المصرية بشكل كويس جدا بعكس صورة زوجة مرسي
وبالتأكيد ان الجميع تناول صورة زوجة السيسي وقارنها بصورة زوجة مرسي واحتفت بها علي الفيس بوك وعلي جميع المنتديات
وسواء كانت المقارنة منصفة او مجحفة أو من قال انها ليست صورة زوجة السيسي وما إلي ذلك .....أحب أن أقول شيء وأنا أنبه أكثر من مليون مرة علي مدونتي وعلي الفيس أنا لست مع أو ضد حزب أو فصيل معين ...ولن أكون أبدا ...أنا فقط لي رأي الحر
من رأي أن زوجة الرئيس مهما كانت معروفة او غير معروفة قبل أن تكون السيدة الاولي فإن الاعلام العربي والغربي سيضعونها تحت المجهر ويبحثون عن كل ما يخصها وليس فقط صورها القديمة والجديدة ويقارنون بينها وبين السيدات الاول في كل الدول ...
لذا فهي لن تمثل نفسها هنا بل ستمثل دولة بأكملها وليس نساءها فقط ...
أنا لا اقول هنا اخلعي حجابك بل بالعكس تمسكي به ولكن اظهري الحجاب بأحسن صورة ممكنة فلا تنسي أنك بهذا تعلي صورة الحجاب والاسلام أظهري ملابسك المحتشمة بأناقة ورقي واذا كنت لا تعلمين كيف تظهرية فما أكثر بيوت ازياء المحجبات في مصر فأنت وحتي ان كنت ترفضي لقب السيدة الاولي فأنت تمثلين الدولة ولابد أن تكوني قادرة علي تمثيلها بمهارة ونجاح
وعايزة أذكر هنا ان احنا كبشر بنحكم علي البشر من خلال مظهرهم حتي ولو بشكل اولي او انطباع اولي وخصوصا الستات فما بالك ان تكون تلك السيدة هي زوجة الرئيس ....!!!
روعه الكلمات وروعة التعبير دائما
ردحذفالسيده الأولى هو لفظ مجازى فزوجة اى رئيس قد تمثل بلدها فيما تفعله لبلدها وليس لكونها زوجه للرئيس فقط
اى زوجة رئيس لا تستحق لقب السيدة الأولى الا اذا كانت حقا السيدة الأولى فى نشاطها وحبها لبلدها ومجتمعها
تحياتى
صدقت يا رحاب بقولك البالغ المقنع اننا نحن كبشر نحكم من خلال مظهرهم حتى ولو بشكل اولى فما بالك ان تكون تلك السيده عى زوجة الرئيس
ردحذفانا شايق يا رحاب ان المظهر مهم على الا يكون مبهرا كما لا يكون مبتذلا
تدوينه جذابه كصاحبتها
طبعا الجوهر اهم من المنصب
ردحذفلكن فى اشياء بتبقى مهمة و مناصب لابد من المظهر فيها
الفنادق و البنوك و الاوتيلات و فوق البيعة الخارجية و رئاسة الجمهورية
بصراحه فكرت كتير واحتارت قبل ما ارد على موضوعك يارحاب
ردحذفلكن مفهوم الحجاب بيختلف عند كل ست
مثلا زوجه مرسى كانت مقتنعه تماما ان ده حجابها الشرعى المتدين وانها مثلا لو فكرت انها تلبس طرح ملونه ومزركشه او عبايات بتلمع ومطرزه وتلبس اكسسوارات ان ده نوع من الزينه الغير مباحه للمسلمه انها تتزين للناس ولكن التزين بيكون فى البيت
لكن واحده تانيه تقول لاء انا احب اخرج فى كامل زينتى وتلبس كل ما هو ملفت للنظر وتلبس اكسسورارت ملفته جدا ومع ذلك محجبه وهى مقتنعه ان ده عادى
المهم انى اختلف مع اختك عبير وانا متفقه جدا مع شيرين وعجبنى رايها جدا
على فكره انا برضه زيك مش بنتمى لاى حزب معين ولا مع دول ولا مع دول انا نفسى ربنا يصلح حال مصر